Kərim Vəliyevin təyinatı türk mediasında: maraqlı reaksiyalarPrezident İlham Əliyevin sərəncamı ilə Azərbaycan Silahlı Qüvvələrinin Baş Qərargah rəisi təyin edilən Kərim Vəliyev Türkiyə mediasının da diqqət mərkəzindədir.

Axar.az xəbər verir ki, Kərim Vəliyevin təyinatını “Anadolu” agentliyi, “Takvim”, “Beyazqazete”, “Strateji Düşüncə İnstitutu”, “TRT Haber” və s. agentlik, sayt və analitik mərkəzlər geniş şəkildə işıqlandırıb, eyni zamanda onun fəaliyyəti və döyüş yolu oxuculara təqdim edilib. Türkiyəli yutuberlər də bu hadisəni Prezident İlham Əliyevin mühüm qərarı kimi tıqdim ediblər.

Türkiyə mediasının diqqət çəkdiyi daha bir məqam isə Azərbaycanla Türkiyə arasındakı hərbi sahədə imzalanan müqavilələrin bəzilərinin altında Kərim Vəliyevin nazir müavini kimi imzasının olmasıdır.

Qeyd edək ki, erməni siyasi ekspertləri də K.Vəliyevin təyinatı ilə Prezident İlham Əliyevin Azərbaycan Ordusunun Türkiyə Ordusu modelinə keçid strategiyasını reallaşdırmağa başladığını bildirmişdilər.
Niyə Azərbaycan özünün verdiyi vaksin pasportunu tanımır? - ŞƏRHAzərbaycanın vaksin pasportunu xarici ölkələr tanıyır. Əgər vaksin pasportun varsa, test vermədən məsələn Türkiyə və Gürcüstana gedə bilərsən. Amma Azərbaycana geri qayıdanda sənə TƏBİB tərəfindən verilən vaksin pasportu işləmir. Məcbur yenidən test verməlisən.

Sual: Niyə Azərbaycan özünün verdiyi vaksin pasportunu tanımır?

Avrasiya.net xəbər verir ki, Milli Məclisinin Səhiyyə Komitəsinin sədr müavini, tibb üzrə elmlər doktoru Rəşad Mahmudov bu suala cavab verib. Həkim bildirib ki, vaksin pasportu birmənalı olaraq o insanın vaksinlənmiş olduğunu ifadə edir, bununla birlikdə həmin insan üçün ölüm təhlükəsi və ağırlaşmaların qarşısının alınması mənasına gəlir:

“Amma vaksinlənmə yoluxmanın qarşısını alan vasitə deyil. Qoruyucu vasitə olmadığına görə biz vaksinlənmiş olsaq belə, hər hansı bir ölkədən Azərbaycana qayıdarkən yoluxa bilə, yeni ştamların ölkəmizə bilmədən daxil olmasına və bunun ətrafa yayılması üçün şərait yarada bilərik. Unutmamaq lazımdır ki, vaksinlənmiş insanlar yoluxduqları zaman bəzən xəstəliyi asimptomatik keçirirlər. Əlbəttə ki, bunun onlar üçün hər hansı bir təhlükəsi olmasa da, xəstəliyin ətrafa yayılma ehtimalı və başqa ölkələrdən yeni ştamların ölkəyə daxil olmasına şərait yaradacağı ehtimal olunur. Bütün bunları nəzərə alaraq bu gün peyvənd pasportu olub-olmamasından asılı olmayaraq, ölkəyə girərkən PCR test analizinin aparılması hələ ki, TƏBİB və aidiyyəti qurumlar tərəfindən məcburiyyət olaraq qarşımıza qoyulan bir reallıqdır”.

Rəşad Mahmudovun sözlərinə görə, Azərbaycana qayıdarkən test vermək məcburiyyəti o zaman ləğv edilə bilər ki, risklər azalsın.
Azərbaycanlı qanuni oğru vəfat etdiAzərbaycanlı qanuni oğru, kriminal aləmdə Sedoy kimi tanınan Ağayar Ağayev Rusiyanın Yekaterinburq şəhərində vəfat edib.

Axar.az xəbər verir ki, bu barədə onun yaxın ətrafı məlumat yayıb.

Məlumata görə, Sedoy iyulun 17-də 55 yaşında uzun sürən xəstəlikdən dünyasını dəyişib və Azərbaycanda dəfn olunub.

Ağayev Rövşən Lənkranski və Lotu Qulinin Uralda maraqlarını təmin edib.
“Fuad Muradovun milli düşüncəsi deqradasiyaya uğrayıb”İyulun 5-i Diasporla İş üzrə Dövlət Komitəsinin yaranmasının 19 illiyi olub. Komitənin Əsasnaməsində göstərilib ki, Komitə diasporla iş sahəsində dövlət siyasətinin həyata keçirilməsini, xaricdə yaşayan azərbaycanlılar, eləcə də onların təsis etdiyi diaspor təşkilatları, habelə Azərbaycana dost münasibət bəsləyən digər xalqların diasporları ilə əlaqələrin genişləndirilməsini və inkişaf etdirilməsini, dövlət orqanlarının və qeyri-hökumət təşkilatlarının bu sahə ilə bağlı fəaliyyətinin əlaqələndirilməsini təmin edən mərkəzi icra hakimiyyəti orqanıdır.

