İcraçı direktor QHT-ləri təbrik edibAzərbaycan Respublikasının Qeyri-Hökümət Təşkilatlarına Dövlət Dəstəyi Agentliyinin icraçı direktoru Aygün Əliyeva sosial şəbəkə hesabından Dünya Azərbaycanlılarının Həmrəyliyi günü və Yeni il münasibəti ilə münasibətilə QHT nümayəndələrini təbrik edir.

Avrasiya.net təbrik paylaşımını təqdim edir:

“Hörmətli Qeyri-Hökumət Təşkilatlarının nümayəndələri !
2021-ci il bir çox taleyüklü hadisələrlə bəşəriyyətin, eləcə də bizim yaddaşımızda silinməz izlər qoydu. Müzəffər Ali Baş Komandanın rəhbərliyi ilə rəşadətli ordumuz tərəfindən qazanılan tarixi zəfərin davamı olaraq işğaldan azad olunmuş torpaqlarımıza qayıdış prosesinin surətləndirilməsi, aparılan abadlıq-quruculuq işləri, geridə qoyduğumuz ilin anlamını göstərməklə yanaşı qarşıdan gələn ilin məsuliyyət və önəmini ifadə edir.

Qürur hissi ilə qeyd etmək istərdim ki, yola saldığımız 2021-ci ildə vətəndaş rifahının yaxşılaşdırılması, eyni zamanda insan hüquq və azadlıqlarının təmini, şəhid ailələri, müharibə veteranları, əlilliyi olan və digər həssas qruplara aid olan şəxslərin sosial problemlərinin həllinə dəstəyin göstərilməsi, Azərbaycanın haqlı mövqeyinin beynəlxalq arenada təbliği, ailə dəyərlərinin təşviqi, elm, təhsil və mədəniyyətin inkişafı, əhalinin sağlamlığının və ətraf mühitin qorunması, ictimai nəzarətin təşkili istiqamətində verilmiş qərarların və həyata keçirilən siyasətin cəmiyyətə dolğun çatdırılmasında Qeyri-Hökumət Təşkilatları tərəfindən mühüm işlər görülüb. İstər əldə edilən zəfərdən sonrakı proseslərdə, istər hələ də davam edən COVID-19-la mübarizə tədbirlərində QHT nümayəndələri həyata keçirilən müqəddəs missiyada özünəməxsus yer tutur.

2021-ci il həm də cənab Prezident İlham Əliyevin Fərmanı ilə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin yaradılması ilə yadda qaldı. Bu baxımdan 2021-ci il bizim üçün də yeniliklər ili oldu. Agentliyin əsas hədəfi qeyri-hökumət təşkilatlarının inkişafı, onların potensiallarının artırılması, fəaliyyətləri üçün əlverişli mühitin yaradılmasından ibarətdir. Bu hədəfə çatmaq üçün Sizlərlə birlikdə faydalı və keyfiyyətli əməkdaşlıq edəcəyimizə əminəm.

Hörmətli Qeyri-Hökumət Təşkilatlarının nümayəndələri !

Qarşıdan gələn 2022-ci ili böyük ümid ilə qarşılamağa hazırlaşırıq. Sizinlə birlikdə azad edilmiş torpaqlarımıza etdiyimiz səfərlər zamanı böyük qayıdış istiqamətində görülən işlərin canlı şahidi olmağımız qarşıdan gələn ilin də bizlər üçün necə böyük məsuliyyət olduğunu bir daha təsdiq edir. Hər bir daşında tarix yatan, babalarımızın müqəddəs ruhlarının məskəni olan dilbər güşələrimizin dirçəldilməsində pay sahibi olmaq yüzminlərlə öz ata-baba yurdundan didərgin salınmış məcburi köçkünlərə və Dünya Azərbaycanlılarına ifadəsi mümkünsüz xoşbəxtlik bəxş edəcəkdir.

Hər birinizi Dünya Azərbaycanlılarının Həmrəyliyi günü və Yeni il münasibəti ilə münasibətilə təbrik edir, şərəfli missiyanızda uğurlar arzulayıram.”
Ağdamda ekskovator minaya düşdüDekabrın 29-da Ağdam rayonunun Baş Qərvənd kəndi ərazisində təmir işləri aparılan zaman “Körpü-Bina-Tikinti” MMC-yə məxsus ekskavator ilə sürücü 1978-ci il təvəllüdlü Vurğun Məmmədovun tank əleyhinə minaya düşüb.

Avrasiya.net xəbər verir ki, bu barədə Ağdam Rayon Prokurorluğundan məlumat verilib.

Nəticədə ekskavatora ziyan dəyib, sürücü hər hansı xəsarət almayıb.

Prokurorluq əməkdaşları tərəfindən hadisə yerinə baxış keçirilib, digər prosessual hərəkətlər yerinə yetirilib.

Faktla bağlı Ağdam rayon prokurorluğunda araşdırma aparılır.
“Azəriqaz”dan qaz limiti ilə bağlı AÇIQLAMAMexaniki-elektron qaz sayğaclarında güzəştli limit həddinə dair hesabat hər il yanvar ayının ilk ongünlüyündə aparılır. Belə ki, bu qaz sayğaclarında göstəricilərin fiziki olaraq oxunuşu yanvar ayının ilk 4 günü bayram gününə düşdüyündən həmin ayın 10-dək davam edə bilər.

