Conson Ukraynaya daha ölümcül silahlar göndərmək istəyirBöyük Britaniyanın baş naziri Boris Conson Nazirlər Kabinetinə bildirib ki, Vladimir Putin vəziyyəti daha da pisləşdirə biləcəyi səbəbindən London Ukraynanı daha ölümcül silahlarla təmin etmək istəyir. Bu barədə “The Times” məlumat yayıb.

Bundan əvvəl Müdafiə Qərargahının rəisi Toni Radakin nazirlər üçün brifinq keçirərək, Ukraynanın Rusiya qüvvələrinə qarşı vuruşmaq cəhdindən əraziləri saxlamağa və geri qaytarmağa keçməsi ilə münaqişənin “daha ​​ənənəvi müharibəyə” çevrildiyini deyib.

Onun sözlərinə görə, Böyük Britaniya Ukraynaya dəstəyin “yeni mərhələsinə” keçir və hökumət onun hansı hərbi texnika ilə təmin edə biləcəyini nəzərdən keçirir.

"Ukrayna ordusu təkcə iri şəhərləri saxlamır, rusları geri çəkilməyə məcbur edir. Bununla əlaqədar, dəstəyimiz də dəyişməlidir", - kabinetdəki mənbə bildirib.
Ukraynada azərbaycanlı zabit ağır yaralandıRusiyanın Ukraynaya hücumu nəticəsində ölkədə gedən müharibədə azərbaycanlı zabit ağır yaralanıb.

 Report xəbər verir ki, Donetsk vilayəti istiqamətində gedən döyüşlərdə Ukrayna ordusunun xüsusi təyinatlı qüvvələrinə məxsus hissələrdən birinin baş leytenantı, əslən Azərbaycanın Göyçay rayonundan olan Əlixan Ruslan oğlu Ağayev ağır yaralanıb.

Xüsusi igidliyi ilə seçilən Ə. Ağayev ağır döyüşdə yaralanıb. O, hazırda Ukraynanın arxa cəbhədə hospitallarından birində yerləşdirilib, vəziyyəti normaldır. Ukrayna vətəndaşı olan azərbaycanlı zabit Dnepropetrovskda doğulub böyüyüb.
Ruslar ukraynalı hərbçiləri əsir götürdüRusiya xüsusi təyinatlıları rus əsgərlərinə işgəncə verilməsində iştirak edən ukraynalı hərbçiləri əsir götürüb.

Bu barədə Rusiya Dövlət Dumasının Vətəndaş cəmiyyətinin inkişafı, ictimai və dini birliklər məsələləri üzrə komitəsinin sədr müavini Vladimir Şamanov bildirib.

Əsir götürüldükləri deyilən Ukrayna vətəndaşlarının “Çilli” ləqəbli Sergey Veliçko və yerli “Metalist” futbol klubunun azarkeş qrupundan olan Konstantin Nemiçev olduğu bildirilir.
Rusiya Kiyevdən buna görə çəkildi – KəşfiyyatRusiya hərbi bölmələrinin Kiyev ətrafından çıxarılması ilə bağlı xəbərlər Kremlin regionda təşəbbüsü itirdiyinin göstəricisi ola bilər.

Bu barədə Böyük Britaniya kəşfiyyatı məlumat yayıb.

“Rusiyanın dəfələrlə uğursuzluqları və Ukrayna hərbi qüvvələrinin uğurlu əks-hücumları Rusiyanın Kiyevi mühasirəyə almaqla bağlı məqsədinə çatmadığı anlamına gəlir. Çox güman ki, Rusiya Donetsk və Luqansk vilayətlərində hücumu artırmaq üçün şimaldakı hərbi qüvvələri şərqə göndərəcək”, - məlumatda qeyd olunub.

Qeyd edək ki, Rusiya Kiyev və Çerniqov istiqamətlərində hərbi əməliyyatları kəskin şəkildə azaltmaq qərarına gəlib.
Prezident Ofisi: “Rusiya hərbçiləri Zelenskini öldürməyə çalışırlar”Ukrayna Prezidenti Ofisi rəhbərinin müşaviri Aleksey Arestoviç bildirib ki, Rusiya hərbçiləri hələ də Volodimir Zelenskini öldürməyə çalışırlar.

“Report” xəbər verir ki, bu barədə o, BBC-yə müsahibəsində danışıb.

Arestoviçin sözlərinə görə, Rusiya hərbçiləri birbaşa Prezident Ofisinin yaxınlığında dörd dəfə atəş açıblar. Bundan əlavə, işğalçılar ali hərbi-siyasi rəhbərlikdən kimisə, xüsusən də Arestoviçin özünü kənarlaşdırmaq istəyirlər.

