ABŞ bu şəxsin yerini deyənə 5 milyon verirABŞ Dövlət Departamenti Venesuela kriptovalyutası olan petronun kuratoru Xoselita Ramires Kamaço barəsində məlumat üçün mükafat təyin edib.

Axar.az xəbər verir ki, bu bəyanatı ABŞ Dövlət katibi Mayk Pompeo yayıb.

O, Kamaçonun həbsinə yardım edə biləcək məlumat üçün ABŞ-ın 5 milyon dollar ödəyəcəyini deyib.

Pompeo bu şəxsin transmilli cinayətkarlıqda ittiham edildiyini söyləyib.
Rəsmən açıqlandı: İŞİD-ə qarşı əməliyyat başladıİraqın Baş naziri Mustafa Kazıminin göstərişi əsasında Kərkükün cənub-qərbində İŞİD-ə qarşı əməliyyat başladılıb.

Axar.az xəbər verir ki, bunu İraq Silahlı Qüvvələrinin sözçüsü Yəhya Rəsul deyib.

O bildirib ki, “İraqın qəhrəmanları” adı altında aparılan əməliyyat 5 fərqli istiqamətdə davam etdirilir:

“Əməliyyatın məqsədi ölkədə sabitliyi və təhlükəsizliyi təmin etmək, eyni zamanda, bölgəni İŞİD-dən tamamilə təmizləməkdir”.
Siqaret və spirtli içki aludəçiləri daha diqqətli olmalıdırlar - RİSK QRUPUSiqaret və spirtli içki aludəçıləri özlərini yeni növ koronavirusa yoluxma riskinə məruz qoyurlar.

Bu barədə Moskva Dövlət Tibb Universitetinin professoru Andrey Dyomin “Parlamentskaya Gazeta”ya müsahibə verib.

Mütəxəssisin sözlərinə görə, alkoqol bədənin təhlükəli infeksiyaya qarşı mübarizəsində “ağırlaşdırıcı” rol oynayır. Alkoqolun virusdan qorunma qabiliyyəti barədə təsdiqlənmiş məlumatlar mövcud deyil. Ümumdünya Səhiyyə Təşkilatı siqaretlə bağlı eyni fikirdədir.

“Bir çox siqaret çəkənlərin immun ehtiyatları infeksiyaya yoluxmazdan əvvəl tükənmiş olur. Buna görə də, xroniki xəstələr, yaşlılarla birlikdə siqaret çəkənlər və spirtli içki içənlər də koronavirusa yoluxma baxımından risk qrupuna aid edilə bilər”, - deyə, professor qeyd edib.

Eyni zamanda, mütəxəssis pandemiyanın başlanğıcında siqaret və alkoqolu “qurtuluş və virusdan qorunma” olaraq tövsiyə edənləri kəskin şəkildə tənqid edib:

“İstənilən alkoqol qəbulu ağciyərlərə zərər verir, qaraciyərdə zəruri maddələrin sintezini pozur. Bunlar isə bədəndəki zərərli maddələri zərərsizləşdirməli olan iki “sistem”dir”.

Azərbaycanlı jurnalistin “Pandemiyaya qarşı qlobal mübarizə: nümunəvi Azərbaycan modeli” yazısı İspaniya mətbuatında“Xalq cəbhəsi” qəzetinin əməkdaşı Əli Zülfüqaroğlu İspaniyanın “Tu Voz en Pinares” qəzetində və qəzetin eyniadlı Tuvozenpinares.com saytında “Pandemiyaya qarşı qlobal mübarizə: nümunəvi Azərbaycan modeli” sərlövhəli məqalə ilə çıxış edib. (https://www.tuvozenpinares.com/articulo/economia/lucha-mundial-pandemia-azerbayano/20200526201912025390.html)

Məqalədə Azərbaycanın dünyaya nümunə ola biləcək COVİD-19 pandemiyasına qarşı mübarizəsindən söhbət açılır.

Məqaləni olduğu kimi təqdim edirik:

Dünya gözlənilmədən peyda olmuş təhlükə – COVID-19 pandemiyası ilə mübarizə aparır. Bu xəstəlik inkişaf etmiş ölkələrə belə, ciddi itkilər bahasına başa gəlir. Bununla yanaşı, koronavirusla effektiv mübarizə aparan ölkələr də var. Onların ön sıralarında yer alan dövlətlərdən biri də Azərbaycandır.
Aparılan mübarizəyə baxmayaraq, bir çox ölkədə yoluxma və ölüm halları həddindən artıq çoxdur. Azərbaycanda isə cəmi 3274 yoluxma halı var. Onlardan da 2015 nəfəri sağalıb. Son məlumata görə, ölkədə 1220 aktiv xəstə var və cəmi 39 nəfər bu xəstəlikdən dünyasını dəyişib (statistika hər gün dəyişir). Səbəb əlbəttə ki, Azərbaycanın pandemiya təhlükəsinə verdiyi çevik reaksiyadır. Xəstəliyin yayılmağa başladığı ilk günlərdə qonşu ölkələrlə sərhədlərini bağlayan Azərbaycan bütün dövlət və özəl xəstəxanaları hazır vəziyyətə gətirib, dövlət sturkturları gücləndirilmiş iş rejiminə keçib.

