ABŞ İrana qarşı sanksiyalar siyahısını genişləndirdi
ABŞ hökuməti İrana qarşı tətbiq olunan sanksiyalar siyahısını genişləndirərək, 3 fiziki və 11 hüquqi şəxsi bu siyahıya əlavə edib.
Bu barədə ABŞ Maliyyə Nazirliyi tərəfindən yayılan açıqlamada bildirilib.
Qeyd edilir ki, sanksiya siyahısına daxil edilən şirkətlər İran, BƏƏ və Çində yerləşir. Bu şəxslər “İran neft-kimya məhsullarının tədarükü və satışı”nı həyata keçirdikləri üçün onlara məhdudiyyətlər tətbiq olunub. Bu şirkətlərlə münasibətlərə görə üç şəxsə qarşı məhdudlaşdırıcı tədbirlər də görülür.
“Neft-kimya məhsullarının satışı İran rejimi üçün Yaxın Şərqdə, eləcə də son zamanlar Venesuelada korrupsiyalaşmış rejimlərə və terror qruplarına sabitliyin pozulması üçün dəstəyin göstərilməsində kömək məqsədilə əsas maliyyə mənbəyi olaraq qalır”, - deyə ABŞ Maliyyə Nazirliyi qeyd edib. /APA
