Tramp generalın öldürülməsini Konqresdən gizlədib - Engel

ABŞ Konqresi Süleymaniyə hücum barədə öncədən məlumatlandırılmayıb.

Axar.az xəbər verir ki, bunu ABŞ Nümayəndələr Palatasının Xarici İşlər Komitəsinin rəhbəri Eliot Engel deyib.

“Bu zərbə Konqreslə məsləhətləşmədən gerçəkləşdirilib. Belə ciddi fəaliyyətin Konqresin cəlbi olmadan keçirilməsi, hüquqi nöqteyi-nəzərdən ciddi məsələlər doğurur və Konqresin səlahiyyətlərinə zərbədir”, - deyə o bildirib.

Onun sözlərinə görə, özünümüdafiə çərçivəsində zərbə endirilməzdən əvvəlki 48 saat ərzində Konqres məlumatlandırılmalı idi:

“Qanun xəbərdarlığı ona görə edir ki, prezident ABŞ-ı düşünülməmiş müharibəyə cəlb etməsin. Ona görə də administrasiyadan izahat verilməlidir”.