Komitənin vəzifələrinin birində isə yazılıb - dünya azərbaycanlılarının mənəvi birliyinə və həmrəyliyinə xidmət edən ümummilli ideyaları, milli-mənəvi dəyərləri sistemləşdirmək, onların Azərbaycan Respublikasının vətəndaşları və xarici ölkələrdə yaşayan soydaşlarımız arasında yayılmasını təmin etmək, xaricdə yaşayan azərbaycanlıların mədəniyyət mərkəzlərinə, mədəni-maarif təşkilatlarına, kitabxana, arxiv, muzey, teatr, musiqi ansambllarına və yaradıcı kollektivlərinə digər dövlət orqanları ilə birgə yardım göstərmək, xaricdə yaşayan azərbaycanlıların bir-biri ilə əlaqə yaratmasına, təşkilatlanması işinə dəstək vermək, yaradılan ictimai, mədəni və digər birliklərin, habelə onların əməkdaşlıq etdiyi digər diaspor təşkilatlarının Azərbaycan Respublikası ilə əlaqələrinin qurulmasına və inkişafına kömək göstərmək və s.

Bu sahənin çox ağır vəməsuliyyətli olduğu söylənilir. Yaranan gündən bu vaxtadək Komitənin fəaliyyəti yüksək qiymətləndirilməyib – nə ictimaiyyət, nə də müvafiq dövlət strukturları tərəfindən.

Nəticədə Nazim İbrahimov 16 illik sədrlikdən sonra Prezidentin 23 aprel 2018-ci il tarixli sərəncamı ilə vəzifəsindən azad edildi. Yerinə Fuad Muradav təyin olundu.

Prezident Administrasiyasının sabiq rəhbəri, akademik Ramiz Mehdiyev həmin vaxt deyib: “Diasporla İş üzrə Dövlət Komitəsinin işində narazılıqlar var idi, Komitənin sədri Nazim İbrahimov öz vəzifəsinin öhdəsindən layiqincə gələ bilməyib. Təbii ki, bütün bunlardan Prezident İlham Əliyevin də məlumatı var. Buna görə də Prezident Nazim İbrahimovun işdən azad edilməsi barədə sərəncam verib”.

O xatırladıb ki, Prezidentin növbəti sərəncamı ilə Fuad Muradov Diasporla İş üzrə Dövlət Komitəsinin sədri vəzifəsinə təyin olunub: “Cənab Prezident Fuad Muradovla görüşüb və ona konkret tapşırıqlarını verib. Gənc və perspektivli kadr olan Fuad Muradovun Diasporla İş üzrə Dövlət Komitəsinə sədr təyin olunması böyük əhəmiyyət kəsb edir”.

Düzdür, F.Muradov komitəyə sədr təyinatından sonra xarici ölkələrə səfərlər edib, diaspora təşkilatları arasında həmrəylik və birliyin yaradılması istiqamətində işlər aparıb. Təşəbbüsü ilə Koordinasiya Şuraları, “Azərbaycan Ev”ləri yaradılıb və s.

Bu işlərin yerlərdə necə qəbul edildiyi və dəyərləndirildiyi, effekt verib, vermədiyi barədə Avropada Azərbaycan Dostları Cəmiyyətinin sədri, “Xudafərin” jurnalının baş redaktoru Elman Mustafazadə “Xalq Cəbhəsi”nə müsahibə verib. Avrasiya.net müsahibəni təqdim edir.

O, öncə adıçəkilən komitənin fəaliyyəti ilə bağlı sualımızı cavablandırıb.

- Komitə Əsasnaməyə uyğun fəaliyyət göstərmir. Hər bir sahənin fəaliyyətində olduğu kimi diaspora sahəsində yazılı və yazılmamış qanunlar var. Yazılmamış qanunlar sırf milli məsələyə, tarixi vətənin dərin dövlətçiliyinə xidmət etməlidir. Amma Azərbaycanda Komitə yaranan gündən kolxoz sistemi ilə fəaliyyət göstərib. Tədbirlər planı keyfiyyətə yox, kəmiyyət üzərində qurulub. Tədbirlərin sayı çox olsun, hesabatda çoxluq əksini tapsın – budur onların istəyi. Mən iki il Hollandiyada Konqresin icraçı direktoru olanda ilk dəfə ağsaqqalları, ziyalıları ora cəlb etmişdim. Keçirilən tədbirlərlə bağlı ora gələn Komitə nümayndələri, hətta Nazim İbrahimovun müavininə hesabat verəndə, gördüm ki, mənə gülürlər, dəli kimi baxırlar. Nazim İbrahimovun köməkçisi vardı, İlham Məmmədov məni ciddi qəbul etmirdilər. Çünki, onlara fəaliyyətimlə bağlı dolğun və keyfiyyətli, hərtərəfli məlumatlar təqdim edirdim. Onlar buna alışmamışdılar, belə hesabatları gülməklə qəbul edirdilər. Axı Komitənin nümayəndələrinin əksəriyyəti həmişə Avropada keçirilən tədbirlərdə iştirak adı ilə alış-verişə, istirahətə gəlirdilər. Nazim İbrahimovun özü gələndə bir az ciddi tədbirlər keçirilirdi.

- Nazim İbrahimov Komitəyə 16 il, Fuad Muradov isə 3 ildir ki, rəhbərlik edir. Fərqləri nədə görürsüz?

