Eldəniz Səlimovun toxunulmazlığı əlindən alınırBaş prokuror Kamran Əliyev polis əməkdaşını döyən deputat Eldəniz Səlimovun toxunulmazlığına xitam verilməsi üçün Milli Məclisə təqdimat göndərib.

Avrasiya.net Report-a istinadən xəbər verir ki, təqdimata parlamentin avqustun 3-də keçiriləcək növbədənkənar sessiyasının ilk plenar iclasında baxılacaq.

Qeyd edək ki, iyulun 29-da saat 01 radələrində Xaçmaz şəhərində yerləşən “Starıy Dvor” restoranında Azərbaycan Respublikası Milli Məclisinin deputatı Eldəniz Səlimovun polis əməkdaşına xidməti vəzifələrinin icrası ilə əlaqədar zor tətbiq etməsi barədə Daxili İşlər Nazirliyindən daxil olan material Baş Prokurorluqda araşdırılıb.

Toplanan material üzrə Azərbaycan Respublikası Cinayət Məcəlləsinin 309.2-ci (vəzifə səlahiyyətlərini aşma) maddəsi ilə cinayət işi başlanıb və istintaqın aparılması Baş Prokurorluğun İstintaq İdarəsinə tapşırılıb.

Hazırda iş üzrə intensiv istintaq hərəkətləri aparılır.

Avqustun 3-də Milli Məclisin növbədənkənar sessiyası çağırılıb. Sessiyanın ilk iclasında deputat E.Səlimovla bağlı məsələyə baxılacaq.
Kəmaləddin Heydərov "Topçu Vüsal"ı işə götürdüVətən müharibəsində “Topçu Vüsal” kimi tanınan qəhrəman əsgərimiz Vüsal Şahkərimov həqiqi hərbi xidmətini başa vuraraq, boya-başa çatdığı Xaçmaz rayonunun Qusarçay kəndinə geri dönüb. O, bundan sonra Fövqaladə Hallar Nazirliyində çalışacaq. Burada işləmək onun uşaqlıq arzusudur.

- Vüsala digər nazirliklərdən iş təklifi gəlsə də, oğlum FHN-də işləməyi seçdi,- İslam Şahkərimov oğlunun yeni işindən danışarkən deyib.

- Oğlum hələ hərbi xidmətdə olanda ona iş təklifi etmişdilər. Mən evimizə gələn nazirlik işçilərinə Vüsalı gözlədiyimizi və onun seçim edəcəyini bildirdim. Sağ olsunlar, oğlum geri dönəndən sonra da iş təklifini qüvvədə saxladılar.

Vüsal iki dəfə Bakıya gəlib, general-mayor Hikmət Abbasov onu qəbul edib. Yaxın zamanda işə qəbulu ilə bağlı əmri çıxacaq. Bu yaxınlarda nazir Kamaləddin Heydərovun da onunla görüşəcəyi gözlənilir.

- Müdafiə Sənayesi naziri Mədət Quliyev də onu nazirlikdə işə dəvət etmişdi. Daha sonra Xaçmaz rayon polis şöbəsinin rəisi müavini də bizə gəlmişdi. Ancaq oğlumun seçimi FHN oldu,- qəhrəmanın atası deyir.

Qeyd edək ki, Vüsal Şahkərimov ötən gün 20 yaşını qeyd edib. O, Vətən müharibəsində Füzuli, Cəbrayıl, Qubadlı ərazilərində döyüşüb və Şuşada xidmətini davam etdirib. (azvision.az)




Azərbaycan yanğınsöndürənləri Türkiyədə işə başladılar - FOTOAzərbaycan yanğınsöndürənləri Türkiyədə fəaliyyətə başlayıblar.

Avrasiya.net xəbər verir ki, Fövqəladə Hallar Nazirliyinin yanğınsöndürmə qüvvələrinin əməkdaşları Muğla vilayətinin Marmaris bölgəsində yanğınların söndürülməsinə cəlb olunublar.

Qeyd edək ki, Azərbaycan Respublikası Prezidentinin tapşırığına əsasən, Fövqəladə Hallar Nazirliyinin (FHN) yanğınsöndürmə qüvvələrinin əməkdaşlarından ibarət birinci qrup Türkiyədə tüğyan edən meşə yanğınlarının söndürülməsi və daha geniş miqyas almasına imkan verilməməsi məqsədilə iyulun 31-də qardaş ölkəyə çatıb.

Birinci qrupun tərkibində FHN-in 100 əməkdaşı təmsil olunur. Peşəkar və təcrübəli yanğınsöndürənlərdən ibarət qrup üzvləri fərdi yanğınsöndürmə vasitələri ilə tam təmin ediliblər.
Azərbaycanda benzinin qiyməti BAHALAŞDIAzərbaycanda bu gündən etibarən benzinin qiymətinə dəyişiklik edilib.

Avrasiya.net-in məlumatına görə, “SOCAR Petroleum” QSC-nin mətbuat katibi Üzeyir Həbibbəyli Oxu.az-a açıqlamasında bildirib ki, səhər saat 08:00 radələrindən bütün yanacaqdoldurma məntəqələrində “Aİ-95” premium markalı benzinin 1,45 AZN-dən satışına başlanılıb.

O əlavə edib ki, qiymət artımının əsas səbəbi məhsulun idxal dəyərinin də artmasıdır:

“Aİ-95 markalı benzin Azərbaycanda istehsal olunmur. Onu xaricdən idxal edirik. Məhsulun alış qiymətinin artması onun ölkəmizdə satış qiymətinin də 5 qəpik artmasına səbəb olub”.

Qeyd edək ki, sonuncu dəfə “Aİ-95” premium markalı benzinin qiyməti 15 qəpik artaraq 1 manat 40 qəpik olmuşdu.
Sünikdə itkin düşən erməni hərbçilər tapılmırErmənistan ordusunun itkin düşən iki hərbi qulluqçusu tapılmır.

