"Qarabağ" "Aberdin"i məğlub etdiBakıda "Qarabağ" və Şotlandiyanın "Aberdin" komandaları arasında UEFA Konfrans Liqasının pley-off mərhələsinin ilk oyunu keçirilir.

Avrasiya.net xəbər verir ki, görüş Tofiq Bəhramov adına Respublika stadionunda keçirilir.

30-cu dəqiqədə Ağdam təmsilçisinin heyətində Xayme Romero topu rəqib qapıdan keçirib.

Komandalar fasiləyə yollanıblar.

***

"Qarabağ" UEFA Konfrans Liqasının pley-off mərhələsində ilk oyununu keçirib.

Qurban Qurbanovun baş məşqçi olduğu komanda Bakıda Şotlandiyanın "Aberdin" klubu ilə üz-üzə gəlib.

Matçı sloveniyalı Rade Obrenoviçin başçılıq etdiyi hakimlər briqadası idarə edib. Tofiq Bəhramov adına Respublika stadionunda keçirilmiş qarşılaşma Ağdam təmsilçisinin 1:0 hesablı qələbəsi ilə yekunlaşıb.

Qeyd edək ki, komandalar arasındakı cavab matçı bir həftə sonra Şotlandiyada olacaq.
TƏBİB: "Ölənlər arasında vaksin olunan yoxdur"Yoluxma sayının artması fonunda hazırda reanimasiyalarda müalicə alan ağır xəstələr və koronavirusdan ölənlər arasında vaksinasiya olunmuş şəxslər yoxdur.

Avrasiya.net xəbər verir ki, bunu TƏBİB-in İdarə Heyəti yanında tibbi-elmi komitənin sədri, professor Akif Qurbanov deyib.

Onun sözlərinə görə, koronavirusdan ölən və hazırda reanimasiyada müalicə alan ağır xəstələr vaksinasiyadan keçməyənlərdir:

"İnsanlar arasında belə bir söhbət yayılır ki, filankəs vaksin vurdurmuşdu, amma koronavirusa yoluxub. Biz də deyirik ki, heç bir vaksin 100 faiz xəstəlikdən qorumur. Vaksinasiya olunanlar arasında 5-10 faiz insan var ki, onlar koronavirusa yoluxa bilər. İndi bizdə geniş istifadə olunan "Sinovac" vaksininin cəmi iki əks-göstərişi kağızında qeyd olunub. Bunlardan biri əvvəlki vaksinlərə qarşı həyati təhlükə daşıyan allergik reaksiya, ikincisi isə digər xəstəliklərin kəskinləşmə fazasıdır. Qalan heç bir halda əks-göstəriş yoxdur. Amma komissiyamız da bunu tam dəqiqliklə araşdırır və əsaslandırır ki, kimlər bu vaksini hansı səbəbə görə vura bilməz".
Azərbaycanda gənc müəllim dünyasını dəyişib"Azərbaycan Turizm və Menecment Universitetinin məzunu, həmçinin ali təhsil müəssisəsinin "Mehmanxana və restoran biznesi" kafedrasında ingilis dilində dərsləri tədris edən gənc müəllim Vüsalə Salahova dünyasını dəyişib".

Bu barədə "Report"a Azərbaycan Turizm və Menecment Universitetindən bildirilib.

Allah rəhmət eləsin!
Rafael Cəbrayılova külli miqdarda pul verən şəxslər məhkəmədə ifadə verdiMilli Məclisin sabiq deputatı Rafael Cəbrayılovun cinayət işi üzrə məhkəmə prosesi davam etdirilib.

Avrasiya.net xəbər verir ki, Bakı Ağır Cinayətlər Məhkəməsində hakim Əhməd Quliyevin sədrliyi ilə keçirilən iclasda zərərçəkmiş şəxslər ifadə verib.

Zərərçəkmiş qismində çıxış edənlər ifadələrində Rafael Cəbrayılova müxtəlif vaxtlarda pul verdiklərini, lakin sabiq deputatın pulu qaytarmadığını bildiriblər.

Zərərçəkmiş Yusif Orucov sabiq deputatla 2015-ci ildə onun avtomobilində görüşdüyünü və ona 100 min dollar verdiyini deyib. Digər zərərçəkmiş Şəfanə Məmmədova isə ifadəsində R.Cəbrayılova 50 min dollar verdiyini deyib. Zərərçəkmiş Sənan Ağamirov isə bildirib ki, o, sabiq deputata ümumilikdə 45 min dollar verib və həmin pulun 12 min dollarını geri ala bilməyib.

