06 okt 07:05dunya

İsrail S-300-ü F-35 qırıcıları ilə məhv edə bilər

İsrail S-300-ü F-35 qırıcıları ilə məhv edə bilərRusiyanın S-300 zenit-raket komplekslərinin Suriyaya tədarükü F-35 təyyarələrinə malik İsrail Hərbi-Hava qüvvələrinin effektivliyinə təsir etməyəcək.

Virtualaz.org yerli KİV-ə istinadən bildirir ki, bunu İsrailin regional əməkdaşlıq naziri Tsahi Haneqbi deyib.

O bildirib ki, S-300 kompleksləri İsrail Hərbi-Hava Qüvvələrinin əməliyyat imkanlarını məhdudlaşdıra bilməz. Nazirin sözlərinə görə, bu komplekslər İsrail ordusunda olan “stels” texnologiyalı F-35 qırıcıları aşkar edə bilmir.

Haneqbi əlavə edib ki, S-300 komplekslərinin tədarükü İsrailin Suriyaya zərbələrinin qarşısını ala bilməyəcək. O qeyd edib ki, bu komplekslər istər havadan, istərsə də yerdən məhv edilə bilər.
XƏBƏR LENTİ
SORĞU