“Vətən uğrunda şəhid olmaq qədər dadlı və şərəfli ölüm varmı?”İkinci Qarabağ müharibəsi başlamazdan öncə hər zaman belə fikirlərin qulaq şahidi olardıq: “Azərbaycanda elə oğullar var ki, torpaqlarımızın işğaldan azad olunması əmrini gözləyirlər. Onlar 30 ilə yaxındır erməni işğalçıları tərəfindən yağmalanmış torpaqlarımızın azadlığı, Azərbaycanın ərazi bütövlüyü uğrunda vuruşaraq bu xalqın illərdir həsrətində olduğu qələbəni qazanmağı və bu yolda canlarından keçməyi, şəhidlik zirvəsinə yüksəlməyi özlərinə şərəf bilirlər”. Bəli, bunlar gəlişi gözəl fikirlər deyilmiş. Və xalqımız, eyni zamanda, bütün dünya 44 günlük Vətən Müharibəsində Azərbaycan oğullarının hər birinin yazdığı qəhrəmanlıq dastanlarının şahidi oldu. Bu dastanlardan birinin də müəllifi Vüsal Tahir oğlu Allahverdiyevdir...

Cənnətin tam özü olan Qubadlı

...Vüsalın ata babası əslən Qubadlının Seytas kəndindən, nənəsi isə Xocamsahlıdan idi. Ancaq Qubadlıda yaşayırdılar. Baba evləri Qara İlyasov adına 1 saylı orta məktəbdən bir qədər aralı, “Təzə bazar” deyilən yerə yaxın, Bərgüşad çayının həndəvərində yerləşirdi. Vüsal təbiəti əvəzedilməz və cənnətin tam özü olan Qubadlıda 1988-ci il avqustun 16-da dünyaya gəlib. Atası Tahir bəy və əmisi Mahir bəy, eləcə də, dayısı Akif Alıyev Birinci Qarabağ Müharibəsində könüllü olaraq Vətənin müdafiəsinə qalxıblar. Qubadlıda, Laçında döyüşüblər. Hər üçü Qarabağ Müharibəsi əlilidirlər. Mahir bəy, eyni zamanda, ehtiyatda olan zabitdir. 1993-cü il avqustun 31-də Qubadlı rayonu Ermənistan silahlı qüvvələri tərəfindən işğal olunanda Vüsalın 5 yaşı vardı. Və 5 yaşlı Vüsalın yaddaşına həmin illərin acı xatirələri necə həkk olunmuşdusa, 27 il evdə də, dostlarla söhbətdə də o xatirələrdən söz açar, “torpağı işğalda olan bir xalqın alnındakı qara ləkəni nə vaxt siləcəyik?”, sualını dönə-dönə təkrarlayardı...
...Qubadlıdan olan məcburi köçkünlərin demək olar ki, əksəriyyəti Sumqayıt şəhərində məskunlaşdılar. Allahverdiyevlər ailəsi də Sumqayıta yaxın Sarıqaya deyilən ərazidə yerləşdilər. Bütün qubadlılar kimi onlar da məcburi köçkün adının üzərlərindən götürülməsi, doğma yurdlarına nə vaxt qayıdacaqları günün həsrəti ilə yaşadılar. Düz 27 il. Bu 27 ildə Tahir bəy və Hicran xanım övladları Günay və Vüsalı böyüdüb boya-başa çatdırdılar. Hər ikisi ali təhsil aldılar. Əsl vətəndaş kimi böyüdülər.

“Soyadımızı daşıyan oğul kimi oğul idi”

Əmisi Mahir bəy: “Biz ailədə iki qardaş olmuşuq. Qardaşım Tahirin bir oğlu, bir qızı vardı. Mənim isə 3 qızım var. Vüsal hər ikimizin oğluydu. Soyadımızı daşıyan oğul kimi oğul idi. Hələ orta məktəbdə oxuyanda hər hansı tədbirdə şeir yarışı keçirilərdisə, Vüsal yalnız Vətəndən, Şəhidlərdən, Türkçülükdən şeir deyərdi. Bu adam təpədən dırnağa türkçüydü (söhbətin bu yerində Mahir bəy ayağa qalxdı və Vüsalın oxuduğu kitabları gətirdi - A.Ş.). Baxın, Vüsal bunları oxuyardı. Türkiyədən sifariş verdiyi kitabların dördü şəhid olandan sonra göndərilib”...
...Kitablara baxıram. Hüseyn Nihal Atsızın “Turancılıq, milli degerler ve genclik”, “Türk tarihinde meseleler”, “Türk ülküsü”, “Türk tarixi üzerinde toplamalar”, “Bozkurtlar”, “Yolların sonu”,”Ruh adam”...

