Tokio-2020: Azərbaycan daha bir medal qazandıAzərbaycanın atletika idman növü üzrə idmançısı Səid Nəcəfzadə Tokio-2020 Yay Paralimpiya Oyunlarında mübarizəyə uğurla başlayıb.

Bu barədə Avrasiya.net Milli Paralimpiya Komitəsinə istinadən xəbər verir.

Belə ki, Səid Nəcəfzadə (T12 - uzunluğa tullama) növü üzrə 7.03 metr nəticə göstərərək bürünc medal qazanıb.

Atletika idman növü üzrə digər idmançımız Kamil Əliyev ( T12 - uzunluğa tullanma) növü üzrə 6.89 metr nəticə göstərərək, yarışı 5-ci yerdə tamamlayıb.

Azərbaycanın atletika idman növü üzrə digər idmançısı Oloxan Musayev ( F55 - disk atma) növü üzrə 37.92 metr nəticə göstərərək, yarışı 7-ci pillədə başa vurub.
Bakıda ağır qəza: 4 nəfər öldüBakının Ziya Bünyadov prospektində ağır yol qəzası baş verib.

Avrasiya.net xəbər verir ki, "Mersedes", "Jiquli" və "Toyora Kəmri" markalı avtomobillərin toqquşması nəticəsində 4 nəfər həlak olub.

Hadisə səbəbindən yol gediş-gəlişə bağlanıb. Qəza nəticəsində yararsız hala düşmüş nəqliyyat vasitələri polis tərəfindən ərazidən götürülüb.

Hazırda FHN əməkdaşları yolda təmizlənmə işləri həyata keçirir.
Baydendən xəbərdarlıq: Dağıdıcı fəlakət gəlir!ABŞ Prezidenti Co Bayden ölkənin cənub ştatlarını cənginə alan “İda” qasırğası ilə bağlı əhaliyə xəbərdarlıq edib.

Axar.az xəbər verir ki, dövlət başçısı qasırğanın dağıdıcı olacağını və təbii fəlakətin nəticələrinin aradan qaldırılması üçün bütün resurslardan istifadənin vacibliyini qeyd edib.

“Bildirmək istərdim ki, insan həyatı üçün təhlükə yaradan dağıdıcı qasırğa gəlir. Ona görə də, xahiş edirəm, dostlar... Luizina, Missisipi, Tanrı bilir, bəlkə də digər ştatlar... Ehtiyatlı olun, bütün tədbirləri görün”, - deyə Ağ Ev rəhbəri bildirib.
Zelenski və Baydenin görüşü sentyabrın 1-nə təxirə salındıUkrayna prezidenti Vladimir Zelenskinin Amerika lideri Co Baydenlə görüşü avqustun 31-də baş tutmayacaq.

Avrasiya.net xəbər verir ki, bu barədə “RBC Ukrayna” agentliyinə ölkənin Prezident Aparatındakı mənbə məlumat verib.

Mənbə bildirib ki, iki dövlət başçısının görüşü təxirə salınıb. Agentliyin həmsöhbətinin sözlərinə görə, Zelenski ilə Baydenin sentyabrın 1-də görüşəcəyi planlaşdırılır.

Xatırladaq ki, bununla da görüş ikinci dəfə təxirə salınıb. Əvvəlcə prezidentlərin avqustun 30-da görüşəcəyi planlaşdırılsa da, sonradan plan dəyişdirilib.
Tokio-2020: Azərbaycanın 5 paralimpiyaçısı mübarizə aparacaqBu gün Azərbaycanın 5 paralimpiyaçısı Tokio-2020 Yay Paralimpiya Oyunlarında mübarizə aparacaq.

Avrasiya.net-in məlumatına görə, yarışın növbəti günündə 3 atlet və 2 pauerliftinqçi qüvvəsini sınayacaq.

Səid Nəcəfzadə və Kamil Əliyev uzunluğa tullanma, komandanın bayraqdarı Oloxan Musayev disk atma növündə çıxış edəcək. Atletika yarışları Bakı vaxtı ilə saat 04:34-də start götürəcək. Musayev daha əvvəl nüvə itələmədə 5-ci yeri tutub.

Pauerliftinqçilərdən Elşən Hüseynov (107 kq) və Şamo Aslanov (+107 kq) medal qazanmağa çalışacaq. Hüseynov Bakı vaxtı ilə saat 06:00-da, Aslanov isə 13:30-da mübarizəyə başlayacaq.

Qeyd edək ki, hazırda aktivində 9 qızıl və 3 bürünc medal olan Azərbaycan komandası medal sıralamasında 7-ci pillədə qərarlaşıb.
ABŞ bu ölkədə hər cür vəhşiliklər törədib - XameneiABŞ Əfqanıstanı inkişaf etdirmək üçün bir addım belə atmadı.

