Millimiz Portuqaliyaya uduzduDünya çempionatının seçmə mərhələsi çərçivəsində keçirilən Azərbaycan-Portuqaliya oyunu başa çatıb.

Avrasiya.net xəbər verir ki, Bakı Olimpiya Stadionunda təşkil olunan görüş qonaq komandanın 3:0 hesablı qələbəsi ilə yekunlaşıb.

Qeyd edək ki, millimiz seçmə mərhələyə Portuqaliya ilə səfər matçı ilə start verib və 0:1 hesabı ilə uduzub.
Cəmil Babayev iki erməni hərbçi ilə dəyişdirildiAğdərədə tutulan Azərbaycan ordusunun hərbçisi Cəmil Babayev Bakıda saxlanılan iki erməni hərbi qulluqçu ilə dəyişdirilib.

Bu barədə Ermənistan mətbuatı məlumat yayıb.

Bildirilib ki, Qarabağdakı Rusiya sülhməramlı qüvvələrinin komandanı general Rüstəm Muradov erməni əsirləri qaytarmaq üçün Bakıya gəlib.

Təyyarənin təxminən bir saat sonra İrəvana çatması planlaşdırılır.

İrəvana qaytarılan erməni hərbçilər Artur Nalbandyan və Aramais Torozyandır.

Qeyd edək ki, Cəmil Babayev Gəncə hospitalının psixiatriya bölməsini özbaşına tərk edərək Rusiya sülhməramlılarının müvəqqəti yerləşdirildiyi Ağdərə ərazisinə keçmişdi.
Yoluxma azalır, 41 nəfər vəfat edibAzərbaycanda koronavirus (COVID-19) infeksiyasına 2 447 yeni yoluxma faktı qeydə alınıb, 3 428 nəfər müalicə olunaraq sağalıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, analiz nümunələri müsbət çıxan 41 nəfər vəfat edib.

İndiyədək ölkədə ümumilikdə 447 725 nəfərin koronavirus infeksiyasına yoluxması faktı müəyyən edilib, onlardan 389 977 nəfər müalicə olunaraq sağalıb, 5 920 nəfər vəfat edib, aktiv xəstə sayı 51 828 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 15 530, bu günə qədər isə ümumilikdə 4 578 600 test aparılıb.
Ramiz Mehdiyevin mühasibi qəzada öldüPrezident Administrasiyasının sabiq rəhbəri, AMEA prezidenti Ramiz Mehdiyevin mühasibi avtoqəzada dünyasını dəyişib.

Avrasiya.net Musavat.com-a istinadən xəbər verir ki, hadisə Şabran rayonu, Leyti kəndi ərazisində baş verib. Mühasib Mənsim Məmmədovun idarə etdiyi avtomobil kənd ərazisindən keçən kanalın içinə düşüb.

Məlumata görə mühasib uzun illər Ramiz Mehdiyevin sahibliyində olan və kürəkəni İlham Əliyevin idarə etdiyi MMC-də çalışıb. Qeyd edək ki, İlham Əliyevə məxsus olan “Turaz” və “Dostluq” MMC-lər Şabran və ətraf rayonlarda xeyli torpaq sahəsi ələ keçirib. Ramiz Mehdiyev vəzifədən qovulduqdan və kürəkəni mandatdan məhrum edildikdən sonra torpaq sahibləri hərəkətə keçiblər.

Şabran Rayon Məhkəməsinə verilən iddialara baxılıb və İlham Əliyevin illər əvvəl əl qoyduğu 55 hektar əkinə yararlı torpaq ondan alınaraq, əvvəlki sahiblərinə qaytarılıb.

Taliban yeni hökuməti elan etdiTaliban Əfqanıstanda yeni hökumətin yaradıldığını elan edib.

Rusiya mediası xəbər verir ki, Taliban rəhbərliyinin nümayəndəsi Əmir Xan Müttəki xarici işlər naziri vəzifəsinin müvəqqəti icraçısı təyin edilib.

Baş nazir səlahiyyətlərinin icrası isə Məhəmməd Həsən Axunda tapşırılıb.

Bundan əlavə, müdafiə naziri vəzifəsinin səlahiyyətlərini Məhəmməd Yaqub icra edəcək.
Səbaildə gizli su anbarı aşkarlandı"Azərsu" ASC içməli sudan qanunsuz istifadənin, israfçılığın və su itkilərinin qarşısının alınması məqsədilə Bakının Səbail rayonunda nəzarət-yoxlama tədbirləri keçirib.

