Agentlikdə BMT-nin Azərbaycandakı rezident əlaqələndirici ilə görüş keçirilibAzərbaycan Respublikasının Qeyri-Hökumət Təşkilatlarına Dövlət Dəstəyi Agentliyində BMT-nin Azərbaycandakı rezident əlaqələndirici xanım Vladanka Andreyeva ilə görüş keçirilib.

İcraçı direktor Aygün Əliyeva Agentliyin faəliyyəti və qurumun gələcək hədəfləri barədə qonaqlara məlumat verib. A.Əliyeva Azərbaycanın BMT və onun bir sıra orqanları ilə sıx əməkdaşlıq etdiyini diqqətə çatdırıb. O bildirib ki, “Azərbaycan 2030: Sosial-iqtisadi inkişafa dair Milli Prioritetlər”dən irəli gələn öhdəliklərin icrası istiqamətində vətəndaş cəmiyyəti institutları mühüm rol oynayır. İcraçı direktor eyni zamanda BMT-nin Azərbaycanda fəaliyyət göstərən qurumları vasitəsilə yerli QHT-lərə ayrılan layihələrin şəffaflıq meyarları və onlar üçün yaradılan bərərbərhüquqlu müsabiqə şərtləri barədə BMT-nin Azərbaycandakı rezident əlaqələndirici ilə müzakirə aparıb.

Sonra BMT-nin Azərbaycandakı rezident əlaqələndirici xanım Vladanka Andreyeva çıxış edərək ilk öncə Agentliyin yeni təyin olunan icraçı direktoru Aygün Əliyevanı təbrik edib. O vurğulayıb ki, Dayanıqlı İnkişaf Məqsədləri 2030 Gündəliyinə nail olmaq istiqamətində vacib amil olan vətəndaş cəmiyyətinin inkişafında BMT və Agentlik yaxından əməkdaşlıq edə bilər.

Daha sonra Agentliyin Müşahidə Şurasının üzvləri İsrayıl İsgəndərov, Günel Səfərova və İlqar Orucov tərəfindən BMT-nin Azərbaycanda fəaliyyət göstərən müvafiq qurumlarının QHT Agentliyi ilə birgə yerli qeyri-hökumət təşkilatları üçün qrant müsabiqələrinin təşkili, Bakıda və regionlarda “QHT Evləri”nin/QHT tədris mərkəzlərinin yaradılması, Azərbaycanda Dayanıqlı İnkişaf Məqsədlərinə (DİM) nail olmaq istiqamətində QHT-lər tərəfindən fəaliyyətlərin icrası, BMT-nin müvafiq qurumu və yerli QHT-lərin birgə təşəbbüsü ilə işğaldan azad olunmuş ərazilərdə həyata keçiriləcək “Böyük Qayıdış” prosesi istiqamətində layihələrin icrası və BMT-nin Azərbaycandakı nümayəndəliyi və QHT Agentliyi arasında əməkdaşlığın bütün sahələrini əhatə edən Anlaşma Memorandumunun imzalanması məsələləri qonaqlarla müzakirə olunub.

Sonda qonaqları maraqlandıran suallara cavab verilib və Agentlik ilə BMT-nin Azərbaycanda fəaliyyət göstərən müvafiq qurumları arasında gələcək əməkdaşlıq imkanlarının genişləndirilməsi haqqında müzakirələr aparılıb.
DİN yanında İctimai Şura günahkarların müəyyən edilərək cəzalandırılmasını istəyirDaxili İşlər Nazirliyi yanında İctimai Şura 1 dekabrda Bakı şəhərində Fəvvarələr meydanı ərazisində keçirilən aksiyada baş verənlər və saxlanılan şəxslərə bağlı Nazirliyə müraciət edib. Müraciətin mətni ilə aşağıda tanış ola bilərsiniz:

Daxili İşlər Nazirliyi yanında İctimai Şura tərəfindən

M Ü R A C İ Ə T

Dekabrın 1-də Bakı şəhərində Fəvvarələr meydanı ərazisində müvafiq qaydada razılaşdırılmayan aksiyanın keçirilməsinə cəhdin qarşısının alınması zamanı bir qrup şəxsin saxlanılması ilə bağlı rəsmi məlumat yayılıb. Saxlanılan şəxslər arasında xəsarət alanların olması ilə bağlı gün ərzində sosial şəbəkələrdə foto və video materiallar yayılıb. Saxlanılan şəxslər arasında olan Tofiq Yaqublunun KİV-də yayılan görüntülərindən onun fiziki təzyiqə məruz qalması aşkar görünür.

