Emin bu restorana 1 milyon dollar xərclədiXalq artisti Emin Ağalarov yeni biznesi üçün 1 milyon dollar (1,7 milyon manat) vəsait sərf edib.

Avrasiya.net Axşam.az-a istinadən xəbər verir ki, müğənninin yeni restoranı bu ilin sonunda açılacaq. Məkan Moskvada yeni alış-veriş mərkəzində yerləşir.

Emin bildirib ki, restoranda çin mətbəxi yer alacaq. İfaçı restoranın investorunun özü olduğunu söyləyib. O, məkan üçün qoyduğu investiyaya restoranın yerləşdiyi ərazinin, dekorun və qab-qacağın daxil olduğunu söyləyib.

Qeyd edək ki, Eminin nümayəndəsi onun ümumilikdə 50-yə yaxın restoranı olduğunu deyib.
"Kimsə Azərbaycanla hədə dili ilə danışa bilməz"Molla rejimi öz çirkin və riya dolu siyasətini həyata keçirtmək üçün bölgədə‚ qonşu ölkələrin hamısının ərazisi daxilində daim ekstremist quruplar yaratmağa‚ terrorçular yetişdirməyə‚ ümumiyyətlə harada ekstremist‚ separatçı və təxribatçı kimsələr olsa dərhal həmin ekstremistlərlə qüvvələrə dəstək verərək cinayətkarlarla əməkdaşlıq etməyə çalışır. Hazırda Qarabağ məsələsində də İran rejimi erməni separatçıları ilə əməkdaşlıq edir...

Bu fikirləri‚ politoloq‚ siyasi ekspert Mirsamir Məmmədov‚ İranın ali dini liderinin Ərdəbil üzrə nümayəndəsi‚ Ərdəbil şəhərinin imam cüməsi Ayətulla Amulinin Azərbaycanın ünvanına səsləndirdiyi təhdid və hədə dolu fikirlərə cavab olaraq bildirib.

M. Məmmədov İran mollasının Azərbaycan barədə səsləndirdiyi təhdidlərin mahiyyətindən geniş danışaraq qeyd edib ki‚

İran rejimi hələ müstəqilliyimiz qurulandan bu günə qədər Azərbaycana qarşı düşmən mövqedə olub və molla rejimi Azərbaycanın mustəqilliyini heçbir zaman qəbul etməyib. İran dövləti qonşuluğundakı müstəqil və güclü Azərbaycanın varlığını heçbir zaman həzm etməyib. Azərbaycanın güclənməsini özünə təhlükə sayan molla rejimi hər zaman Azərbaycana qarşı təxribat və terror hərəkətləri həyata keçirib. Birinci və ikinci Qarabağ müharibəsində ermənistanı dəstəkləyən və torpaqlarınızın işğalda qalmasına çalışan İran rejimi Azərbaycanın əleyhinə hər cür çirkin və iyrənc planlar qurdu.

Çünki Qarabağda ermənistanla əkib-becərdiyi gizli narkotik plantasiyalarından əldə edilən millyardlarla dollar həcmində qara pullarla beynəlxalq sanksiyaların vurduğu zərəri kompensasiya edirdi. Qərbin və Beynəlxalq birliyin tətbiq etdiyi sanksiyalardan İran rejimi məhz Qarabağda əkib becərdiyi narkotik ticarətindən əldə olunan qara pullarla‚ həmçinin Qarabağın təbii sərvətlərinin talan edilməsi hesabına və ermənilərin işğal etdiyi Azərbaycan torpaqlarındakı bütün tikililəri‚ texnika və qiymətli metalları söküb öz ölkəsinə aparmaqla öz iqtisadiyyatını qoruya bildi. Qarabağın təbii sərvətlərinin‚ qızıl‚ gümüş‚ mis‚ brom‚ molibden və dəmir yataqlarını 30 il boyunca talayaraq İrana aparmışlar. Təkcə yeraltı və yerüstü təbii sərvətləri talamaqla kifayətlənməyərək Qarabağdakı bütün inzibati binaları‚ yaşayış evlərini‚ dövlət obyektlərini söküb material edərək 30 il boyunca Tehrana daşımışlar. Ən ciddi faktor isə Qarabağda ermənilərlə birgə narkotik plantasiyaları əkib-becərərək gizli narkotik ticarətindən əldə olunan yüz milyardlarla maddi qazanc hesabına öz iqtisadiyyatını sanksiyalardan qoruya və hətta daha da inkişaf etdirə bildi.