Bundan dərhal sonra prezident İlham Əliyev və birinci vitse-prezident Mehriban Əliyeva əhaliyə çağırışlar ediblər. Bundan başqa, pandemiya nəticəsində zərər görmüş sahibkarlara, həmçinin sıravi vətəndaşlara dövlət yardımı ayrılıb. ÜST-ün tövsiyələrinə ciddi əməl edən Azərbaycan ən müasir standartlara cavab verən tibbi laboratoriyalar alıb, digər təxirəsalınmaz tədbirlər görüb.

Bundan başqa, prezident İlham Əliyev qlobal həmrəyliyə hesablanmış və həqiqətən də müsbət nəticələr verən addımlar da atıb. Bununla, Azərbaycan qlobal pandemiya şəraitində dövlətlər və xalqlar arasında kommunikasiya qurub, körpü yaradıb. Türkdilli Dövlətlərin Əməkdaşlıq Şurasına sədrlik edən Azərbaycan prezidentinin təşəbbüsü ilə aprelin 10-da qurumun videokonfrans rejimində Zirvə görüşü təşkil olunub. Yeri gəlmişkən, Türk Şurası dövlət başçıları səviyyəsində koronavirus pandemiyasına həsr olunmuş Zirvə görüşü keçirmiş ilk beynəlxalq qurumdur.

Zirvə görüşü

Qoşulmama Hərəkatına da sədrlik edən prezident İlham Əliyevin təşəbbüsü ilə mayın 4-də bu qurumun da Zirvə görüşü olub. Hərəkatın Təmas Qrupu formatında təşkil edilmiş toplantı “COVID-19-a qarşı birlikdəyik” adı altında baş tutub. Azərbaycan prezidentinin Zirvə görüşünün keçirilməsilə bağlı təşəbbüsü üzv dövlətlər tərəfindən yekdilliklə dəstəklənib. Qeyd edək ki, Təmas Qrupunda coğrafi təmsilçilik və könüllü iştirak əsasında bütün regional qruplardan olan ölkələr yer alır. Topantıya Avropa İttifaqının rəsmisi də qatılıb.

Bir sözlə, əks qütblərdə olan Qoşulmama Hərəkatı ilə Avropa İttifaqını koronavirus təhlükəsi fonunda məhz Azərbaycan bir araya gətirə bilib.
Bu bir reallıqdır ki, qlobal əməkdaşlığa güclü ehtiyacın duyulduğu şəraitdə dövlətlər, eləcə də bir sıra beynəlxalq və regional təşkilatlar vəziyyətə adekvat reaksiya verə, beynəlxalq həmrəylik istiqamətində zəruri addımlar ata bilməyib. Qlobal liderliyə ehtiyacın yarandığı bu vəziyyətdə belə təşəbbüslərlə çıxış edən prezident İlham Əliyev “özünəqapanma sindromu”nun heç kəsə xeyir gətirməyəcəyini nümayiş etdirərək, ayrı-ayrı qitələrdən müxtəlif siyasi və ideoloji quruluşlara malik ölkələri bir araya gətirməyə nail olub. O, pandemiyaya yalnız qlobal əməkdaşlıq və həmrəylik sayəsində qalib gəlməyin mümkünlüyünü dünyaya göstərib.

Əməkdaşlıq

Beləliklə, Azərbaycan öz təşəbbüsləri və praktiki addımları ilə dünyada həmrəyliyin möhkəmlənməsinə, indiki mürəkkəb şəraitdə dövlətlər və xalqlar arasında təmasların artmasına, qlobal pandemiya ilə mübarizədə səfərbərliyə ciddi töhfələr verib.

Bundan başqa, Azərbaycan koronavirusla qlobal mübarizəyə dəstək olaraq, ÜST-ə 5 milyon dollar könüllü maliyyə yardımı da ayırıb. O, bunu pandemiya ilə mübarizədə yardıma ən çox ehtiyacı olan Qoşulmama Hərəkatı üzvlərinin dəstəklənməsi məqsədilə edib.
ÜST-ün baş direktoru Tedros Adhanom Qebreyesus prezident İlham Əliyevə martın 23-də ünvanladığı məktubda Azərbaycanın pandemiya ilə mübarizədə gördüyü işləri yüksək qiymətləndirib, bu mənada Azərbaycanı nümunəvi ölkə adlandırıb.

Həqiqətən də, prezident İlham Əliyevin rəhbərliyilə görülmüş qabaqlayıcı tədbirlər nəticəsində bu gün koronavirusla ən effektiv mübarizə aparan ölkələrin sırasında Azərbaycanın adı birincilər cərgəsində çəkilir, onun bu fəaliyyəti beynəlxalq səviyyədə təqdir olunur. Konkret olaraq, sosial-iqtisadi sahədə atılmış addımlar dünyanın aparıcı maliyyə qurumları, o cümlədən Avropa Yenidənqurma və İnkişaf Bankı tərəfindən yüksək qiymətləndirilir.