- Nazim İbrahimov diplomatdır, yeganə minusu vardı ki, yalançı idi, söz verirdi, heç birini yerinə yetirmirdi. Bir gün onun müavininə zəng edib dedim ki, bəs sədr filan sözü verib, amma nəticəsi yoxdur. Mənə dedi ki, o, siyasət adamıdır. Deməli, Azərbaycanda belə bir tendensiya var, siyasətçisənsə sənin üçün yalan danışmaq ayıb deyil, özü də həyasızcasına. Nazim İbrahimov hamıya göz muncuğu verərdi. Nazim İbrahimov təkbaşına Avropada qaçqınlarla, müxalifətçilərlə görüşərdi. Cəsarətli idi, sözünü deyirdi, çəkinmirdi. Bu diplomatik bir taktika idi. Amma bölgəçiliyə üstünlük verirdi. Bir də o, imkan verməzdi ki, kimsə Prezidentin ünvanına tənqidi fikir söyləsin. Özünün tənqid və hətta təhqir olunmasına göz yumardı, ancaq dövlət başçısına edilən tənqidi həzm etməzdi. Nazim İbrahimov daha çox iqdırlarla işləyirdi və onların əli ilə pul silirdi, azərbaycanlılara etibar etmirdi. Məsələn, bir iqdırlını cəmiyyət sədri qoyurdu, 60 min pul yazırdı ona, onun 30 minini geri alırdı. Onlar Türkiyənin müxtəlif yerlərində Komitənin vəsaiti ilə otellər tikdiriblər.

Fuad Muradova gəldikdə, səmimi deyim ki, yalan danışan deyil. Amma onun da özünəməxsus xüsusiyyəti var. İstər Nazim İbrahimov, istər Fuad Muradov olsun yaltaqlığa, qeyri-səmimiliyə çox üstünlük verirlər. Fuad Muradovu tənqid etmək olmaz, prezidenti tənqid et, amma onu etmə. Kinlidir, onu tənqid etsən, ömrü boyu sənə düşmən olacaq. Tərifi daha çox sevir. Fuad Muradovun cangüdənlərinin sayı Prezidentin cangüdənlərinin sayından çoxdur. Xaricə səfər edəndə əhatəsində çoxlu qoruyucuları olur. Özünü prezident kimi, bürokratik nazirlər kimi aparır. Vay o günə ki, komitəyə bir təklif verəsən. Elə bil ki, onların dədələrinə bir od vurmusan. Nazim İbrahimov təkliflərə qulaq asırdı, amma qəbul etmirdi. Fuad Muradov isə verilən təklifləri süngü ilə qarşılayandır. Fuad Muradovda belə bir düşüncə var ki, kim onun ideyası və yaxud dediyi ilə barışmırsa və ya onu müzakirəyə qoyursa,onun düşməni olur, düşmən azdır vətən xaininə çevrilir. Bütün hallarda harada olursan ol, milli maraq deyilən bir şey var o olmayanda mümkün deyil. Nazim İbrahimovda və Fuad Muradovda bunların heç biri yoxdur.

Hər ikisini müqayisə edəndə Nazim İbrahimov millətə daha yaxın idi. Fuad Muradovu mədəni adama oxşayır, amma kosmopolitdir. Onun milli düşüncəsi deqradasiyaya uğrayıb. Bu sədr elə adamları qiymətləndirir, onlara dəyər verir ki, adam xəcalət çəkir. Azərbaycandan Avropaya gələnlərin 90 faizi iqtisadi çətinkilərlə üzləşənlərdir. Bura gəlib oturum alırlar, bəziləri milli mənsubiyyətlərini dəyişirlər. Komitə də onlardan milli maraqlar üçün yox, şəxsi maraqlar üçün istifadə edir. Amma onun bir cəhətini bəyənirəm ki, azərbaycanlılara üstünlük verir, gəncləri diaspor fəaliyyətinə cəlb edib. Bir də Azərbaycandan istər tatar, istər ləzgi, istər yəhudi, istər digər millətlərdən olanları diaspor fəaliyyətinə qoşub. Nazim İbrahimovun himayə etdiyi iqdirlıları qova bilib. Nazim İbrahimov bunu bacarmırdı. Bilirsiz, o, diplomt və biznesmen idi. Hərəkatdan gəlməmişdi, əlinə silah alıb vətəni qorumamışdı... Komitə üçün qürbətdə güclü diaspor lazım deyil. Amma bizim güclü diasporumuz olmalıdır, düşmən dövlətlərlə əhatələnmişik. Hər yerdə təmsil olunmalıyıq. Yaşadığımız ölkələrin sağ, sol, mərkəzçi partiyalarda təmsil olunsaq da reklamsız, sakitcə milli maraqlarımızı, azərbaycançılıq ideologiyamızı üstün tutmalıyıq. Belə insanlarımız var, amma təəssüflər olsun ki, onlar komitə üçün arzuolunmazdırlar.

- Avropadakı əksər diaspora təşkilatlarımız nədən indiki sədrdən narazıdırlar?