Hətta bu narkotik gəlirlərinin hesabına İran Uranı zənginləşdirməyə davam edərək Nüvə silahı əldə etmək yolunda çalışmaları davam etdirdi və beləliklə Nüvə silahı əldə etməyə çox yaxınlaşmış oldu. Eyni zamanda İran Nüvə silahı proqramlarını inkişaf etdirməklə və Uranı zənginləşdirməklə bərabər həm Qafqazda‚ həm Orta Şərq regionunda terrora dəstək verərək geniş terror ocaqları‚ təxribatçı quruplar‚ gizli casus və agentura şəbəkələri yaratdı. İranın Nüvə silahı əldə etmək planları da terror və hərbi- siyasi məqsədlər üçündür. Hazırda İran rejiminə bağlı olan çox sayda terror qruplaşmaları mövcuddur. Hazırda Azərbaycan öz qanuni torpaqlarını işğaldan azad etdikdən sonra İran bütün bu gizli qazanclarını itirdi.

Elə bunun üçün hələ Azərbaycanla ermənistan arasında 2020-ci ilin sentyabrın 27-də müharibə başlayan gündən İran öz zenit qurğuları ilə ordumuzun arsenalında olan PUA-ları dondurmağa‚ proqramını kilidləməyə çalışaraq ordumuzun hücumlarına hər vəchlə mane olmağa çalışdı. Eyni zamanda İran rejimi 44 günlük müharibə boyu ən inkişaf etmiş və ən güclü silahlarını açıq-aşkar Qarabağı işğal etmiş separatçı quldur rejimə Azərbaycana qarşı döyüşmək üçün göndərdi. İran rejimi Xankəndidə yuva salmış separatçı rejimə hal-hazırda əlindən gələn hərbi yardımı edərək Azərbaycana qarşı durmadan silahlandırır.


Ən son da Azərbaycan və Türkiyənin Xəzərdə hərbi təlim keçirməsini bəhanə edərək‚ ermənistanın müharibədə məğlub olması nəticəsində‚ külli miqdarda‚ yəni milyardlarla maddi gəlirlərin əlindən çıxmasından aqressivləşmiş İran molla rejimi hər vasitə ilə Azərbaycana qarşı diş qıcayaraq öz düşmənçilik niyyətini açıq mətnlə ifadə edir. Ən son olaraq İranın ali dini liderinin Təbriz üzrə nümayəndəsinin Azərbaycanın və Türkiyənin ünvanına səsləndirdiyi ağır ifadələr‚ təhdid və hədə-qorxu xarakterli açıqlamaları birbaşa düşmənçilik ifadəsi və etirafıdır.