...Mahir bəy davam edir: “Ali məktəbi qurtarıb 2010-2011-ci illərdə Gəncədə hərbi xidmət keçdi. Hərbidən qayıdandan sonra elə hey deyərdi: “Gücümüz var, qeyrətli oğullarımız var. Niyə düşmənin başını əzib torpaqlarımızı azad etmirik?” El arasında deyirlər ki, “filankəsin oğlu dəliqanlıdı”. Bu deyim Vüsala da aid idi. Ailəsinin, elinin, obasının, dövlətinin təəssübünü çəkən oğul olub. Sonuncu iş yerinə (Kapital Bankda, filialların birində müdir vəzifəsində çalışıb-A.Ş.) kimi bir neçə bankda işləyib. Kiminsə tapşırığı ilə deyil, özünün bacarığı ilə işə qəbul olunub.
2020-ci il iyulun 14-də Tovuz stiqamətində gedən döyüşlər zamanı general-mayor Polad Həşimov şəhidlik zirvəsinə ucaldı. Həmin gün Vüsal özünə yer tapmırdı. Valideynlərindən xəbərsiz gedib ordu sıralarına könüllü yazıldı. Nəhayət, sentyabrın 27-də Ali Baş Komandan İlham Əliyev torpaqlarımızın işğaldan azad olunması, Qarabağımızın işğalçılarımızdan təmizlənməsi əmrini verdi. Həmin gün Vüsal üçün toy-bayram idi. İyulda orduya könüllü yazılmağına baxmayaraq, yenə də hərbi komissarlığa dönə-dönə müraciət elədi”.

Vüsalın səsli mesajlarını dinləyirəm, onlayın förmada hərbi komisarlığa ünvanladığı müraciətini oxuyuram: “Könüllü olaraq yazılmışam. Artıq arzuma çatıram yavaş-yavaş”, “Samir, qismən səfərbərlik nədir e, mənə çatmır. Evdəyəm, geyinib çıxıram. Ürəyim dözmür. Səhərə kimi yata bilməmişəm. Durub xəritəyə baxıram, sosial şəbəkələrdə baş verənləri izləyirəm. Gəlim səni götürüm, gedək Şəhidlər Xiyabanına. Deyirlər iki şəhidimiz var”, “Mən Allahverdiyev Vüsal Tahir oğlu könüllü olaraq Qarabağ uğrunda gedən döyüşlərdə əsgər qardaşlarımla çiyin-çiyinə döyüşmək istəyirəm. Sizdən artıq dərəcədə xahiş edirəm müraciətimi qəbul edəsiniz. Əvvəlcədən təşəkkür edirəm. Hərbi vəzifəm baş radio-telefonçu”.
Vüsalın facebookda paylaşdıqlarına diqqət yetirirəm: “Ey Türk övladları! Sənin üçün və yurdun üçün can verən ulu şəhidlərini unutma”, “Uşaqlara Vətəni sevməyi öyrətmək lazım deyil, onlara Vətəni tanıdın, özləri sevəcəklər”,”Vətən uğrunda şəhid olmaq qədər dadlı və şərəfli ölüm varmı?”


“Şəhid olmaq üçün tələsirdi...”


