Kabildə 5-ci partlayış: 90 ölü

Kabildə 5-ci partlayış: 90 ölüKabil beynəlxalq hava limanında kamikadze özünü partladıb.

Avrasiya.net xəbər verir ki, bu barədə yerli jurnalistlər məlumat yayıb.

Partlayışdan sonra koalisiya qüvvələrinin iştirakı ilə atışmanın baş verdiyi deyilir.

***

Kabil aeroportu yaxınlığında ikinci partlayış baş verib.

Partlayış nəticəsində ən azı 13 nəfərin öldüyü, 70 nəfərin yaralandığı bildirilib. Onların arasında uşaqlar da var.

***

Taliban nümayəndəsi Məhəmməd Naim partlayışda İŞİD-in əlinin olmasını istisna etməyib.

O bildirib ki, partlayışı kimin törətməsi ilə bağlı detallı məlumata sahib deyillər.

***

Kabil aeroportunda üçüncü partlayış baş verib.

Terror aktları nəticəsində ən azı 60 nəfər ölüb, 150-i yaralanıb.

KİV-in məlumatına görə, partlayışlar nəticəsində 10 amerikalı hərbçi də həlak olub.

***

Kabildə daha iki partlayış baş verib. Partlayışlarda ölən amerikalı hərbçilərin sayı 12-yə çatıb.

***

Silsilə partlayış nəticəsində ölənlərin sayı 90-a çatıb.

Bu barədə Əfqanıstanı Səhiyyə Nazirliyi məlumat yayıb.