Hazırda İran rejimi Azərbaycanla sərhədə güclü qoşun yığaraq Azərbaycana qarşı düşmənçilik mövqeyi sərgiləyərək hədə-qorxu və təhdid dili ilə danışmaqdadır. Türkiyənin Azərbacanla birgə Xəzərdə hərbi təlimə qatılmasını Xəzəryanı ölkələrin statusu haqqında 2018-cil razılaşmasını əsas gətirərək təhdid etməyə çalışır. Amma halbuki İran Azərbaycanla Türkiyənin birgə hərbi təliminə etiraz edərək istinad etdiyi qanun layihisini hələ də öz parlamentində qəbul etməyib. Bununla bağlı Xəzəryanı ölkələrin və hətta Rusiyanın belə İrana xəbərdarlıqları olmuşdur. İndi İranın molla rejimi riyakarcasına fikir ifadə edərək özünün tanımadığı və qəbul etmədiyi qanun layihəsini sitat gətirərək Azərbaycana və Türkiyəyə etiraz bəyanatı səsləndirərək Azərbaycana qarşı təhdid dolu ifadələr səsləndirir. Amma məsələnin əsl səbəbi Azərbaycanın ermənistan üzərində qazandığı parlaq qələbəsidir və İran rejimi Azərbaycanın qələbəsindən və güclənməsindən bərk qorxuya düşüb. Bu səbəbdən ölkəmizə qarşı hər cür təxribat əməlinə əl atır. İran rejimi Orta Şərq regionundakı terrorçu qüvvələri silahlandırdığı kimi‚ Xankəndidəki separatçı rejimi də bu səbəbdən silahlandıraraq bölgədə terror dalğası əsdirməyə çalışır.

Əvvəla Azərbaycanın beynəlxalq imici və dünyada hörməti çox güclüdür. İran və ya başqa bir ölkə hər nə qədər Azərbaycana qarşı təhdid və hədə dili ilə danışmaq istəsə‚ bu‚ onun özünə qarşı çevrilər. Çünki.: İranın dünyada heçbir nüfuzu yoxdur və dünyada İrana heçbir ölkə dost deyil və əksinə bütün dünya İrana düşməndir. Amma Azərbaycanın güclü nüfuzu və güclü dostluq və ittifaq qurduğu dost və qardaş ölkələr vardır. Kimsə Azərbaycanla hədə dili ilə danışa bilməz.

Azərbaycan hər bir ölkənin təhdid və hədəsinə istənilən şəkildə‚ həm hərb cəbhəsində‚ həm də diplomatiya və siyasi cəbhədə məharətlə cavab verməyə qadir olan ölkədir. İran rejimi Zəngəzur dəhlizinin açılmasını və ümumiyyətlə Azərbaycanın öz qanuni torpaqlarını işğaldan azad etməsini və ərazi bütövlüyünü bərpa etməsini‚ güclənməsini‚ inkişaf etməsini‚ ən əsası isə həm hərb cəbhəsində‚ həm diplomatiyada qələbə qazanmasını qətiyyən həzm edə bilmir. Və ona görə ki‚ Qarabağda rus sülhməramlılarının himayəsində gizlənmiş separatçılara dəstək göndərə bilməyəcək və bununla da‚ bilavasitə İranın kirli və çirkli qazancları‚ qara pulları əldən çıxıb.

Bu səbəbdən artıq İran rejimi Azərbaycana qarşı kin nə nifrətini boğa bilmir və özünə hakim ola bilməyən‚ emosional‚ cahil və nadan bir simadadır. Və beləcə bu səbəblə qonşu Azərbaycana qarşı kin və nifrət ifadə edir. İranın bu aqressiv hərəkəti‚ təhdid dilləri və düşmənçilik siyasəti‚ heçbir qonşuluq münsibətlərinə sığmır. İran faktiki olaraq göstərmiş olur ki‚ o riyakar‚ xəbis düşüncəli‚ xain və məkrli bir dövlətdir. İran terrora və təxribata meyilli və birbaşa terrorçu bir ölkə olduğuna görə‚ bütün dünya üçün təhlükə mənbəyidir. İranın təxribat və terror siyasətinə qətiyyən göz yummaq və ona güzəştə getmək olmaz. Bu cinayətkar və terrorist dövlət cavabını almadıqca‚ daha da azğınlaşar. Çünki İran dövləti cahil və nadan quruplaşmadan ibarət olan quldur‚ terrorist və cinayətkar bir rejim tərəfindən idarə olunur. Bu da bütün dünyaya açıq bir təhlükə deməkdir.