İçin-için ağlayan anası Hicran xanım söhbətə qoşulur: “Atası da, mən də, əmisi də dedik ki, torpaqlarımızın azad olunması əmri verilibsə, onsuz da sən yaşda olan hər kəsi döyüşə çağıracaqlar. Gedib könüllü yazılma, iki ailənin tək oğul övladısan. Gözümüzü sənə dikmişik. Kimə deyirdin? Əmisi Mahir müharibə başlayanda könüllü olaraq getdi ki, “Qarabağ əlili olsam da, heç olmasa şəhid olanları, yaralıları döyüş bölgəsindən çıxarmağa kömək edərəm”. Bunu eşidəndə Vüsal dedi: “Halal olsun əmimə. Mənə deyirdi gözlə, ancaq özü məndən əvvəl gedib”. Sonra deyirdik ki, işin-gücün var, vəzifən var. Sanki bu sözümüzü gözləyirmiş. Gedib ərizə verdi ki, döyüşə gedirəm məni işdən azad edin. Sonra gəlib bizə elan elədi: “Demirdiniz ki, işin-gücün, vəzifən var. Baxın, artıq nə işim, nə də vəzifəm var. Boş-bekar adamam və Vətən məni çağırır”. Bir də deyərdi: “Mən döyüşə getməyim, Qubadlı da işğaldan azad olunsun. Sizcə bunu necə qəbul edərəm? Sonra o yerlərə ayaq basanda vicdanım qarşısında necə cavab verərəm ki, bu yerlər qeyrətli oğulların hesabına azad edilib, ancaq mən rahat-rahat gəzirəm”. Şəhid olmaq üçün tələsirdi...

Döyüşə gedən gün çiyinlərimdən tutdu, alnımdan öpdü: “Başını dik tut, bax evimizin eyvanından asdığım bayraqlarımız kimi. Mənə dua eylə. Oğlun Vətənin azad olunması üçün gedir”. Vüsal şəhid olan günə kimi mən də baş verənləri toy-bayram olaraq qəbul edirdim. Oğlumun könüllü olaraq getməməsi üçün bəhanələr axtarsam da, əslində torpaqlarımız azad olunurdu deyə, sevinirdim. Özümə bunu aşılamışdım ki, Vüsal qalib ordunun, qalib əsgəri kimi qayıdacaq”...

...Vüsal döyüşdə olan zaman dostlarından biri zəng vurur və bildirir ki, Stansiya Sumqayıtda şəhidlərimizin adını əbədiləşdirmək üçün bulaq inşa ediblər. Vüsal bu xəbərə çox sevinir: “Hər birinizə təşəkkür edirəm ki, şəhidlərimizi unutmursunuz. İnşallah, mən də qayıdım məhəlləmizdə bir bulaq inşa edəcəm”. Vüsalın arzusunu ailəsi gerçəkləşdirib. Yaşadiqlari binanın baş tərəfində şəhidin - Vüsalın barelyefi vurulub.
Anası davam edir: “Vüsal dostlarıyla Bakıya gəzməyə gedəndə birinci olaraq Şəhidlər Xiyabanını, Mübariz İbrahimovun, ötən ilin iyul ayından sonra da Polad Həşimovun məzarını ziyarət edərdi. Dostlarına da deyərmiş: “Burada uyuyanlar hər zaman yaşayacaqlar. Bu cür yaşamaq qismətimiz olsun”. Allahdan nə arzuladısa qisməti oldu”.

Vüsalın Cəbrayıl, Füzuli, Xocavənd istiqamətində gedən döyüşlərdə qəhrəmancasına vuruşduğuna diqqət çəkən əmisi Mahir bəy deyir: “Demək olar hər gün Vüsalla danışardım. Ancaq Cəbrayıl uğrunda gedən döyüşlər zamanı dörd gün Vüsaldan xəbər ala bilmədik. Beşinci günü zəng vurdu, məlum oldu ki, mühasirəyə düşüblər. Sonra düşmən mühasirəsin yarıb çıxıblar. Döyüş yoldaşları danışırlar ki, Cəbrayıl düşməndən azad ediləndən sonra qalan ərzaq məhsullarını bölüşdürüb yeyiblər. Vüsala da təklif edəndə deyib: “Mən yuyunub, qüsul alıb gəlmişəm ki, şəhidlik zirvəsinə pak olaraq çatım”.

Vüsalın son döyüşləri həmlə bölüyü ilə birgə olub. Həmin bölüyə 22 nəfər könüllü yazılıb. Onların hər biri, Vüsal da bilirmiş ki, bu bölükdə düşmənlə vuruşa girmək 99 faiz ölüm deməkdi. Ancaq yenə də həmin bölükdə vuruşublar. Xocavənd uğrunda döyüşlər zamanı mənə zəng vurdu və dedi ki, axşamkı döyüşləri çox ağır keçib: “Bütün yüksəklikləri götürmüşük. Xocavənd artıq ayağımızın altındadır. İnşallah oranı da azad edəcəyik. Mən qəhrəman olacam, mənimlə fəxr edəcəksiniz. Əgər bir işin sonu şəhidlikdirsə, qürur duymaq lazımdır”. Məni də, valideynlərini də şəhidliyinə hazırlayırdı”.