Avrasiya.net xəbər verir ki, bunu İranın ali lideri ayətullah Seyid Əli Xamenei deyib.

"İndiki Əfqanıstan 20 il əvvəl inkişaf baxımından geridə olmasa da, irəlidə də deyil. Əfqanıstanda böhranların mənbəyi ABŞ-dır. Amerikalılar 20 illik işğal dövründə bu ölkədə toyları və cənazələri bombalamaq, günahsızları həbs etmək və narkotik istehsalını on dəfə artırmaqla hər cür vəhşiliklər törədiblər", - deyə Xamenei qeyd edib.
“Tokio-2020”: Azərbaycan yeddinci pilləyə yüksəldi“Tokio-2020” XVI Yay Paralimpiya Oyunlarının dördüncü günündə 61 ölkənin idmançıları medal qazanıblar.

Avrasiya.net xəbər verir ki, medal siyahısına Çin komandası liderlik edir. Bu ölkənin idmançıları 30 qızıl, 21 gümüş və 26 bürünc medal qazanıblar.

İkinci pillədə 16 qızıl, 12 gümüş və 15 bürünc medalla Böyük Britaniya təmsilçiləri, üçüncü yerdə isə 13 qızıl, 7 gümüş və 20 bürünc medalla Rusiya Paralimpiya Komitəsinin atletləri qərarlaşıblar.

ABŞ 11 qızıl, 7 gümüş, 4 bürünc medalla dördüncü, Ukrayna 8 qızıl, 17 gümüş, 9 bürünc mükafatla beşinci, Avstraliya isə 7 qızıl, 9 gümüş və 11 bürünc medalla altıncıdır. Hesabında 7 qızıl və 2 bürünc medal olan Azərbaycan yeddinci pillədə yer alıb. Digər pillələrdə Braziliya (6-5-12), Niderland (6-5-5) və İtaliya (5-7-6) qərarlaşıblar.

Azərbaycan komandasının aktivində 9 medal var. Belə ki, paracüdoçular Şəhanə Hacıyeva (48 kq), Sevda Vəliyeva (52 kq), Xanım Hüseynova (63 kq), Vüqar Şirinli (60 kq), Hüseyn Rəhimli (81 kq) qızıl, Namiq Abaslı (66 kq) bürünc medala sahib olublar. Yüz metr məsafəyə üzgüçülük yarışlarında Raman Saleh Paralimpiya çempionu adını qazanıb. Nizə atma yarışlarında dünya rekordu müəyyənləşdirən para-atletimiz Həmid Heydəri qızıl medala sahib olub. Pauerliftinqçi Pərvin Məmmədov (49 kq) isə fəxri kürsünün üçüncü pilləsinə qalxıb.

Qeyd edək ki, XVI Yay Paralimpiya Oyunları sentyabrın 5-dək davam edəcək.
Bələdiyyə sədrləri: aralarında fəaliyyətləriylə borclarını silənlər də var, göynən gedənlər dəFəaliyyətimizi təbliğ etmirik, problemlərimizi ictimailəşdirmirik, borclu vergi ödəyicilərin siyahısını açıqlamırıq, təkliflər verib həlliylə bağlı addımlar atmırıq nəticə də gündəlik olaraq bələdiyyəni borclandırırıq. Bu vəziyyətlə hara gedirik, bilən varmı? Bəzi bələdiyyə sədrləri bu hərəkətlərinə necə haqq qazandıracaqlar.

***

Bu gün sabah yeni seçilmişlərin ikinci ili tamam olur. İki ilin tamamında özlərinə hesabat vermiş olsalar bu sədrlər nədən danışacaqlar, hansı misalları çəkəcəklər.

Fikrimcə, sədr olan şəxs düşünməlidir ki, sədr ilk olaraq icra başçısı qarşısında yox, məhz seçicisi qarşısında məsuliyyət daşıyır. Hər addımlarında diqqətli olmalı, seçici məmnunluğunun təmin edilməsinə çalışmalıdırlar. Əfsuslar olsun ki, yerində sayan bələdiyyələrdə bu gün az deyil.

Necə olur ki, Bibiheybət bələdiyyəsinin sədri 10 min manat, Gədəbəy bələdiyyəsinin sədri 25 min manat, Sahil bələdiyyəsinin sədri 38 min manat, Binədəqi bələdiyyəsinin sədri 90 min manat, Sabunçu bələdiyyəsinin sədri 100 min manat, Qala bələdiyyəsinin sədri 24 min manat bələdiyyənin müxtəlif istiqamətlər üzrə, həm DSMF-yə, həm də əməkhaqqı borcunun bələdiyyənin yeni tərkibinin fəaliyyəti sayəsində silindiyini bildirdikləri halda Əhmədli bələdiyyəsi, Xocasən bələdiyyəsi və onlarca digər sədrlər bələdiyyələri borclandırmaqda davam edirlər.

