Xırdalanda qaz xəttini kəsdilər, 3 min abonent qazsız qaldıAbşeron rayonu, Xırdalan şəhəri, Xırdalan kəndi ərazisində diametri 159 mm qaz kəməri kənar şəxslər tərəfindən kəsilib.

Avrasiya.net xəbər verir ki, bu barədə Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin məlumatında deyilir.

"Nəticədə Xırdalan kəndinin 3 min abonenti qazsız qalıb. Əməli törədən şəxslər tərəfindən avtomobil qaz kəmərinin altında saxlanılıb. Baş vermiş hadisə barəsində 102 xidmətinə məlumat verilib, Abşeron Rayon Polis İdarəsinə bildirilib. Lakin hələ də tədbir görülmür", - məlumatda qeyd olunub.
İlham Əliyev İranın xarici işlər naziri ilə görüşdü - FotoAzərbaycan Respublikasının Prezidenti İlham Əliyev dekabrın 22-də İran İslam Respublikasının xarici işlər naziri Hüseyn Əmir Abdullahianın başçılıq etdiyi nümayəndə heyətini qəbul edib.

Avrasiya.net xəbər verir ki, dövlətimizin başçısı Aşqabadda İran İslam Respublikasının Prezidenti Seyid İbrahim Rəisi ilə görüşünü xatırladıb, bu görüş zamanı gələcək əməkdaşlıqla bağlı bir çox məsələlərinin müzakirə edildiyini və Azərbaycan-İran dostluq əlaqələrinin bir daha təsdiqləndiyini bildirib.

Hüseyn Əmir Abdullahian İran İslam Respublikasının Prezidenti Seyid İbrahim Rəisinin salamlarını dövlətimizin başçısına çatdırıb. Prezident İlham Əliyev İranın dövlət başçısının salamlarına görə minnətdarlığını bildirib, onun da salamlarını İran Prezidentinə çatdırmağı xahiş edib.

İranın xarici işlər naziri Prezident İlham Əliyevlə İran Prezidenti Seyid İbrahim Rəisinin Aşqabad görüşünə toxunaraq bu görüşü ölkələr arasında əlaqələrdə dönüş nöqtəsi kimi dəyərləndirib.

Söhbət zamanı siyasi, iqtisadi, enerji, nəqliyyat, humanitar və digər sahələrdə əməkdaşlığın dərinləşdirilməsi üçün birgə səylərin davam etdirilməsinin vacibliyi vurğulanıb.

Görüşdə ikitərəfli əməkdaşlığımızın gündəliyinin geniş olduğu bildirilib və yaxşı nəticələrin əldə ediləcəyinə ümidvarlıq ifadə olunub.
Japarov Azərbaycandakı səfirinə şiddətli töhmət verdiQırğız Respublikasının Prezidenti Sadır Japarov ölkəsinin Azərbaycandakı səfiri Kayrat Osmonaliyevə şiddətli töhmət elan edib.

Avrasiya.net Report-a istinadən xəbər verir ki, bu barədə Qırğız Respublikası Prezident Administrasiyasının İnformasiya siyasəti xidməti məlumat yayıb.

Bildirilib ki, K.Osmonaliyev “Sputnik Azərbaycan”ın mətbuat mərkəzində keçirdiyi konfransda “Qırğızıstan Mərkəzi Asiya və Cənubi Qafqaz ölkələri ilə Rusiyadan ayrıca görüşməyi təklif edir” kimi mətbuatın istinad etdiyi açıqlaması həqiqətəuyğun deyil və təxribat xarakteri daşıyır.

Məlumata görə, bəhs edilən müsahibədə belə bir açıqlama və çıxış olmayıb.

Mətbuatda mərkəzlə razılaşdırılmayan bu cür təhrif olunmuş şərhlərə və şişirtmələrə səbəb olan bəyanata görə Prezident Sadır Japarov Qırğızıstanın Azərbaycandakı səfiri Kayrat Osmonəliyevə şiddətli töhmət elan edib.
Azərbaycanla Türkiyə arasında mədənçilik sahəsində Anlaşma memorandumu imzalanıbAzərbaycan Respublikası Hökuməti ilə Türkiyə Respublikası Hökuməti arasında mədənçilik sahəsində əməkdaşlığa dair İcra Sazişi çərçivəsində Anlaşma Memorandumunun imzalanması mərasimi keçirilib.

