AB nümayəndələri ilə görüş planlaşdırılır - Taliban

Qətərin paytaxtı Dohada Talibanla Avropa Birliyi nümayəndələri arasında görüş planlaşdırılır.

Axar.az xəbər verir ki, bu barədə Əfqanıstanın xarici işlər naziri vəzifəsini icra edən Əmirxan Muttaki məlumat verib.

"Sabah (bu açıqlama ötən gün verilib - red.) Avropa nümayəndələri ilə görüşəcəyik. Biz başqa ölkələrin nümayəndələri ilə konstruktiv görüşlər keçiririk", - Muttaki bildirib.

Qeyd edək ki, Taliban daha öncə Dohada ABŞ rəsmiləri ilə görüş keçirib.