Azərbaycanla sülh sazişi imzalamağa hazırıq - PaşinyanBiz Azərbaycana sülh sazişi imzalamağı təklif etmişik və edirik də.

Axar.az xəbər verir ki, bunu Ermənistanın Baş naziri Nikol Paşinyan deyib.

“Bildirmişik ki, ATƏT-in Minsk Qrupunun bütün fəaliyyəti sülh sazişinin imzalanmasına yönəlib. Tammiqyaslı danışıqlar prosesinin bərpasından danışırıq və bu prosesə cəlb olunmuşuqsa, deməli, məqsədimiz də sülh sazişini imzalamaqdır”, - Paşinyan qeyd edib.
Ərəbdilli KİV-lərdə Prezident İlham Əliyevə Türk Dünyasının Ali Ordeninin təqdim edilməsi haqqında məqalə dərc edilibİordaniyanın “Nayrouz” informasiya agentliyinin saytında, həmçinin Küveytin “q8press”, İraqın “Əfkar Hürə” və “Mustağila” portallarında azərbaycanlı şərqşünas Həşim Məmmədov və siyasi şərhçi Turan Rzayevin Türk Şurasının İstanbulda keçirilən VIII Zirvə Görüşündə Azərbaycan Prezidenti İlham Əliyevə Türk Dünyasının Ali Ordeninin təqdim edilməsi barədə məqalə dərc edilib.

AZƏRTAC xəbər verir ki, məqalədə mükafatın Azərbaycanın dövlət başçısına Türkiyə Prezidenti Rəcəb Tayyib Ərdoğan tərəfindən təqdim edildiyi diqqətə çatdırılıb. Müəlliflər qeyd ediblər ki, Prezident İlham Əliyevin Türk dünyasının ali mükafatı ilə təltif edilməsi Azərbaycan Prezidentinin böyük şəxsiyyətinə, Türk dünyasında liderliyinə, beynəlxalq miqyasda və türkdilli dövlətlər arasında olan yüksək nüfuzuna verilən layiqli qiymətdir. Təsadüfi deyil ki, bu gün Prezident İlham Əliyev Türk və islam dünyasında uzaqgörən, məqsədyönlü siyasət aparan prinsipial dövlət xadimi kimi şöhrət qazanıb. Xüsusən, 44 günlük müharibə zamanı dövlətimizin başçısının istər hərbi, istərsə də diplomatik uğurları və əldə edilən tarixi Qələbə onun həm türk ölkələri, həm də dünya miqyasında nüfuzunu daha da artırıb.

Yazıda vurğulanıb ki, Azərbaycanın 44 günlük müharibədə əldə etdiyi Qələbə Prezident İlham Əliyevin timsalında türk xalqının tarixi oyanışının rəmzi olub. Xüsusən, türk dünyası üçün də əhəmiyyətli olacaq Zəngəzur dəhlizinin açılması istiqamətində görülən işlər diqqətəlayiqdir. Prezident İlham Əliyev hələ 2009-cu ilin oktyabrında Türkdilli dövlət başçılarının Naxçıvan Zirvə Görüşündə deyirdi ki, vaxtilə Azərbaycanın tarixi torpağı, əzəli torpağı Zəngəzur bölgəsinin Azərbaycandan ayırıb Ermənistana birləşdirilməsi demək olar ki, böyük türk dünyasını coğrafi baxımdan parçaladı. Tam əminliklə deyə bilərik ki, Prezident İlham Əliyev türkdilli dövlətlər arasında coğrafi bağlılığın bərpa edilməsinə, bütün Türk dünyasının birlik arzusunun reallığa çevrilməsinə misilsiz töhfələr verən liderdir.
Daha 22 nəfər koronadan öldüAzərbaycanda koronavirus (COVID-19) infeksiyasına 2 025 yeni yoluxma faktı qeydə alınıb, 2 267 nəfər müalicə olunaraq sağalıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, analiz nümunələri müsbət çıxan 22 nəfər vəfat edib.

