Jurnalistin anası Mehriban Əliyevaya müraciət etdiBir müddət əvvəl koronavirusa yoluxaraq xəstəxanaya yerləşdirilən tanınmış jurnalist Elnur Əşrəfoğlunun anası Zöhrə Hüseynova Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevaya müraciət edib.

Avrasiya.net müraciətin mətnini təqdim edir:

“Çox hörmətli, Mehriban xanım!

Oğlum - Azərbaycanın tanınmış jurnalisti və teleşərhçisi, 25 ilə yaxın televiziyada çalışmış, Azərbaycan Olimpiya Hərəkatının, idman ailəsinin uğurlarını daim təbliğ etmiş Şükürov Elnur Əşrəf oğlu hazırda ağır xəstədir. 2021-ci il sentyabrın 2-də koronavirus infeksiyasına yoluxan oğlumun vəziyyəti ağırlaşdığından ayın 9-da o müalicə üçün "Yeni Klinika"ya yerləşdirilmişdir. Lakin həkimlərin bütün diqqət və qayğısına, Elnuru həyata qaytarmaq üçün etdikləri cəhdlərə baxmayaraq övladımın vəziyyətində irəliləyiş olmamış, əksinə, sentyabrın 19-da koma vəziyyətinə düşmüşdür. Hazırda övladıma həyatda qalması üçün EKMO aparatı vasitəsilə dəstək verilir. Elnurun bir böyrəyi 10 il əvvəl ağır xəstəlik səbəbindən götürüldüyündən hazırki durumda oğlumun səhhəti üçün əlavə problem yaradıb.

Əziz Mehriban xanım!

Bir ana olaraq, Sizə son ümid işığım kimi müraciət edirəm: Xahiş edirəm, övladımın müalicəsini öz diqqət və nəzarətinizə götürəsiniz. Bizim ailə üçün, Elnurun 2 azyaşlı övladı üçün son dərəcə kritik bu məqamda ümidimiz göydə Allaha, yerdə Sizin şəfqət və mərhəmətinizədir”.
İş adamının qəza törədən kürəkənindən xəbər varBakıda 4 nəfərin ölümünə səbəb olmaqda təqsirləndirilən Elşad Kərbalayevin cinayət işi üzrə ibtidai istintaq yekunlaşıb.

Avrasiya.net Report-a istinadən xəbər verir ki, iş baxılması üçün Bakı Ağır Cinayətlər Məhkəməsinə göndərilib.

Cinayət işi hakim İlham Mahmudovun icraatına verilib.

Məhkəmənin hazırlıq iclasının vaxtı hələlik məlum deyil.

Qeyd edək ki, bu il iyunun 14-də gecə saat 1 radələrində Binəqədi rayonunun Novxanı bağlar sahəsində Abşeron rayon sakini E.Kəlbəliyevin idarə etdiyi “Rənc Rover” və Bakı şəhər sakini Murad Ziyadovun idarə etdiyi “Dayvo Damas” markalı avtomobillər toqquşub. Nəticədə M.Ziyadov və sərnişinləri - paytaxt sakinləri Kamran Əhmədov, Elman Şıxəliyev və Tovuz rayon sakini Yunis Mürsəlov hadisə yerində ölüb, E.Kərbalayevə və sərnişini Ə.Əliyevə xəstəxanada tibbi yardım göstərilib.

Daha sonra E.Kərbalayev hadisə ilə bağlı istintaqa cəlb edilərək həbs olunub.

Qeyd edək ki, E.Kərbalayev “Qurtuluş 93” yaşayış kompleksinin sahibi Məhərrəm Novruzovun kürəkənidir. O, “Qurtuluş 93”də satış müdiri vəzifəsində çalışıb və “Əlincə” futbol klubunun prezidenti olub.
Ukrayna Azərbaycanlıları Radasında Anım və Qürur günü qeyd olunub27 sentyabr 2020-ci ildə başlanan 44 günlük zəfər yürüşünün ildönümü münasibətilə Ukrayna Azərbayacanlıları Radasında (UAR) fotosərgi təşkil olunub.

UAR-dan Avrasiya.net-ə verilən məlumata görə, sərgidə azad olunmuş vətən tortaqlarında mənfur düşmənlərimizin törətdiyi vandalizm əməllərini əks etdirən fotolar nümayiş olunur.

