“Korona” pivəsinin istehsalı dayandırıldı

Meksikada “Korona ekstra” adlı pivənin istehsalı dayandırılıb.

Axar.az xəbər verir ki, bu barədə Meksika hökuməti qərar qəbul edib.

Bildirilir ki, ölkədə pivə istehsal edən “Qrupo Melo” şirkəti “Korona ekstra” ilə yanaşı “Viktoriya”, “Pakifiko” və “Modelo” pivələrinin də istehsalını müvəqqəti olaraq dayandırıb.

Şirkətdən verilən açıqlamaya görə, Meksikada yeni tip koronavirusla bağlı görülən qabaqlayıcı tədbirlər çərçivəsində belə bir qərar qəbul edilib.

Qeyd edək ki, Meksikada indiyə kimi pandemiyaya 1510 nəfər yoluxub, 50 nəfəri isə həyatını itirib.