Bu barədə “Pastinfo” məlumat yayıb.

Bildirlib ki, artıq 16 gündür Sünik əyalətində davam edən axtarışları nəticəsiz qalıb. Agentlik bildirib ki, Müdafiə Nazirliyi bu hərbi qulluqçular haqqında heç bir informasiyaya malik deyil, amma axtarışlar davam edir.

Hadisə iyulun 14-də sübh çağı baş verib. Hərbi qulluqçular - Artur Nalbandyan və sürücü Aramais Torozyan dumanlı hava şəraiti səbəbindən yolu azıblar və itkin düşüblər.

Qeyd edilir ki, Rusiya tərəfi də həmçinin hərbi qulluqçuların axtarışlarında iştirak edir.
Arvadını bıçaqlayıb öldürdüAbşeron rayonunda qətl hadisəsi törədilib.

Avrasiya.net xəbər verir ki, hadisə Masazır qəsəbəsində qeydə alınıb.

Belə ki, 1975-ci il təvəllüdlü Əliyeva Nailə Məcnun qızı evində mübahisə zamanı həyat yoldaşı tərəfindən boğazından bıçaqlanıb. O, xəstəxanaya aparılarkən yolda dünyasını dəyişib.

Faktla bağlı araşdırma aparılır (report).
Sürücüsü Xanhüseyn Kazımlının maşınına yaxınlaşan azyaşlı qızı DÖYDÜSabiq deputat, Sosial Rifah Partiyasının keçmiş sədri Xanhüseyn Kazımlının sürücüsü tərəfindən azyaşlı qıza qarşı zor tətbiq edilib.

Avrasiya.net “Qafqazinfo”ya istinadən xəbər verir ki, hadisə iyulun 29-da axşam saatlarında Təhsil Nazirliyinin yaxınlığında yerləşən restoranların birinin qarşısında baş verib. Belə ki, 99 AA 388 dövlət nömrə nişanlı, “Range Rover” markalı maşında əyləşən sabiq deputat ona salfet satmaq istəyən azyaşlıyla mübahisə edib. Daha sonra sərnişinin göstərişiylə hadisəyə maşını idarə edən sürücü müdaxilə edib və azyaşlını döyüb.

Şahidlərdən biri azyaşlıya qarşı yol verilmiş zorakılıqla bağlı Nərimanov rayonu 18-ci polis bölməsinə ərizə ilə müraciət edib.

Daxili İşlər Nazirliyinin Mətbuat xidmətindən bildirilib ki, azyaşlı qız 99 AA 388 dövlət nömrə nişanlı “Range Rover” markalı, Məmmədov Samir Həsən oğlunun idarə etdiyi maşına piyada qismində yaxınlaşıb:

“Əvvəlcə maşında sərnişin qismində olan şəxs azyaşlı ilə mübahisə edib. Daha sonra sürücü maşından düşərək azyaşlıya müxtəlif dərəcəli bədən xəsarətləri yetirib. Məsələylə bağlı Nərimanov rayonu 18-ci polis bölməsində təhqiqat aparılır”.
İsrail: İran terroru qarşısında susmamalıyıqİsrail və bütün dünya İran terroru qarşısında susmamalıdır.

Axar.az xəbər verir ki, bunu İsrail xarici işlər naziri Yair Lapid Oman sahillərində İsrail gəmisinə hücumu şərh edərkən deyib.

“İran təkcə İsrailin problemi deyil, həm də terrrorun, dağıntıların və qeyri-stabilliyin ixracatçısıdır. Bu hamımıza zərər vurur. Biz heç vaxt İran terrorizmi qarşısında heç vaxt susmamamlıyıq”, – deyə o bildirib.

Qeyd edək ki, bundan öncə Omanın Masira adası sahillərində İsrail gəmisinə hücum edilib. Nəticədə Rumıniya və Britaniya vətəndaşı öldürülüb. İsrail hücumun arxasında İranın olduğunu iddia edib.
Azərbaycanda polis bıçaqlandıİmişli rayonunda polis əməkdaşı bıçaqlanıb.

Avrasiya.net Unikal.org xəbər verir ki, hadisə İmişli və Biləsuvar rayonlarının sərhədində yetləşən məcburi köçkün düşərgəsində baş verib.

Cəbrayıl rayonunun Mərcanlı kənd sakini, 1987-ci il təvəllüdlü Qurban Əbülfət oğlu Qurbanov qəsəbə sakini tərəfindən bıçaqlanıb. Cəbrayıl Rayon Polis Şöbəsinin əməkdaşı olan polis serjantı Q.Qurbanov boğazından, qarın və bədəninin müxtəlif nahiyələrindən bıçaq xəsarətləri alaraq, Şirvan Şəhər Mərkəzi Xəstəxanasının Cərrahiyyə şöbəsinə yerləşdirilib.

Hadisəni törədən Cəbrayıl rayon sakini, 1986-cı il təvəllüdlü Yaqubov Sarvan Arif oğlu saxlanılaraq istintaqa təhvil verilib.

Faktla bağlı Cəbrayıl rayon Prokurorluğunda cinayət işi başlanılıb, araşdırma aparılır.
Donbasda gərginlik: 4 separatçı məhv edildiUkrayna ordusunun Donbasda keçirdiyi əməliyyat nəticəsində qondarma donetsk xalq respublikasının 4 silahlısı məhv edilib.

Avrasiya.net xəbər verir ki, bu barədə separatçı qurum məlumat yayıb.

Bildirilib ki, separatçıların nəzarətində olan Petrovskoe məntəqəsi 120 mm-lik minaatanlardan atəşə tutulub.