"AzerGold" Qapalı Səhmdar Cəmiyyəti İdarə Heyətinin sədri Zakir İbrahimov bildirib ki, bu gün imzalanan Anlaşma Memorandumu ölkəmizin dağ-mədən sektorunun gələcək inkişafı üçün atılmış növbəti uğurlu addımdır: "Bilirsiniz ki, iqtisadiyyatın bütün sahələrində olduğu kimi, dağ-mədən sektorunda da qardaş Türkiyə ilə olduqca sıx əlaqələrimiz var. İmzaladığımız sənədlə iki ölkənin dağ-mədən şirkətləri ilə tərəfdaşlıq münasibətlərində yeni bir səhifə açılmış oldu.

Memoranduma uyğun olaraq, elmi-texniki əməkdaşlığa dair razılığa gəlindi. Sənəd yeraltı sərvətlərin axtarışı, qiymətləndirilməsi, məlumat və təcrübə mübadiləsi kimi istiqamətləri əhatə edir. Bununla yanaşı, memorandumu imzalayan tərəflər Azərbaycanda fəaliyyət göstərəcək birgə müəssisə və ya şirkətin yaradılması imkanlarını da araşdıracaq.

Əminəm ki, birgə əməkdaşlıq ölkəmizin sənaye əhəmiyyətli proqnoz resurslara malik filiz yataqlarının qiymətləndirilməsinə töhfə verəcək. Heç şübhəsiz, birgə aparacığımız tədqiqatlar gələcəkdə yeni investisiyaların cəlb edilməsi, yeni hasilat sahələrinin işə salınması ilə nəticələnək. Bu sənəd çərçivəsində Ekologiya və Təbii Sərvətlər Nazirliyi ilə beynəlxalq əməkdaşlığa da birgə töhfə verəcəyik".

"Qızıl əllər" adlı yaradıcılıq müsabiqəsi təşkil olunubTəsviri sənət əsərləri və əl işlərindən ibarət "Qızıl əllər" adlı yaradıcılıq müsabiqəsi təşkil olunub.

Siyəzən Rayon Gənclər və İdman İdarəsi və Təhsil Şöbəsinin birgə təşkilatçılığı ilə keçirilən müsabiqəyə iştirakçılar tərəfindən 80-ə yaxın əl işi təqdim olunub. Dekabrın 22-də Gənclər Mərkəzində müsabiqəyə təqdim edilmiş əl işlərindən ibarət sərgi formatında tədbir təşkil olunub. Sərgidə toxuma və hörmə işləri, müxtəlif materiallardan hazırlanmış fiqurlar, rəsm əsərləri, bəzək əşyaları və digər dekorativ-tətbiqi sənət nümunələri nümayiş olunub.

Müsabiqənin keçirilməsində əsas məqsəd Azərbaycan gəncliyi 2017-2021-ci illərdə” Dövlət Proqramının 5.4.3. yarımbəndinin icrasının təmin edilməsi, istedadlı yeniyetmə və gənclərin üzə çıxarılması, onların yaradıcılıq qabiliyyətlərinin inkişaf etdirilməsi, bacarıqlarının nümayiş olunması və cəmiyyətdə xüsusi qayğıya ehtiyacı olan gənclərə diqqətin artırılmasıdır.

Müsabiqənin nəticəsinə əsasən şəhər 3 saylı tam orta məktəbin şagirdi Gülayət Məmmədova və şəhər 5 saylı tam orta məktəbin şagirdi Ayşən Novruzova I, şəhər 2 saylı tam orta məktəbin şagirdi Mirsalam Tağıyev, şəhər 3 saylı tam orta məktəbin şagirdi Vəli Məmmədov, şəhər 5 saylı tam orta məktəbin şagirdi Polad Poladov və Uşaq-Gənclər İnkişaf Mərkəzinin şagirdi Türkan Axundova II, şəhər 1 saylı tam orta məktəbin şagirdləri Zümrüd Məmmədova və Aliyə Abusəlimova, şəhər 3 saylı tam orta məktəbin şagirdi Aylin Nadirli, şəhər 5 saylı tam orta məktəbin şagirdi Zərif Süleymanova, şəhər 6 saylı məktəb-liseyin şagirdi Qulu Novruzlu və Uşaq-Gənclər İnkişaf Mərkəzinin şagirdi Aytel Əliyeva III yerə layiq görülüblər.