İranın nadan və terrorirst molla rejimi daim ermənistana silah və sursat göndərərək Azərbaycana qarşı ermənistanı hərbi təxribatlar və terror əməlləri törətməyə təhrik edir. İran həm Qafqazda‚ həm də Orta Şərq regionunda öz təsir dairəsindəki agentura‚ casus şəbəkəsi‚ terror təşkilatları vasitəsilə bölgədə bütün sabitliyi və sülhü pozaraq bu regionlara təhlükə icrac edir. Ümumiyyətlə İran rejiminin terror və təxribat yaratmaq siyasəti bütün dünyaya təhlükədir. Təhlükənin qarşısı isə alınmalıdır. İran Nüvə silahına sahib olarsa‚ artıq dünya üçün real faciə deməkdir. Çünki İran dövləti başdan ayağa‚ təpədən dırnağa qədər bir terror dövlətidir.

Ayətulla Amulinin iyrənc və xəbis ruhlu‚ məkrli və mənfur düşmən xarakterli açıqlamalarına gəlincə‚ heçbir zaman Azərbaycana dost olmadılar‚ daim terrorist ermənistanı müdafiə etdilər‚ ermənistanın terrorçu dəstələrini bizə qarşı savaşmaları üçün hər zaman silahlandırdılar və onlara daim döyüş və terorçu təlimləri keçdilər‚ Azərbaycanı qonşu ölkə olaraq yox‚ düşmən ölkə olaraq gördülər‚ hər zaman təhdid və təhqir ifadə etdilər‚ mütamadi Azərbaycana təxribatçı və terorçu quruplar‚ casus və agentura şəbəkələri göndərdilər. Azərbaycan dövlətinin varlığını heçbir zaman həzm edə bilmədilər‚ Qasım Süleymani‚ Şəbüstəri‚ Amili və bunlar kimi bir çoxlarının dili ilə daim bizə hədə və təhdid‚ qarğış səsləndirdilər, qonşu ölkə kimi yox‚ düşmən ölkə kimi davrandılar‚ heçbir qonşuluq və insanlıq kitabına sığacaq addım atmadılar‚ terror dövləti olaraq‚ teror‚ təxribat və provokasiya yaradan ölkə olaraq tarixə düşdü İran rejimi.

İndi də bu Amuli meydana çıxaraq İranın ali rəhbərinin adından Azərbaycana təhdid və hədə bəyanatları səsləndirir. İran rejiminin bütün hərəkətləri göstərir ki‚ bu cinayətkar və terrorist rejim bütün insanlıq və hüquq qanunlarından‚ bütün insanlıqdan‚ hümanizm prinsiplərindən‚ Allahın vacib hesab etdiyi bütün ali və dini dəyərlərin hökm və tələblərindən çox uzaq olan‚ öz maddi marağı naminə bütün cinayətləri məqbul və qanuni hesab edən cinayətkar və terrorist bir ölkədir.
İxtisaslı işçilərin sayı çox azdır - Nazir“Rəqəmsal transformasiyanı həyata keçirə biləcək mütəxəssislərə ehtiyac var”.

Avrasiya.net-in məlumatına görə, bunu əmək və əhalinin sosial müdafiəsi naziri Sahil Babayev “Nizami Gəncəvi ili"nə həsr olunmuş “Post COVID -19 və 4-cü sənaye inqilabı perspektivlərində təhsilin dizaynı” mövzusunda beynəlxalq konfransda deyib.

O bildirib ki, hazırda əmək bazarında çağırışlar çox ciddidir:

“Öz sahəsində işləyən ixtisaslı işçi qüvvəsinin sayı gözləntilərimizdən çox azdır. Əlbəttə, burada obyektiv səbəblər də var. Bizdə hələlik qeyri-formal, distant təhsilin iş yerində tam tanınmaması burada faktor rolunu oynayır. Ümumi məşğul əhalinin içində ixtisaslı işçi qüvvəsinin sayı azdır. Dövlətin icra etdiyi proqramlarda da bu, özünü göstərir”.
Prezident sülhməramlıların rolundan danışdıRusiya sülhməramlılarının Qarabağdakı situasiyanın stabilləşməsində rolu çox vacibdir.