Avrasiya.net bu barədə quruma istinadən xəbər verir.

Məlumata görə, yoxlamalar Prezident İlham Əliyevin təsdiqlədiyi “Su ehtiyatlarından səmərəli istifadənin təmin edilməsinə dair 2020-2022-ci illər üçün Tədbirlər Planına” uyğun olaraq həyata keçirilib və bu zaman yenə də sudan uçotsuz və sayğacdankənar istifadə halları aşkarlanıb.

Səbail rayonu 20-ci sahə yaşayış massivində həyata keçirilən nəzarət tədbirləri zamanı “Dostlar” kafesində su sayğacının dayandırılması, kənar xəttdən istifadə və gizli su anbarı aşkarlanıb. Görünür, bu üsula əl atan sahibkarın heç ağlına da gəlməyib ki, kifayət qədər müştərisi olan obyektin su sərfiyyatında şübhələr yarana bilər. Beləki ki, obyektin su sərfiyyatına görə aylıq ödəniş cədvəli tələbata uyğun gəlmədiyindən obyektin su təchizatına baxış keçirilməsinə zərurət yaranıb və şübhələr özünü doğruldub. Məlum olub ki, kafe hər gün işləsə də, sayğacdan su fasilələrlə keçir.

Sudan qanunsuz istifadə olunan növbəti böyük ünvan “Şıxov” ərazisindəki “Qağayı” çimərliyi olub. Eyni ilə burada da sahibkar yaxınlıqdan keçən magistral kəmərdən gizli xətt çəkərək, sudan qanunsuz istifadə edib. Su əvvəlcə ehtiyat çənə, sonra isə çimərlikdəki bulaqlara ötürülürmüş. Obyektin su təchizatına görə hər hansı rəsmi müqavilə, su sayğacı olmadığına və sudan qanunsuz istifadə hallarına yol verildiyinə görə dəymiş ziyan hesablanaraq akt tərtib olunub və su təchizatı dayandırılıb.

Badamdar qəsəbəsi 2 ünvanındakı villalardan birində də böyük bir iaşə obyektinin işlətdiyi qədər sudan qanunsuz istifadə olunduğu aşkarlanıb. Bütün müraciətlərə məhəl qoymayan evin sahibi müqavilə bağlamaqdan imtına edib və “Azərsu” ASC əməkdaşalarına qarşı kobudluq edərək, vəzifə borclarını yerinə yetirmələrəinə mane olub. Amma bununla belə sudan qanunsuz istifadə edilən ünvanla bağlı akt tərtib olunaraq suyun verilişi dayandırılıb.

Sudan qanunsuz istifadə edən əhalini və sahibkarkarı bir daha bu cür əməllərdən çəkinməyə çağırır və bildiririk ki, belə qanunazidd halların qarşısını almaq üçün tədbirlər mütəmadi davam etdiriləcək. Sudan qanunsuz istifadəyə görə dəymiş ziyan hesablanacaq, hüquq-mühafizə orqanlarına müraciət olunacaq. Ümumilikdə cari ilin ötən dövründə sudan qanunsuz istifadə ilə bağlı 185 fakt araşdırılıması üçün hüquq-mühafizə orqanlarına təqdim olunub.

Bu ilin 8 ayında sudan qanunsuz istifadə ilə bağlı “Azərsu” üzrə 11 532, Səbail rayonu üzrə isə 427 fakt aşkarlanıb. Bu hallar üzrə müvafiq olaraq 3 mln 119 min kubmetr, Səbail rayonu üzrə isə 134 min kubmetr həcmində sərfiyyat bərpa olunub.
“Qərb 2021” strateji təlimlərində iştirak etmək üçün 7 ölkənin hərbi kontingenti Rusiyanın Nijeqorodsk vilayətindədir.

Bu barədə Rusiyanın Qərb Hərbi Dairəsi məlumat yayıb.

“Ermənistan, Hindistan, Qazaxıstan, Qırğızıstan, Monqolustan, Pakistan və Şri Lankanın 500-ə yaxın hərbçisi Rusiya Aerokosmik Qüvvələrinin hərbi nəqliyyat təyyarələri ilə Qərb Hərbi dairəsinin döyüş təlim mərkəzinə çatıb və birgə təlimlərə başlamaq üçün silah, hərbi və xüsusi texnikanı qəbul etməyə başlayıb”, - məlumatda qeyd olunub.