Daxili İşlər Nazirliyi yanında İctimai Şura hesab edir ki, polis razılaşdırılmayan aksiyalar zamanı ictimai qaydanı qorunması və ictimai təhlükəsizliyi təmin edilməsi vəzifəsini yerinə yetirərkən insan hüquq və azadlıqlarının qorunması üçün zəruri tədbirlər görməlidir.

Azərbaycanın beynəlxalq aləmdə mövqelərinin möhkəmləndiyi indiki zamanda Tofiq Yaqubluya qarşı zor tətbiq edilməsi ölkəmizin nüfuzunu salınmasına hesablanmış davranış da ola bilər.

Daxili İşlər Nazirliyi yanında İctimai Şura baş verənlərin obyektiv və hərtərəfli araşdırılmasına, araşdırmanın nəticəsi ilə bağlı ictimaiyyətə geniş məlumat verilməsinə, günahkarların müəyyən edilərək cəzalandırılmasına çağırır.
İlham Əliyev Əziz Sancarı qəbul etdi - FotoAzərbaycan Respublikasının Prezidenti İlham Əliyev dekabrın 2-də ABŞ-ın Şimali Karolina Universitetinin biokimya və biofizika fakültəsinin professoru, Kimya üzrə Nobel mükafatı laureatı, DNT sahəsində mühüm kəşfləri ilə tanınan, ABŞ Milli Elmlər Akademiyasının üzvü, dünya şöhrətli alim Əziz Sancarı qəbul edib.

Avrasiya.net xəbər verir ki, Əziz Sancar Vətən müharibəsində Qələbə münasibətilə Prezident İlham Əliyevi təbrik etdi və bu Qələbədən bütün türk dünyasının qürur hissi keçirdiyini dedi.

Dövlətimizin başçısı təbriklərə görə təşəkkürünü bildirdi.

Prezident İlham Əliyev Vətən müharibəsi zamanı Əziz Sancarın Azərbaycanın haqlı mövqeyini şəxsən dəstəkləməsini və təbrik etməsini yüksək qiymətləndirərək bunun ölkəmizin haqq səsinin dünyada ucaldılması işinə xidmət etdiyini vurğuladı.

Dövlətimizin başçısı müharibə dövründə ermənilərin Gəncəni raket atəşinə tutması nəticəsində valideynlərini itirmiş uşağa Əziz Sancarın yardım etməsini xatırladaraq, bunu böyük insanpərvərlik nümunəsi kimi qiymətləndirdi. Əziz Sancarı türk dünyasının önəmli şəxsiyyəti kimi dəyərləndirən Prezident İlham Əliyev onun ölkəmizə səfərə gəlməsindən məmnunluğunu bildirdi və Azərbaycan xalqının ona həm bir alim, həm də bir vətənpərvər insan kimi böyük hörmət və sevgi bəslədiyini xüsusi olaraq vurğuladı.

Sonda xatirə şəkli çəkdirildi.
Prezident QHT-lərə Dövlət Dəstəyi Agentliyinə qrantlarla bağlı yeni səlahiyyət veribPrezident İlham Əliyev “Azərbaycan Respublikasında qeyri-hökumət təşkilatlarına dövlət dəstəyi sahəsində idarəetmənin təkmilləşdirilməsi və “Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının yaradılması haqqında” Azərbaycan Respublikası Prezidentinin 2007-ci il 13 dekabr tarixli 674 nömrəli Fərmanının ləğv edilməsi barədə” Azərbaycan Respublikası Prezidentinin 2021-ci il 19 aprel tarixli 1317 nömrəli Fərmanında dəyişiklik edilməsi haqqında Fərman imzalayıb.