Sərgi Azərbaycan dövlət himninin oxunması ilə başlayıb. Sonra Azərbaycan şəhidlərinin və Ukraynanın qəhrəman müdafiəçilərinin, kiborglarının əziz xatirəsi bir dəqiqəlik sükutla yad edilib. Azərbaycan Respublikasının Diasporla İş üzrə Dövlət Komitəsinin dəstəyi ilə hazırlanan fotosərgidə Azərbaycanın Ukraynadakı Fövqəladə və Səlahiyyətli səfiri Elmira Axundova, Ukrayna Ali Radasının deputatı, Azərbaycan Respublikası ilə parlamentlərarası əlaqələr qrupunun rəhbəri Valeriy Viktoroviç, Ukraynanın Etnopolitika və Vicdan Azadlığı üzrə Dövlət Xidmətinin sədri Alyona Vladimirovna, sədrin müavini Vyaçeslav Qorşkov, Ukraynada akkreditə olunmuş diplomatik korpusun nümayəndələri, türkdilli ölkələrin diaspor rəhbərləri, ərəb ölkələrinin diaspor nümayəndələri, tanınmış siyasi analitiklər, media nümayəndələri iştirak ediblər.

Giriş sözü ilə qonaqları salamlayan UAR baş katibi Ceyhun Məmmədov Anım günü haqqında məlumat verib. «Bu gün Azərbaycanın müqəddəs və möhtəşəm Vətən Müharibəsinin, zəfərlə bitən II Qarabağ savaşının başlamasından bir il keçir! Bir il bundan öncə, 27 sentyabr 2020-ci il tarixində Ermənistanın Azərbaycana qarşı növbəti təxribatına cavab olaraq, Azərbaycan xalqı Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə Vətən Müharibəsinə başladı. İşğal altında olan ərazilərin azad edilməsi ilə nəticələnən «Dəmir Yumruq» əməliyyatı Azərbaycanın gücünü bütün dünyaya göstərdi. Parlaq qələbə qazanan Azərbaycan artıq bölgədə öz reallığını diqtə edir’ deyən Məmmədov Ukrayna xalqına da yaxın bir zamanda qələbə sevinci yaşamağı arzulayıb.

Ukrayna Azərbaycanlıları Radasının həmtəsisçisi, ev sahibi Oleq Krapivin iştirakçılari salamlayaraq bildirib ki artıq Azərbaycan qalıb dövlət, Azərbaycan xalqı qalib xalqdır. «Azərbaycan qüdrətli dövlətdir və İlham Əliyev kimi güclü bir przeidenti, ali baş komandanı var. Məhz onun uzaqgörənliyi və siyasi bacarığı sayəsində Azərbaycan xalqı, Azərbaycanın dostları bir «Dəmir yumruq» kimi birləşdi. Bu birliyin gücü ilə torpaqlarımız azad olundu. Bu birliyinin sayəsində artıq Qarabağ Azərbaycandır» deyən Krapivin Ukraynadakı diasporun qələbə üçün çalışdığını bildirib. Yaşat fonduna, Diasporla İş üzrə Dövlət Komitəsinin dətəyi ilə başlanan Yaşat Marafonuna yüksək səviyyədə dəstək olduqlarını bildirən Krapivin şəhid ailələrinə və qazilərə dəstəyin davam edəcəyini vurğulayıb.

Tədbirdə çıxış edən Azərbaycan Respublikasının Ukraynada fövqəladə və səlahiyyətli səfiri Elmira xanım Axundova müharibə zamanı disaporun fəaliyyətinə və görülən işlərə görə Ukrayna Azərbaycanlıları Radasının həmtəsisçiləri Oleq Krapivinə və Hikmət Cavadova təşəkkür edib. «Bu gün bizim şərəf günümüzdür. Azərbaycanın igid övladları Vətənin ərazi bütövlüyü uğrunda canlarından keçdilər və bu vəzifənin öhdəsindən ləyaqətlə gəldilər. 44 gün davam edən müharibə Azərbaycanın möhtəşəm qələbəsi ilə başa çatdı. Sizə təqdim olunan fotoşəkil sərgisi müharibənin nə qədər dağıdıcı olduğunu, torpaqlarımıza nə qədər ziyan vurduğunu göstərmək məqsədi daşıyır.» deyən xanım səfir mənfur ermənilərin törətdikləri vandalizm aktlarına diqqət çəkib.