Bu barədə Avrasiya.net-ə “Azəriqaz” İstehsalat Birliyindən məlumat verilib.

Bildirilir ki, göstəricilərin oxunduğu gün abonent üçün hesabat dövrüdür və həmin gündən etibarən o, yeni il üzrə güzəştli limit həddindən istifadəyə başlayır.

Yekunda illik oxunuş 365 günü tam əhatə edəcək. Əgər abonent istifadə etdiyi mexaniki-elektron qaz sayğacının göstəricisinin daha tez qeydə alınmasını istəyərsə, o halda, dekabrın 31-dən yanvarın 1-nə keçən gecədən etibarən sayğacın göstəricisinin aydın görünən foto şəklini çəkərək (+99477) 3 104 104 saylı “Whatsapp” nömrəsinə göndərə bilər.

Bir şərtlə ki, mobil telefonla çəkilən foto şəklin üzərində çəkilmə tarixi əksini tapsın. Bu fotolar hesabat məlumatları bazaya yüklənərkən həmin tarixlə qeydə alınacaq. Əvvəlcədən ödənişli sayğaclarda isə dekabr ayının 31-i gecə saat 00:00-dan etibarən yeni il üzrə güzəştli limit həddindən istifadəyə başlanılır.
Saakaşvilinin bu müğənnidən qızı var imiş - FotoYeni ildə mənim sevimli kiçik qızım, Birinci kanalda yayımlanan bayram konsertinin iştirakçısı Elis Mariya Saakaşvili anası ilə birlikdə sizləri salamlayacaq.

Avrasiya.net Report-a istinadən xəbər verir ki, bunu Gürücüstanın hazırda həbsdə olan keçmiş Prezidenti Mixail Saakaşvili Feysbuk səhifəsində yazıb.

O, ilk dəfədir nikahdankənar qızının olduğunu etiraf edib.

Məlumata görə, E.M.Saakaşvilinin anası Gürcüstan müğənnisi Sofiya Nijaradzedir. M.Saakaşvili Feysbuk səhifəsində qızı və onun anası S.Nijaradzenin səhnədə çəkilən birgə fotolarını da paylaşıb.

Qeyd edək ki, 1967-ci il təvəllüdlü M.Saakaşvili 1993-cü ildə Niderland əsilli Sandre Rulovsla rəsmi ailə qurub. Onların Eduard və Nikoloz adlı iki oğlanları var.

Sabiq dövlət başçısı bu ilin oktyabrında Ukrayna parlamentinin deputatı Yelizaveta Yasko ilə də sevgi münasibətində olduğunu açıqlamışdı.
İsrail ABŞ-dan 12 hərbi helikopter alırİsrail ABŞ-dan 12 hərbi helikopterin alınması ilə bağlı müqavilə imzalayıb.

“Report” xəbər verir ki, məlumatı “news.co” yayıb.

Bildirilib ki, ABŞ-ın “Lockheed Martin” şirkətinin istehsalı olan helikopterlər İsrailin köhnəlmiş “Sikorsky CH-53” (“Yasur”) hücum helikopterlərini əvəzləyəcək.

Məlumata görə, İsrail ABŞ-ın “Boeing” şirkətinin istehsalı olan yeni “KC46” markalı yanacaqdolduran təyyarələr də alacaq.

ABŞ-la İsrail arasında bu anlaşmaların ümumi dəyəri 2 milyard dollara yaxındır.

Helikopterlərin 2026-cı ildə İsrailə gətiriləcəyi gözlənilir.



Birinci vitse-prezidentdən xalqa təbrikBirinci vitse-prezident Mehriban Əliyeva 31 dekabr - Dünya Azərbaycanlılarının Həmrəylik Günü və Yeni il bayramı münasibətilə Azərbaycan xalqını təbrik edib.

Avrasiya.net-in məlumatına görə, Birinci vitse-prezident bununla bağlı “İnstaqram” hesabında paylaşım edib.

"Dünya Azərbaycanlılarının Həmrəylik Günü və Yeni iliniz mübarək!", - deyə paylaşımda qeyd olunub.
Komitə sədri xalqımızı təbrik edibDəyərli Həmvətənlər!

Sizi 31 dekabr - Dünya Azərbaycanlıların Həmrəyliyi Günü və qarşıdan gələn Yeni il Bayramı münasibəti ilə səmimi qəlbdən təbrik edirəm!

Azərbaycan xalqı dünyanın ən qədim, təqribən 5 min illik dövlətçilik ənənələrinə malik olan bir xalq olaraq özünəməxsus mədəniyyət, o cümlədən dövlətçilik ənənələri yaratmışdır.

Buna baxmayaraq, Azərbaycan dövləti müxtəlif zamanlarda müharibələr, inqilablar, hərbi münaqişələr nəticəsində parçalanıb, işğallara məruz qalıb, azərbaycanlıların bir qismi yurd-yuvalarından didərgin salınıb, deportasiyalara məruz qalıb, bu və ya digər səbəbdən doğma Vətəni tərk edərək başqa ölkələrdə məskunlaşıblar.

