MOSSAD : Vaşinqton Tehranla bu həftə razılığa gələcək

MOSSAD : Vaşinqton Tehranla bu həftə razılığa gələcəkABŞ-ın və digər ölkələrin həftə içində İranla müqavilə imzalaması bizi təəccübləndirməyəcək.

Axar.az xəbər verir ki, bu barədə ABŞ-ın “Axios” xəbər saytı iddia edib.

Məlumata görə, İsrail hərbi kəşfiyyatı və MOSSAD-da çalışan bəzi yüksək vəzifəli məmurlar Vyanada davam edən İran danışıqları nəticəsində ABŞ-ın 2015-ci ildə imzalanan nüvə razılaşmasına qayıdacağını gözlədiklərini İsrail hökumətinə bildirib.

İsrail kəşfiyyat rəsmilərinin Vyana danışıqlarının mümkün nəticələrinə hazırlaşması üçün lazımi məlumatları da Təl-Əvivə çatdırdığı vurğulanıb.

Xatırladaq ki, Vyanada İran nüvə razılaşmasının tam tətbiqi və ABŞ-ın razılaşmaya geri dönməsi ilə bağlı danışıqlar iki həftədir davam edir.