Avrasiya.net xəbər verir ki, bunu Azərbaycan Prezidenti İlham Əliyev Rusiyanın “Nasionalnaya oborona” jurnalında müsahibəsində deyib.

“İndi bizdə yeni mərhələdir, mən deyərdim ki, Qarabağ regionunda Rusiya sülhməramlılarının yerləşməsi nəzərə alınarsa, kontaktlar daha aktiv, qarşılıqlı fəaliyyət daha sıxdır. Təbii ki, bu mövzu həmçinin daima gündəmdədir və qeyd etməliyəm ki, təxminən bir il keçib və hər şey ştat rejimində, problemsiz, tam qarşılıqlı anlayış, qarşılıqlı fəaliyyət şəraitində gedir. Biz rusiyalı sülhməramlıların situasiyanın stabilləşməsi ilə bağlı fəaliyyətini yüksək qiymətləndiririk. Bu, stabilliyin vacib faktorudur”, - Prezident bildirib.
Elbrus hadisəsi necə baş verib? - Alpinist danışdıElbrus dağında beş turistin ölümünə səbəb olan hadisə ilə bağlı alpinistlərdən biri E1.ru portalına müsahibəsində faciənin səbəbləri barədə danışıb.

Avrasiya.net xəbər verir ki, Dmitri adlı bir alpinist deyib: "Yıxıldıq, düşdük, şüşə buzunun üzərinə təxminən yüz metr uçduq, buz baltasını heç bir şəkildə yapışdıra bilmədik. Yoldaşımız ayağını sındırdı". Onun sözlərinə görə, dərhal təhlükə siqnalına baxmayaraq, xilasedicilər hadisə yerinə yalnız turistlərin özləri yuxarıdan enəndə düşə biliblər.
Xatırladaq ki, bir gün əvvəl Elbrusda 5400 metr yüksəklikdə 19 alpinistdən ibarət qrup hava şəraitinin pisləşməsi səbəbindən kömək istəyib.

Hadisə nəticəsində 5 nəfər ölüb. Qalanlar qar təmizləyiciləri üzərində olan Azau şəlaləsinə evakuasiya edilərək həkimlərə təhvil verilib. Sağ qalanların hamısının ağır donması və xəsarətləri var. Bələdçilərdən birinin mediaya verdiyi məlumata görə, qrupa təcrübəsi olmayan bir bələdçi rəhbərlik edib.

Fövqəladə Hallar Nazirliyinin əməliyyatında 69 nəfər və 16 texnika iştirak edib.
44 gün ərzində "Biz sizə borcluyuq"  kampaniyası keçiriləcək27 sentyabrdan başlayaraq 44 gün ərizində vətəndaş cəmiyyəti üzvləri və Bakı Dövlət Universitetinin (BDU) SABAH tələbə qruplarından ibarət Təşəbbüs Qrupu tərəfindən könüllü olaraq "Biz sizə borcluyuq" kampaniyası icra olunacaq.

Avrasiya.net xəbər verir ki, kampaniyanın məqsədi 44 günlük Vətən Müharibəsinin şəhidlərini yad etmək, tanıtmaq və onların ailə üzvlərinə psixoloji dəstək göstərməkdir.

Kampaniya üç istiqamətdə aparılacaq. İlkin olaraq 3000 nəfərdən ibarət kampaniya üzvləri tərəfindən 44 gün ərzində sosial şəbəkə profillərində SABAH tələbə qruplarının hazırladığı Vətən müharibəsi şəhidlərinin tək-tək şəkilləri yerləşdiriləcək. Eyni zamanda #bizsizəborcluyuq həştəqi ilə

"Twitter", "Facebook" və digər sosial şəbəkələrdə şəhidlərin həyatı və döyüş yolu ilə bağlı paylaşımlar ediləcək.

