ABŞ İrana qarşı silah embarqosunun müddətini uzadır
Dərc olunub:
10-05-2020, 10:01
ABŞ Administrasiyası diplomatiyanın köməyi ilə İrana qarşı beynəlxalq silah embarqosunun uzadılmasına nail olmağa çalışacaq.
Publika.az "İnterfaks"a istinadla xəbər verir ki, bu barədə ABŞ Dövlət Departamentinin nümayəndəsi Morqan Ortaqus deyib.
O bildirib: "Biz BMT-nin embarqosunun uzadılması üçün diplomatiyadan istifadə edirik. Bundan əlavə, biz heç vaxt İranın nüvə silahına sahib olmasına imkan verməyəcəyik".
Bildirək ki, İrana qarşı beynəlxalq silah embarqosunun müddəti 2020-ci ilin oktyabr ayında bitir.