"Sizin itaətkar xidmətiniz ilk beşlikdədir - bu, operativ məlumatlardandır. Danışıqlar getdiyindən prosesin aparıldığı Prezident Ofisini videobağlantı ilə vurmaq bütün yolları kəsmək deməkdir. Danışıqlar yoxdursa, bu, tamam başqa vəziyyətdir”, - Aretoviç deyib.

Prezident Ofisi rəhbərinin müşaviri onu da bildirib ki, Rusiyaya qarşı iqtisadi sanksiyaların ləğvi danışıqlar zamanı rəsmi Moskvanı narahat edən əsas mövzulardan biridir.

Arestoviçin sözlərinə görə, işğalçılar Prezident Ofisini daha bombalamayacaqlar, lakin o, qarşı tərəfin Zelenskinin başqa üsulla fiziki məhv etmək cəhdlərindən əl çəkməyəcəklərinə şübhə etmir.
Ərzaq bazarında daha ciddi QITLIQ OLACAQ"Dünya ərzaq bazarında qiymət artımları son günlər daha da sürətlənib. Artıq bir sıra ölkələr ərzaq qıtlığı problemi ilə rastlaşırlar. BMT ərzaq məhsullarının qiymətində növündən asılı olaraq 30 faizədək artım olacağı və qlobal yoxsulluğun dərinləşəcəyi barədə xəbərdarlıq edib".

Bu sözləri iqtisadçı deputat Vüqar Bayramov deyib. O bildirib ki, müharibə 68 milyard 240 milyon dollarlıq illik ixracatı olan Ukraynanın eksport imkanlarını praktik olaraq minimumlaşdırıb: 

"332 milyard 200 milyon dollar illik ixracatı olan Rusiyanın bir sıra ərzaq məhsullarının yalnız daxili istehlaka yönəltməsi də qlobal bazarda təklifi azaldıb. Ərzağa tələb artmaqda davam edir. Artıq əksər ölkələr preventiv addımlar atmağa başlayıblar. Azərbaycanda Nazirlər Kabinetinin 28 ərzaq məhsulunun ixracatının tənzimlənməsi ilə bağlı qərarı da məhz önləyici məqsəd daşıyırdı. Doğrudur, söhbət sadəcə 88.3 milyon dollarlıq ərzaq ixracatından gedir. Bu, Azərbaycanın ümumi qeyri-neft ixracatının cəmi 3.3 faizini təşkil edir. Bu baxımdan, Nazirlər Kabinetinin son qərarı ümumi ixracata xüsusi təsir etməyəcək. Bununla yanaşı, qlobal və regional bazarlardakı qeyri-müəyyənlik fonunda preventiv tədbirlərin güclənməsi çox vacib idi".

Deputatın sözlərinə görə, Azərbaycanda ərzaq qıtlığı müşahidə edilməsə belə, əsas ərzaq məhsulları üzrə idxaldan asılılığın tam və ya əsasən aradan qaldırılması priortitetləşib:

 "Digər tərəfdən, 2025-ci ilədək dünya bazarında ərzağa tələbin artmaqda davam edəcəyi gözlənilir. Hətta 3 il sonra qlobal bazarda daha ciddi qıtlığın olacağı istisna deyil. Bu baxımdan, xüsusən strateji ərzaq məhsullarının yerli istehsalının genişləndirilməsi və xüsusən işğaldan azad olunan ərazilərimizin potensialından daha qısa zamanda istifadəyə başlanılması çox önəmlidir. Bütövlükdə, dünya sadəcə qiymət artımları ilə deyil, həmçinin ərzaq qıtlığı ilə də üz-üzədir. Hər bir ölkə bu mərhələdən daha az itki ilə çıxmağa çalışacaq".
Bakıda kişi otaq yoldaşını ÖLDÜRDÜMartın 29-u saat 10 radələrində Suraxanı rayonu, Əmircan qəsəbəsi ərazisində 1972-ci il təvəllüdlü Fəxrəddin Əsədovun öldürülməsi barədə rayon prokurorluğuna məlumat daxil olub.

Suraxanı rayon prokurorluğundan  verilən məlumata görə, 1966-cı il təvəllüdlü Ravil Baybəyovun birgə kirayədə yaşadıqları mənzildə şəxsi münasibətlər zəminində Fəxrəddin Əsədova bıçaqla xəsarət yetirərək onu qəsdən öldürməsinə əsaslı şübhələr müəyyənləşib.

Faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Ravil Baybəyov şübhəli şəxs qismində tutularaq istintaqa cəlb edilib.

