ABŞ-da təyyarə qəzaya uğradı, ölənlər var
Dərc olunub:
26-04-2020, 10:19
ABŞ-da təyyarə qəzası baş verib.
Bu barədə Elko dairəsinin şerifinə istinadən “Elko Daily” nəşri bildirib.
Qeyd edilir ki, hadisə Qoşut vadisində olub. Xilasedicilər təyyarənin qırıntılarını Yuta ştatının sərhədindən təxminən 40 kilometr məsafədə aşkarlayıblar.
Nəşrin məlumatına görə, qəza zamanı təyyarədə kişi, qadın və uşaq olub. Onların Arizona sakinləri olduqları bildirilir.
İlkin məlumata əsasən, pilot naməlum səbəbdən təyyarəni endirməyə çalışıb, ancaq bu zaman qəza baş verib.