Axundova Ermənilərin işğal ettiləri ərazilərdə olan 67 məsciddən 65-i tamamilə dağıdıldığını bildirib. Sərgi iştirakçıları salamlayan Ukrayna Ali Radasının deputatı, Azərbaycan Respublikası ilə parlamentlərarası əlaqələr qrupunun rəhbəri Valeriy Kolyux hər zaman Azərbaycanın haqq mübarizəsinin yanında olduqlarını bildirib. «Müsəqillik dövründə Azərbaycan güclü dövlət və güclü ordu qura bildi. Biz çox sevnirik ki Azərbaycan 30 illik problemini həll elədi, torpaqları işğaldan azad olundu.» deyən deputat Qarabağda gedən yenidənqurma işlərinin qısa zamanda bitəcəyinə inandığını bildirib. Ukraynanın Etnopolitika və Vicdan Azadlığı üzrə Dövlət Xidmətinin sədri Alyona Boqdan dəvət üçün UAR rəhbərliyinə təşəkkür edib. «Biz fikirlərimizi və duyğularımızı paylaşıb, dəyərlərimizə hörmətlə yanaşmağı bacarmalıyıq. Bizi birləşdirən dəyərlərə dəyər verərək gələcəkdə buna bənzər faciələrin yaşanmasının qarşısını ala bilərik» deyə xidmət rəhbəri bildirib.

Ədəbiyyat nümumələrimizi ukraynacaya tərcümə edən ukraynalı şair, yazıçı və prozaik Sergey Qrabar Azərbaycanla olan dostluğundan bəhs edib. «Mən bir neçə dəfə Azərbaycanda, Bakıda olmuşam. Azərbaycan tarixinin, ədəbiyyatının və mədəniyyətinin vurğunuyam. 44 günlük müharibə zamanı biz hamımız «Dəmir Yumruqla» bir olduq və bir dost kimi sizin qələbənizə çox sevinirəm» deyən prozaik Azərbaycana həsr elədiyi «Xəzri» hekayəsindən bir bölümü sərgi iştirakçılarına oxuyub. Şair iki Azərbaycan dilinə tərcümə olunmuş iki kitabını imzalayaraq UAR kitabxanasına hədiyyə edib.

Çıxışlardan sonra UAR baş katibi fotosərgini açıq elan edib. Müharibənin dəhşətini anlatmaq üçün sözü fotoşəkillərə verdiyini bildirən Məmmədov: «Fotoşəkillərə baxdıqda adama elə gəlir ki sanki Qarabağa atom bombası atılıb. Çünki dağıdılmış şəhərlər, məhv edilmiş tarixi-dini abidələrin qalıqları 1945-ci ilin Xirosimasını bizə xatırladır. Amma ermənilər buraya atom bombasını atmayıblar, bu onlarda yox idi, olsaydı yəqin atardılar. Onlar burada Azərbaycan xalqına qarşı nifrət bombası partladıblar, tarixə qarşı suç işləyıblər. Ermənilərin bu cinayətlərinin cəzasını beynəlxalq məhkəmələrdə verəcəklər. Azərbaycan ədaləti tam bərqərar edəcək» deyib.




İctimai TV daha bir ilkə imza atdıVerilişlər virtual reallığı yaradan ən müasir studiyadan yayımlanacaq

İctimai Televiziya yeni mövsümə verilişlərin məzmun keyfiyyətini artırmaqla yanaşı, Cənubi Qafqazda ilk dəfə tətbiq olunan texnoloji yeniliklərlə start verib. Bu gündən etibarən İctimai Televiziya və Radio Yayımları Şirkətinin 6 verilişi virtual studiyadan yayımlanacaq.

Şirkətin mətbuat xidmətindən aldığımız məlumata görə, İctimai TV-də yeni studiya dünyanın ən inkişaf etmiş telekanallarının yararlandığı son model texnologiyalar əsasında qurulub. Verilişlərin dekorasiyaları “Unreal engine” proqramları vasitəsilə gerçəkləşir. Bu proqramlar verilişlərdə yeni zənginləşdirilmiş, virtual görüntülər, reallıqlar yaradır.