Müsabiqənin qaliblərinə fəxri fərmanlar təqdim edilib.






Qonşu ölkədə koronadan ölənlərin sayı 300 mini keçdiRusiyada son sutkada koronavirusdan ölənlərin sayı daha 1 020 nəfər artaraq, ümumilikdə 300 269-a yüksəlib.

Axar.az xəbər verir ki, bu barədə ölkənin Operativ Qərargahı məlumat yayıb.

Qeyd olunub ki, son bir gündə daha 25 264 nəfərə COVİD-19 diaqnozu qoyulub. Bununla da Rusiyada koronavirusa yoluxanların sayı 10 292 983 nəfərə çatıb.

Bundan başqa, Rusiyada indiyədək koronavirusa yoluxan 9 097 521 nəfər sağalıb.
ABŞ diplomatı İstanbul hava limanında həbs edildiSuriya vətəndaşına 10 min dollar qarşılığında saxta pasport verməkdə şübhəli bilinən ABŞ-ın Beyrutdakı Konsulluğunun əməkdaşı İstanbul Hava Limanında saxlanılıb.

Axar.az xəbər verir ki, bu barədə İstanbul polisi məlumat yayıb.

Məlumata görə, R.S adlı Suriya vətəndaşı 11 noyabr 2021-ci il tarixində saat 17:00-da saxta pasportla Almaniyaya getməyə cəhd edib. Yoxlama zamanı onun üzərindəki pasportun əslində ABŞ-ın Beyrutdakı konsulluğunda diplomat işləyən D.J.K adlı şəxsə aid olduğu müəyyən edilib.

Amerikalı diplomat saxlanılan zaman üzərindən 10 min dollar dəyərində pul və yenə öz adına olan pasport çıxıb.

İstintaq zamanı məlum olub ki, Suriya vətəndaşı ölkədən getmək istəyib və sənədi olmayıb. Bir müddət sonra polis suriyalını buraxıb.

Amerikalı diplomat barəsində isə məhkəmənin qərarı ilə həbs-qətimkan tədbiri seçilib.
Azərbaycanla əməkdaşlığın inkişafı... – İran XİN başçısıAzərbaycan və İran arasında əməkdaşlığın inkişaf etdirilməsi üçün müxtəlif ideyalar var.

Avrasiya.net Trend-ə istinadən xəbər verir ki, bunu Azərbaycana səfərə gələn İranın xarici işlər naziri Hüseyn Əmir Abdullahian Bakıda aeroportda jurnalistlərə açıqlamasında deyib.

Onun sözlərinə görə, səfər çərçivəsində Azərbaycanın yüksək səviyyəli rəsmiləri ilə görüşlər keçiriləcək:

“İranla Azərbaycan arasında münasibətlərin yüksələn xətt üzrə inkişaf etməsinə çox sevinirəm. Ötən üç ay ərzində azərbaycanlı həmkarımla bir neçə görüşüm olub. Əməkdaşlığın inkişaf etdirilməsi üzrə yaxşı formatlar çərçivəsində razılıq əldə etmişik. Səfər zamanı keçiriləcək görüşlərdə bu işlər yekunlaşdırılacaq. Bundan sonra iki ölkə arasında çoxlu sayda iqtisadi, ticarət və mədəni heyətlərin səfərləri olacaq”, - deyə o bildirib.
Qaziyə qarşı dələduzluq edən kanal rəhbəri həbs olunduBəyaz TV Yutub kanalının rəhbəri Bəhram Alməmməd oğlu Rüstəmovun ayrı-ayrı vətəndaşlara qarşı hədə-qorxu ilə tələb etmə və dələduzluq əməllərinə yol verməsi barədə daxil olan müraciətlər əsasında Baş prokuror yanında Korrupsiyaya qarşı Mübarizə Baş İdarəsi tərəfindən əməliyyat-axtarış tədbirləri keçirilib.

Baş Prokurorluqdan Avrasiya.net-ə verilən məlumata görə, həyata keçirilən təxirəsalınmaz tədbirlərlə B.Rüstəmovun özünü müxbir kimi təqdim edərək Samux rayonu ərazisində yerləşən təhsil müəssisələrində guya baş verən qanunsuzluqlarla bağlı yalan məlumatları internet resursunda yerləşdirib yayacağı hədəsi ilə həmin müəssisələrin rəhbərlərindən müxtəlif məbləğlərdə pul tələb edib almasına əsaslı şübhələr müəyyən edilib.

