Şəhid uşaqları sevindirildiİkinci Qarabağ müharibəsindəki Zəfərimizin ildönümü ilə əlaqədar Vətən uğrunda canından keçən qəhrəman oğullarımızın ailələri və övladları üçün xoşməramlı tədbir keçirilib. Xəbər verir ki, “Neşfe Azərbaycan” restoranı şəhid ailələrini və qazilərimizi bir araya toplayıb.

Tədbirdə 100-ə yaxın şəhid övladı, müharibə iştirakçısı iştirak edib. “Neşfe Azərbaycan” restoranın sahibi Eldar Rəfiyev belə tədbirlərin keçirilməsinin vacibliyini bildirib.

“Şəhidlərimizin ailələri, övladları bizə əmanətdir. Onların ataları Vətən uğrunda canından keçdilər. Ali Baş Komandanımız şəhid ailələrini daima diqqətdə saxlayır. Biz də ictimaiyyət nümayəndələri olaraq onları hər zaman diqqətdə saxlayıb dəyər verməliyik. Belə tədbirləri daimi şəkildə keçirtməyi planlaşdırırıq. Allah şəhidlərimizə rəhmət eləsin”.


Ermənilər mövqelərimizi atəşə tutdu: atışma davam edirErmənistan Silahlı Qüvvələrinin bölmələri noyabrın 13-ü günorta saatlarından başlayaraq Basarkeçər rayonunun Yuxarı Şorca yaşayış məntəqəsində yerləşən mövqelərindən Kəlbəcər rayonunun Zəylik yaşayış məntəqəsi istiqamətində yerləşən Azərbaycan Ordusunun mövqelərini müxtəlif çaplı atıcı silahlardan, snayper tüfəngi və qumbaraatanlardan da istifadə etməklə atəşə tutub.

Avrasiya.net xəbər verir ki, bu barədə Azərbaycan Müdafiə Nazirliyinin yaydığı məlumatda deyilir.

"Azərbaycan Ordusunun bölmələri qarşı tərəfin təxribatının qarşısını almaq üçün adekvat tədbirlər görür, hazırda bu istiqamətdə atışma davam edir. Azərbaycan Ordusunun şəxsi heyəti arasında itki yoxdur. Əməliyyat şəraiti bölmələrimizin nəzarəti altındadır", - məlumatda bildirilir.
"Türk dünyası üçün yeni səhifə açılır"Əlisahib Hüseynov
Milli Həmrəylik Partiyasının sədri


Dünən nəinki Azərbaycan və Türkiyənin, bütövlükdə Türk dünyasının tarixində və taleyində olduqca mühüm hadisə baş verdi, Türk Şurasının İstanbulda keçirilən 8-ci Zirvə Toplantısında qurumun həm adı, həm də statusu dəyişdirildi, Şura Təşkilata çevrildi, Türk Dövlətləri Təşkilatı kimi böyük siyasi birlik təsis edildi. Odur ki, bu Zirvə görüşü bütün Türk dünyası üçün, o cümlədən Azərbaycan üçün də olduqca mühüm tarixi əhəmiyyət kəsb edəcək.

Bütün türk xalqları, Türk dünyasının aydınları uzun illər idi ki, məhz bu tarixi anın yetişəcəyi günü gözləyirdilər. Nəhayət ki, xəyallar gerçək oldu. Bundan sonra ölkələrimiz arasında daha sıx münasibətlər formalaşacaq. Bizim vahid siyasi və iqtisadi güc halına gəlmək imkanlarımız olduqca artacaq. Biz həm siyasi, həm iqtisadi, həm də humanitar sahələr ilə bağlı məsələlərin geniş spektri üzrə real əməkdaşlığa, iş birliyinə başlayacağıq. Eyni zamanda Türk Dövlətləri Təşkilatının təkcə ölkələrimiz, xalqlarımız üçün deyil, dünya üçün də önəmi bundan sonra daha da artacaq. Bunun üçün kifayət qədər perspektivlər var.

Yeri gəlmişkən, dünən Azərbaycan Türkdilli Dövlətlərin Əməkdaşlıq Şurasına (Türk Şurası) sədrliyini uğurla başa vurdu və İstanbulda keçirilən 8-ci Zirvə görüşündə sədrlik qardaş ölkəyə ötürüldü. Türk Dövlətləri Təşkilatındakı sədrlik müddətini Türkiyə Prezidenti Rəcəb Tayyib Ərdoğan öz üzərinə götürdü. Azərbaycan 2019-2021-ci illərdə Türk Şurasına uğurla sədrlik edib, türk cümhuriyyətləri arasında dostluğun, qardaşlığın və əməkdaşlığın daha da möhkəmləndirilməsi işinə mühüm töhfələr verib. Məhz bu xidmətlərinə və Azərbaycanın Vətən müharibəsindəki tarixi qələbəsinə görə dövlət başçımız İlham Əliyev sözügedən Zirvə Toplantısında “Türk Dünyasının Ali Ordeni” ilə təltif edildi.