- Danimarka, İsveç, İsveçrədə diaspora veteranlarımiz var. Bəziləri var ki, vaxtilə təmənnasız təşkilat qurublar, onları bu sahədən kənarlaşdırmaq fikirləri varsa, bunu hörmətlə etməliydilər. Amma bunu etmədilər. Medal veriləndə də bu veteranlar kənarda qaldılar. Bu sahədən kənarda saxlanılsalar da sözləri keçərlidir, hörmət sahibidirlər. Veteranlar Komitə tərəfindən dəyərləndirilməyəndə, gənclər bunu görürlər, fikirləşirlər ki, Avropaya gəldiyimizanda bizə dəstək olan bu şəxslərin fəaliyyətinə qiymət verilmirsə burada nəsə var. Bu da ümumi işin ziyanınadır. Bir yerə getməzdən öncə o yerlə tanış olursan, kimlə görüşəcəksənsə onun haqqında bilgi əldə edirsən və s. Məsələn Danimarkaya gəlirsənsə öyrənməlisən ki, burada ağsaqqal, ziyalı kimdir, nəçidir, harada işləyir, mövqeyi nədir, necədir... Yoxsa, bizim bacı oğlumuz oradadır get, onu tap təşkilatlandır prinsipi ilə diaspora təşkilatı qurmaq olmaz. Bu taktika bir az Fuad Muradovda var.

Nazim İbrahimovda ona görə alınmırdı ki, Bakıdan bu sahəyə əsasən Əli Həsənov nəzarət edirdi. Nazim İbrahimovun irəli çəkdiyi Əli Həsənovun adamları çox ağıllıdırlar, təzə sədr gələn kimi taktikalarını dəyişdilər. Sosial şəbəkə səhifələrində vaxtilə Əli Həsənov, Ramiz Mehdiyevlə birgə olan şəkilləri silib ölkə rəhbərinin fotolarını yerləşdirdilər. Bir növ Komitəyə yararlanıb ondan dəstək ala bildilər. Bilirsiz, Avropadakı diaspora sahəsi Rusiyadakı kimi deyil. Bura gələnlərin 90 faizi sosiala oturur, dövlət ona pul verir, ondan da bir az yeməyə, içməyə qalır. 10 faizi burada işləyir, iş adamları burada azdır. Özü də Qərbi Avropa, Şərqi Avropadan fərqlidir. Tutaq ki, Şərqi Avropada, Rumıniya, Polşa, Çexoslovakiya və digər ölkələrdə iş adamları var, imkanlıdır. Amma Hollandiyada, Almaniyada, Belçikada bunu yaratmaq mümkün deyil, oturuşmuş kapitalist ölkələridirlər. Uzaq başı bir dönərxana açmaq olar. Bu ölkələrdə iş adamı olmaq diaspora sahəsinə maliyyə dəstəyi göstərmək ümidi xülyadır. Ona görə də bizim fəaliyyətimiz üçün Komitəyə ehtiyacımız var. Bir təşkilatın özünü dolandırması mümkün deyil. Avropada rəsmi qeydiyyata alınmış bir mətbu orqan var – “Xudafərin” jurnalı. Xahiş etdik ki, iki jurnalistimizə maaş ayırın, etmədilər.

Fuad Muradovun Nazim İbrahimov kimi pul yumaq adəti yoxdur. Amma onu aldadanlar var. Məsələn, Xocalı soyqırımı ilə bağlı ayrılan vəsaitin bir hissəsini mənimsəıyənlər var, tanıyıram, bunu hamı da bilir. Bu da Fuad Muradovun naşılığından irəli gəlir. Elə bilirlər ki, diaspora sahəsini idarə etmək asandır. Bir misal çəkim, gürcülər Avropanı boğaza yığmışdılar, oğurluq edərdilər. Polislər əllərindən cana yığılmışdı. Bu, hal ermənilərdə də var. Onlar üçün bu, normaldır, davam edir. Gürcülərin oğurluqlarının qarşısının Saakaşvili aldı. O, prezident olanda Avropaya gəldi və gürcüləri bir yerə topladı. Almaniya, Hollıandiya, Skandinaviya ölkələrində müxtəlif adlar altında gürcü təşkilatları yaradıldı – “Gürcü qalereyası”, “Gürcü evi”, “Gürcü Mədəniyyəti” və s. Bu təşkilatların çətiri altında iş adamları yetişdi. Yük daşıyan gəmilərin bəlkə də 50 faizi gürcülərin himayəsindədir, 10 faizi də gəmi sahibidirlər. Həmin iş adamları diaspora sahəsinə cəlb olundu. Amma bizdə bunu etmədilər. Diaspor bütün hallarda bilavasitə dövlət başçısının nəzarəti altında olmalıdır. Diaspor milli maraqlarımıza xidmət etməlidir. Bu sahəni təcrübəsi olan adama tapşırmaq lazımdır. Bu işdə qohumbazlığa, dostbazlığa yol vermək olmaz.

- Azərbaycan Disaporuna Dəstək Fondu yaradılıb...

- Bundan heç bir xəbərim yoxdur, eşitməmişəm. Çünki, mənim Komitə ilə heç bir əlaqəm yoxdur. Keçirilən tədbirlərə Komitədən gələn də olmur və çox vaxt həmin tədbirlərə gələn gənclər istəmirlər ki, bundan Komitənin xəbəri olsun. Mənim heç marağımda deyil ki, Komitənin fəaliyyətimlə bağlı bilgisi olsun. Burada fəaliyyətimi müstəqilliyimizin qorunmasına, xalqıma, dövlətimiə istiqamətlənmişəm. Şuşada böyümüşəm, internat məktəbin yetirməsiyəm, Xalq Hərəkatından çıxmışam, ilk könüllü yaranmış müdafiə dəstəsinin rəhbəri olmuşam. Keçmişə boylanıb baxanda bacarmadığım işlərin altına girib onun yükünü çəkdiyimi görmüşəm. Buna görə kiminsə medalı, diplomu “sağ ol”u gərək deyil.

