Türkiyədə AİLƏ QƏTLİAMI: 7 nəfəri öldürdülər, evə od vurdular - VİDEOTürkiyənin Konya vilayətində dəhşətli qətl hadisəsi baş verib.

Publika.az "Haberler"e istinadla xəbər verir ki, hadisə Meram rayonunda baş verib.

Məlumata görə, Hasanköy məhəlləsi, Özşahin küçəsindəki evlərin birinə edilən silahlı hücum nəticəsində bir ailənin 7 üzvü qətlə yetirilib. Bu azmış kimi, qatillər ailəyə məxsus evə də od vurublar.

Hadisə yerinə təhlükəsizlik və yanğından mühafizə qüvvələri cəlb edilib.

Araşdırma nəticəsində qətlə yetirilən ailə üzvlərinin adları məlum olub:

1. Yaşar Dədeoğlu

2. Barış Dədeoğlu

3. Serpil Dədeoğlu

4. Serap Dədeoğlu

5. İpek Dədeoğlu

6. Metin Dədeoğlu

7. İpek Dədeoğlu

Faktla bağlı araşdırma aparılır.

Allah rəhmət eləsin!
Hacıqabulda ağır qəza: 1 ölü, 5 yaralıHacıqabulda 1 nəfərin ölümü, 5 nəfərin xəsarət alması ilə nəticələnən yol qəzası baş verib.

Avrasiya.net Report-a istinadən xəbər verir ki, hadisə Hacıqabul şəhərində qeydə alınıb.

Belə ki, VAZ-2106 markalı avtomobil “Hunday” markalı avtomobillə toqquşub. Qəza nəticəsində VAZ-2106 markalı avtomobilin sürücüsü, Hacıqabul sakini, 1986-cı il təvəllüdlü Qocayev Elşən Zeyəddin oğlu hadisə yerində dünyasını dəyişib.

Sürücünün avtomobildə olan övladları - 2011-ci il təvəllüdlü Qocayeva Ruqiyyə Elşən qızı, 2012-ci il təvəllüdlü Qocayev Əhməd Elşən oğlu, həyat yoldaşı, 1984-cü il təvəllüdlü Qocayeva Pərvin Qabil qızı və 2008-ci il təvəllüdlü Qocayev Nemət Qabil oğlu, “Hunday”nin sürücüsü, Şirvan şəhər sakini, 1982-ci il təvəllüdlü Abbasova Natiqə Teyyub qızı müxtəlif dərəcəli bədən xəsarətləri alıblar.

Yaralılar Şirvan Şəhər Mərkəzi Xəstəxanasına yerləşdirilib.

Faktla bağlı araşdırma aparılır.
Parlament polisi döyən deputata görə TOPLAŞIRMilli Məclisin növbədənkənar sessiyası çağırılacaq.

Modern.az-ın məlumatına görə, bununla bağlı imza toplanılmasına başlanılıb.

Növbədənkənar sessiyanın ilk iclasının avqustun 3-də keçirilməsi nəzərdə tutulur.

İclasın gündəliyi bəlli olmasa da, növbədənkənar sessiyada deputat Eldəniz Səlimovla bağlı məsələyə baxılması nəzərdə tutulur.
Lənkəranda itkin düşən taksi sürücüsünün meyiti tapıldıLənkəranda itkin düşdüyü barədə məlumat verilən taksi sürücüsü - Lənkəran sakini, 1963-cü il təvəllüdlü İlham Cavadovun qətlə yetirildiyi məlum olub.

Avrasiya.net xəbər verir ki, hüquq-mühafizə orqanları əməkdaşlarının keçirdiyi əməliyyat tədbirləri nəticəsində hadisəni törətməkdə şübhəli bilinən şəxs saxlanılıb.

Saxlanılan şəxs qətlə yetirdiyi İ.Cavadovun basdırdığı yeri etiraf edib.

Hazırda prokurorluq əməkdaşları hadisə yerinə baxış keçirir. Meyitin ekskumasiya olunaraq aidiyyati üzrə təhvil verilməsi gözlənilir.

Qeyd edək ki, Lənkəranda taksi fəaliyyəti ilə məşğul olan İ.Cavadov iyulun 25-dən etibarən yaxınları tərəfindən axtarılıb. Sonradan hadisə ilə bağlı polisə müraciət ediblər
Polisi döyən deputata qarşı cinayət işi açıldıİyul ayının 29-da saat 01 radələrində Xaçmaz şəhərində yerləşən “Starıy Dvor” restoranında Azərbaycan Respublikası Milli Məclisinin deputatı Eldəniz Səlimovun polis əməkdaşına xidməti vəzifələrinin icrası ilə əlaqədar zor tətbiq etməsi barədə Daxili İşlər Nazirliyindən daxil olan material Baş Prokurorluqda araşdırılıb.

