QHT sədri Pakistan qəzetlərində Gəncə, Bərdə, Tərtər hadisələrindən yazdıAzərbaycan Demokratik İslahatların İnkişafı Mərkəzi İctimai Birliyinin sədri, jurnalist Cavid Şahverdiyevin ötən ilin bu günlərində ermənilərin Gəncə, Bərdə və Tərtərin mülki əhalisini raket atəşinə tutub bombalaması hadisəsi ilə bağlı yazısı Pakistanın nüfuzlu “Daily Independent” və” 6 Am” qəzetlərində dərc olunub.

Müəllif yazıda qeyd edib ki, Ermənistanın ölkəmizə qarşı 2020-ci il sentyabrın 27-dən başlayan növbəti hərbi təcavüzünə cavab olaraq, Azərbaycan Silahlı Qüvvələri Ali Baş Komandanın rəhbərliyi altında Müzəffər Azərbaycan Ordusunun zəfər yürüşünə dözə bilməyən düşmən təxribatlara əl ataraq, günahsız mülki insanları hədəfə almaqla hərbi cinayətlər törədib.

Yazıda vurğulanıb ki, işğalçı Ermənistan silahlı qüvvələri beynəlxalq hüququn norma və prinsiplərini, 1949-cu il tarixli Cenevrə Konvensiyaları və onların Əlavə Protokollarını, habelə 10 oktyabr 2020-ci il tarixdə elan edilmiş humanitar atəşkəs rejiminin tələblərini pozaraq, Azərbaycanın dinc əhalisini qəsdən hədəfə almaqla yaşayış məntəqələrini ağır artilleriyadan atəşə tutub.

C.Şahverdiyev Pakistan ictimaiyyətinə Ermənistanın Azərbaycanın Gəncə, Bərdə və Tərtərin mülki əhalisini bombalaması, onlarla mülki insanın öldürülməsi, yüzlərlə insanın yaralanması, dağıntıları xatırladıb. Bildirib ki, terror və hərbi cinayət siyasəti Ermənistanın dövlət səviyyəsində aparılıb. Müharibə aparılmayan bir yerdən uzaq qadağan olunan silahlardan Ermənistan tərəfindən mülki əhalinin bombalanması Azərbaycan xalqına qarşı Xocalı soyqırımından bəri şahidi olduğumuz bir soyqırım aktıdır.

Jurnalist qeyd edib ki, Ermənistanın Azərbaycana qarşı hərbi cinayətlərinin dünya ictimaiyyəti, super güclər, beynəlxalq təşkilatlar tərəfindən bu vaxtadək qınanılmaması, işğalçıya qarşı heç bir cəza tədbiri görülməməsi ədalətsizlikdir.

Qeyd edək ki, C.Şahverdiyevin Ermənistan Silahlı Qüvvələri tərəfindən Gəncə, Bərdə, Tərtərin bombalanması hadisəsi Rusiya, Hindistan mediasında da ictimailəşdirilib.

Yazıların tam mətni aşağıdakı linklərdə:
file:///C:/Users/TOSHIBA/Downloads/Daily-Ind-Quetta-26-10-2021%20(1).pdf
file:///C:/Users/TOSHIBA/Downloads/Daily-6-AM-Quetta-26-10-2021%20(1).pdf
Cavanşir Paşazadə qalmaqallı statusundan DANIŞDI: “Sürücüm edib...”“Bazar günü Özbəkistanda keçirilmiş prezident seçkiləri kifayət qədər şəffaf yekunlaşdı. Azərbaycanlı müşahidəçilər olaraq, təxmini 20-25 seçki məntəqəsində seçkiləri müşahidə etdik”.

Bu sözləri Modern.az-a oktyabrın 25-də Özbəkistanda keçirilmiş prezident seçkilərini müşahidə etmiş deputat Cavanşir Paşazadə deyib.

Deputat bildirib ki, hava durumunun da əlverişli olması nəticəsində özbəklər prezident seçmək üçün səsverməyə həvəslə qatılıblar.