- Fuad Muradov xaricə mütəmadi səfərlər edib, Koordinasiya Şuraları, ardınca “Azərbaycan Ev”ləri yaradıldı. Bunlar diaspora quruculuğu və ya əlaqələndirilməsində hansımüsbət təsirlər göstərə bilər?

- Bu xəstə bir təfəkkür məhsuludur. Fuad Muradov Nazim İbrahimovun kadrlarını uzaqlaşdırıb yeniləri ilə əvəzləyib, bu da oldu diaspora sahəsində islahat. Bunun işi qurmaq deyil, dağıtmaqdır. Bir, iki qurulmuş təşkilatı vardı, onları da məhv etdi. Yaradılan Koordinasiya Şuralarının başına öz adamlarını gətirib qoyublar, diasporaya aidiyyatı olmayanlardır. Diaspor işi ilə məşğul olmaq hakimiyyətin dostu olmaq demək deyil. Nüfuzu təcrübəsi olan, millətini, xalqını, dövlətini sevən şəxsin gücündən, nüfuzundan, istedadından, biliyindən istifadə edib diaspor təşkilatı qurmaq lazımdır. Yunanlarda, ermənilərdə, hətta vyetnamların da lobbiləri var. Albanlar belə Avropada olan diasporunu lobbiyə çeviriblər. Yaşadıqları ölkənin dövlət strukturuna təsir edə bilirlər. Amma bizim gözəl şoumenlərimiz yetişib. Fuad Muradov Avropaya gəlib hakimiyyəti söyən şəxslərdən diaspora fəalı yaradır. O, xaricdəki azərbaycanlıları tanımır ki, kimlərdir nəyə, hansı məzhəbə qulluq edirlər. Kim Fuad Muradovu tərifləyir, onu irəli çəkir. Onu tənqid edən isə hədələnir.

- 44 günlük müharibə zamanı Avropada ordumuza dəstək aksiyalarının keçirilməsini Komitənin adı ilə bağlayırlar. İddialara görə, Avropadakı izdihamı, aksiyaların təşkilatçısı Komitə olub.

- Yalandır, həmin ərəfədə mübarizə aparanların heç birinin Komitə ilə əlaqəsi yoxdur. Avropadakı bütün vətənsevər insanlar həmrəyliknümayiş etdirdilər. Hərə bir iş gördü, material tərcümə edən, yayan, informasiya toplayan... Həmin ərəfədə biz “Ya Qarabağ, Ya Ölüm” qrupumuzda bir tərcümə bölməsi yaratdıq. Erməni dilindən tutmuş Avropa dillərinə kimi 18 dildə ermənilərin işğalçılıqsiyasəti, ordumuzun qələbələri ilə bağlı materialları toplayıb tərcümə edib yaydıq. Həmin ərəfədə Avropada yaşayan hər bir azərbaycanlı vətənin, millətin yanında olduğunu nümayiş etdirdi. Bunların heç birini komitə ilə bağlamaq düzgün deyil. Vətənpərvərlik, dövlətçiliyə xidmət içdən, ruhdan gəlir, Komitənin bura nə aidiyyatı? 44 günlük müharibə zamanı Avropada elə gənclər üzə çıxdılar ki, onların heç birini Komitə yaxına buraxmırdı. Amma onlar prezidentə həmrəylik nümayiş etdirdilər, ordunun yanında olduqlarını bildirdilər. Komitə isə onlardan istifadə edə bilmir, elmli, istedadlı gənclərimizin potensialı komitənin marağında deyil. Baxın, Komitə tərəfindən diaspor nümayəndələrinin Şuşaya səfərləri təşkil edilib.Məlumata görə, Avropadan 70-dən çox diaspora fəalı səfərdədir. Onlardan yarıdan çoxu diasporaya dəxli olmayanlardır. 44 günlük müharibə zamanında xalqla, ordu ilə həmrəylik nümayiş etdirən bir fəal ora dəvət olunmayıb. Belə Komitənin sədrinə nə deyəsən? Şuşadan olan 30 il həyatını diaspora quruculuğuna həsr edən bir diaspora təşkilat rəhbərini dəvət etməyibsə, bu adama nə deyə bilərəm? Fuad Muradovun kübarlığı çatmır ki, belə bir addam atsın, kinlidir.
"Yeni Klinika”nın daha üç əməkdaşı həbs olunduBu gün Bakı Ağır Cinayətlər Məhkəməsində "Yeni Klinika” publik hüquqi şəxsin direktoru Pərviz Abbasov, onun işçiləri - Qalib Nəcəfov, Vüsalə Əliyeva, Əvəz Hüseynov və Samir Mirzəyevin cinayət işi üzrə məhkəmənin hazırlıq iclası başlayıb.

Hakim Əfqan Hacıyevin sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.