Yeni mövsümdə bu gündən başlayaraq, hər həftənin çərşənbə axşamları saat 12.25-də texnoloji yeniliklərdən bəhs edən “İTVTECH”, saat 22.30-da isə “Radius” hərbi-analitik verilişləri virtual studiyadan yayımlanacaq.

Həftənin cümə günləri saat 12.25-də “Biznes Azərbaycan”, saat 18.25-də “Din və Cəmiyyət”, bazar günləri saat 21.00-da “İTV Xəbər-Yekun”, bazar ertəsi günləri isə 00.05-də “Bol İdman” verilişləri yeni virtual studiyadan efirə çıxacaq. Yayımda ən müasir standartların tətbiqi gələcəkdə digər verilişlərdə də təmin ediləcək.

Beləliklə, “Bizə sarı gəlin!” şüarı ilə İctimai Televiziya mövsümə həm məzmun, həm də formaca yeniliklərin tətbiqilə başlayıb.
Kreml Putinlə Ərdoğanın müzakirə mövzularını açıqlayıbRusiya prezidenti Vladimir Putin və Türkiyənin dövlət başçısı Rəcəb Tayyib Ərdoğan qarşıdakı danışıqlarda bir çox məsələləri, xüsusi halda, Suriyada, Əfqanıstanda və Liviyada yaranmış vəziyyəti geniş müzakirə edəcəklər.

“Report” xəbər verir ki, bu barədə Rusiya liderinin mətbuat katibi Dmitri Peskov bildirib.

"Düşünürəm ki, ilk növbədə Suriya mövzusu gündəlikdə olacaq, əlbəttə, Əfqanıstan, Liviya barədə və başqa beynəlxalq məsələlər üzrə ənənəvi fikir mübadiləsi aparılacaq", - Kremlin nümayəndəsi vurğulayıb.

Putinlə Ərdoğan arasında danışıqların sentyabrın 29-da Soçidə keçiriləcəyi gözlənilir.

Daha əvvəl Ərdoğan bildirib ki, həmkarı ilə Türkiyə-Rusiya əlaqələrini və Suriyada vəziyyətin necə olduğunu, bundan sonrakı mərhələdə atılacaq addımları geniş şəkildə müzakirə edəcək.

İki prezidentin son birbaşa görüşü 2020-ci ilin martında Kremldə olub. Koronavirus pandemiyası səbəbindən yaranmış vəziyyətə görə sonrakı danışıqlar ya telefonla, ya da videokonfrans rejimində keçirilib.

Kanadada mədən qəzası olub, 39 işçi yerin altında qalıbBraziliyanın “Vale SA” şirkəti Kanadanın Sadberi şəhərindəki kömür mədənində qəzanın baş verməsi barədə xəbər yayıb.

“Report”un xarici mətbuata istinadən məlumatına görə, qəza zamanı 39 nəfər işçi yerin altında qalıb.

Şirkət bütün işçilərin xilasetmə əməliyyatının davam etdiyini bildirib. Bildirilir ki, onlar mədənin ikinci çıxışı ilə təxliyə olunacaqlar.

Məlumata görə, mədən işçiləri yaxın bir neçə saatda xilas ediləcəklər.
Teymur və Şəhriyardan növbəti məğlubiyyətNorveçli dünya çempionu Maqnus Karlsenin təşkil etdiyi Çempionlar Turunun final mərhələsində III tura yekun vurulub.

"Report"un məlumatına görə, Azərbaycan təmsilçiləri bu turu da məğlubiyyətlə başa vurublar. Şəhriyar Məmmədyarov polşalı Yan-Kşiştof Dudaya, Teymur Rəcəbov isə niderlandlı Aniş Giriyə eyni hesabla uduzub - 2,5:3,5. Məmmədyarovla Rəcəbovun gücü qarşılaşmaları tay-breykədək uzatmağa çatıb.

Xal durumu: Maqnus Karlsen - 23,5 xal, Uesli So - 18,5 xal, Levon Aronyan - 12 xal, Hikaru Nakamura - 10 xal, Aniş Giri - 9,5 xal, Teymur Rəcəbov - 9 xal, Maksim Vaşye-Laqrav - 7,5 xal, Vladislav Artemyev - 5,5 xal, Yan-Kşiştof Duda - 5 xal, Şəhriyar Məmmədyarov - 2,5 xal.