Cavanşir Paşazadə ötən gündən etibarən mətbuatda haqqında paylaşılan məlumatlara da cavab verib:

“Mən başa düşmürəm ki, niyə bəzi insanlar hər şeydə neqativ axtarırlar, fürsətdən istifadə edib, dərhal tənqidə əl atırlar. Mənim telefonumda seçki ilə bağlı şəkillər var idi. Müşahidəylə məşğul olduğum üçün sürücüm şəkilləri sosial şəbəkə səhifəmdə yerləşdirirdi. Paylaşımdakı orfoqrafik səhvlərə də o zaman yol verilib.

Mən bir deputat olaraq, həmişə işimin başında, seçicilərimin yanında, görüşlərdəyəm. Təəssüf ki, bəzi insanlar gördüyümüz işlərə kölgə salmağa çalışırlar. Lakin inanıram ki, yaxşı işlərə mane ola bilməzlər.

Mən hər zaman dövlətimə, xalqıma sadiq olmuşam. Hesab edirəm ki, fürsətdən bi cür istifadə edənlər mənim fəaliyyətimə kölgə sala bilməyəcəklər”.

Qeyd edək ki, Cavanşir Paşazadənin Facebook hesabında Özbəkistandakı seçkilərlə bağlı ötən gün yerləşdirilən paylaşımı tənqid olunub.

Deputatın paylaşımında orfoqrafik səhvlərə yol verilməsi qısa müddətdə müzakirələrə səbəb olub.

Nəticədə C.Paşazadə sözügedən paylaşımı silib.
Bakıda qazilər yolu bağladı – Rəsmi açıqlamaBakıda bir qrup qazi yolu bağlamağa cəhd göstərib.

Avrasiya.net Report-a istinadən xəbər verir ki, hadisə paytaxtın Ziya Bünyadov prospektində qeydə alınıb.

Məsələ ilə bağlı danışan Daxili İşlər Nazirliyinin (DİN) KİV və ictimaiyyətlə əlaqələr şöbəsinin rəisi, polis mayoru Elşad Hacıyev bildirib ki, vətəndaşların yolu bağlamağa cəhd etməsinə səbəb həyətyanı torpaq sahəsi ilə bağlı mübahisədir:

“Ərazidə xidmət aparan naryad qruplarımız tərəfindən dərhal hadisəyə müdaxilə edilib. Həmin şəxslərlə profilaktik söhbətlər aparılıb. Yolda hərəkət bərpa olunub”.

DİN rəsmisinin sözlərinə görə, hazırda tərəflərin mübahisə subyekti ilə bağlı araşdırma aparılır:

“Aidiyyəti qurumlar məlumatlandırılıb”.
Regionda yeni təhlükəsizlik düzəni formalaşıb - Prezidentin köməkçisi"Hər bir dövlətin prioritet məsələsi milli təhlükəsizliyin etibarlı təmin olunmasıdır. Bu sahədə fəaliyyətin həyata keçirilməsində ölkə başçısı cənab İlham Əliyevin rəhbərliyi ilə hazırlanan Milli Təhlükəsizlik Konsepsiyasının önəmi böyükdür".

Avrasiya.net xəbər verir ki, bunu Azərbaycan Prezidentinin köməkçisi-Prezident Administrasiyasının Xarici siyasət məsələləri şöbəsinin müdiri Hikmət Hacıyev “Milli təhlükəsizlik” mövzusunda keçirilən kursun açılış mərasimində çıxışı zamanı deyib.

30 ilə yaxın müddət ərzində Azərbaycanın təhlükəsizliyi əleyhinə yönələn başlıca amilin Ermənistan tərəfindən aparılan işğalçılıq siyasəti olduğunu bildirən şöbə müdiri qeyd edib ki, Müzəffər Ali Baş Komandanın qətiyyətli sərkərdəliyi altında Azərbaycan Ordusunun Vətən savaşında qələbə çalmaqla erməni faşizmini məhv etməsi nəticəsində regionda yeni təhlükəsizlik düzəni formalaşıb.
Bəzi qüvvələr təxribatlara əl atır - Ramil UsubovSilahlı Qüvvələrin Ali Baş Komandanı cənab İlham Əliyevin yürütdüyü uğurlu daxili və xarici siyasət nəticəsində ölkəmiz dünyada sabitlik məkanı kimi tanınır və bu amil də öz növbəsində respublikada bütün sahələrin hərtərəfli inkişafına zəmin yaradıb.

Bunu Təhlükəsizlik Şurasının katibi general-polkovnik Ramil Usubov “Milli təhlükəsizlik” mövzusunda keçirilən kursun açılış mərasimində çıxışı zamanı deyib.