Kampaniyanın növbəti istiqaməti olaraq Təşəbbüs Qrupunun üzvləri 44 gün ərzində 44 şəhidin evinə gedib, onların il dönümlərini ailələri ilə bərabər yad edəcəklər. Həmçinin davamlı olaraq "Xarıbülbül" Psixoloji Dəstək Mərkəzi tərəfindən şəhid ailələləri və qazilərlə psixoloji iş aparılacaq.

Təşəbbüs Qrupu nümayəndələri hər bir soydaşımızı #bizsizəborcluyuq kampaniyasına qoşulub, sosial şəbəkələrdə profillərinə müzəffər şəhidlərimizin şəkillərini yerləşdirməyə çağırır.

Təşəbbüs Qrupunun könüllüləri:
• DAOS Platforması - Nərgiz Xələf
• Mirzə Ələkbər Sabir Fondu - Sevda Tahirli
• Milli Məclisin üzvü Jalə Əlmədova
• BDU-nun SABAH qrupları - İradə Süleymanova, Gündüz Camalzadə
• Azərbaycan Fotoqroflar Birliyi - Mirnaib Həsənoğlu
• "Xarıbülbül" Psixoloji Yardım Mərkəzi -Səbinə İsmayılova
• "Nəfəs" İB - Firəngiz Balakişiyeva
• "Diaspor Fəaliyyətinə Jurnalistlərin Dəstəyi" İB - Fuad Hüseynzadə
• Biganə Qalma Kampaniyası - Adil Abdullayev
• Dünya Jurnalistlər Birliyi - Nərmin Şabanqızı

Sabiq daxili işlər naziri general rütbəsindən məhrum edildiNaxçıvanın sabiq daxili işlər naziri Əhməd Əhmədovun həbsi ilə bağlı bəzi detallar məlum olub.

Avrasiya.net bildirir ki, "Qafqazinfo"nun məhkəmə materiallarından əldə etdiyi özəl məlumata görə, sabiq nazir Ə.Əhmədovun həbsindən öncə iki ay istintaqdan gizlənib və axtarışa verilib.

Belə ki, onun barəsində 2020-ci il dekabrın 15-də həbs qətimkan tədbiri seçilib, lakin istintaqdan yayındığı üçün faktiki olaraq həbs edilməyib. O, 2021-ci il fevralın 25-də Bakıda saxlanılaraq həbs edilib. Əhməd Əhmədov Şərur rayonunun Tumaslı kəndində anadan olub, lakin vəzifədən çıxarıldıqdan sonra Bakıya köçərək Sabunçu rayonunda yaşamağa başlayıb.

Naxçıvan MR Hərbi Məhkəməsinin hökmü ilə Əhməd Əhmədov xüsusilə külli miqdarda mənimsəmə, vəzifə səlahiyyətlərindən sui-istifadə, rüşvət alma və vəzifə səlahiyyətlərini aşma maddələri təqsirli bilinərək 11 il müddətinə azadlıqdna məhrum edilib.

Həmçinin, məhkəmənin hökmü ilə Ə.Əhmədovun "daxili xidmət general-mayoru" ali-xüsusi rütbəsindən, "polis general-leytenantı" ali-xüsusi rütbəsindən, "general-leytenant" ali hərbi rütbəsindən və "Azərbaycan Bayrağı" ordenindən məhrum edilib. Hökmün icrası üçün həmin rütbələri və dövlət təltiflərini vermiş müvafiq orqana təqdimat göndərilib.

Qeyd edək ki, Ə.Əhmədov 2000-2017-ci illərdə Naxçıvanda daxili işlər naziri olub.
Daşkəsəndə itkin düşən şəxslərin axtarışlarına MN əməkdaşları da cəlb olunduİyulun 30-da itkin düşən Daşkəsən rayonunun Alaxançallı kənd sakinləri - 2010-cu il təvəllüdlü İsmət Bayramov və 2000-ci il təvəllüdlü Ülfət Rüstəmovun axtarışları davam etdirilir.