Sentyabrın 28-də keçiriləcək IV turda Rəcəbov Duda ilə, Məmmədyarov isə Vaşye-Laqravla qarşılaşacaq.
Saakaşvili biletini aldı, anası ilə Tiflisə gəlir...Oktyabrın 2-nə Tiflisə bilet almışam.

Avrasiya.net Report-a istinadən xəbər verir ki, bunu Gürcüstanın keçmiş prezidenti Mixail Saakaşvili Feysbuk səhifəsi vasitəsilə etdiyi videomüraciətində deyib.

O, həmin günün axşamı Tiflisdə Gürcüstan xalqının iradəsini müdafiə edəcəyini bildirib:

“Sizinlə birgə Gürcüstanın xilasında iştirak edəcəm. Bunu özüm üçün etmirəm, heç bir şəxsi ambisiyam, hər hansı vəzifə istəyim yoxdur. Mən uşaqlarımızın gələcəyi üçün mübarizə aparacam”.

Sabiq dövlət başçısı Kiyev-Tiflis istiqaməti üzrə aldığı aviabiletin fotoşəklini də paylaşıb. Biletdən aydın olur ki, o, oktyabrın 2-də, yerli vaxtla saat 23:05-də anası Giuli Alasaniya ilə birlikdə Tiflisə çatacaq.

Qeyd edək ki, oktyabrın 2-də Gürcüstanda yerli özünüidarəetmə orqanlarına seçkilər keçiriləcək.
AŞPA mina xəritələrinin verilməsinin vacib olduğunu bildirdiAvropa Şurası Parlament Assambleyasının (AŞPA) bu gün işə başlayan payız sessiyasında "Ermənistan və Azərbaycan arasındakı münaqişənin humanitar nəticələri" adlı qətnamə qəbul edilib.

Avrasiya.net xəbər verir ki, qətnamədə 1991-1994-cü illərdə baş verən birinci Qarabağ müharibəsi və 2020-ci ildə 44 günlik ikinci Qarabağ müharibəsi zamanı həlak olanlar, itkin, qaçqın, məcburi köçkün düşənlər, mədəni irsə dəyən ziyanlar, minalanmış ərazilər və digər məsələlər yer alıb.

Qarabağ müharibəsi zamanı baş verən insan faciəsinin aradan qaldırılması məqsədilə hər iki tərəfə tövsiyələr ünvanlanıb.

AŞPA birinci Qarabağ müharibəsinə son qoyan 9-10 noyabr tarixli atəşkəs elan olunmasına dair üçtərəfli razılaşmanı yüksək qiymətləndirib, sənədin atəşkəs üçün əsas elementlərdən ibarət olduğunu, müharibənin humanitar nəticələrinin həll edilməsinə imkan yaradan aparıcı sənəd olduğunu bildirib.

Qətnamənin müzakirəsi zamanı çıxış edən AŞPA üzvləri mina xəritələrinin Azərbaycana verilməsinin bundan sonrakı insan ölümünün qarşısının alınması üçün vacib olduğunu xüsusi vurğulayıblar.

Beynəlxalq icma xüsusilə Avropa Şurası hər iki ölkəyə yardım göstərməyə dəvət edilib.
Anım günü İqdırda da anılıb
Türkiyə-Azərbaycan Dostluq Dərnəkləri Federasiyası, Iğdır Azərbaycan Evi Dərnəyi və Qars Azərbaycan Konsulluğunun töhfələri ilə təşkil edilən 27 Sentyabrda Azərbaycan Şəhidlərini anma proqramı Iğdırda keçirildi.

Proqram bir dəqiqəlik sükutla, Türkiyə-Azərbaycan milli marşlarının oxunması ilə başladı, Ehlibeyt Alimlər Dərnəyinin prezidenti Zeki Tümay şəhidlər üçün Qurani-Kərim və şəhidlər üçün dua oxudu.

Türk Azərbaycan Dostluq Dərnəkləri Federasiyasının, Iğdır Azərbaycan Evi Dərnəyinin prezidenti Serdar Ünsal, çıxışında 27 Sentyabrda Azərbaycanda Şəhidlər Gününü qeyd etdi. Azərbaycanın bütövlüyü, bütün türklərin qəlbində yaşayır.