Digər zərərçəkmiş Məlahət Qurbanova çıxışında sabiq deputata 561 min manat verdiyini və bu məbləğin 169 min manatını geri aldığını deyib. Daha sonra R.Cəbrayılov zərərçəkmişlərin ifadələrinin düzgün olmadığını deyərək bildirib ki, onlardan pulları 2,5 faizlə borc kimi alıb və əksəriyyətini də geri qaytarıb.

Növbəti proses sentyabrın 2-nə təyin olunub.

İttihama görə, 2005-2019-cu illərdə Azərbaycan Respublikasının Milli Məclisinin III, IV və V çağırışları üzrə deputatı olmuş Cəbrayılov Rəfael Kamil oğlunun qanunsuz əməlləri ilə əlaqədar Baş prokuror yanında Korrupsiyaya qarşı Mübarizə Baş İdarəsində Azərbaycan Respublikası Cinayət Məcəlləsinin müvafiq maddələri ilə başlanmış cinayət işi üzrə istintaq yekunlaşdırılıb.

Belə ki, istintaqla Rəfael Cəbrayılovun Azərbaycan Respublikasının Milli Məclisinin deputatı olarkən ayrı-ayrı şəxslərə torpaq sahəsinə mülkiyyət hüquqlarının dövlət qeydiyyatından keçirilməsi barədə çıxarışın alınmasında köməklik göstərəcəyi, eləcə də digər məqsədlərlə yalan vədlər verərək cəmi 11 nəfər şəxsin ümumilikdə 2 milyon 571 min manat məbləğində pul vəsaitini dələduzluq yolu ilə ələ keçirməsinə, həmin hərəkətləri ilə də deputatının işgüzar nüfuzunun qorunub-saxlanılması ilə əlaqədar dövlətin qanunla qorunan mənafelərinə mühüm zərər vurmasına əsaslı şübhələr müəyyən edilib.

İş üzrə toplanmış sübutlar əsasında Rəfael Cəbrayılova Cinayət Məcəlləsinin 178.3.2 (dələduzluq- külli miqdarda ziyan vurmaqla törədildikdə) və 308.2 (vəzifə səlahiyyətlərindən sui-istifadə- ağır nəticələrə səbəb olduqda) maddələri ilə ittiham elan edilərək məhkəmənin qərarı ilə barəsində həbs qətimkan tədbiri seçilmiş və cinayət işi baxılması üçün Bakı Ağır Cinayətlər Məhkəməsinə göndərilib.
İranda koronavirusdan ölüm sayı 100 mini ötdüİranda son sutka ərzində koronavirusa 31 min 266 yoluxma, 564 ölüm halı qeydə alınıb.

Avrasiya.net xəbər verir ki, qonşu ölkədə virusa yoluxanların ümumi sayı 4 milyon 587 min 683 nəfərə, pandemiya qurbanlarının sayı isə 100 min 255-ə çatıb.

Hazırda 7583 xəstənin vəziyyəti ağır qiymətləndirilir.

Bundan əlavə, İranda 3 milyon 840 min 568 xəstə sağalaraq evə buraxılıb.
Bu gün virusdan 23 nəfər vəfat edibAzərbaycanda koronavirus (COVID-19) infeksiyasına 3 614 yeni yoluxma faktı qeydə alınıb, 1 114 nəfər müalicə olunaraq sağalıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, analiz nümunələri müsbət çıxan 23 nəfər vəfat edib.

İndiyədək ölkədə ümumilikdə 380 918 nəfərin koronavirus infeksiyasına yoluxması faktı müəyyən edilib, onlardan 342 256 nəfər müalicə olunaraq sağalıb, 5 231 nəfər vəfat edib. 33 431 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 15 786, bu günə qədər isə ümumilikdə 4 268 668 test icra olunub.
Azərbaycanda DSK-lar yenidən formalaşdırıldıMilli Məclisdəki çoxluğu, azlığı və heç bir partiyaya mənsub olmayan müstəqil deputatları Mərkəzi Seçki Komissiyasında (MSK) təmsil edən üzvlər dairə seçki komissiyalarının üzvlərinin siyahısını təsdiq edib.