Avrasiya.net xəbər verir ki, bu barədə Daxili İşlər Nazirliyinin Mətbuat Xidmətinin Gəncə şəhərindəki regional qrupunun baş inspektoru, polis baş leytenantı Eşqin Qasımov APA-ya məlumat verib.

Bildirib ki, sözügedən şəxslərin tapılması istiqamətində Kəlbəcər rayonu ərazisində intensiv axtarış işləri həyata həyata keçirilir: "Ehtimal olunur ki, itkin düşən şəxslər dumanlı hava şəraitində azaraq kəndlə sərhəd olan Kəlbəcər rayonu ərazisinə keçiblər. Hazırda axtarış aparılan ərazilər həddən artıq minalanmış sahələr olduğu üçün işlərin həyata keçirilməsində ləngimələr yaranır".

E. Qasımov qeyd edib ki, itkin düşmüş şəxslərin tapılması üçün aidiyyatı qurumlardan əlavə Müdafiə Nazirliyinin də əməkdaşları axtarışlara cəlb olunub.

Qeyd edək ki, İsmət Bayramov və Ülfət Rüstəmov iyulun 30-da at gətirmək adı ilə kənd ərazisindəki otlaq sahəsinə gedib və bir daha geri qayıtmayıblar.

Xatırladaq ki, Daşkəsən rayonunun Alqxançallı kəndinin yuxarı hissəsi İkinci Qarabağ müharibəsindən əvvəl Ermənistanla təmas xəttində neytral zona olub.
Sabah gücləndirilmiş dezinfeksiya işləri aparılacaqSabah, sentyabrının 25-i səhər saatlarından etibarən şəhərin mərkəzi və qəsəbələrdəki əsas küçə, prospekt və yollarda xüsusi kimyəvi maddələrlə növbəti dəfə əlavə gücləndirilmiş dezinfeksiya işləri aparılacaq.

Bu barədə Avrasiya.net-ə Bakı Şəhər İcra Hakimiyyətinin mətbuat xidmətindən məlumat verilib.

Bununla əlaqədar maddələrin qəbul olunmuş müəyyən toksikliyini nəzərə alaraq sakinlərdən ciddi zərurət yaranmadığı təqdirdə qeyd olunan tarixdə küçəyə çıxmamaq xahiş olunur.
Ceyhun Bayramov Hüseyn Əmir Abdullahian ilə görüşübXarici işlər naziri Ceyhun Bayramov BMT Baş Assambleyasının 76-cı sessiyasında iştirakı çərçivəsində İran İslam Respublikasının xarici işlər naziri Hüseyn Əmir Abdullahian ilə görüşüb.

Azərbaycan Respublikası Xarici İşlər Nazirliyinin Mətbuat xidməti idarəsindən verilən məlumata görə, görüş zamanı Azərbaycanla İran arasında əməkdaşlıq münasibətlərinin bütün sahələrdə inkişaf etdiyi vurğulanıb.

Nazirlər ikitərəfli münasibətlərin gündəliyində duran bir sıra məsələlər, eləcə də iqtisadi, energetika, ticarət, kənd-təsərrüfatı və digər sahələrdə əməkdaşlığın inkişaf perspektivləri ətrafında fikir mübadiləsi aparıblar. Tərəflər həmçinin bölgədə mövcud olan cari vəziyyəti müzakirə ediblər.

Ceyhun Bayramov üçtərəfli bəyanatın imzalanmasından sonra azad olunmuş ərazilərdə həyata keçirilən bərpa, yenidənqurma və reinteqrasiya prosesləri barədə həmkarına ətraflı məlumat verib.

Hüseyn Əmir Abdullahian İran tərəfinin Azərbaycanla hərtərəfli münasibətlərin inkişafında maraqlı olduğunu vurğulayıb.

Görüş zamanı habelə qarşılıqlı maraq doğuran beynəlxalq və regional məsələlərlə bağlı müzakirələr aparılıb.