İndiyədək ölkədə ümumilikdə 565 965 nəfərin koronavirus infeksiyasına yoluxması faktı müəyyən edilib, onlardan 528 105 nəfər müalicə olunaraq sağalıb, 7 524 nəfər vəfat edib. 30 336 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 12 127, bu günə qədər isə ümumilikdə 5 392 281 test icra olunub.
"Ermənistan heç nəyə nail olmayacaq""Ermənistan bu davranışı ilə heç nə əldə edə bilməyəcək, uduzacaq"

“Report” xəbər verir ki, bunu Türkiyənin xarici işlər naziri Mövlud Çavuşoğlu Bəhreynin xarici işlər naziri Abdullatif bin Raşid Alzayani ilə keçirdiyi birgə mətbuat konfransında bildirib.

"Şəhidlərə Allahdan rəhmət diləyirəm. Azərbaycan 30 ilə yaxındır işğal altında qalan torpaqlarını 44 gün içərisində geri aldı. Bununla da türkün gücünü və qətiyyətini göstərdi. Azərbaycan yalnız deyil və olmayacaq. Öz torpaqlarını geri alan Azərbaycanın atdığı addımlara baxaq. Hazırda çox əhəmiyyətli layihələr həyata keçirirlər. Azərbaycanın Ermənistana əhatəli sülh müqaviləsi təklif edir. Qalib tərəf məğlub tərəfə deyir ki, gəl, sülh müqaviləsi bağlayaq ki, bir daha aramızda münaqişə olmasın. Ermənistan isə bunlara məhəl qoymayaraq Azərbaycana hücumlar edir. Onlar Azərbaycan torpaqlarında terror hücum həyata keçirir", - o deyib.

M.Çavuşoğlu vurğulayıb ki, Ermənistan Azərbaycanla sərhəddə təxribatları yenə davam etdirir: "Bu iki yanaşma arasında çox ciddi fərq var. Bu, Ermənistan üçün heç bir nəticə verməyəcək. Bölgənin sabitliyi üçün əməkdaşlıq etmək istəyirik. Biz bunları söylədiyimiz halda, Ermənistan bunları qəbul etmir, qarşılığında nə istədiyini də bildirmir. Buralar Azərbaycan torpağı idi və həmin əraziləri də işğaldan azad etdi. Ermənistan bu cür təxribatlarla nəticə əldə edilə bilməz, yalnız uduzar. Bir tərəfdən əsirlərin verilməsi üçün yalvaran Ermənistan beynəlxalq ictimaiyyəti də çətin vəziyyətə salmağa çalışır. Digər tərəfdən də Azərbaycan hərbçilərinə hücum edir. Onlar bizim də qardaşlarımızdır".
Şəhid ailələri vergidən azad olunurMilli Məclisin bu gün keçirilən iclasında Vergi Məcəlləsinə dəyişiklik layihəsi I oxunuşda müzakirəyə çıxarılıb.

Avrasiya.net xəbər verir ki, dəyişikliklə Vətən müharibəsində şəhid olmuş şəxslərin ailə üzvlərinə və aparılan hərbi əməliyyatlar nəticəsində əlilliyi müəyyən edilmiş hərbi qulluqçulara və mülki şəxslərə verilən maddi yardımın 10 000 manatadək olan hissəsinin gəlir vergisindən azad olunacaq.

Vergi Məcəlləsinə təklif edilən digər dəyişikliklə isə Vətən müharibəsində şəhid olmuş və ya yaralanmış şəxslərin banklara və digər kredit təşkilatlarına olan borclarının silinməsindən əldə olunan gəlir vergidən azad ediləcək.

