13 iyl 10:51dunya

ABŞ-dan Haftara sərt xəbərdarlıq

ABŞ-dan Haftara sərt xəbərdarlıqLiviya iqtisadiyyatını baltalayanlar və hərbi vəziyyəti gərginləşdirənlər izolyasiya ediləcək və sanksiya ilə üzləşəcəklər.

Axar.az xəbər verir ki, bu barədə ABŞ-ın Liviya səfirliyinin Xəlifə Haftar ordusunun əməliyyatları ilə bağlı açıqlamasında deyilib.

“Əcnəbi ölkələrdə layihələndirilən Liviya Milli Ordusunun (Xəlifə Haftar) yaydığı ziddiyyətli mesajlar parlaq gələcək qurmaq istəyən liviyalılara zərər verməkdədir. Xəyal qırıqlığına səbəb olan bu təxribatlar səfirliyin Liviya Milli Razılıq Hökuməti və Nümayəndələr Məclisi ilə işləmək qətiyyətinə təsir etməyəcək”, - deyə bildirilib.

Qeyd edək ki, dünən Liviya Milli Ordusu (LMO) irəli sürülən şərtlərin qəbul edilməyəcəyi təqdirdə nəzarətdə olan torpaqlardakı neftin hasil edilməyəcəyini bildirmişdi.

LMO-nun tələbinə görə, Liviyada neftdən gələn gəlir üçüncü ölkədə bank hesabında toplanmalı və Liviya Milli Bankı Haftar ordusunun tabeliyində olmalıdır.
XƏBƏR LENTİ

Jurnalist Böyükağa Mikayıllının "Dahi pedaqoqlar" silsiləsindən "Yanuş Korçak" adlı kitabını şəhərimizin kitab mağazalarından əldə edə, həmçinin müəlliflə əlaqə ( 050 344 96 76 ) saxlayıb onlayn sifariş verə bilərsiniz.