Avrasiya.net xəbər verir ki, bu barədə MSK-nın bu gün keçirilən iclasında qərar qəbul edilib.

MSK sədri Məzahir Pənahov bildirib ki, 125 Seçki Dairəsi üzrə DSK-lar yenidən formalaşdırılıb.

MSK sədri qeyd edib ki,1125 nəfər DSK üzvünün təyin olunması rəsmiləşəcək: “Siyahı mətbuatda dərc olunacaq. 5 gün müddətində bütün DSK-larda DSK sədri və katibi seçiləcək. Bu proses gecikməməlidir”.
Bu deputatın mandatı ləğv oluna bilər: 18 min maaş alır…Milli Məclisin daha bir deputatının qanunları kobud şəkildə pozması ilə bağlı məlumat yayılıb.

Avrasiya.net Bakupost.az-a istinadla xəbər verir ki, 46 saylı Şirvan Seçki Dairəsindən deputat seçilən İltizam Yusifovun böyük biznes fəaliyyəti ilə bağlı faktlar ortaya çıxıb.

Bununla bağlı jurnalist Həbib Müntəzir məlumat paylaşıb:

“İ.Yusifov deputat olana qədər "Shirvan Operating Company ltd" şirkətinin vitse-prezidenti olub və hələ də biznes fəaliyyətini davam etdirir, hər ay 18 min 600 manat maaş alır. Dövlət Sosial Müdafiə Portalından çıxarılan sənəddə qeyd olunur ki, iki neft şirkəti "Shirvan Operating company LTD" və Kayman adalarının "Karasu Operating Company"nin filialı millət vəkilinə hər ay maaş ödəyir. Hər iki şirkətin adı isə mətbuatda dəfələrlə işçilərin maaş problemləri ilə əlaqədar hallanıb. Həmçinin iddia olunur ki, İ.Yusifovun Vircin adalarında ofşor şirkəti də var”.

Bəs qanunvericilikdə əlavə bizneslə məşğul olan deputatları hansısa cəza gözləyir?

Məsələ ilə bağlı danışan hüquqşünas Əkrəm Həsənov bildirib ki, bu halda deputatın mandatı ləğv edilməlidir:

“Azərbaycan Konstitusiyasının 85-ci maddəsinə əsasən, Milli Məclisin üzvü elmi-pedaqoji və yaradıcılıq istisna olmaqla başqa ödənişli fəaliyyətlə məşğul ola bilməz. Əslində, deputat hansısa şirkətdə səhmə, paya malik olub, divident ala bilər. Çünki bu, fəaliyyət deyil. Hansısa şirkətdə işləmir, fəaliyyət göstərmir, amma birbaşa özü fəaliyyət göstərirsə, məsələn, hansısa şirkətin direktorudursa, buna görə maaş alırsa, bu, Konstitusiyanın 85-ci maddəsinə ziddir. Bu halda Konstitusiyamızın 89-cu maddəsinə görə, o, deputat mandatından məhrum edilməlidir”.
Çay içmək adı ilə 12-ci mərtəbəyə çıxan fəhlə İNTİHAR ETDİCari il iyunun 23-də 1964-cü il təvəllüdlü Həsənov İlham İbaş oğlunun paytaxtın Nəsimi rayonu ərazisində çoxmərtəbəli binanın 12-ci mərtəbəsindən yıxılaraq ölməsi barədə Nəsimi Rayon Prokurorluğuna məlumat verilib.

Baş Prokurorluğun mətbuat xidmətindən Avrasiya.net-ə bildirilib ki, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Araşdırma zamanı müəyyən olunub ki, həmin ünvanda yerləşən binanın 9-cu mərtəbəsindəki mənzildə alçıpan vurulması işlərində fəhlə işləyən İlham Həsənov çay içmək adı ilə binanın 12-ci mərtəbəsinə qalxaraq oradan özünü yerə ataraq intihar edib.

Mərhum İlham Həsənovun maddi, xidməti və s. cəhətdən asılı olduğu hər hansı şəxs tərəfindən amansız rəftar etmə, ləyaqəti alçaltma, hədə-qorxu gəlmə hallarına məruz qalması müəyyənləşdirilmədiyindən araşdırma üzrə cinayət işinin başlanmasının rədd olunması barədə qərar qəbul edilib.