O bildirib ki, bu gün Azərbaycanın birbaşa iştirakı olmadan beynəlxalq səviyyəli nəqliyyat-logistika və nəhəng enerji layihələrinin reallaşması, mühüm siyasi qərarların qəbul olunması mümkün deyil:

"Son zamanlarda, xüsusən də Vətən müharibəsində qazanılmış Qələbədən sonra bəzi qüvvələr öz məkrli planlarını həyata keçirməklə bölgədə yaranmış sabitliyin yenidən pozulmasına çalışır, müxtəlif təxribatlara əl atırlar".

Bu təhdidlərə qarşı xüsusi xidmət və hüquq-mühafizə orqanlarının birgə effektiv mübarizəsindən danışan general-polkovnik R.Usubov dövlətin hərbi potensialının artırılması, müdafiə qabiliyyətinin yüksəldilməsi istiqamətində daim lazımi tədbirlərin görüldüyünü, vacib addımların atıldığını diqqətə çatdırıb.
Maskın sərvəti 250 milyard dollara çatdı“Speys X” və “Tesla” şirkətlərinin rəhbəri İlon Maskın sərvəti 25 milyard dollar artıb.

Avrasiya.net xəbər verir ki, bu məlumatı “Blomberq” agentliyi yayıb.

Məlumata görə, Maskın sərvəti bununla 250 milyard dollara çatıb. Son sutka ərzində həmçinin Maskın sərvəti 3,9 milyard dollar artıb.
Məhəmməd bin Salman kral əmisini öldürmək istəyib – ƏlcəbriSəudiyyə Ərəbistanı vəliəhd şahzadəsi Məhəmməd bin Salman 2014-cü ildə kral Abdullanı zəhərli üzüyün köməyi ilə qətlə yetirmək istəyib.

Axar.az xəbər verir ki, bunu Səudiyyə Ərəbistanı kəşfiyyatının Kanadaya qaçmış keçmiş yüksək vəzifəli əməkdaşı Saad Əlcəbri deyib.

Onun sözlərinə görə, Salman bu barədə o zamankı daxili işlər naziri Məhəmməd bin Naifə deyib:

“Salman Naifə deyib ki, Rusiyadan zəhərli üzük almaq istəyir və kralın əlini sıxmaqla onu öldürməyi düşünür”.

Eks-kəşfiyyatçı vəliəhd şahzadəni psixopat və öz xalqı, bütün dünya üçün təhdid kəsb edən sonsuz resurslara sahib qatil adlandırıb. O, şahzadənin qətllər zamanı üzündə heç bir emosiya olmadığını bildirib.

Qeyd edək ki, kral Abdulla Məhəmməd bin Salmanın əmisi olub. O, 2015-ci ildə vəfat edib. Abdulladan sonra taxta kral Salman oturub. Kral Salmanın vəzifəyə gəlişindən sonra vəliəhd şahzadə əvvəlcə Məhəmməd bin Naif təyin olunsa da 2017-ci ildə bu status Məhəmməd bin Salmana verilib.
ÜST rəhbərindən BƏDBİN PROQNOZ: "Pandemiyanın sonu hələ çox uzaqdadır""Qlobal peyvənd proqramına təcili olaraq 8 milyard dollar lazımdır".

Publika.az "Vesti"yə istinadla xəbər verir ki, bu sözləri BMT-nin baş katibi Antonio Quterreş Berlində keçirilən səhiyyə sammitində çıxışı zamanı deyib.

Ümumdünya Səhiyyə Təşkilatının sədri Tedros Qebreyesu isə əmindir ki, pandemiyaya qalib gəlmək üçün hər şey var, ümumi qətiyyət istisna olmaqla:

"Məndən tez-tez soruşurlar ki, pandemiya nə zaman başa çatacaq? Mənim cavabım belədir: pandemiya dünya onu dayandırmağa qərar verəndə sona çatacaq. Bu, bizim əlimizdədir. Bunun üçün bizdə bütün vasitələr var. Amma dünya bu vasitələrdən düzgün istifadə etmir. Beləliklə, pandemiyanın sonu hələ çox uzaqdır", - deyə ÜST rəhbəri bildirib.
İlham Əliyevdən “Azərbaycanın daimi Prezidenti” təklifinə REAKSİYAOktyabrın 25-də Qubadlı rayonunda ictimaiyyəti ilə görüş zamanı Şəhid Milli Qəhrəman Şükür Həmidovun atası Nəriman Həmidovla Prezident İlham Əliyev arasında kiçik dialoq yaşanıb.