Avrasiya.net xəbər verir ki, fərmana əsasən, sənədə yeni bənd əlavə edilib.

Belə ki, Qeyri-Hökumət Təşkilatlarına Dövlət Dəstəyi Agentliyi bu Fərmanın 7.2-ci və 7.3-cü bəndləri icra olunanadək, qeyri-hökumət təşkilatlarının qrant maliyyələşməsi ilə bağlı müsabiqələrin keçirilməsinin müvəqqəti qaydasını, qrant məbləğinin müəyyən edilməsinin müvəqqəti meyarlarını və hər mövzu üzrə qrant məbləğinin yuxarı həddini, habelə Agentliyin maliyyələşdirdiyi layihələrin əlaqələndirilməsi və icrasına nəzarətin həyata keçirilməsi, icra olunan layihələrin monitorinqinin və qiymətləndirilməsinin aparılmasının müvəqqəti qaydasını təsdiq edəcək.

İranlı generaldan Amerikaya XƏBƏRDARLIQİslam İnqilabı Keşikçiləri Korpusunun Qüds Qüvvələrinin komandiri Esmaeil Ghaani amerikalılara "İran ətrafındakı coğrafiyadan çıxmağı" tövsiyə edib.

Modern.az xarici KİV-ə istinadən xəbər verir ki, iranlı generalın amerikalılara xəbərdarlığında bildirilib:

"Amerikalılara deyirik ki, ətrafımızdakı coğrafiyanı rüsvayçılıqla tərk etməmək üçün hələ vaxtınız var. Əks halda bütün bu coğrafiyadan Əfqanıstanda yaşadığınızdan daha pis qovulacaqsınız".

İranlı komandir amerikalılara “Siz keçmişdə etdiyiniz işi artıq edə bilməzsiniz” deyib.

““Vur və qaç” taktikası artıq işləmir”, o əlavə edib.

General Qaani onu da qeyd edib ki, amerikalılar Əfqanıstanda iyirmi il döyüşüblər, amma heç nəyə nail olmayıblar.

O, daha sonra ABŞ-ın Əfqanıstandakı uğursuzluğunu onun ən pis təcrübəsi kimi qiymətləndirib.

“Amerikalılar əvvəllər dünyada müharibəyə başlayıb, silah satmaqla qazanc əldə edirdilər, lakin Əfqanıstana və İraqa dəvətsiz gəldilər. 20 ildən sonra danışıqlar apardılar, əvəzində heç nə almadılar".
İH-lər ləğv edilir: yeni sistem - Prezident ilk addımı atdıAzərbaycan Prezidentinin sərəncamı ilə Emin Hüseynov Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsi təyin edilib. Azərbaycan Prezidenti bu sərəncamı ilə yerli idarəetmədə yeni yanaşmanı tətbiq etdi.

Avrasiya.net xəbər verir ki, bunu iqtisadçı alim, millət vəkili Vüqar Bayramov deyib.

O bildirib ki, iqtisadi rayon üzrə Prezidentin xüsusi nümayəndəsinin təyin edilməsi yerli idarəetmədə yeni modelin tətbiqindən xəbər verir:

“Ölkə Prezidentinin 7 iyul 2021-ci il tarixli sərəncamı ilə Azərbaycanda 14 iqtisadi rayon formalaşdırılıb. Həmin tarixədək 10 iqtisadi rayon təsnifləşdirilmişdir. Mövcud iqtisadi rayonların ikisi işğaldan azad olunan ərazilərimizdə yaradılıb.