Bu gün Türk dünyası üçün həm qürur, həm də kədər günüdür. Bu gün vətən torpağı uğrunda yerə yıxılan 2907 qəhrəmanın şəhid olduğu gündür.Bu gün 30 ildir işğal olunmuş torpaqların erməni zülmündən azad edildiyi gündür.Bu gün Qarabağın erməni əsirliyindən azad edildiyi gündür. Türk millətinin gücü sübut edildi, Türk-Azərbaycan qardaşlığı gücləndirildi və Turan ordusunun qurulduğu dünyaya elan edildi.
Qəhrəman Azərbaycan ordusunun 44 günlük müharibə nəticəsində türk gücünün, türk birliyinin və Turan ordusunun ermənilərə göstərdiyi bir gündür.
Ermənilərin ataları olmadan, ruslar, fransızlar və ABŞ olmadan heç bir şey olmadıqlarının, ermənilərin gücünün yalnız silahsız və günahsız insanlar üçün yetərli olduğunun sübut edildiyi və silahlı və qüdrətli azərbaycanlıya qarşı məğlub edildikləri bir gündür.

Prezident İlham Əliyevin qətiyyətli münasibəti ilə, Türk dövlətinin və millətinin və Prezident Rəcəb Tayyib Ərdoğanın dəstəyi ilə Azərbaycan ordusunun qəhrəman müharibəsi nəticəsində Ermənistana lazımi dərs verildi və qəhrəman Azərbaycan ordusu bir dəfə qəhrəmanlıq dastanı yazaraq Türk millətinin şücaətini dostlara və düşmənlərə bir daha göstərdik. Bayrağımızın endirilməməsi üçün mərhəmətlə vətən torpağı uğrunda şəhid olan Türkiyə və Azərbaycanda şəhid olanların xatirəsini anırıq. veteranlarımızın qarşısında hörmətlə baş əyirik.

"3 rəngli Azərbaycan bayrağını və Türk bayrağını Qarabağda dalğalandıran qəhrəman əsgərlərimizin cəsur ürəklərini öpürəm," Bayraq bir kərə yüksəlsə, bir daha enməz. Azərbaycan qardaşlığı, Qarabağ Azərbaycandır. NE MUTLU TÜRKÜM DİYENE ".

Azərbaycan Qars Baş Konsulluğunun İğdır nümayəndəsi Elnur Salayev də çıxışında erməni təcavüzünü vurğuladı və 44 günlük müharibədə qazanılan torpaqlar uğrunda mübarizədən danışdı.

44 günlük Qarabağ savaşında Türkiyənin verdiyi dəstəyi unutmayacaqlarını ifadə edən Elnur Salayev, Türkiyə-Azərbaycan qardaşlığının bu savaşda bir daha ortaya çıxdığını söyləyərək dedi: " İkinci Qarabağ savaşı başlayanda Azərbaycanın yanında olduqlarını söyləyən Türk dövləti və milləti mənəvi dəstəyini həmişə davam etdirdi.

Türkiyə prezidenti Sayın R.T.Ərdoğan Türkiyə olaraq, hər zaman olduğu kimi bu gün də bütün imkanları ilə azərbaycanlı qardaşlarının yanında olduğunu bəyan etmişdir. Eyni zamanda Türkiyə istehsalı olan Bayraktar TB2 zərbə pilotsuz təyyarələri və Bayraktar TB2 dronları vastəsilə Azərbaycan Ermənistanın çoxlu sayda hərbi texnikasını məhv etmişdir. Ermeni ordusu məhv edildi və ermənilər qeyd -şərtsiz təslim oldular. Beləliklə, Türk-İslam birliyinin gücü bütün dünyaya elan edildi.

Iğdır valisi H. Engin Sarıibrahim, polis rəisi Dr. Oğuzhan Yonca, jandarma alayı komandir müavini Jandarma polkovniki Nadir Demirkan, AK Partiya İl Başkanı Ali Kamal Ayaz, CHP İl Başçısı Yrd. Artantaş, IYI Partiya Yöneticileri, Yenilikçi Partiya Mərkəzi İlçe Başçısı Ticarət Borsası Başçı Serhat Kumtepe və vətəndaşlar qatıldı.