Avrasiya.net-in məlumatına görə, Nəriman Həmidovun İlham Əliyevə “Azərbaycanın daimi Prezidenti” adının verilməsi barədə təklifinə ölkə başçısı maraqlı reaksiya verib

Nəriman Həmidov: “…Mənim uzun müddətdir qəlbimdə gəzdirdiyim bir fikrim var, onu çatdıracağam. Mən bütün qədirbilən xalqımızdan xahiş edirəm, mənim fikrimi təsdiq etsin, alqışlasın. Bizim qanunverici orqanımız olan Milli Məclisdənxahiş edirəm ki, Müzəffər Ali Komandan, Prezidentimiz cənab İlham Əliyevə “Azərbaycanın daimi Prezidenti” adı verilsin. Xahiş edirəm ki, xalqımız da, Milli Məclis də bunu qəbul etsin”.

Prezident İlham Əliyev: “Mən veto qoyacağam ona, mənim belə hüququm var. Çox sağ olun, təşəkkür edirəm, sağ olun. Bu səmimi sözlərə görə minnətdaram. Ancaq mənim üçün ən böyük mükafat bax, sizin burada olmağınızdır, keçmiş köçkünlərin gözlərindəki sevincdir, qürurdur. Budur mənim üçün ən böyük mükafat. Mən demişdim, məcburi köçkünlərlə mən dəfələrlə görüşmüşdüm. İndi təsəvvür edin, 100-dən çox qəsəbə salındı, yəni, ev yox, məcburi köçkünlər üçün qəsəbə. Mən hər bir açılışda olmuşam, hər bir açılışda. Köçkünlərlə görüşlər zamanı, - mən onu artıq bir dəfə demişəm, bir daha demək istəyirəm, - görürdüm ki, ümidlər azalır, ümidlər tükənir. Bu da təbiidir. Çünki artıq 30 ilə yaxın vaxt keçir, məsələ də həll olunmur. Artıq hər kəs başa düşürdü ki, Ermənistan bu məsələni danışıqlar yolu ilə həll etmək istəmir. Bu, məni çox incidirdi, çox üzürdü. O görüşlər məndə bir daha o inamı gücləndirirdi ki, biz nəyin bahasına olursa-olsun torpağımıza qayıtmalıyıq. Artıq o baxışlar yoxdur, o kədərli anlar yoxdur, o xatirələr qalır arxada. Artıq keçmiş məcburi köçkünlər ümidlə yaşayırlar, qürurla yaşayırlar. Mənim üçün ən böyük mükafat budur və bundan sonra ən böyük vəzifə bu torpaqları yenidən qurmaqdır, yenidən bərpa etməkdir”.

İsrail İrana ağır zərbələr üçün təlimlərə başlayırİsrail Hərbi Hava Qüvvələri (İAF) növbəti ilin əvvəlində İranın nüvə təsisatlarının vurulması ilə bağlı təlimlərə başlayacaq.

Axar.az xəbər verir ki, bu barədə “Tayms of İsrail” məlumat yayıb.

Bildirilib ki, Təl-Əviv son aylarda bununla bağlı hazırlıqları sürətləndirib.

“Vaşinqton-Tehran arasında 2015-ci ildə imzalanan razılaşmadan sonra İsrail İranın nüvə obyektlərinə hücum məsələsini ikinci plana atdı. ABŞ-ın 2018-ci ildə razılaşmadan çıxmasından sonra hərbi plan yenidən İsrail üçün gündəmə gəldi. Yeraltı nüvə obyektlərini vurmaq xüsusi silah-sursat və taktiki gedişlər tələb edir. İsrail HHQ mümkün hücumda İranın havadan müdafiə sistemləri ilə də mübarizə aparmalı olacaq”, - deyə məqalədə bildirilib.

Qeyd edək ki, bundan öncə İranın nüvə təsisatlarına hücum qabiliyyətinin artırılması üçün İsrail hökumətinin 5 milyard şekel (1,53 milyard dollar) ayırdığı iddia edilmişdi.