Etiraf edilməlidir ki, bələdiyyələrin maliyyə gəlirlərinin artmasında Bələdiyyələrlə İş mərkəzinin xüsusi xidməti var. Onların fəaliyyəti sayəsində ötən illərdə bələdiyyələrin büdcə gəlirləri iki milyon manata yaxın artmışdır.

***

Yeri gəlmişkən, maraqlı bir məqama toxunmaq istərdim. İki il ərzində paytaxtın bir çox bələdiyyəsinin, o cümlədən Nəsimi bələdiyyəsinin hər hansı ciddi addım atıb konkret layihə icra edə bilməməsinin əsas günahı kimdədir? Necə olur ki, iki bələdiyyə, Binəqədi və Nəsimi bələdiyyəsi, adıçəkilən mərkəzin müxtəlif istiqamətlər üzrə pilot layihə proqramına salınır, Binəqədi bələdiyyəsi ay ərzində nəzərdə tutulan maliyyə vəsaitinin iki dəfədəndə artıq maliyyə toplayır, Nəsimi bələdiyyəsinin isə əksinə büdcə gəlirləri azalır. Maraqlıdır, deyilmi...

Fikrimizcə, əsas səbəb hazırda Nəsimi bələdiyyəsində əsas hədəf kimi, vergi borclarını yığmaq yox, vergi müfəttişlərini işdən “psikdirmək”lə məşğul olmalarıyla bağlıdır. Bacarıqlı işçilərin “nazıyla” oynamaq əvəzinə qulluqçuları aylıq xidməti müqavilə bağlamağa təhrik etmək nə deməkdir. Ayıbdır. İki ilə yaxın müddət ərzində inzibati binada qulluqçulara müasir iş şəraiti yaratmaq əvəzinə təzələrin işinə göz yummaq, köhnələrə isə “barmaq” qeydiyyatı aparmağa məcbur etmək hansı qanunda yazılıb, maraqlıdır. Belə halların digər bələdiyyələrdə baş verdiyi deyilir. Çox təəssüf...

Yazılanlara reaksiya verilməməsi isə iki məqamdan irəli gələ bilər. Ehtimal etmək olar ki, adam hədsiz dərəcədə göynən gedir və gözü yeri görmür, ya dakı ...

“Manatı bəyənməyən ortaya şahını çıxartmalıdır”. Könhə sistemdən qurtula bilmirlər, yenisini də qura bilmirlər. Çünki atılan addımlar ümumi mənafe naminə deyl, şəxsi maraqlara xidmət edir. Ona görə də alınmır, əzizlərim!!!

***

Hər halda bir daha bələdiyyə sədrlərinə səslənirəm: fəaliyyətinizi təbliğ etməli, problemlərinizi ictimailəşdirməli, borclu vergi ödəyicilərin siyahısını açıqlamalı, təkliflər verib həlliylə bağlı addımlar atmalısınız ki, seçicilərə verdiyniz öhdəliyi də vaxtında yerinə yetirəsiniz.

Bu gün bələdiyyə sədrlərinin əsas vəzifəsi seçici məmnunluğunun təmin edilməsinə çalışmaqdır. Vəssalam...

Vüqar Tofiqli
Ölkədə koronadan ölənlərin sayı 40-ı keçdiAzərbaycanda koronavirus (COVID-19) infeksiyasına 4 241 yeni yoluxma faktı qeydə alınıb, 3 366 nəfər müalicə olunaraq sağalıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, analiz nümunələri müsbət çıxan 43 nəfər vəfat edib.

İndiyədək ölkədə ümumilikdə 413 986 nəfərin koronavirus infeksiyasına yoluxması faktı müəyyən edilib, onlardan 358 230 nəfər müalicə olunaraq sağalıb, 5 512 nəfər vəfat edib. 50 244 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 18 871, bu günə qədər isə ümumilikdə 4 414517 test icra olunub.
32 yaşlı jurnalist koronadan vəfat etdiFemida.az saytının 32 yaşlı əməkdaşı Şahverdi Şirinli (Oğuz Altay) bu gün dünyasını dəyişib.

Avrasiya.net xəbər verir ki, bu barədə jurnalistin yaxınları sosial şəbəkədə məlumat yayıblar.

Jurnalist bir neçə gün əvvəl sosial şəbəkə hesabında koronavirusa yoluxması barədə məlumat paylaşmışdı.

Allah rəhmət eləsin!