Anası Hicran xanım:”Qubadlının azad olunduğu günü mən dedim Vüsala. Sevinərək bildirdi: “Qürurlu xalqın oğulları kimi o yerlərdə gəzə biləcəyik”. Görmədi balam o yerləri”. Mahir bəy bu yerdə müdaxilə edir: “Xocavənd uğrunda gedən döyüşlərdə özünü mərminin üzərinə atıb 34 nəfəri ölümdən qurtarıb. Özü isə şəhid olub. Xəbəri eşidəndə Qubadlıdaydım. Özümü Füzuliyə çatdırıb şəhid balamın nəşini qucaqladım. Üzündə sanki bir rahatlıq vardı-arzusuna çatmışdı, şəhid olmuşdu”.

“Balam arzuladığı zirvəyə çatdı”

“Oktayabrın 30-da günortadan sonra yoldaşıma zəng vurublar ki, Vüsal şəhid olub. İnsafsızlar, heç olmasa bu xəbəri atanı hazırlayaraq da verməyiblər. Balam arzuladığı zirvəyə çatdı. Ancaq bizi gözü yaşlı qoydu. Özümə nə qədər toxtaxlıq versəm də, bacarmıram. Hara baxıram Vüsalı görürəm, səsi qulağıma gəlir. Elə bilirəm qapı açılacaq və həyat eşqilə dolu üzünü görəcəm, onun üçün süfrə açacam...” deyən, Hicran xanım sanki oğlunun xəbərini yenidən alıbmış kimi ağlayır...

...Azərbaycan Prezidenti İlham Əliyevin Sərəncamı ilə Vüsal Tahir oğlu Allahverdiyev “Vətən uğrunda”, “Döyüşdə fərqlənməyə görə” və “Füzulinin azad olunmasına görə” medalları ilə təltif olunub...

...Anası məni Vüsalın otağına dəvət edir. Hər tərəf şəkillərlə bəzədilib. Uşaqlıq və gənclik illərinin şəkilləri, qol saatları, yarımçıq qalmış ətirlər, qurumuş gül dəstələri və sevdiyi kitablar... Bunların hər birində Vüsalın izi görünür...

...Oktyabrın 25-də Qubadlının erməni işğalçılarından azad olunmasının 1 ili tamam oldu. Şəhidim, həsrətində olduğun Qubadlın artıq azaddır və orada quruculuq işlərinə start verilib. Yollar çəkilir, müasir kəndlər, qəsəbələr salınır. Bir sözlə, Qubadli yenidən qurulur. Sənin kimi şəhidlərin və qazilərin, Vətənin hər qarış torpağını almaq üçün tökdüyünüz qanlar, hesabına. Allahdan sizlərə rəhmət, qazi silahdaşlarınıza şəfa diləyirik!

Arzu Şirinova
Bakıda fəhlə faciəvi şəkildə öldüOktyabrın 25-i saat 13 radələrində 1972-ci il təvəllüdlü İqram Dervişovun işlədiyi yerdə almış olduğu xəsarət nəticəsində xəstəxanada ölməsi barədə rayon prokurorluğuna məlumat daxil olub.

Bu barədə Axar.az-a Suraxanı Rayon Prokurorluğundan məlumat verilib.

Aparılmış araşdırmalarla müəyyən edilib ki, İqram Dervişov Suraxanı rayonu ərazisində yerləşən “Xəyal Adaları” yaşayış kompleksindəki fitness-spa mərkəzi üçün nəzərdə tutulmuş tikilidə suvaq-təmir işlərini görən zaman üzərində dayandığı 2 metr hündürlüyündəki ayaqaltıdan yerə yıxılması nəticəsində baş nahiyəsindən almış olduğu xəsarətdən xəstəxanada ölüb.
Dəhliz açılır, İrəvan “yox” deyə bilməz – ArkovYeni üçtərəfli görüşün (Azərbaycan, Ermənistan, Rusiya) məqsəd və vəzifələrini oktyabrın 21-də Valday beynəlxalq diskussiya klubunun plenar iclasında Rusiya Prezidenti Vladimir Putin artıq qeyd edib. Vladimir Vladimiroviçin tamamilə haqlı olaraq vurğuladığı kimi, Azərbaycan SSRİ dövründə mövcud olan və Ermənistan ərazisindən Naxçıvanla əlaqənin bərpasında maraqlıdır. Bu, Bakı üçün prioritet məsələdir.