Azərbaycanın Türk Şurasına sədrliyi Türkiyəyə təhvil verdiyi zamana təsadüf edən bu mükafat Türkdilli ölkələrin Dövlət Başçıları Şurasının Qərarı ilə verilib. Belə bir qərarın qəbul olunması Zirvə görüşünün ən vacib məqamlarından biri idi. Dövlət başçımızın rəhbərliyi ilə Azərbaycan Ordusunun 44 günlük Vətən müharibəsində ərazi bütövlüyümüzü bərpa etməsi həqiqətən də türk birliyinə ən mühüm töhfələrdən biridir. İndi Türk dünyası üçün tamamilə yeni səhifə açılır.

Erməni terrorçunun posta hücumu misli görünməmiş terror aktıdır - Amerikalı ekspertErməni terrorçunun Daşaltı kəndində azərbaycanlı hərbçilərin və rusiyalı sülhməramlıların olduğu posta hücumu misli görünməmiş terror aktıdır.

Avrasiya.net xəbər verir ki, bunu Trend-ə amerikalı ekspert Piter Teys deyib.

"Terrorçuluq və revanşizm erməni cəmiyyətində bir çox forma və təzahürə malikdir. Faciəvi faktlardan biri də odur ki, demokratik dünyada, Avropada, ABŞ-da beynəlxalq subyektlər Yerevan administrasiyası tərəfindən Azərbaycanın günahsız dinc sakinlərinə və Silahlı Qüvvələrinə qarşı təşkil olunan terror aktlarını mühakimə etmir", - deyə ekspert bildirib.

Onun sözlərinə görə, Ermənistan hökuməti və cəmiyyəti tərəfindən erməni terrorçuların alqışlanması ciddi amildir və beynəlxalq ictimaiyyət bununla mübarizə aparmalıdır.

"Erməni terrorçuluğu Los-Anceles, Paris, Berlin küçələrində yayılıb. Təəssüf ki, iri dövlətlərin diqqəti "yaşıl iqtisadiyyat"a və ekoloji problemlərə yönəlib, amma məsələ çoxəsrlik erməni terrorçuluğuna çatanda ABŞ və Aİ qanunvericiləri susqunluğu qorumağa üstünlük verir. Yerevan isə cəzasız qalmaqda davam edir, eyni zamanda terrorçuluq aktlarının maliyyələşdirilməsi, xüsusilə də ASALA terror təşkilatına maliyyə köməyi və siyasi dəstək göstərilməsi davam etdirilir. Azərbaycan Silahlı Qüvvələri çox yaxşı təchiz olunub və terror hücumları ilə mübarizədə peşəkarlığın ən yüksək səviyyəsini təcəssüm etdirir" - deyə, ekspert sözlərini bitirib.


Şəhidin məktəbli bacısı faciəvi şəkildə vəfat etdi - FOTOVətən müharibəsi şəhidi Rəşad Ağayevin ailəsinə daha bir ağır itki üz verib.

Avrasiya.net qafqazinfo-ya istinadla xəbər verir ki, şəhidin bacısı 2006-cı il təvəllüdlü Tamilla Ağazadə ötən gün hamamda dəm qazından zəhərlənərək dünyasını dəyişib. Bildirilir ki, şəhid bacısı rayonun 283 nömrəli məktəbin 10-cu sinif şagirdi olub.

Faktı Binəqədi rayon İcra Hakimiyyətindən saytımıza təsdiqləyiblər.

Qeyd edək ki, 2000-ci il təvəllüdlü R. Ağayev 2020-ci ilin oktyabrın 2-də Suqovuşanın azadlığı uğrunda gedən döyüşlərdə şəhid olub.
“AzerGold”  görmə məhdudiyyətli insanlara innovativ dəstək verib“AzerGold” Qapalı Səhmdar Cəmiyyəti (QSC) Korporativ Sosial Məsuliyyət siyasəti çərçivəsində daha bir aksiya keçirib.

“AzerGold” QSC tərəfindən 13 Noyabr – Beynəlxalq Gözdən Əlillər Günündə Məhdud fiziki imkanlı insanlar üçün Gəncə Regional İnformasiya Mərkəzinə Brayl əlifbasını interaktiv yolla daha asan və əyləncəli öyrənməyə kömək edən innovativ cihazlar ianə edilib. Bununla yanaşı, Cəmiyyətin əməkdaşları Daşkəsən rayonunda yaşayan görmə məhdudiyyətli insanların evlərində qonaq olub, onlara “Braille teach” qurğularını təqdim ediblər.

Qeyd edək ki, xüsusilə məktəbəqədər yaşda olan uşaqlara fərdi qaydada Brayl əlifbasını öyrədəcək, onların asudə vaxtlarının təşkilinə səsli kitablar və oyunlar vasitəsilə dəstək olacaq “Braille teach” cihazı onların şifahi nitqi və əqli inkişafı üçün nəzərdə tutulub. Sözügedən qurğu tiflopedaqoqların iştirakı olmadan əlifba, eləcə də riyazi hesablamaları daha asan və rahat şəkildə öyrənmələrinə fayda verəcək.