Toplanmış material üzrə tam, hərtərəfli və obyektiv araşdırma aparılmasını təmin etmək məqsədilə rayon prokuroru tərəfindən həmin qərar ləğv olunub.

Hazırda faktla bağlı araşdırma davam etdirilir.
“ “Azəriqaz” sahibkarlara köməyini əsirgəmir” - Ruslan ƏliyevQaz təchizatı sahəsində ölkə üzrə kommunal xidmətləri təqdim edən “Azəriqaz” İstehsalat Birliyi dövlət müəssisəsi kimi sosial məsuliyyətini dərk edərək öz səlahiyyətləri çərçivəsində və imkanları daxilində bütün istehlakçılara münasibətdə göstərdiyi dəstəyi təbii qazdan istifadə edərək sahibkarlıq fəaliyyəti ilə məşğul olan subyektlərdən də əsirgəmir. Bu dəstəyin bir forması biznes layihələrinin reallaşdırılması ilə əlaqədar sahibkarların kommersiya obyektlərinin qazlaşdırılmasında, qazlaşdırılmış obyektlərin tələbata uyğun olaraq fasiləsiz və təhlükəsiz qaydada təbii qazla təchiz olunmasında və bununla əlaqədar geniş spektorlu xidmətlərin təqdim edilməsində ifadə olunur.

Təbii inhisarçı olaraq fəaliyyət göstərməyimiz qaz təchizatı sahəsində təqdim edilən xidmətlər üzrə bizim məsuliyyətimizi daha da artırır. Belə ki, Azərbaycan Respublikasında yaşayan və fəaliyyət göstərən fiziki və hüquqi şəxslərin başqa qazpaylayıcısını seçmək imkanları yoxdur. Bu səbəbdən də fəaliyyətimizi elə qururuq ki, xidmət növlərinin artırılması, keyfiyyətinin yüksəldilməsi və operativ surətdə təqdim edilməsi, eləcə də yeni, rahat və innovativ üsullarla (“ASAN xidmət” və “ASAN Kommunal” mərkəzləri vasitəsilə) sahibkarlara çatımlığının təmin olunması yolu ilə müştəri məmnunluğuna nail olaq, qaz təchizatı ilə əlaqədar sahibkarların sorğularına, tələbatlarına cavab verək.

Bunun üçün bir tərəfdən yeni qaz xətlərinin çəkilməsi, mövcud şəbəkənin gücləndirilməsi, təmir-profilaktika işlərinin vaxtında aparılması, payız-qış mövsümünə hazırlıq işlərinin görülməsi, digər tərəfdən isə zəmanənin tələblərinə uyğun olaraq əlavə vaxt itirmədən, heç bir məsafə qət etmədən bilavasitə “onlayn” şəkildə müraciət edərək yerindəcə əldə olunması üçün elektron xidmətlərin yaradılması həyata keçirilir. Bununla bağlı Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “İnnovasiyalar Mərkəzi” MMC ilə bağlanmış müvafiq müqaviləyə əsasən mərhələli şəkildə işlər həyata keçirilməkdədir. İlkin mərhələdə “Azəriqaz” İB-nin “ASAN Kommunal” mərkəzlərində göstərdiyi xidmət növlərinin bir hissəsi Birliyə məxsus vahid yeni portalda istifadəçilərə təqdim ediləcəkdir. Sonrakı mərhələdə isə “İOS” və “Android” mobil platformaları üzərindən elektron xidmətlərin göstərilməsi planlaşdırılır.