Daha sonra təqsirləndirilən şəxslər Q.Nəcəfov, Ə.Hüseynov və S.Mirzəyevin barələrində olan polis nəzarətində qətimkan tədbiri dəyişdirilərək həbs qətimkan tədbiri ilə əvəzlənib. Həmin şəxslər məhkəmə zalında həbs edilib.

Məhkəmənin baxış iclası avqustun 10-na təyin edilib.

Qeyd edək ki, aparılmış istintaq-əməliyyat tədbirləri ilə Pərviz Abbasovun həmin vəzifədə işləyərkən Qalib Nəcəfov, Vüsalə Əliyeva, Əvəz Hüseynov və Samir Mirzəyevin köməkliyi ilə COVİD-19 xəstəliyindən əziyyət çəkən ayrı-ayrı şəxslərin stasionar qaydada müalicə olunmalarının təmin olunması məqsədilə rəhbərlik etdiyi tibb müəssisəsinə yerləşdirilməsi müqabilində onların yaxınlarından hər bir xəstə üçün 3000-4500 manat məbləğində pul vəsaiti alaraq aralarında bölüb şəxsi ehtiyaclarına sərf etmələrinə əsaslı şübhələr müəyyən edilib.

İş üzrə toplanmış kifayət qədər sübutlar əsasında Pərviz Abbasov və digərlərinə müvafiq olaraq Cinayət Məcəlləsinin 311.3.2 (rüşvət alma təkrar törədildikdə) və 32.5, 311.3.2-ci (təkrar rüşvət almaya köməklik etmə) maddələri ilə yekun ittiham elan edilib.
“Bakı Bəyannaməsi” beynəlxalq hüquq baxımından çox vacib nəticələri ortaya qoyacaq"İyulun 27-də Milli Məclisin sədri Sahibə Qafarova, Türkiyə Böyük Millət Məclisinin sədri Mustafa Şentop və Pakistan İslam Respublikası Milli Assambleyasının sədri Əsəd Qeysər tərəfindən qardaşlığımızın, dostluğumuzun əyani təcəssümü olan "Bakı Bəyənnaməsi" imzalanıb. İmzalanan bəyannamə həmçinin ölkələrimiz arasında olan münasibətlərin daha da dərinləşdirməsinə, habelə parlament səviyyəsində də əməkdaşlığın genişləndirilməsinə xidmət edir.

Qaqfqaz Strateji Araşdırmaları Mərkəzinin rəhbəri Həsən Oktay Avrasiya.net-ə bildirib ki, ilk Qarabağ müharibəsi nəticəsində Pakistan böyük bir strateji manevr etdi və 30 aprel 1993-cü ildə Birləşmiş Millətlər Təşkilatının Təhlükəsizlik Şurasında Dağlıq Qarabağ da daxil olmaqla Azərbaycanın ərazi bütövlüyünü beynəlxalq sistemin nəzarəti altına alınmasına dəstək oldu. Bu gün çatdığımız nöqtədə Pakistanın bu münasibəti o dövrün şərtlərində böyük bir cəsarət nümunəsi kimi qəbul edilir: “Bu gün Azərbaycan torpaqlarını işğaldan azad edibsə, bunu Pakistanın Birləşmiş Millətlər Təşkilatının Təhlükəsizlik Şurasında verdiyi qərara uyğun olaraq həyata keçirib. Sovet İttifaqının dağılmasından sonra ərazi bütövlüyü və sərhəd anlayışının az qaldığı bir coğrafiyada Azərbaycanın sərhədlərini Birləşmiş Millətlər Təşkilatının Təhlükəsizlik Şurasının qərarları ilə rəsmiləşdirmək çox vacib idi. Əlbəttə ki, Türkiyə-Azərbaycan-Pakistan münasibətləri Birləşmiş Millətlər Təşkilatı toplantısından sonra gözlənilən inkişafı göstərə bilmədi. Bununla birlikdə, 44 günlük Qarabağ müharibəsində Pakistanın Azərbaycana açıq dəstəyi Türkiyə-Pakistan-Azərbaycan münasibətlərini yenidən gündəmə gətirdi. İndi Bakıda keçirilən üçtərəfli görüş və “Bakı Bəyannaməsi” beynəlxalq hüquq baxımından çox vacib nəticələri ortaya qoyacaqdır. Hər şeydən əvvəl, Pakistanın 93-cü ildə etdiyi bu möhtəşəm addımın bu gün nə demək olduğunu görmək və bu hərəkəti “Bakı Bəyannaməsi” ilə nəticələndirməsi bölgədəki siyasi və sosial hadisələr baxımından çox vacibdir. Türkiyə-Azərbaycan-Pakistan birliyinin əhali baxımından 300 milyon potensialı var. Bu əsas quruluş ətrafında Türk və İslam dünyasına əlavə etdiyiniz zaman, böyük bir gücün Azərbaycanın haqlı işinin yanında olduğunu göstərmək baxımından son dərəcə vacibdir. Bu münasibətləri getdikcə davam etdirmək lazımdır. Bu bəyannamə son günlərdə hələ də Dağlıq Qarabağ üzərində status gözləyən dövlət üçün son dərəcə vacibdir”.
"Qlobal sülh bu əməkdaşlıqdan başlayacaq"Ötən gün Milli Məclisdə Azərbaycan, Türkiyə və Pakistan parlament sədrlərinin üçtərəfli görüşünün yekun sənədi olaraq “Bakı Bəyannaməsi” imzalanması yeni bir mərhələnin başlanğıcı olacaq.