Bu barədə Baş Prokurorluğun Mətbuat xidmətindən məlumat verilib.

Toplanan material üzrə Azərbaycan Respublikası Cinayət Məcəlləsinin 309.2-ci (vəzifə səlahiyyətlərini aşma) maddəsi ilə cinayət işi başlanıb və istintaqın aparılması Baş Prokurorluğun İstintaq İdarəsinə tapşırılıb.

Hazırda iş üzrə intensiv istintaq hərəkətləri aparılır.

"Kütləvi informasiya vasitələrindən dəqiqləşdirilməmiş məlumatların yayılmaması xahiş edilir. İstintaqın gedişatı barədə ictimaiyyətə əlavə məlumat veriləcəkdir", - Mətbuat xidmətindən bildirilib.
Eldəniz Səlimov deputat statusuna uyğun olmayan bir əməl törədib“Xaçmaz rayonunda millət vəkili Eldəniz Səlimovun polisi döyərək xəsarət yetirməsi haqlı olaraq cəmiyyətdə hiddət doğurub.

Keçmiş millət vəkili kimi bu əməli qəti şəkildə pisləyir və qınayıram. Polisin xidməti vəzifələrinin yerinə yetirməsinə mane olmaq, polis əməkdaşlarını təhqir və təhdid etmək yolverilməzdir. Bu hərəkətləri deputatın etməsi isə ikiqat qəbahətdir və deputat statusuna uyğun olmayan bir əməldir”.

Avrasiya.net xəbər verir ki, bunu Konstitutsiya Araşdırmalar Fondunun rəhbəri, sabiq deputat Əliməmməd Nuriyev deyib.

O qeyd edib ki, bu cür hərəkətlər yalnız polis əməkdaşına qarşı deyil, bütün cəmiyyətə qarşı hörmətsizlikdir:

“Əminəm ki, Milli Məclis rəhbərliyi bu hadisə ilə bağlı müvafiq addımlar atacaqdır. Polis orqanları və polis əməkdaşları COVID-19 pandemiyası ilə mübarizədə ön sırada dayanırlar. Xüsusi karantin rejimi qaydalarına, bu qaydalarla müəyyənləşən qadağanlara əməl olunmasına nəzarəti həyata keçirən polis çox çətin, gərgin şəraitdə işləyir.

İctimai nüfuza, statusa malik şəxslər COVID-19 pandemiyasının doğurduğu yeni çağırışlara adekvat cavab verilməsi, çətinliklərin birgə səylərlə aradan qaldırılması, polislə vətəndaşlar, əhali arasında səmərəli kommmunikasiya, etimadlı münasibətlərin yaranmasına öz töhfələrini verməlidirlər. Öz müsbət davranış və nümunələri ilə örnək olmalıdırlar. Onların ictimai rəyə təsir etmək imkanları, ictimai və rəsmi statusları onlar üçün əlavə məsuliyyət yaradır.

Bu çətin, mürəkkəb şəraitdə polisin cəmiyyətin dəstəyinə hər zamankından çox ehtiyacı var. Eyni zamanda hər birimizin sağlamlığı, hüzuru xeyli dərəcədə polisin səmərəli işindən asılıdır. Bu zərurəti dərk etməklə hər birimiz məsuliyyətli davranmalıyıq və əhalinin sağlamlığının, ictimai asayişin qorunması məsələsində cavabdehliyimiz barədə düşünməliyik”.

Polisi döyən deputatı hansı cəza gözləyir?Deputat Eldəniz Səlimovun polis əməkdaşını döyərək xəsarət yetirməsi faktı Baş Prokurorluğun İstintaq İdarəsi tərəfindən təsdiq olunsa, o, Cinayət Məcəlləsinin 315-ci maddəsi ilə, yəni xidməti vəzifəsini yerinə yetirərkən hakimiyyət nümayəndəsinə qarşı müqavimət göstərmə və ya zor tətbiq etmə ilə mühakimə oluna bilər.

Bunu Axar.az-a açıqlamasında hüquqşunas Anar Qasımlı deyib.

Hüquqşünas bildirib ki, bu maddə 2 ildən 5 ilə azadlığın məhdudlaşdırılması, yaxud da 5 ilədək azadlıqdan məhrumetmə cəzasını nəzərədə tutur:

“Burda xəsarətin dərəcəsi də müəyyən olunmalıdır. Xəsarət yüngül ola bilər, az ağır ola bilər, ağır ola bilər və yaxud da ki, xəsarətin dərəcəsi təyin olunmaya da bilər ki, bu da məsuliyyətə təsir edən amillərdir”.

