Rusiya təhlükəsi: ABŞ Ukraynaya müşavirlər göndərir
Dərc olunub:
23-11-2021, 09:02
ABŞ Ukraynaya hərbi yardım göndərmək imkanlarını nəzərdən keçirir.
Bu barədə CNN məlumat yayıb.
“Bayden administrasiyası Ukraynaya hərbi müşavirlər və yeni texniki vasitələr göndərmək imkanlarını dəyərləndirir. Bu addım Rusiyanın sərhəddə hərbi qruplar cəmləşdirməsinə cavab olaraq atılacaq”, - bildirilib.
Məlumata görə, Ukraynaya növbəti yardım məsələsi Kiyevin Rusiyanın mümkün hücumları ilə bağlı yaranan narahatlığı fonunda müzakirə edilir:
“Hərbi yardıma tank əleyhinə "Javelin" raketləri, minaatanlar daxil edilə bilər. Həmçinin "Stinger" kimi havadan müdafiə sistemləri müzakirə predmetidir”.