Dəyişiklik layihəsi müzakirələrdən sonra səsverməyə çıxarılaraq I oxunuşda qəbul edilib.
Əsgərimiz əsir düşüb? Erməni yalanı ifşa oldu – FotoErməni KİV-ləri sərhəddə dünən baş verən toqquşmada guya Azərbaycan əsgərinin əsir götürüldüyünü iddia ediblər.

Axar.az xəbər verir ki, düşmən təbliğat maşını yalanını həqiqət kimi sırımaq üçün hətta “əsirin fotosu”nu da yayıb.

Qısa araşdırmadan sonra isə bəlli olub ki, fotosu yayılan əsgər Anar Hidayət oğlu Əliyevdir. O, 44 günlük Vətən müharibəsi zamanı yaralanaraq, əsir düşüb və əsirlər dəyişdirilərkən, ölkəmizə qaytarılıb.
Nikol bir gün keçməmiş Kremli köməyə çağırdı - KovbasyukBu yaxınlarda müsahibə verərkən vurğuladım ki, münaqişənin İrəvan tərəfindən qızışdırılması yaxın perspektivdə mümkündür. Ermənistanın üçtərəfli bəyanatı imzalaması səbəbi onun başqa çıxış yolunun olmamasından irəli gəlirdi. Ermənistan hökuməti və xalqı arasındakı revanşist əhval-ruhiyyə tükənmədi, məhz bu səbəbdən də vəziyyət istənilən anda gərginləşə bilərdi.

Bu sözləri Axar.az-a açıqlamasında Ukrayna Siyasi Assosiasiyasının eksperti Rinat Kovbasyuk Ermənistan silahlı qüvvələrinin dünənki təxribatlarını şərh edərkən deyib.

“Sözlərimin təsdiqi üçün çox gözləmək lazım olmadı. Anlamalıyıq ki, Ermənistanın onsuz da yaxşı durumda olmayan iqtisadiyyatı koronavirus məhdudiyyətlərindən və Ermənistan hakimiyyətinin sosial problemləri həll edə bilməməsindən sonra “laxlayıb”. Bu amillər hakimiyyəti xalqın diqqətini yayındırılmaq üçün ən optimal üsul seçməyə sövq edir, həmin üsul da yeni təxribat törətmək oldu.

Paşinyan hökuməti iki ölkənin bir mühitdə mövcudluğuna hazır deyil və buna görə də növbəti təxribatlara başlamaqla, bu dəfə Moskvanı öz təhlükəsizliyinin qarantı kimi qəbul etməyə qərar verib. Bir sutka keçməmiş ermənilər KTMT-nın üzvü kimi Kremli köməyə çağırdılar. Onların bir istəyi var, o da Moskvanı arbitrə deyil, münaqişə iştirakçısına çevirmək, bütün əvvəlki razılaşmaları pozmaq, heç olmasa, nəyisə yenidən işğala cəhd etməkdir”, - ekspert bildirib.

Onun sözlərinə görə, indi Paşinyan üçün kiçik qələbə belə çox vacibdir:

“İrəvan növbəti məsuliyyətsiz hərəkətləri ilə bütün Cənubi Qafqazı, regionun həssaslığını nəzərə alsaq, bəlkə də Şimali Qafqazı “alovlandırmaq” riski ilə üz-üzə məruz qoyur. Buna görə də Bakı inanılmaz səylərlə Cənubi Qafqaz regionunda sülhü möhkəmləndirməyə çalışır”.
Ermənistan təhlükəli addımlar atarsa, Azərbaycan... - Bayramov ELAN ETDİ“Ermənistan beynəlxalq hüquqa uyğun addım atmayacağı təqdirdə, Azərbaycana qarşı hansısa təhlükəli bir addım görsək, heç tərəddüd etmədən lazımi qarşılığını verəcəyik”.

Publika.az "Anadolu"ya istinadən xəbər verir ki, bunu Azərbaycanın xarici işlər naziri Ceyhun Bayramov Azərbaycan-Ermənistan sərhədindəki gərginliyi şərh edərkən deyib.