Qeyd olunub ki, beş gün ərzində hərbçilər birgə təlimlərin keçiriləcəyi yerlərlə tanış olacaq, silah və hərbi texnikanın, xüsusən T-72B3 tankları, BMP-2 piyadaların döyüş maşınları, həmçinin AK-74M avtomatları, qumbaralar və pulemyotlardan atışlar həyata keçirəcəklər.

Qeyd edək ki, Rusiya-Belarus ortaq strateji təlimlərində 200 min hərbçi iştirak edəcək, təlimlərə 80 təyyarə və helikopter, 760-dək döyüş texnikası cəlb olunacaq.
Gənclər bu nümunələr əsasında tərbiyə almalıdırlar - Prezident"44 günlük Vətən müharibəsinin hər günü bizim üçün əzizdir, doğmadır. Vətən uğrunda öz canlarından keçmiş şəhidlərimizin əziz xatirəsi bizim üçün doğmadır, bizim üçün müqəddəsdir və gənclər bu nümunələr əsasında tərbiyə almalıdırlar".

Avrasiya.net-in xəbərinə görə, bu fikirləri Azərbaycan Prezidenti İlham Əliyev Fərid Qayıbovu Gənclər və İdman naziri təyin olunması ilə əlaqədar videoformatda qəbul edərkən deyib.

"Bizim gənclər artıq müzəffər xalqın nümayəndələri kimi böyüyəcəklər. Bunun çox böyük mənəvi və psixoloji mənası var. Uzun illər Azərbaycan işğala məruz qalmış ölkə, biz azərbaycanlılar isə düşmən tərəfindən öz doğma torpağından didərgin salınmış xalq kimi yaşamışıq, əzab-əziyyət içində yaşamışıq, fiziki və mənəvi əzablar içində yaşamışıq. Biz buna son qoyduq. Bundan sonra müzəffər xalq kimi, qalib ölkə kimi, qürurlu insanlar kimi əbədi yaşayacağıq. Bu şanlı tarixi yaşatmaq üçün, qorumaq üçün və gəncləri bunun əsasında tərbiyə etmək üçün sizin nazirliyinizin üzərinə böyük vəzifələr düşür. Mən əminəm ki, siz bu məsuliyyəti dərk edirsiniz və bu prinsipləri gündəlik fəaliyyətinizdə rəhbər tutaraq nazirliyin fəaliyyətini təşkil edəcəksiniz. Sizi təbrik edirəm və sizə fəaliyyətinizdə uğurlar arzulayıram", - dövlət başçısı vurğulayıb.
“Koronavirusa yoluxanların 8 faizi şagirdlər idi” - Emin ƏmrullayevTəhsil müəssisələri fəaliyyətə başladığı müddətdə müşahidələrimizə əsasən, koronavirusa yoluxanların 8 faizə qədərini şagirdlər təşkil edirdi.

Avrasiya.net xəbər verir ki, bu barədə təhsil naziri Emin Əmrullayev bu gün keçirilən brifinqdə məlumat verib.

Nazir bildirib ki, məktəblər fəaliyyətini davam etdirdiyi müddətdə gün ərzində yoluxanların təxmini 10 faizə qədərini şagirdlər və müəllimlər təşkil edib:

“Buna görə biz yoluxma sayı artan məktəbləri distant təhsilə keçirməyə məcbur olurduq. Amma məktəblərdə tədris başlayan kimi onları distant təhsilə keçirmək məqsədəuyğun hesab edilmir. Hazırda tədris prosesinə mərhələli şəkildə - bir həftə fasilə ilə başlayanda daha aşağı rəqəmlərlə qarşılacağımıza ümid edirik”.
Nazir tədrisin gec başlamasının səbəbini AÇIQLADI“Azərbaycanda tədrisin 1-2 həftə gec başlaması hazırda ölkədə koronavirusa yoluxma sayının çox olması ilə bağlıdır”.

Avrasiya.net-in məlumatına görə, bunu təhsil nazir Emin Əmrullayev bildirib.

Onun sözlərinə görə, ötən həftədən başlayaraq yoluxma sayında azalma hiss olunsa da, rəqəmlər hələ üç min civarındadır:

“Gündəlik yoluxanların 2 faizə qədəri təhsil işçiləri, 8 faizə qədər şagirdlərdir. Belə ki, 10 faizlik gündəlik yoluxma 300 nəfər edir ki, bu da həmin məktəbin distant təhsilə keçməsinə səbəb olur. Biz isə tədris başlayan kimi məktəbi distant təhsilə keçirmək istəmirik. Güman edirik ki, növbəti həftələrdə ölkəmizdə koronavirusa yoluxma azalacaq”.