Sülh müqaviləsi müzakirə edilir? – Detallar məlum olduErmənistan mediası Moskvada “sülh müqaviləsi” ilə bağlı müzakirələrin aparıldığı iddiasını tirajlayıb. İddiaya görə, Ermənistan müdafiə naziri Arşak Karapetyanın rəhbərlik etdiyi nümayəndə heyəti Rusiyada keçirilən “Qərb-2021” hərbi təlimləri çərçivəsində Azərbaycanla “sülh müqaviləsi”nin detallarını müzakirə edib.

Son dövrlər Azərbaycanın siyasi-hərbi rəhbərliyindən heç kimin Rusiyaya səfər etmədiyini nəzərə alsaq, bu iddianın reallıqla məsafəsi daha da uzaqlaşır, lakin detallar maraqlıdır:

- Sərhədin delimitasiya və demarkasiya prosesinin SSRİ xəritəsinə uyğun aparılması razılaşdırılıb;

- Qarabağın “statusu” ilə bağlı erməni tərəfi heç nəyə nail olmayıb: bu məsələ İrəvan tərəfindən hələ də açıq saxlanılır;

- Rusiya sülhməramlılarının Qarabağda qalma müddətinə 5 ildən sonra baxılacaq;

- Zəngəzur dəhlizinin açılması reallaşacaq: Ermənistanın yola görə tranzit haqqı alması mümkündür;

- Sənədin tamamlanması yanvar ayına qədər yekunlaşacaq;

Bu məqamlar Azərbaycanın Ermənistana təqdim etdiyi yekun sülh müqaviləsi proqramına uyğundur. Erməni mənbələrin “sülh müqaviləsi” ilə bağlı müzakirələrin aparıldığı və tirajladıqları detalların həqiqiliyi sual altındadır.

Lakin Azərbaycan-Türkiyə və Azərbaycan-Türkiyə-Pakistan hərbi təlimlərinin “sülh müqaviləsi” masasında Bakının əlini gücləndirəcəyi şübhəsizdir.

Asif Nərimanlı
Bu günün hava proqnozuAzərbaycanda bu günə gözlənilən hava proqnozu açıqlanıb.

ETSN-dən Avrasiya.net-ə bildirilib ki, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər yarımadanın bəzi yerlərində qısamüddətli az yağış yağacağı ehtimalı var. Güclü şimal-qərb küləyi əsəcək.

Havanın temperaturu gecə 21-23° isti, gündüz 25-27° isti, Bakıda gecə 21-23° isti, gündüz 25-27° isti olacaq. Atmosfer təzyiqi 755 mm civə sütunundan 760 mm civə sütununa yüksələcək. Nisbi rütubət gecə 60-70 %, gündüz 45-50 %olacaq.

Azərbaycanın rayonlarında bəzi yerlərdə şimşək çaxacağı, arabir yağış yağacağı gözlənilir. Ayrı-ayrı yerlərdə leysan xarakterli intensiv və güclü olacağı, dolu düşəcəyi ehtimalı var. Səhər bəzi yerlərdə duman. Arabir güclənən qərb küləyi əsəcək.

Havanın temperaturu gecə 16-21° isti, gündüz 27-32° isti, dağlarda gecə 8-13° isti, gündüz 14-17° isti olacaq.
XİN rəsmisi Ermənistanla bağlı açıqlama yaydıAzərbaycan tərəfindən cari ilin yanvar ayında Avropa İnsan Hüquqları Məhkəməsində Ermənistana qarşı qaldırılan iddiaya əlavə olaraq, yaxın günlərdə Azərbaycan İrqi ayrı-seçkiliyin bütün formalarının ləğvi haqqında Beynəlxalq Konvensiyanın (ICERD) sistematik şəkildə pozulmasına görə Ermənistanı məsuliyyətə cəlb etmək üçün məhkəməyə müraciət edəcək.

Avrasiya.net xəbər verir ki, bunu Xarici İşlər Nazirliyinin Mətbuat xidməti idarəsinin rəisi Leyla Abdullayeva KİV-in Ermənistana qarşı beynəlxalq məhkəmə işlərindəki son vəziyyətlə bağlı sualını cavablandırarkən deyib.