Sahibkarlara göstərilən dəstəyin digər forması da bilavasitə onların istifadə etdikləri təbii qaza görə yaranmış borcların ödənilməsində güzəştlərin tətbiq olunması ilə əlaqədardır. Məlumdur ki, koronavirus (COVID-19) pandemiyası dünya iqtisadiyyatına böyük zərbə vurmaqdadır. Davam edən qlobal pandemiya şəraitində əhalinin sağlamlığının qorunması məqsədilə tətbiq edilən məhdudiyyətlər ölkə iqtisadiyyatına ziyansız, sahibkarlara itkisiz ötüşməmişdir. Tam müfəssəl formada hesablamaq çətin olsa da, ölkə iqtisadiyyatına vurulan gündəlik zərər təqribən 120-150 milyon manat çivarında qiymətləndirilmişdir. Hələ bu şəraitdə Azərbaycan Respublikasının Ali Baş Komandanı möhtərəm İlham Əliyevin rəhbərliyi altında Müzəffər Ordumuz tərəfindən torpaqlarımızın erməni işğalından azad edilməsi prosesinə başlanılmış və 44 gün davam edən Vətən müharibəsi Azərbaycan xalqının zəfəri ilə nəticələnmişdir. Bununla belə, qabaqlayıcı tədbirlər görən Azərbaycan dövləti pandemiyadan az itkilərlə çıxmaq və makroiqtisadi sabitliyi qorumaq üçün bütün imkanlarını səfərbər etmişdir. Prezident cənab İlham Əliyevin təşəbbüsü ilə əhalinin sosial rifahının yaxşılaşdırılması, sahibkarlara dəyən zərərin ödənilməsi istiqamətində ciddi qərarlar qəbul edilib, bir sıra qanunvericilik aktlarında dəyişikliklər olunub. Həmin dəyişikliklərə əsasən, sahibkarlıq subyektlərinə vergi güzəştləri və tətillərinin verilməsi, sosial sığorta yükünün azaldılması, kredit faizlərinin subsidiyalaşdırılması və zəmanət alətlərinin təkmilləşdirilməsi prosesi həyata keçirilir.

Pandemiyanın “Azəriqaz” İB-də neqativ təsir göstərməsinə baxmayaraq (istehlakçıların ödəniş qabiliyyətinin aşağı düşməsi nəticəsində debitor borclar artdı, Birliyin tərəf müqabili olduğu müqavilələr üzrə ödəniş öhdəliklərinin yerinə yetirilməsində ciddi çətinliklər yarandı və s.) sahibkarlara münasibətdə yaranmış borcların mərhələli şəkildə ödənilməsinə dair razılaşmalar imzalandı. Bundan başqa xarici bazarlara məhsullarının ixrac edilməsində çətinlikləri yaranan sahibkarlarla təkcə fərdi qaydada deyil, həm də onların birləşdikləri peşəkar qurumları (Azərbaycan Meyvə-Tərəvəz İstehsalçıları və İxracatçıları Assosiasiyası) ilə daha sıx əməkdaşlıq etməklə də köməklik edildi. Dünyanın 50 ölkəsində 5 mindən artıq şirkət və təşkilatı birləşdirən, Xəzər-Qara dəniz və Baltik region dövlətləri ərazisində fəaliyyət göstərən və “Azəriqaz” İB-nin də üzvü olduğu nüfuzlu Caspian Energy Clubun onlayn platformasından sahibkarları maraqlandıran suallara cavab verilir, qaldırılan problemlərin həll olunmasında köməklik göstərilir, qarşılıqlı faydalı əməkdaşlığın qurulması, biznes mühitinin inkişaf etdirilməsi istiqamətində mütəmadi olaraq sahibkarlarla görüşlər təşkil olunur, aktual məsələlər müzakirə edilir.

Məlum olduğu kimi, regionların sosial-iqitisadi inkişaf dövlət proqramları çərçivəsində Azərbaycan Respublikası Prezidentinin rəhbərliyi ilə ölkədə yoxsulluq və işsizliyin səviyyəsinin azaldılması istiqamətində davamlı surətdə kompleks tədbirlər həyata keçirilir: yeni iş yerləri açılır, abadlıq işləri həyata keçirilir, sosial infrastruktur inkişaf etdirilir və s. Uğurla həyata keçirilən bu siyasətə və ölkə başçısının biznes ictimaiyyətinə yönələn sosial məsuliyyətin artırılması çağrışına dəstək olaraq SOCAR-ın həyata keçirdiyi böyük bir sosial layihə çərçivəsində 9 min fərdi sahibkar xidmət müqaviləsi əsasında “Azəriqaz” İB-yə işə cəlb olunmuşdur. “Azəriqaz” İB ölkədə işsizliyin minimuma endirilməsi, məşğulluğun artırılması, əhalinin sosial dayanaqlığının möhkəmləndirilməsi, biznes mühitinin yaxşılaşdırılması və sahibkarlara dəstək göstərilməsi istiqamətində aparılan dövlət siyasətinə bundan sonra da daim dəstəyini göstərəcəkdir.