Bundan başqa, Bəhram Rüstəmovun Bakı şəhərində ayrı-ayrı şəxslərdən, o cümlədən Qarabağ müharibəsi iştirakçılarından onların qazi kimi ev və avtomobil növbəsinə qeydiyyata salınmalarına, eləcə də digər vətəndaşdan cinayət məsuliyyətinə cəlb edilmiş tanışının məsuliyyətdən azad olunmasına köməklik göstərilməsi adı ilə müxtəlif məbləğlərdə pul vəsaiti alıb onlara qarşı dələduzluq etməsinə, bu hərəkətləri ilə sonuncuları rüşvət verməyə təhrik etməsinə əsaslı şübhələr müəyyən edilib.

Həmçinin, ilkin araşdırmalarla B.Rüstəmovun cinayətkar fəaliyyətini həyata keçirmək məqsədi ilə rəhbəri olduğu Bəyaz TV.Az MMC-nin nəzdində özünün sədri olduğu Vətəndaş nəzarəti şurası adlı təsisat yaratdığı müəyyən olunmuş, həmin şuranın bölgə təşkilatlarının yaradılması və üzvlərin seçilməsinə dair protokol və qərar nümunələri aşkar olunaraq sübut qismində götürülüb.

Qeyd edilən faktlarla bağlı cinayət işi başlanmaqla B.Rüstəmova Cinayət Məcəlləsinin 178.2.2, 178.2.3 (şəxs tərəfindən öz qulluq mövqeyindən istifadə etməklə təkrar törədilən dələduzluq), 182.2.2 (təkrar hədə-qorxu ilə tələb etmə) və 32.4, 312.2-ci (rüşvət verməyə təhrik etmə) maddələri ilə ittiham elan edilməklə barəsində məhkəmənin qərarı ilə həbs qətimkan tədbiri seçilib.

Hazırda təqsirli şəxslərin, eləcə də Bəhram Rüstəmovun qanunsuz hərəkətləri nəticəsində ziyan dəymiş digər şəxslərin dairəsinin müəyyən olunması istiqamətində intensiv istintaq hərəkətləri davam etdirilir.
Ersin Tatar: “Şəhidlərimizi unutmamışıq, heç vaxt da unutmayacağıq”21-25 dekabr Milli Mübarizə və Şəhidlər Həftəsi ilə əlaqədar Lefkoşa Şəhidlər Anıtı önündə və Atatürk Mədəniyyət Mərkəzində (AKM) anma mərasimi keçirilib.

Avrasiya.net xəbər verir ki, Şəhidlər Abidəsi önündə keçirilən mərasimdə protokola uyğun olaraq abidə önünə əklillər düzülüb, şəhidlər bir dəqiqəlik sükutla yad edilib və Dövlət Himninin müşayiəti ilə bayraqlar qaldırılıb. Xatirə kitabını imzalayan prezident Ersin Tatar xatirə kitabına bunları yazıb:

"Vətən bildiyimiz bu torpaqda Kipr türk xalqının şərəfini, ləyaqətini, azadlığını və istiqlaliyyətini qoruyub saxlamaq yolunda canınızı könüldən fəda edərək şəhidlik rütbəsinə çatdınız. Kipr türk xalqını məhv etmək və Kipri ​​Yunan adası etmək üçün 58 il əvvəl başlayan Yunan hücumlarına qarşı Türk Müqavimət Təşkilatının liderliyində böyük müqavimət göstərərək, Kiprdəki türk varlığını qoruyaraq adanın Yunanıstana bağlanmasının qarşısını aldınız. Həyatınız bahasına göstərdiyiniz böyük fədakarlıqdan sonra Kipr türk xalqı bu gün öz vətənlərində, öz dövlətinin damı altında, suveren və azad yaşayır. Biz şəhidlərimizi unutmamışıq, heç vaxt da unutmayacağıq. Siz Kipr Türk xalqının qəlbində əbədi yaşayacaqsınız. Şəhidlərimizi rəhmət və rəhmətlə yad edərkən, biz də sizin mənəvi hüzurunuzda hörmətlə baş əyirik. Ruhunuz şad olsun".