Anadolu türklərindən sonra dünyanın ikinci böyük türk xalqı olan azərbaycanlılar hazırda 55 milyondandan cox olmaqla dünyanın hər yerində yaşayırlar.
1991-ci ilin 16 dekabrında Naxçıvan Muxtar Respublikasının Ali Məclisinin sədri ümummilli liderimiz Heydər Əliyev dünya azərbaycanlılarının birliyini yaratmağın əhəmiyyətini nəzərə alaraq, dekabrın 31-ni Dünya Azərbaycanlılarının Həmrəylik Günü elan etdi. Beləliklə, məhz bu tarixdən bütün azərbaycanlılar üçün əziz olan 31 dekabr Dünya Azərbaycanlılarının Həmrəylik Günü kimi qeyd edilir.
44 günlük “Vətən Müharibəsi”nin gedişindən və qazanılmış Şanlı Zəfərdən sonra torpaqlarımıza əyri gözlə baxan hər bir dövlət bilməlidir ki, qarşısında dünyaya şanlı tarix yazmış AZAD TÜRK xalqı var!
Biz əminik ki, necə ki, Heydər Əliyev idealogiyası yaşayır və müasir dünya siyasi arenasında qətiyyətli, qorxmaz İlham Əliyev kimi lideri, Müzəffər Ali Baş Komandanı var, bu xalq hələ uzun illər şərəfli tarix yazmaqda davam edəcək!

Sizi bir daha yeni arzular gətirən YENİ İL və xüsusən də Dünya Azərbaycanlılarının Həmrəyliyi Günü münasibəti ilə səmimi qəlbdən təbrik edir, müstəqil Azərbaycanımızın daim var olması, inkişafı naminə yorulmaz fəaliyyət arzulayıram!

Sadiq Qurbanov
Milli Məclisin Təbii ehtiyatlar, energetika və ekologiya komitəsinin sədri
Yeni ildə internet dələduzlarından bu cür qorununYeni il bayramında da internet dələduzluğu problemi öz aktuallığını saxlayır. Təcavüzkarlar Yeni il ərəfəsində onlayn hədiyyə alanların diqqətsizliyindən istifadə edərək, tez-tez tanınmış brendlərin adı altında gizlənir, istifadəçilərə sadə oyunlar qarşılığında böyük məbləğdə pul uduşları vəd edirlər. Dələduzlar uduşun əldə edilməsi üçün bank kartı məlumatlarının daxil edilməsi və ya komissiya ödənilməsini istəyə bilərlər. Öz məlumatlarınızı daxil etdiyiniz saytları diqqətlə yoxlayın və şəbəkədəki “səxavətli” təkliflərə qarşı olduqca həssas yanaşın.

Avrasiya.net xəbər verir ki, bunu “Kasperski” şirkətinin Azərbaycandakı nümayəndəsi Müşfiq Məmmədov deyib.

“Təcavüzkarlar öz sxemlərini hər zaman aktual hadisələrə uyğunlaşdırırlar. Yeni il bayramı da istisna deyil. Görürük ki, fırıldaqçılar tez-tez elektron ödəniş, sorğu, uduş səhifələri və onlayn mağaza adı altında gizlənirlər. Təhlükəsizlikdən əmin olmaq üçün saytın doğrudan da həmin brendə aid olduğunu, ünvan adının rəsmi adla üst-üstə düşdüyünü yoxlayın, həmçinin onun kimin adına və nə zaman qeydiyyata alındığını da dəqiqləşdirmək olar”, - M.Məmmədov bildirib.

Onun sözlərinə görə, dələduzların toruna düşməmək üçün əsas qaydalara əməl etmək lazımdır:

“Elektron poçt, messencer və ya sosial şəbəkələrdəki şübhəli linklərə keçid etməyin, həmçinin şübhəli saytlardakı reklam banerlərinə klikləməyin. Ödəniş üçün məlumatları daxil etməzdən öncə ünvan zolağındakı sayt ünvanını diqqətlə yoxlayın. Daha yaxşı olar ki, onlayn alış-veriş üçün ayrıca bir kart, məsələn, virtual kart açasınız və onun balansında az məbləğ saxlayasınız, həmçinin gündəlik nağdlaşdırma limiti təyin edəsiniz. Fişinq və ya spam saytlarına, eləcə də zərərli reklam banerlərinə keçidi bloklayan qoruma proqramı yükləməkdə fayda var”.
Prezident Azərbaycan xalqını təbrik etdiPrezident İlham Əliyev 31 dekabr - Dünya Azərbaycanlılarının Həmrəylik Günü və Yeni il bayramı münasibətilə Azərbaycan xalqını təbrik edib.

Avrasiya.net xəbər verir ki, dövlət başçısı rəsmi Tvitter səhifəsində Şuşanın fotosunun fonunda hazırlanan təbrik paylaşımı edib.

"Dünya Azərbaycanlılarının Həmrəylik Günü və Yeni iliniz mübarək!", - paylaşımda bildirilib.