A.Qasımlı qeyd edib ki, deputatın karantin qaydalarını pozması faktı isə izibati məsuliyyət yaradır.

Qeyd edək ki, Xaçmaz rayonunda deputat Eldəniz Səlimovun polisi döyərək xəsarət yetirməsi faktı Daxili İşlər Nazirliyi tərəfindən təsdiqlənib.

Nazirlik bildirib ki, insident iyulun 29-da gecə 12-dən sonra Xaçmaz rayonunun Nabran qəsəbəsi ərazisində, deputat Eldəniz Səlimovun qohumuna məxsus iaşə obyektində qeydə alınıb. Eldəniz Səlimov karantin rejimi qaydalarına uyğun olaraq obyektin bağlanmasını tələb edən polis əməkdaşlarına etiraz edərək münaqişə yaradıb. Bu fakt üzrə materiallar araşdırılması üçün Baş Prokurorluğunun İstintaq İdarəsinə göndərilib.
Şuşada 2040-cı ilə qədər 25 min nəfər yaşaya biləcək2040-cı ilə qədər Şuşanın əhalisinin sayının 25 min nəfərə çatdırılması nəzərdə tutulur.

Avrasiya.net Report-a istinadən xəbər verir ki, bu barədə şəhərin ərazi planlaşdırılma layihələrinin təqdimatında bildirilib.

Qeyd olunub ki, Şuşada mənzil fondunun 750 000 kvadratmetr olması planlaşdırılır. Məktəbəqədər təhsil müəssisələri 2 250 nəfərlik, ümumi və orta təhsil müəssisələri üçün 4 500 nəfərlik, poliknika 750 nəfərlik, xəstəxana isə 86 nəfərlik olacaq.
Bu gün daha 3 nəfər koronadan öldüAzərbaycanda koronavirus (COVID-19) infeksiyasına 668 yeni yoluxma faktı qeydə alınıb, 178 nəfər müalicə olunaraq sağalıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, analiz nümunələri müsbət çıxan 3 nəfər vəfat edib.
Polis hər bir millətin simasi və şərəfidirUzun illərdi polislərlə bağlı Azərbaycandan həyacanlı xəbərlər gəlməkdədir. Yüksək çinli məmurlar və onların qudurgan övladları polislermize divan tuturlar. Gah polis döyülür, gah da şəxsiyyəti alçaldılır və bir qayda olaraq cinayətkarlar cəzasız qalırlar...

Polis sistemində bəzi nöqsanlara rəğmən vətəndaş, vəzifəsindən, kimliyindən asılı olmayaraq polisin tələbinə tabe olmalı, polisə hörmətlə yanaşmaldır. Ancaq polis sistemində olan nöqsanlar da tənqiddən kənarda qalmamalıdır...

Bəlkə də, Azərbaycan polisi qədər dünyanin heç bir ölkəsində Vətən uğrunda şəhid verən ikinci bir ölkə yoxdur. Qarabağda son damla qanına qədər döyüşüb qəhrəmancasına şəhid olan yüzlərlə polisimiz olubdur.

Hər bir sahədə oldugu kimi, polislərin arasında da, təbiyəsiz, rüşvətxor, satqın, nadan, alcaq qəddar ola bilər, lakin yenə onlar minlərlə qeyrətli Azərbaycan polisinin varlığına vicdanıa şübhə, Vətənsevər igid polislərimizin fəaliyyətinə kölgə sala bilməz.

Bir nece gundur Azerbaycandan gelen heyacanli xeber, qubetcilerimizin hiddetine sebeb olmusdur. Azerbaycanda hansısa yuksek cinli memur, biznesmen-deputat, polisin neyinki emrine tabe olmamis, bu azmis kimi, bu harin qudurgan memur, polisimizi qeddarcasina doymus ve agir yaralamisdir.

Eger polisimizi gozumuzun onunde doyub, alcaldib, leyaqetin tapdalayirlarsa, bizler ise buna laqeyid yanasiriqsa, onda biz yasamaga haqqi olmayan bir milletik!!!

Polislerimiz yuksek cinli memurlar ve onlarin harin, ferari ovladlari terfinden ayriseckiliye meruz qalirsa, demeli getdikce olkemizin ve dovletimizin emniyyeti ve musteqilliyi tehlukededir...

Polisimize ve esgerimize el qaldiran kes, kimliyinden asili olmayaraq en agir cezaya mehkum olunmalidir!!!

Polisini esgerini qedrini bilmeyen millet, bir gun ozge milletin polislerinin ve esgerlerinin tapdagi altinda olar...

Elman Mustafazade

Avropada "Azərbaycanın Dostları" Cəmiyyətinin sədri, Xudaferin jurnalinin baş redaktoru.