Bu barədə Axar.az-a açıqlamasında PolitRUS ekspert-analitik şəbəkəsinin rəhbəri, rusiyalı ekspert Vitali Arkov bildirib.

Onun sözlərinə görə, öz növbəsində, Ermənistan üçün isə ən vacib məsələ blokadanın aradan qalxması, regiondakı nəqliyyat layihələrinə və iqtisadi əlaqələrə daxil edilməsidir:

“Əlbəttə ki, tərəflər Cənubi Qafqazda sülhün tamamilə bərpa olunmasında maraqlıdırlar. Amma təəssüf ki, üçtərəfli bəyanatın imzalanmasından təxminən bir il sonra da Qarabağ münaqişəsi zonasında mütəmadi olaraq “aferşoklar” müşahidə edilir. Rusiya sülhməramlıları bu ərazilərdə yerləşdirilməsəydi, vəziyyət daha da faciəvi şəkil ala bilərdi.

Bəli, üç onillik davam edən münaqişə üçün afterşoklar qaçılmazdır, lakin onların dayandırılması üçün səy göstərmək, təxribatlara uymamaq, qonşunu düşmən kimi deyil, tərəfdaş kimi görmək lazımdır. Bakı bunu edə bilsə də, İrəvanda hələ ki, bunu dərk edə biləcək insanlar azlıq təşkil edir.

Moskva müzakirəsi üçün digər vacib məqam, şübhəsiz ki, Zəngəzur nəqliyyat dəhlizidir. Qeyd etmək lazımdır ki, İrəvan artıq 9/10 noyabr 2020-ci il tarixli üçtərəfli bəyanatın 9-cu bəndini qismən yerinə yetirməyə başlayıb. Belə ki, Azərbaycan və İran arasında gərginliyin yeni mərhələsindən sonra Ermənistan Azərbaycanın mülki aviasiyası üçün öz hava məkanını açdı ki, bu da Naxçıvanla müntəzəm hava əlaqəsinin təmin olunmasına imkan verdi.

Yerüstü məlumatın (dəmir və avtomobil yollarının) bərpasına gəlincə, burada erməni tərəfini narahat edən bir neçə məqam var.

Məsələn, İrəvan Zəngəzur nəqliyyat dəhlizinin Ermənistanı faktiki olaraq İranla sərhəddən məhrum edə biləcəyi təhlükəsindən narahatdır. Amma görünür, tərəflər bu problemin də həlli yollarını tapa bilib.

Zəngəzur nəqliyyat dəhlizinin tezliklə bərpa olunmasına da məhz belə format kömək edəcəkdir.

Zəngəzur nəqliyyat dəhlizi məsələsinin müsbət həlli həm iqtisadi əməkdaşlıq, həm də kollektiv təhlükəsizliyin təmin edilməsi sahəsində (o cümlədən, "3+3" formatında) bir sıra digər mühüm vəzifələrin reallaşdırılmasını da pauzadan çıxarmağa imkan verəcək. Bir sözlə dəhliz artıq açılır. Ermənistan da artıq “yox” deyə bilməyəcək”.
Nəbatat bağına yeni nəfəs gəldiBakı şəhərində ilk dəfə olaraq Nəbatat bağının yaradılması haqqında fikirlər 1930-cu ildən səslənməyə başlanmışdı. O vaxtlar neft sənayesi və respublika mərkəzi kimi inkişaf edən Bakı şəhəri təbii ki, abadlaşdırılmalı və yaşıllaşdırılmalı idi. Respublikanın yeni bağlara, istirahət parklarına böyük ethtiyac var idi. Eyni zamanda şəhərin və sənaye müəssisələrinin yaşıllaşdırılmasının elmi əsaslara aparılması tələb olunurdu. Bununla əlaqədar olaraq, 1932-ci ildə SSRİ Elmlər Akademiyasının Zaqafqaziya filialının Azərbaycan şöbəsinin Nəbatat bölməsinin tərkibində təcrübü Nəbatat bağı salmaq üçün yaşıllaşdırma bölməsi təşkil olunur və bu bölmədə bitkilərin örtülü və acıq şəraitdə becərilməsi işinə başlanılır.