Rəsmi məlumata görə, hazırda cinayət işi üzrə istintaq davam edir.
Sabiq başçının kassasiya şikayəti icraata götürüldüYevlax Şəhər İcra Hakimiyyətinin həbsdə olan sabiq icra başçısı Qoca Səmədovun kassasiya şikayəti icraata götürülüb.

Bu barədə Report-a onun vəkili Elnur Vəliyev bildirib.

O deyib ki, kassasiya şikayəti Ali Məhkəmənin hakimi Tahir Kazımovun sədrliyi ilə araşdırılacaq.

Məhkəmənin vaxtı hələlik məlum deyil.

Qeyd edək ki, 2019-cu ilin noyabr ayınadək Yevlax Şəhər İcra Hakimiyyətinin başçısı vəzifəsində işləmiş Q.Səmədov Dövlət Təhlükəsizliyi Xidmətinin keçirdiyi əməliyyat zamanı saxlanılıb.

Şəki Ağır Cinayətlər Məhkəməsinin hökmü ilə o, 7 il 3 ay müddətinə azadlıqdan məhrum edilib. Hökmdən narazı qalan məhkum apellyasiya şikayəti verib. Şəki Apellyasiya Məhkəməsinin qərarına əsasən, Q.Səmədovun cəzası 6 ilə endirilib.
Bəzi modul tipli xəstəxanaların fəaliyyəti dayandırıldıKoronavirusa yoluxma sayında müşahidə edilən azalma ilə əlaqədar olaraq Azərbaycanda bəzi pandemiya müəssisələri və modul tipli xəstəxanaların fəaliyyəti dayandırılıb.

Bu barədə Tibbi Ərazi Bölmələrini İdarəetmə Birliyindən (TƏBİB) bildirilib.

Qeyd olunub ki, COVID-19-la mübarizə tədbirləri çərçivəsində TƏBİB-in tabeliyində olan Modul tipli xəstəxanaların fəaliyyət istiqaməti aktiv yoluxma sayının artması və azalmasına uyğun olaraq tənzimlənir:

"Respublika üzrə fəaliyyətdə olan pandemiya tibb müəssisələrində müalicə olunan xəstə sayı nəzərdən keçirilib və təhlil aparılıb. Yoluxanların sayında kəskin azalma müşahidə olunduğu üçün bütün növ resursların optimallaşdırılması və səmərəli tətbiqi məqsədilə bəzi pandemiya müəssisələrinin, o cümlədən modul tipli xəstəxanaların fəaliyyəti dayandırılıb".

"Bölgələrdə və Bakıda COVID-19-la mübarizəyə cəlb edilmiş bəzi xəstəxanalarda ənənəvi xidmət bərpa edilib", - TƏBİB-dən bildirilib.

Modul tipli xüsusi xəstəxanalarda çalışan tibb işçilərinin sonrakı taleyinə gəlincə, qurumdan qeyd olunub ki, koronavirusla mübarizəyə cəlb edilən tibb personalı postpandemiya dövründə fəaliyyətlərini ənənəvi tibbi xidmətlərin göstərilməsi üzrə davam etdirəcəklər: "Tabeli müəssisələrdə COVİD-19-la mübarizə bölmələr, bir də modul tipli xəstəxanalar yaradılmışdı. Burada fəaliyyət göstərənlər xəstəxanalarda çalışan həkimlər idi. Yəni heç bir həkim çalışdığı yerdən çıxarılmamışdı. Sadəcə onlar COVİD-19-la mübarizəyə cəlb olunmuşdular. Bundan sonra da ənənəvi xidmətlərin göstərilməsi üzrə fəaliyyətlərini davam etdirəcəklər”.

Xatırladaq ki, hazırda ölkədə aktiv koronavirus xəstələrinin sayı 308 nəfər təşkil edir.
Rus əsgərləri evlərinə qayıtmaq istəyirlər - Baş QərargahRusiyanın 26-cı tank alayının və 47-ci tank diviziyasının əsgərləri müqavilələrinə xitam verilməsinini tələb edirlər.

Bu barədə Ukrayna Silahlı Qüvvələrinin Baş Qərargahı məlumat yayıb.

“Rusiya Silahlı Qüvvələri şəxsi heyət toplamaqda çətinliklə üzləşir. Belə ki, Ukrayna ilə müharibədə iştirak etdikdən sonra 47-ci tank diviziyasının və 26-cı tank alayının çağırışçıları müqaviləyə xitam verilməsi və sonrakı xidmət üçün daimi dislokasiya məntəqəsinə göndərilməsi istəyilə hesabat hazırlamağa başlayıblar”, - məlumatda bildirilib.