Pakistanla sərhəddə hücum: İran ordusu itki verdi
Dərc olunub:
4-03-2021, 07:14
Ceyş ül-Adl Bəluc qruplaşmasının silahlıları Sistan-Bəlucistan əyalətində İran ordusunun (SEPAH) avtomobillərinə hücum edib.
Avrasiya.net Teleqraf.com-a istinadən xəbər verir ki, hadisə Pakistan sərhədinə yaxın Keşteqan adlanan ərazidə baş verib.
Bəluc milli fəalı Abdulla Arif BBC-yə açıqlamasında bildirib ki, bölgədə reyd keçirən SEPAH-ın iki avtomobili Ceyş ül-Adl təşkilatı yaraqlılarının hücumuna məruz qalıb:
“Silahlı hücumda 5 SEPAH-çı hadisə yerində həyatını itirib, 3-ü isə girov götürülüb”, - deyə o bildirib.
SEPAH-ın Sistan-Bəlucistandakı Qüds Qərargahı bəyanat yayaraq, baş verənləri təsdiqləyib.
Hücum edənlər hadisə yerindən uzaqlaşa biliblər. Onların girov götürdüyü 3 hərbçinin hara aparıldığı məlum deyil.