Aksiya çərçivəsində cihazın ixtiraçısı, Dördüncü Sənaye İnqilabının Təhlili və Koodinasiya Mərkəzinin mütəxəssisi Rəşid Əliyev tərəfindən istifadə qaydaları haqqında ətraflı məlumat verilib. Cihazın tədrisə uyğunluğunun Təhsil Nazirliyi və İngiltərə Krallığının Milli Gözdən Əlillər İnstitutu (RNIB) tərəfindən təsdiq olunduğu qeyd olunub.

Layihənin davamı olaraq əlifba və riyazi hesablamaların öyrənilmə səviyyəsinin müəyyən edilməsi və stimullaşdırılması məqsədilə cihaz paylanılmış şəxslər arasında müsabiqənin keçirilməsi planlaşdırılır.
Layihənin məqsədi görmə məhdudiyyətli insanların qayğı ilə əhatələnməsi, onların sosial həyata adaptasiyasiyası, oxuma vərdişlərinin formalaşması, asudə vaxtlarının təşkilinə dəstək göstərməklə yanaşı, yerli startapların inkişafını təşviq etməkdir.

Xatırladaq ki, Beynəlxalq Gözdən Əlillər Günü Ümumdünya Səhiyyə Təşkilatının qərarı ilə gözdən əlillik və zəif görmə problemlərinə diqqəti cəlb etmək məqsədilə yaradılıb. Bu günün 13 noyabrda qeyd olunması fransız pedaqoqu Valentin Qayuininin adı ilə bağlıdır. 1745-ci il noyabrın 13-də anadan olan Qayuin dünyada ilk dəfə olaraq öz vəsaiti hesabına görmə məhdudiyyətli şəxslər üçün qabarıq şiriftlər yaradıb və ixtira etdiyi şriftlərdən istifadə etməklə onlara təlimlər keçib.
Bu, İrana mesajdır – İsrailİsrail, BƏƏ, Bəhreyn və ABŞ-ın iştirakı ilə Qırmızı dənizin şimalındakı Aqaba körfəzində keçirilən birgə təlim İrana mesaj vermək məqsədi daşıyır.

Bu barədə “Yerusəlim Post”a israilli zabit danışıb.

Zabit bildirib ki, birgə təlim İranın Yaxın Şərq sularında İsrailə qarşı hücumlarına cavab olaraq həyata keçirilir:

“İran Qırmızı dənizdə müstəqil hərəkət edir. İsrailə qarşı təxribat xarakterli hərəkətlərə yol verilməməsi üçün İranın Qırmızı dənizdən uzaqlaşdırılması vacibdir. İran regionda təkcə quruda deyil, dənizdə də mövqelərini aktivləşdirməyə çalışır. Bu istiqamətdə dənizdə hücumlar həyata keçirmək üçün PUA və müxtəlif platformalardan istifadə edir”.
Rusiya hərbçiləri faciəvi şəkildə öldüNoyabrın 12-də Rusiya Hava Desant Qüvvələrinin Belarusun Qrodno vilayətində keçirilən təlimdə bədbəxt hadisə baş verib.

Avrasiya.net xəbər verir ki, paraşütlə eniş zamanı iki Rusiya hərbçisi ölüb.

Rusiya Müdafiə Nazirliyi hadisə barədə məlumat yayıb.

Bildirilib ki, bədbəxt hadisəyə səbəb qəfil əsən güclü külək olub.

Yüksək ixtisaslı iki müqaviləli hərbçidən biri ehtiyat paraşütlə hər ikisini xilas etməyə çalışsa da paraşüt sistemi işə düşməyib və arzuolunmaz eniş olub. Hər iki hərbçi aldıqları xəsarətlərdən yerindəcə ölüb.


Hərbçilərimizə hücum edən erməni terrorçunun KİMLİYİ BİLİNDİBu gün səhər saatlarında Xankəndi-Şuşa yolunda Azərbaycan Ordusu ilə Rusiya sülhməramlı kontingentinin birgə postlarından birində terror aktı baş verib.

Yük maşınında posta yaxınlaşan erməni milliyətindən olan şəxs gözlənilmədən qumbara çıxararaq postun Azərbaycan hərbçiləri dayanan hissəsinə atıb. Vaxtında ərazidəın uzaqlaşa bilən hərbçilərimiz ciddi xəsaərtlər almadan qurtulublar.

Modern.az xəbər verir ki, ilkin ehtimallara görə, hadisaəni törədən şəxsin adı Norayrdır və o, Xankəndi şəhər sakinidir. Onun terror aktı üçün istifadə etdiyi qumbara isə RQD-5 qumbarasıdır.

Hazırda sülhməramlılar terrorçunu saxlayıblar.