Koronavirus pandemiyasının yaratdığı vəziyyət göstərir ki, dövlətlərarası münasibətlər sistemi daha ədalətli olmalı, münasibətlər qarşılıqlı hörmət əsasında qurulmalı, burada təcavüzkarlığa yer olmamalı, qarşılıqlı yardım, bəşəri dəyərlər prioritet təşkil etməlidir. Dünyanı yalnız ədalət xilas edə bilər!
ABŞ-da provokasiya: İğtişaşlar belə başladı - VideoABŞ-da afroamerikalı Corc Floydun öldürülməsindən sonra başlanan qarşıdurmalarla bağlı inanılmaz iddia ortaya atılıb.

Axar.az xəbər verir ki, sosial şəbəkələrdə yayılan görüntülərdə adı açıqlanmayan bir qadın provokasiyanın naməlum 6 ağdərili tərəfindən başladıldığını bildirib.

Qadın bildirib ki, sözügedən şəxslər dinc aksiya keçirən qaradərililəri iğtişaşlara təşviq edib. Qaradərili qadınlar bu vandallığı dayandırmalarını tələb etsə də, onlar məhəl qoymayıb.

Qadın polislərin etirazçılara tətbiq etdiyi zorakılığa da toxunub:

“Polislər əraziyə şəbəkəpozucu aparatlar gətirdi və insanların canlı yayım etməsinə mane oldu. Canlı yayım etmək çətin idi. İnsanların nə baş verdiyini bilmələrini istəmirdilər. Həmçinin polislər insanlara rezin güllələrlə atəş açdı və təcili yardımın əraziyə gəlişinə qadağa qoydu”.
Korona ilə bağlı daha bir şok: bu şəxslər də ölür - VideoYeni tip koronavirusa (COVİD-19) yoluxmuş xəstələrin təxminən 24 faizi keçirdikləri müxtəlif əməliyyatlardan bir ay sonra vəfat edirlər.

Axar.az xəbər verir ki, bu barədə İngiltərənin Birminqem Universitetinin mütəxəssisləri məlumat yayıblar.

"Koronavirusa yoluxmuş bir xəstənin keçirdiyi əməliyyatdan sonra ölüm riski artır", - məlumatda bildirilib.

Qeyd edək ki, elm adamları 235 xəstəxanada əməliyyat edilən 1128 koronaya yoluxmuş şəxsin nəticələrinə əsasən bu qənaətə gəliblər.
ABŞ mətbuatı: Əsəd ən çətin günlərini yaşayırSuriyada Bəşər Əsəd rejimi müharibənin başladığı 2011-ci ildən bu yana ən çətin günlərini yaşayır.

Axar.az xəbər verir ki, bu barədə “Vaşinqton Post” nəşri məlumat yayıb.

Buna səbəb kimi Əsədin qohumu Rami Mahlufla yaşadığı problemlər, ölkə iqtisadiyyatının zəifləməsi və müttəfiqi Rusiyada haqqında tənqidi yazıların çıxması göstərilir.

Həmçinin, Dera əyalətində baş verən yeni iğtişaşların müxalif qüvvələrinin canlanmasına təkan verəcəyi deyilir.

“Vaşinqton Post”a açıqlama verən “Çatham Haus” analitik qurumunun əməkdaşı Lina Xatip Əsədin getdikcə İran və Rusiyanın dəstəyindən asılı vəziyyətə düşdüyünü vurğulayıb:

“Tərəfdarlarını təmin etmək üçün daxili imkanları yoxdur. Artıq əvvəlki kimi də hərbi gücə malik deyil. Bir sözlə həmişəkindən daha zəif vəziyyətdədir”.
Səudiyyə Ərəbistanında koronavirus (COVID-19) sürətlə artmaqdadır.

Ötən gün ölkədə daha 1618 nəfərdə infeksiya aşkarlanıb, 22 nəfər virusun qurbanı olub.

Bununla da Səudiyyə Ərəbistanında koronavirusa yoluxanların sayı 83 384-ə, ölənlərin sayı isə 480-ə yüksəlib.

Qeyd edək ki, Səudiyyə Ərəbistanı COVID-19-a yoluxma sayına görə pandemiyanın vüsət aldığı Çini (83 001) geridə qoyub. modern.az
İsrail ordusu təlim keçəndə də bizi hədəf alır... - Fələstinİsrail əsgərlərinə şübhələndikləri fələstinlini öldürmələri üçün birbaşa və açıq tapşırıq verilir.

Axar.az xəbər verir ki, bu barədə Fələstin Xarici İşlər Nazirliyi məlumat yayıb.

“Eyni zamanda, onlar Fələstin xalqını atış təlimi keçmək üçün hədəf olaraq seçirlər”, - XİN-in məlumatında bildirilib.

Qeyd edək ki, İsrail əsgərləri ötən gün Şərqi Qüdsdə əqli cəhətdən əngəlli olan fələstinli uşağı öldürüblər.