Hazırda Nəbatat bağının ərazisi 42 hektara çatdırılıb. Bu yaxınlarda AMEA-nın Rəyasət Heyətinin qərarı ilə Mərkəzi Nəbatat Bağının rəhbərliyi dəyişdirilib və Natiq Allahverdiyev direktor təyin edilib. Bu qərar kollektiv tərəfindən yüksək qiymətləndirilib.

Natiq müəllim ilk iş günlərindən kollektivi səfərbər edərək, bağın ayrı-ayrı sahələrinin qurumuş və xəstə ağac və kollardan təmizlənir, başı qurumuş bitkilərə forma verilməsi işlərinə başlayıb. Bir sözlə bağa qulluq işləri genişləndirilir.

Hazırda Mərkəzi Nəbatat Bağında Azərbaycanın “Qırmızı kitab”ına daxil edilmiş bitki növlərindən təxminən 100-dən çoxu bağın təcrübə sahələrində becərilir. Həmin bitkilərin becərilməsi, onların çoxaldılması və yenidən təbiətə qaytarılması qarşıda duran əsas məsələlərdən biridir. Bu istiqamətdə də artıq mühüm işlər aparılır və gələcəkdə onların genişləndirilməsi nəzərdə tutulub.

Yeni rəhbərlik tərəfindən Mərkəzi Nəbatat Bağının daha da inkişaf etdirilməsində xarici ölkələrin alimlərinin tədqiqatlarından geniş istifadə edilməsinə və müqayisəli təhlilinə xüsusi yer ayrılır. Onun fikrincə yaxın gələcəkdə bu bağ nəinki, respublikada, həm də xarici ölkələrdə özünəməxsus bitki növü müxtəlifliyinə görə tanınmalıdır. Bunlara nail olmaq üçün bütün kollektiv işləməli, Mərkəzi Nəbatat Bağını görmək istədiyimiz səviyyədə inkişaf etdirməliyik.

Texniki işcilər ilk dəfə olaraq xüsusi geyimlərlə təmin edilib. Nizam-intizama ciddi nəzarət edilir və işcilər həvəsləndirici mükafatların verilməsi istiqamətində işlər aparılır.




Füzuli Kərimov
“Vətəndaş Cəmiyyəti Naminə Maarifləndirmə”
İctimai Birliyinin sədri

“WhatsApp” hansı telefonlarda işləməyəcək?Noyabrın 1-dən etibarən dünyanın ən populyar mesencerlərindən olan “WhatsApp” bir sıra köhnə model telefonlarda işləməyəcək. Xarici KİV-lərin yaydığı xəbərə görə, mesencerin texniki heyəti bəzi smartfonlarda tətbiqin yenilənməsini dayandıracaq. Məhz qeyd olunan tarixdən sonra həmin modellərdəki “WhatsApp” proqramlarına texniki dəstək verilməyəcək.

Belə ki, gələn aydan etibarən “WhatsApp”ın çalışmayacağı telefonların siyahısı:

Apple

iPhone SE

iPhone 6S

iPhone 6S Plus

Samsung

Galaxy Trend II

Galaxy SII

Galaxy S3 mini

Galaxy Xcover 2

Galaxy Core

Galaxy Ace 2

LG

Lucid 2

Optimus F7

Optimus F5

Optimus L3 II Dual

Optimus F5

Optimus L5

Best L5 2

Optimus L5 Dual

Optimus L3 II

Optimus L7

Optimus L7 II Dual

Optimus L7 II

Optimus F6 Enact

Optimus L4 II Dual

Optimus F3

Optimus L4 II

Best L2 2

Optimus Nitro HD 4X HD

Optimus F3Q

ZTE

Grand S Flex

V956

Grand X Quad V987

Large Memo

Huawei

Ascend G740

Ascend Mate

Ascend D Quad XL

Ascend D1 Quad XL

Ascend P1 S

Ascend D2

Sony

Sony Xperia Miro

Sony Xperia Neo L

Xperia Arc S

Digər markalar

Alcatel One Touch Evo 7

Archos 53 Platinum

HTC Desire 500

Caterpillar Cat B15

Wiko Cink Five

Wiko Darknight

Lenovo A820

UMi X2

Faea F1

THL W8
Lavrov: Rusiya ilə NATO arasında əlaqə yoxdur"Mən Rusiya ilə NATO arasındakı əlaqələri fəlakətli adlandırmazdım, çünki bunun üçün ümumiyyətlə, hər hansı bir əlaqə olmalıdır. Bizim isə NATO ilə heç bir münasibətimiz yoxdur".

Publika.az "RIA Novosti"yə istinadla xəbər verir ki, bu sözləri Rusiyanın xarici işlər naziri Sergey Lavrov norveçli həmkarı Anniken Huitfeldlə danışıqlardan sonra keçirdiyi mətbuat konfransında deyib.

Lavrov NATO ilə münasibətlərinin olmadığını bəyan etdiyi halda bu qurumun Baş katibi Yens Stoltenberqi özünün dostu adlandırıb.

"NATO Rusiyanın dostu deyil, onlar bizimlə dostluq istəmirlər. Onlar Rusiya və Çini NATO-ya təhlükə adlandırırlar. Mənim yaxın dostum, Norveçin möhtəşəm Baş naziri olmuş Yens Stoltenberq indi bəyan edir ki, NATO bütün dünyada təhlükəsizliyə görə məsuliyyət daşımalıdır", – rusiyalı nazir vurğulayıb.
Ermənistan Prezidenti Səudiyəyə səfər etdiErmənistan Prezidenti Armen Sarkisyan Səudiyyə Ərəbistanına işgüzar səfər edib.

Avrasiya.net xəbər verir ki, bu barədə Ermənistan prezidentinin mətbuat xidməti məlumat yayıb.

Sarkisyanı Ər-Riyad hava limanında səfər etdiyi ölkənin xarici işlər üzrə dövlət naziri Adel əl-Cubeyr qarşılayıb.

Bildirilir ki, indiyədək Ermənistan və Səudiyyə Ərəbistanı arasında diplomatik əlaqələr olmayıb və erməni rəsmilər indiyədək bu ölkəyə səfər etməyiblər. Mətbuat xidməti Sarkisyanın səfərini tarixi addım adlandırıb.
Əməkdar artisti maşın vurdu: vəziyyəti ağırdırƏməkdar artist Elizbar Osmanovu maşın vurub.

Qaynarinfo xəbər verir ki, hadisə Nəsimi rayonu ərazisində Bakı Dövlət Sirkinin yaxınlığında baş verib.

1 saylı Kliniki Tibbi Mərkəzə aparılan Elizbar Osmanovun vəziyyəti ağır olub.

Xəstəxanadan verilən məlumata görə, 19:05-də gətirilən əməkdar artist cərrahi əməliyyata alınıb. Hazırda əməliyyat bitib, xəstənin vəziyyəti ağırdır.

Elizbar Osmanovu vuran BMV markalı maşının sürücüsü polis tərəfindən dindirilir.

Qeyd edək ki, Elizbar Osmanova Prezidentin sərəncamı ilə 16 oktyabr 2021-ci ildə "Əməkdar artist” fəxri adı verilib.
İŞİD 6 aya ABŞ-a hücum edə bilər - PentaqonİŞİD-in Əfqanıstan qolu 6 ay ərzində ABŞ-a hücum etmək qabiliyyətinə çata bilər.

Axar.az xəbər verir ki, bu sözləri Pentaqon nümayəndəsi Kolin Kahl deyib.

O bildirib ki, Taliban İŞİD-ə qarşı mübarizəyə maraq göstərir:

“Bizim dəyərləndirməmizə görə, Taliban və İŞİD-Xorasan qatı düşməndirlər. Talibanın İŞİD-i təqib etməsi potensialı yüksəkdir. Məncə, burada iradə ilə bağlı problem yoxdur. Sadəcə mübarizəyə gücləri çatacaqmı, ya yox?! Bunu görəcəyik”.