Bu foto hamımızın ürəyini yandırmağa yetər... - Türkiyə MN

Türkiyə Müdafiə Nazirliyi Ermənistanın Gəncədəki mülki vətəndaşlarımıza qarşı törətdiyi təxribatla bağlı növbəti dəfə paylaşım edib.

Avrasiya.net xəbər verir ki, nazirlik rəsmi Tvitter hesabında dağıntılar altında qalaraq həyatını itirən körpəsini qucaqlayan atanın fotosunu paylaşaraq, dünyaya çağırış edib.

"Ey fərqli dillərdə danışdığımız, fərqli coğrafiyada yaşadığımız insanlıq... Bu balaca körpə gecə yatarkən Ermənistan ordusu tərəfindən ballistik raketlə qətlə yetirildi.

Dilimiz, dinimiz, ölkələrimiz fərqli ola bilər, ancaq bu foto hamımızın ürəyini yandırmağa yetər", - nazirlik bildirib.