Sabah iki ərəb ölkəsindən 100 vətəndaşımız ölkəmizə gətiriləcək
Səudiyyə Ərəbistanı Krallığında müvəqqəti və daimi əsasda yaşayan Azərbaycan vətəndaşlarının ölkəmizə təxliyə olunması ilə əlaqədar sabah səhər saatlarında "Azərbaycan Hava Yolları" (AZAL) Ər-Riyad-Bakı istiqaməti üzrə birbaşa çarter reysi həyata keçiriləcək.
Krallığın Azərbaycandakı səfirliyindən Avrasiya.net-ə verilən məlumata görə, çarter reysi ilə vətənə qayıtmaq istəyən Azərbaycan vətəndaşlarından təcili olaraq səfirliklə əlaqə saxlanması xahiş olunur.
AZAL-ın qaydaılarına uyğun olaraq sözügedən çarter reysinə yalnız koronavirus testindən keçmiş və nəticəsi neqativ olan sərnişinlər buraxılacaq. Səfirlikdə verilən məlumata görə, Səudiyyə Ərəbistanı Krallığında və Bəhreyndə müvəqqəti və daimi yaşayan 100 Azərbaycan vətəndaşının sabah axşam Bakıya gətiriləcəyi planlaşdılrılıb.
Hər iki ölkədə yaşayan vətəndaşlarımızın vətənə gətirilməsi işində Azərbaycan Xarici İşlər Nazirliyi, Səudiyyə Ərəbistanı Krallığındakı Azərbaycan səfiri və səfirliyin əməkdaşları, baş konsulun xidmətlərini xüsusi qeyd etmək olar. Məhz onların və Səudiyyə Ərəbistanı Krallığının Azərbaycandakı səfirliyinin təxirəsalınmaz tədbirlərinin nəticəsində 100 vətəndaşımız ölkəmizə gətiriləcək.
