Cəlilabad sakini həmkəndlisini öldürdüDekabrın 4-ü saat 16 radələrində Cəlilabad rayonu, Sabirabad kənd sakini 1999-cu il təvəllüdlü Vüsal Əliyevin yaşadığı kənd ərazisində bıçaqla xəsarət yetirilməsi nəticəsində xəstəxanada ölməsi barədə rayon prokurorluğuna məlumat daxil olub.

Bu barədə Cəlilabad rayon prokurorluğundan məlumat verilib.

Aparılmış araşdırmalarla müəyyən edilib ki, zərərçəkmişin həmkəndlisi 1976-cı il təvəllüdlü Akif Heydərov şəxsi münasibətlər zəminində aralarında yaranmış mübahisə zamanı Vüsal Əliyevə sağ bud nahiyəsindən bıçaqla xəsarət yetirib, sonuncu aldığı xəsarətdən aparıldığı xəstəxanada ölüb.

Faktla bağlı Cəlilabad rayon prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.

Akif Heydərov şübhəli şəxs qismində tutularaq istintaqa cəlb edilib.

Hazırda cinayət işi üzrə zəruri istintaq hərəkətləri davam etdirilir.
ÜST: "Omikron" ştamı yaxın vaxtlarda Avropada daha geniş yayıla bilərHazırda koronavirusun yeni "omikron" ştamı 38 ölkədə aşkarlanıb.

"Report" "Daily Mail"ə istinadən xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.

ÜST xəbərdarlıq edib ki, koronavirusun bu variantının nə qədər yoluxucu olduğunu başa düşmək üçün həftələr çəkə bilər. Həmçinin alimlər xəstəliyin ağırlaşmaya səbəb olub-olmadığını və mövcud dərman və peyvəndlərin ona qarşı nə dərəcədə təsirli olduğunu müəyyən etməlidirlər.

Mütəxəssislər hesab edir ki, "omikron" yaxın bir neçə ay ərzində Avropada daha geniş yayıla bilər.

Ümumdünya Səhiyyə Təşkilatı tərəfindən "omikron" adı verilən koronavirus ştamı bu ilin noyabrında Afrikanın cənubunda müəyyən edilib. Mütəxəssislərin fikrincə, bu, koronavirusun digər variantlarından daha patogen ola bilər.