O, Azərbaycan Prezidenti İlham Əliyev ilə Türkiyənin dövlət başçısı Rəcəb Taayib Ərdoğanın regiondakı sabitliklə bağlı mesajlarını xatırladıb: “İki liderin bu mesajları son dərəcə əhəmiyyətlidir. Sülhün və sabitliyin təmin olunmasına istiqamətlənmiş bu mesajlara Ermənistanın necə reaksiya verəcəyi, hansı yolu seçəcəyi tamamilə rəsmi İrəvanın öhdəsinə buraxılan qərardır. Ümid edirik ki, bu, düzgün bir qərar olacaq. Təəssüf ki, Ermənistanın revanşist açıqlamalarına şahidlik etməkdəyik. Bunlar təhlükəli açıqlamalardır. Bizim istədiyimiz regionda sülh, sabitlik və təhlükəsizliyin təmin olunmasıdır”.
Koronavirus BU TARİXDƏ bitəcək - FausiABŞ prezidentinin müşaviri, Milli Allergiya və Yoluxucu Xəstəliklər İnstitutunun direktoru Entoni Fausi pandemiyanın yaz aylarında bitəcəyini elan edib.

Publika.az xarici mətbuata istinadən xəbər verir ki, mütəxəssis həm koronavirus peyvəndlərinin ilk iki dozasının, həm də gücləndirici dozanın effektindən danışıb. O qeyd edib ki, peyvəndlənmə artarsa, koronavirusun yoluxuculuq sürəti pandemiyanın əhatə dairəsindən kənarda qala bilər:

Peyvəndlənmə nisbəti artarsa, gələn ilin yazında COVID-19 pandemiya kateqoriyasından endemik kateqoriyaya keçə bilər. Hazırda ABŞ-da əhalinin 70 faizindən çoxu tam peyvənd olunub. Əgər Amerikada peyvəndlənmə sürətlənərsə, hökumət gücləndirici peyvəndləri hamı üçün əlçatan etsə, virus 2022-ci ilin yazında nəzarət altına alına bilər. Buna baxmayaraq, COVID-19-un yoluxuculuğu tamamilə dayanmayacaq və xəstəliyin cəmiyyətə təsiri davam edəcək. Müəyyən bir nöqtədən sonra qrip və ya qızılca kimi olacaq. Gücləndirici peyvəndlər isə zəifləyən antikorların təsirini artırmaq üçün həyati əhəmiyyət kəsb edir”.

E.Fausi hesab edir ki, COVID-19-un endemik kateqoriyasına düşməsi üçün yoluxmaların çox aşağı səviyyələrə enməsini gözləməli olacağıq: “Virusun cəmiyyətə və ya iqtisadiyyata təsiri olmamalıdır. İnsanlar yenidən xəstələnəcək, yenidən xəstəxanaya yerləşdiriləcək, amma say o qədər az olacaq ki, gündəlik həyatımıza təsir etməyəcək. Bunun baş verməsi üçün hər kəs peyvənd olunmalıdır. Digər ölkələr üçüncü vaksin dozasını verməyə başlayıb. Düşünürəm ki, biz də bunu etsək, yazda pandemiyanı nəzarət altına ala bilərik”.
Fransada koronavirus pandemiyasının beşinci dalğası başlayıbFransada koronavirus pandemiyasının beşinci dalğası başlayıb.

“Report” “İhlas” xəbər agentliyinə istinadən xəbər verir ki, bu barədə ölkənin səhiyyə naziri Olivier Veran bildirib.

“Hazırkı vəziyyət beşinci dalğanın başlandığını göstərir. Dalğanın hansı miqyasda olacağını indidən təxmin etmək çətindir. Ancaq yanvar ayınadək xəstəxanalara gündəlik yerləşdirilənlərin sayının 1000-i keçəcəyi gözlənilir” - o bildirib.