"Taliban" Əfqanıstanda yeni qadağalar tətbiq etdi"Taliban" Əfqanıstanın şimal-şərqində yerləşən Bədəxşan əyalətində kişi və qadınlara hotel və restoranlarda birlikdə vaxt keçirməyi, musiqi dinləməyi və siqaret çəkməyi qadağan edib.

Bu barədə TASS xəbər verir.

Bütün bu qadağalar Əfqanıstanın müvafiq dövlət qurumu ilə razılıq əsasında tətbiq edilib.
Bu xurmanı çox yemək həyatınıza son qoya bilərHazırda yapon xurması deyilən xurma mövsümüdür. Onun cana faydaları sonsuzdur. Ona görə insanlar bol-bol yeməyə çalışır.

Avrasiya.net Medicina.az-a istinadən xəbər verir ki, həkimlər bu xurmanı çox yeməyin ciddi fəsad yaradıb, hətta əməliyyata səbəb olması barədə xəbərdarlıq edir. Belə ki, bu ilin fevralında Moskvada bir kişi çox xurma yeməsi səbəbindəm bağırsağından təcili əməliyyat olunub. Yaşlı kişi o qədər xurma yeyib ki, mədəsində fitobezoar adlı yad kütlə əmələ gəlib. Xurmada olan liflər həll olmayaraq mədədə qalaraq yığılmış, nazik bağırsaqdan keçə bilməmişdi. Kişidə dəhşətli ağrı, bağırsaq keçməməzliyi, mədədə ağırlıq yaranmışdı.

Eyni hal 2 xəstədə də təkrarlanıb.

Səbəb nədir?

Xurmada çox sayda kobud bitki lifləri və taninlər vardır. Onlar yığıcı, büzücü xassəlidir. Mədənin turş mühitində o polimerizasiya olunur və gel formasında kütlə əmələ gəlir. Fibezoarlar adətən mədədə meyvə-tərəvəz liflərindən, sellülozadan, toxum, tum, qabıqlardan yaranır.

Bir fitobezoarın yaranması üçün 3 ildən 10 ilə kimi vaxt tələb olunur.

Hələ tam yetişməmiş, ağız büzən sarı xurmada daha çox lif olduğu üçün risk də yüksəkdir. Xüsusilə azyaşlı uşaqların mədə-bağırsağı üçün təhlükəlidir.

Böyük insan gündə 120 qramdan artıq xurma yeməməlidir. Gecə isə xurma yemək olmaz. Uşaqlara isə bir dilim yetişmiş xurma kifayətdir.
Bu gün Türkiyə Cümhuriyyətinin yaranmasının 98-ci ildönümü qeyd olunur.

Avrasiya.net xəbər verir ki, 1923-ci il oktyabrın 29-da Türkiyə Böyük Millət Məclisi Cümhurriyyəti elan edib.

1925-ci ildə bu günün türk dövlətinin yaranması günü kimi qeyd olması barədə qanun qəbul olunub.

Türkiyə Respublikasının qurulması türk milləti və bu ölkənin varlığı uğrunda mübarizə aparanlar üçün böyük sınaqlar hesabına başa gəlib. Türkiyə Cümhuriyyəti yaradılması Birinci Dünya müharibəsi illərində və ondan sonra Osmanlı dövlətini parçalayıb məhv etmək istəyənlər üzərində qələbənin nəticəsidir.

Birinci Dünya müharibəsində Osmanlı Dövləti məğlubiyyətə uğradıqdan sonra ərazisi işğala məruz qalmışdı. O zaman Mustafa Kamal Atatürkün başçılıq etdiyi hərəkatın mübarizəsi 1923-cü ildə milli qüvvələrin qələbəsi ilə başa çatıb. 1920-i il aprelin 23-də Ankarada Böyük Millət Məclisi qurulub.

1922-ci il noyabrın 1-də isə Osmanlı dövlətinin fəaliyyətinin dayandırıldığı elan edilib. 1923-cü ildən Türkiyə parlament üsul idarəsi ilə idarə edilirdi. 2018-ci ildən isə ölkə prezident üsul idarəsinə keçib.