Dünyada koronavirusa yoluxanların sayı 2 160 207-yə çatdı
Dünyada koronavirusdan ölənlərin sayı artaraq 146 088 nəfərə çatıb.

Avrasiya.net xəbər verir ki, bu barədə Ümumdünya Səhiyyə Təşkilatı məlumat açıqlayıb.

Məlumata görə, son bir sutkada dünyada koronavirusa yoluxanların sayı 85 678 nəfər, ölənlərin sayı isə 6 710 nəfər artıb.

İndiyədək dünyada 2 160 207 nəfər COVID-19 infeksiyasına yoluxub.

ABŞ şokda: Sutkada 4 minə yaxın insan öldü
ABŞ-da yeni tip koronavirusdan sutkada 3 min 800 nəfər ölüb.

Axar.az xəbər verir ki, bununla ölkə üzrə pandemiyadan həyatını itirənlərin sayı 37 min 86-ya çatıb.

Eyni zamanda, ABŞ-da son 24 saatda 35 min 354 nəfər virusa yoluxub. Ümumilikdə, yoluxanların sayı 706 min 779 nəfərə yüksəlib. İndiyə kimi 59 min 672 xəstə isə sağalaraq evə buraxılıb.
Böyük Britaniyada koronavirusdan ölənlərin sayı 15 mini ötdü
Böyük Britaniyada yeni növ koronavirusdan daha 888 nəfər dünyasını dəyişib, ölənlərin ümumi sayı 15 mini ötüb.

Modern.az "TASS"a istinadən verdiyi məlumata görə, bu barədə Böyük Britaniyanın Səhiyyə Nazirliyindən bildiriblər.

Məlumata əsasən, son sutka ərzində koronavirusa daha 5,5 min nəfər yoluxub, yoluxanların ümumi sayı 114 mini ötüb: "Analiz götürülən 357 023 nəfərdən 114 217 nəfərdə koronavirus aşkarlanıb. Aprelin 17-si saat 17:00 üçün 15 464 nəfər koronavirusdan dünyasını dəyişib".
İŞİD liderlərindən daha biri öldürüldüİŞİD-in hərbi məmuru olduğu iddia edilən Evi Hafsa adlı terrorçu Bağdadın şimalında ölü ələ keçirilib.

Bu barədə İraq ordusuna bağlı Bağdad əməliyyatlarının rəhbərliyindən açıqlama verilib.

Bildirək ki, İŞİD terrorçuları 2014-cü ilin iyun ayında Mosul, Səlahəddin və Ənbər vilayətlərini, həmçinin Kərkük vilayətinin isə bir qismini ələ keçirib. Daha sonra sözügedən bölgələr əməliyyatlar nəticəsində terrorçulardan geri alınıb.

İraqın keçmiş baş naziri Heydər əl-İbadi 2017-ci il dekabrın 9-da İŞİD-ə qarşı qələbə qazandıqlarını açıqlayıb. Lakin terrorçuların bölgədən çıxarılmasından üç il keçməsinə baxmayaraq, onlar məhz həmin ərazilərə hücumlara davam edirlər.
“ABŞ-da koronavirusdan 60-65 min insan öləcək” - TrampABŞ prezidenti Donald Tramp COVİD-19-la mübarizə çərçivəsində təşkil olunan mətbuat konfransında gündəmi dəyərləndirib.

Yenisabah.az xəbər verir ki, Tramp açıqlamasında tunelin sonunda təməlim sonunda hələ də işıq olduğunu vurğulayıb: "Gördüyümüz tədbirlərlə bəlkə də milyonlarla insanın həyatını xilas etdik. Yaxın zaman ərzində virus səbəbilə 100-240 min nəfər insanın ölməsi gözləyirdik, lakin artıq ölüm hallarının 100 mindən aşağı olacağını proqnozlaşdırırıq. Təxminən 60-65 min insanın öləcəyi ehtimal olunur. Düşünürəm ki, epidemiyadakı artış başa çatıb".
Dünyada koronavirusdan ölənlərin sayı 150 mini ötübDünyada koronavirusa yoluxanların sayı 2214861 nəfər, ölənlərin sayı isə 150948 nəfərdir.

Bu barədə Dünya Səhiyyə Təşkilatının məlumatında bildirilib.

Qeyd olunub ki, İngiltərə 24 saat ərzində 847, Fransa 761, İtaliyada isə 575 nəfər dünyasını dəyişib.

Afrika qitəsində koronavirusun daha çox yayıldığı Əlcəzair, Misir, Mərakeş və Cənubi Afrika ölkələrində artıq 1000-dən çox insan ölüb.

ÜST-ün Baş direktoru Tedros Adhanom Gebreyesus bildirib ki, son bir həftə ərzində Afrikada ölüm halların sayı 60% artıb. Onun sözlərinə görə, test dəstlərinin alınmasında yaşanan mövcud problem həqiqi ölüm saylarının daha yüksək olması ehtimalını ortaya qoyur.
Şok olay: Evə raket düşdü, prezidentin mühafizəçisi öldüAfrika ölkəsi Çadda yanlışlıqla qırıcıdan evə raket mərmisi düşüb və nəticədə 5 nəfər həlak olub.

Axar.az xəbər verir ki, hadisə Xamena şəhərində Fransaya məxsus aviabaza yaxınlığında baş verib.

Ölən şəxslər general və onun ailəsidir. Sözügedən general prezidentin mühafizəsini təşkil edən komandada yer alırdı.

Partlayış nəticəsində ətrafdakı evlərə də zərər dəyib. Dağıntılar altında insanların qaldığı ehtimal edilir.
Almaniya şokda: Koronadan bir gündə 300-ə yaxın insan öldüAlmaniyada sutka ərzində yeni tip koronavirusdan 299 nəfər ölüb.

Axar.az xəbər verir ki, ümumilikdə ölkə üzrə pandemiyadan həyatını itirənlərin sayı 4 min 52 nəfərə çatıb, 137 min 698 nəfər isə virusa yoluxub.

Bununla Almaniya pandemiyaya yoluxma sayına görə 5-ci yerdə qərarlaşıb.

Qeyd edək ki, ötən gün ölkə üzrə koronadan 315 nəfər ölmüşdü. Bu da Almaniyada təşvişə səbəb olub.
“Epidemiyanın pik həddi iyun-iyul aylarında olacaq” - Bədbin proqnoz
"Rusiyada koronavirusun yayılmasının pik həddi iyun-iyul aylarında olacaq".

Yenisabah.az Rusiya mediasına istinadən xəbər verir ki, bu sözləri həkim-infeksionist Nikolay Malışev deyib.

İnfeksionist Rusiyada bir çox ekspertlərin bu fikirdə olduğunu qeyd edib:

"Rəqəmlər nə qədər əhəmiyyətli olsada, qorxuya salmamalıdır. Hər gün yoluxanların sayı daha da çox olacaq. Ölənlərin sayı da artacaq”.