Bunu Avrasiya.net-ə ekspert Əkrəm Bəydəmirli bildirib.

O, qeyd edib ki, «Bunu “Şuşa Bəyannnaməsi”nin davamı da hesab etmək olar: "Çünki hər iki sənəd regionda sabitliyin, təhlükəsizliyin təmin edilməsini, iqtisadi, siyasi əməkdaşlığın dərinləşməsini və digər strateji hədəfləri özündə ehtiva edir. Həmçinin “Bakı bəyannaməsi” və ümumilikdə Azərbaycan, Türkiyə və Pakistan əməkdaşlığının dərinləşməsi qlobal sülhə təkan verən amillərdən biri olacaq. Ən önəmli məqamlardan bir odur ki, bu üçtərəfli əməkdaşlıq hər hansı dövlətlərə qarşı yönəlmiş addım deyil. Əməkdaşlığın yeni modeli olan “Bakı bəyannaməsi” gələcəkdə müharibə təhdidlərinin, təhlükəsizliyə qarşı yarana biləcək təhlükəli məqamların zamanındaca qarşısının alınmasına təminat verəcək əhəmiyyətli sənəddir. Əslində postmüharibə dövründə Ermənistanla Azərbaycan arasında sülh müqaviləsinin imzalanmasını sürətləndirəcək amillərdən biri məhz bu üçtərəfli əməkdaşlıq olacaq. "Bakı Bəyannaməsi"nin tarixi nailiyyəti ondan başlayacaq ki, üçtərəfli əməkdaşlıq gələcəkdə əhatə dairəsini və coğrafiyasını genişləndirəcək».
Hindistanın zəngin mədəni irsi Qobustana gələn qonaqlara təqdim ediləcəkHindistanın müstəqilliyinin 75 illiyinin qeyd olunması münasibətilə təşkil olunan tədbirlərin tərkib hissəsi olaraq Hindistanın Bakıdakı Səfirliyi Qobustan Milli Tarixi-Bədii Qoruğu ilə birlikdə Hindistan abidələri və irs məkanlarını Qobustanda nümayiş etdirəcək Hindistan Qalareyasının açılışı münasibətilə tədbir təşkil edib. Sərgi Hindistanın müstəqilliyinin 75-ci illiyinin qeyd olunması tədbirləri silsiləsinə daxildir.

Tədbirdə çıxış edən Hindistan Səfiri B. Vanlalvavna, Azərbaycanın ən ikonik tarixi məkanlarından biri olan Qobustanın Hindistanın ən məşhur tarixi abidə və məkanlarının bəzilərinin nümayiş olunduğu 16 şəkil plakatından ibarət sərgi üçün çox uyğun bir məkan olduğunu bildirib. Səfir, sərginin məşhur Tac Mahal, Qırmızı Qala və Cənubi Hindistanın məbədləri və s. kimi məkanları əhatə etdiyini və Qobustan kimi bu abidələr və məkanların Hindistanın UNESCO Ümumdünya İrs Siyahısına daxil edilmiş 40 məkanı sırasında olduğundan sərginin Qobustanda keçirilməsinin bu məkanlara yaraşan təqdir göstəricisi olduğunu vurğulayıb. Səfir həmçinin, sərginin Hindistanın zəngin mədəni irsini Qobustana gələn qonaqlara təqdim edəcəyini və ölkələrimiz arasında mövcud olan ortaq zəngin mədəni irsimiz arasında bağlantı rolunu oynayacağını bildirib.

Səfir həmçinin Hindistanın 75 illiyi münasibətilə təşkil olunan tədbirlər haqqında danışaraq Hindistanın 15 avqust, 2022-ci ildə müstəqil ölkə kimi 75 ilini tamamlayacağını və Hindistan höküməti və xalqının bu ilin mart ayından etibarən bu önəmli tarixi hadisənin qeyd olunması münasibətilə 2023-cü ilin avqust ayına qədər daha iki il müddətində davam edəcək tədbirlər silsiləsi başlatdığını qeyd edib. O bildirdi ki, Azadi ka Amrut Mahotsav təşəbbüsü çərçivəsində həyata keçirilən tədbirlərin mütərəqqi Hindistanın 75 ilinin, Hindistan xalqının şanlı tarixinin və mədəniyyətinin və dünyanın ən böyük demokratiyası kimi mövcudluğunun təntənəli şəkildə anılması bayramıdır.

Səfir, illər ərzində Hindistanın dünyanın 5-ci ən böyük iqtisadiyyatına çevrildiyini və qlobal iqtisadiyyatın stabilliyinə və inkişafına əhəmiyyətli şəkildə töhfə verdiyini diqqətə çatdırıb və bildirib ki, Hindistanın kənd təsərrüfatı sektorunda əldə etdiyi əhəmiyyətli inkişaf və əczaçılıq və informasiya texnologiyaları sektoru da daxil olmaqla elm və texnologiyada irəliləyişi Azərbaycan da daxil olmaqla dünyanın müxtəlif hissələrində tanınır. O, Hindistanın dünya ölkələrində sayı 30 milyondan çox dolan diaspora nümayəndələrinin bir çox sahələrdə uğurlar əldə etməsini və yaşadıqları cəmiyyətə müsbət töhfələr verməsini mədh edib. Səfir, Hindistanın 75-ci ildönümü məqsədilə planlaşdırılan müxtəlif tədbirlərin təbliğinə media nümayəndələrini qoşulmağa dəvət edib.