“Ərazilərimizin bir hissəsinin Ermənistan tərəfindən qanunsuz işğalına son verildikdən sonra, azərbaycanlılara qarşı insan hüquqlarının kobud şəkildə pozulmasına dair faktlar tərəfimizdən diqqətlə toplanmış və sənədləşdirilmişdir. Buraya Ermənistanın azərbaycanlıları etnik mənşəyinə görə zor gücünə qovması, işgəncə verməsi, öldürməsi və qəddar rəftar etməsi halları daxildir. Bir milyondan çox azərbaycanlı Ermənistanın təcavüzü nəticəsində evlərindən zorla qovulmuşdur. Azərbaycanın şəhərləri tamamilə yer üzündən silinmişdir. Üçtərəfli bəyannamənin imzalanmasından sonra Ermənistan keçmiş işğal olunmuş ərazilərdə minaların basdırılması vasitəsilə azərbaycanlı məcburi köçkünlərin evlərinə geri dönüşünün qarşısını alaraq və minalanmış ərazilərin xəritələrini Azərbaycana verməkdən imtina etməklə ICERD-ni pozmağa davam etdi.

Biz, Ermənistan tərəfindən ICERD-nin müddəalarının kobud şəkildə pozulması ilə əlaqədar beynəlxalq hüquq çərçivəsində ədaləti təmin edəcəyik”, - deyə Leyla Abdullayeva vurğulayıb.
Liviya hərbçiləri 200 üsyançını öldürübLiviya ilə Çadın sərhədində silahlı toqquşma baş verib.

Bu barədə “Al Hadath” telekanalı öz mənbələrinə istinadən məlumat yayıb.

Qeyd olunub ki, nəticədə Liviya hərbçiləri Çadla sərhəddə bu ölkədən olan 200 üsyançını qətlə yetirib. Bildirilib ki, üsyançılara qarşı havadan zərbələr endirilib.
Tramp: ABŞ 3 ilə məhv olacaq3 il ərzində ABŞ məhv olacaq.

Avrasiya.net xəbər verir ki, bu sözləri ABŞ-ın sabiq prezidenti Donald Tramp "Nyusmaks" teleleviziyasına açıqlamasında deyib.

O bildirib ki, ABŞ heç vaxt olmadığı qədər öz xəttindən çıxıb:

“2022 və 2024-cü ildəki seçkilərə gedəndə ölkədən əsər-əlamət qalmayacaq”.
Bu dərmanlar koronavirusu daha da azğınlaşdırırKoronavirusun dərmanlarla müalicəsi, həmçinin antikorlarla plazma istifadəsi yeni ştammların və mutasiyaların yaranmasına səbəb olur.

Avrasiya.net Medicina.az-a istinadən xəbər verir ki, professor Ança Baranova İngiltərədəki koronavirus mutasiyasının daha yoluxucu olduğunu deyib. Bununla birlikdə bioloq xatırladıb ki, patogenin dəyişikliklərə uğraması insanın daxilində uzun müddət qalıb inkişaf etməsi və təkamülü nəticəsində baş verir. Bu prosesi isə müalicədə istifadə olunan dərmanlar daha da sürətləndirir.

Baranovanın dediyinə görə, xəstənin bədənində virusun uzun müddət olması immunitetin azaldığını göstərir:

"HİV və ya orqan köçürülməsi vəziyyətində həkimlər bunu dərman vasitəsi ilə basdırırlar. Bu cür terapiyanın istifadəsi düzgündür, ancaq virusun bədəndə daha çox qalmasına şərait yaradır. Bədənin virusu təmizləməsi üçün çox vaxt lazımdır. Mutasiyalar spesifik müalicədən də, məsələn, çox sayda antikor olan plazma istifadəsindən də təsirlənir.

Koronavirusla mübarizədə istifadə olunan “Areplivir”, “Coronavir” və ya “Remdesivir” kimi məşhur dərmanlar zəif patogenləri məhv edir, güclü olanlarsa bədəndə qalır və inkişafına davam edir. Sonra sağalmış serumu əlavə edirik; standart bütöv virusları vuracağıq, lakin perspektivli mutantlar qalacaq və dünyaya yayılacaq”.
Rusiyada parlament seçkiləri başladıSəkkizinci çağırış Rusiya Dövlət Dumasına seçkilər başlayıb.

Avrasiya.net xəbər verir ki, seçki məntəqələri ilk olaraq Çukotka və Kamçatkada açılıb.

Üç gün davam edəcək seçkilərdə, həmçinin Rusiya subyektlərinin regional və yerli orqanları da formalaşacaq.

450 deputat yeri olan parlamentin aşağı palatasına 14 siyasi partiyadan 3910 namizəd irəli sürülüb. Yekun nəticə oktyabrın 4-də elan olunacaq.