Bir müddət öncə işğaldan azad olunan ərazilərimizdə formalaşacaq modelin digər regionlarımıza da transfer olunacağı bildirilmişdi. Bögələrdə biznesin inkişafı, daha çox sərmayələrin cəlb edilməsi üçün institutsional islahatlar vacib şərtlərdən hesab olunur. Artıq işğaldan azad olunan ərazilərimizdə yerli idarəetmədə yeni model formalaşdırılır və bu yeni stuktur islahatların başlanğıcı kimi də xarakterizə oluna bilər”
Bakıda yeniyetmə qız özünü binanın 14-cü mərtəbəsindən atdı – ŞOK MƏKTUB ÜZƏ ÇIXDIDekabrın 1-nə keçən gecə Bakı şəhər Binəqədi rayonu 9-cu mikrorayon ərazisində özünü yaşadığı çoxmərtəbəli binadan atan 13 yaşlı qız vəfat edib.

Publika.az xəbər verir ki, Cavadxan və M.Kazımovski küçələrinin kəsişməsində yerləşən binanın 14-cü mərtəbəsindən özünü ataraq intihar edən Abdullazadə Z. A. qızının ehtiyatsızlıq nəticəsində yerə yıxıldığı bildirilsə də, sonradan onun həyatına qəsd etdiyi məlum olub.

Bildirilib ki, orta məktəbin 7-ci sinif şagirdi olan Z.A özünü öldürməzdən əvvəl məktub yazıb. O, evdə qoyduğu kağızda “Kim istəyirsə arxamca gəlsin” sözlərini yazıb.

Həmçinin məlum olub ki, yeniyetmə qız intihar etməmişdən əvvəl bəzənib və məclis paltarı geyinib. Onda ağır psixoloji travmanın yarandığı və bu səbəbdən məlum addımı atdığı qeyd edilir.

Hadisə vaxtı Z.A binanın birinci mərtəbəsində yerləşən uşaq bağçasının üstünə düşüb, nəticədə bağçanın damına ziyan dəyib.

Faktla bağlı Binəqədi rayon Prokurorluğunda araşdırmalar davam etdirilir.
"Tbilisikiy" "oğru" adından məhrum edilibNoyabrın 30-da Gürcüstanlı və digər millətlərdən olan "qanuni oğru"ların iştirakı ilə keçirilən "sxodka"da "qanuni oğru" "Zviad Tbilisikiy" kimi tanınan Ozmanov Zviad Nodaroviç "oğru" adında məhrum edilib.

Aktual.ge Unikal-a istinadən məlumat verir ki, həmin "sxodka"da azərbaycanlılardan "qanuni oğru" Əmirov Rafət Əlirza oğlu (Rafət Əlibayramlinskiy) iştirak edib.

Zviad Ozmanov vaxtı ilə "Rövşən Lənkəranski"nin "qanuni oğru" kimi qəbul edilməməsi barədə "proqona" imza atan "oğru"lardan biri olub.
Belarus Rusiya ilə birgə hərbi təlimlər keçirəcəkBelarus prezidenti Aleksandr Lukaşenko RİA Novosti agentliyinə müsahibəsində bildirib ki, yaxın iki ayda Belarus və Rusiya hərbçiləri respublikanın Ukrayna ilə sərhədində iki mərhələdə təlimlər keçirəcəklər.

Bundan əvvəl Belarus Müdafiə Nazirliyi qonşu Avropa ölkələrindən və Kiyevdən hərbi aktivliyi qeyd edib. Departamentdə deyildiyi kimi, son vaxtlar onların respublikaya “hücumları” xüsusilə nəzərə çarpır ki, bu da Minski “çox narahat edir”. "Biz prezident Putinlə razılaşdıq ki, yaxın gələcəkdə cənub sərhədlərində, Belarus-Ukrayna sərhədində birgə təlimlər keçirək", - Lukaşenko deyib.

Onun sözlərinə görə, bu təlimlər “yaxın bir neçə ay ərzində təxminən iki mərhələdə” baş tutacaq. "Birinci mərhələ, bir ay sonra - ikinci mərhələ. Hələ ki, biz bu planları tərtib edirik, lakin qışda birinci mərhələni mütləq həyata keçirəcəyik". O, bunun üçün hər şeyin hazır olduğunu vurğulayıb.

Avrasiya.net