Pakistan, Azərbaycan və Türkiyə arasındakı ittifaq düşmənləri qorxuya salıbİyulun 27-də Milli Məclisdə qardaşlığımızın, dostluğumuzun əyani təcəssümü olan "Bakı Bəyənnaməsi" Milli Məclisin sədri Sahibə Qafarova, Türkiyə Böyük Millət Məclisinin sədri Mustafa Şentop və Pakistan İslam Respublikası Milli Assambleyasının sədri Əsəd Qeysər tərəfindən imzalanıb. İmzalanan bəyannamə həmçinin ölkələrimiz arasında olan münasibətlərin daha da dərinləşdirməsinə, habelə parlament səviyyəsində də əməkdaşlığın genişləndirilməsinə xidmət edir.

Maraqlıdır, Azərbaycan, Türkiyə və Pakistan parlament spikerlərinin indiki məqamda bir araya gəlməsinin iştirakçı ölkələrin maraqları baxımından siyasi əhəmiyyəti nədir? Bu bəyannamə regionda hansı siyasi dəyişikliklər vəd edəcək, hər üç qardaş ölkənin düşmənləri tərəfindən necə qarşılanacaq?

Pakistanda yaşayan beynəlxalq məsələlər üzrə ekspert, Gənclər Diplomatiyası Forumunun prezidenti və Pakistan, Azərbaycan, Türkiyə gənclər forumunun rəhbəri Musavar Hamid Tanoli Avrasiya.net-ə bildirib ki, bu bəyannamə bölgəyə siyasi təsir göstərməyəcək, çünki bu üç ölkə bir-birindən uzaqdır: "Azərbaycan və Türkiyə Avrasiya bölgəsində, Pakistan isə Cənubi Asiyada yerləşdiyindən Pakistan, Azərbaycan və Türkiyə arasında əməkdaşlığı gücləndirəcəkdir. Bununla belə, regional baxımdan təsir yaratmayacaq, çünki Avrasiya bölgəsində Rusiya və Amerika Birləşmiş Ştatları və Avropa Birliyi mühüm rol oynayır. Cənubi Asiyadan danışsaq Çin, ABŞ və Rusiya regional siyasətdə əhəmiyyətli rol oynayır. Düşünürəm ki, bu sənəd üç ölkə arasında yalnız siyasi, iqtisadi və ticarət əməkdaşlığını gücləndirəcəkdir".

Tanoli onu da qeyd edib ki, Pakistan, Azərbaycan və Türkiyə arasındakı ittifaqın ancaq qarşıdurma yaşadığımız ölkələrə təsir göstərə bilər: "Regional siyasət bir-birindən uzaqda yerləşən üç ölkənin ittifaqı ilə deyil, böyük güclər tərəfindən formalaşır. Bu ittifaqa digər ölkələri də cəlb edə bilərik, lakin bu, digər ölkələr üçün bir təhlükə olacaqdır. Pakistan, Azərbaycan və Türkiyə arasındakı bu əməkdaşlıq bölgədə və dünyada deyil, Ermənistan və Hindistan kimi ölkələr üçün təhlükə kimi qəbul edilə bilər.

Dünyaya və ya böyük güclərə heç bir təsir yaratmayacaq, çünki Pakistan, Azərbaycan və Türkiyə arasındakı ittifaq NATO kimi bir hərbi ittifaq deyil, siyasi, iqtisadi və ya ticarət əməkdaşlıqları üçündür. Pakistan, Azərbaycan və Türkiyə arasındakı ittifaq müsbət təsir göstərəcək və bura Orta Asiya dövlətləri ilə yanaşı Orta Şərq ölkələrini də cəlb edə bilərik. Fikrimcə, burada Mərkəzi Asiya ölkələrinin iştirakı ticarət, iqtisadi və siyasi əməkdaşlığın gücləndirilməsində çox vacib rol oynayacaqdır".

Tanolinin fikrincə, hər üç ölkələrin parlamentləri arasında çox güclü əməkdaşlıq mövcuddur.

Tanoli həmçinin qeyd edib ki, Milli Məclisdə keçirilən görüş və imzalanan Bəyənnamə yalnız parlament əməkdaşlığını gücləndirməyə deyil, həm də ümumi əlaqələri, milli məsələlərdə qarşılıqlı dəstəyi artırmağa xidmət edir. “Üç qardaş ölkə arasında siyasi əməkdaşlıq gələcəkdə daha da gücləndiriləcək. Çünki bundan öncəki son görüş “İslamabad bəyannaməsi”nin imzalanması ilə başa çatdı və orada üç ölkənin siyasi, strateji, ticarət, iqtisadi, sülh və təhlükəsizlik, elm, mədəniyyət və digər sahələrdə əməkdaşlığı daha da dərinləşdirmək istədikləri bildirildi”.

Onun fikrincə, Bakı görüşünün siyasi əhəmiyyəti də böyükdür. Bu ölkələr siyasi müstəvidə demək olar ki, birlikdə hərəkət edirlər. Bu baxımdan parlament rəhbərlərinin görüşü üç dövlətin qanunverici orqanları arasında əməkdaşlığa öz töhfəsini verəcək.