ABŞ bu şiə qruplaşmasını qara siyahıya saldı

ABŞ silahlı şiə qrupu "Əsaib Əhl əl-Həqq"i xarici terror təşkilatları siyahısına daxil edib, təşkilatın liderləri isə terrorçu elan olunub.

Axar.az xəbər verir ki, bu barədə Dövlət Departamentinin bəyanatında qeyd olunub.

“Əsaib Əhl əl-Həqq” və onun liderləri İran İslam Respublikasının nəzarətində olan qüvvələrdir. Onlar Tehrandakı başbilənlərin adından çıxış edərək İraqın suverenliyinin pozulması yönündə zorakılıq və terrora əl atırlar”, - deyə bəyanatda qeyd olunub.

Təşkilatın ABŞ-dakı aktivləri dondurulub, ABŞ vətəndaşlarının və şirkətlərinin onlarla iş qurması qadağan edilib.

Qruplaşmaya hər hansı bir yardım ABŞ-da federal cinayət hesab olunacaq.