PKK dağılırDaha 5 PKK terrorçusu Türkiyənin təhlükəsizlik qüvvələrinə təslim olub.

Avrasiya.net xəbər verir ki, bu barədə Türkiyə Daxili İşlər Nazirliyindən bildirilib.

Təslim olan təşkilat üzvlərinin 2009-2015-ci illər arasında terror təşkilatına qoşularaq Suriyada, İraqda və İranda fəaliyyət göstərdikləri müəyyən olunub.

Qeyd olunub ki, PKK-nın dağılma prosesi gedir, belə ki, cari ildə 86 terrorçu Türkiyənin təhlükəsizlik qüvvələrinə təslim olub.
Lənkəranda dəhşət: Əmisi oğlu və bibisi nəvəsini güllələdiLənkəranda silahlı insident olub.

Avrasiya.net Report-a istinadən xəbər verir ki, hadisə Havzava kəndində baş verib. İlkin məlumata görə, silahlı insident qohumlar arasında baş verib. Yerli sakinlərdən biri münaqişə zəminində ov tüfəngi ilə əmisi oğlunu və bibisi nəvəsini qətlə yetirilib.

İnsidentin təfərrüatları hələ ki, məlum deyil.

Ölənlərin meyitləri Məhkəmə Tibbi Ekspertiza və Patoloji Anatomiya Mərkəzinin Lənkəran Rayon Şöbəsinə təhvil verilib.

Faktla bağlı araşdırma aparılır.
Prezident onlara general rütbəsi verdi – SərəncamAzərbaycan Prezidenti İlham Əliyev Rafiq Ramazanova “general-mayor” ali hərbi rütbəsinin verilməsi haqqında sərəncam imzalayıb.

Avrasiya.net sərəncamın mətnini təqdim edir:

Polkovnik Rafiq Sultan oğlu Ramazanova “general-mayor” ali hərbi rütbəsi verilsin.

***

Azərbaycan Respublikası Prezidenti İlham Əliyev İlyas Rzayevə “ədliyyə general-mayoru” ali hərbi rütbəsinin verilməsi haqqında sərəncam imzalayıb.

Sərəncamda deyilir:

Ədliyyə polkovniki İlyas Ramiz oğlu Rzayevə “ədliyyə general-mayoru” ali hərbi rütbəsi verilsin.

***

Azərbaycan Respublikası Prezidenti İlham Əliyev Fazil Ağalarova “general-leytenant” ali hərbi rütbəsinin verilməsi haqqında sərəncam imzalayıb.

Sərəncamda deyilir:

General-mayor Fazil Köçəri oğlu Ağalarova “general-leytenant” ali hərbi rütbəsi verilsin.

"Tezliklə Qarabağımıza daha güclü, daha əzmli, məğrur və qururla qayıdacayıq"30 illik həsrətə 44 günlük müharibə nəticəsində son qoyuldu. İllərdir düşmən tapdağı altında qalan torpaqlarımız azad olundu. Qarşılaşdığımız mənzərə inanılmaz idi. Düşmən hər yeri dağıtmış, məhv etmiş, daşı- daş üstə qoymamışdı. İllərdir düşmən əlində doğma nəfəslərə həsrət qalan torpaqlarımızda erməni vandalizmi hökm sürmüş,bütün tarixi, milli abidələrimiz məhv edilmiş, talanmış,tarixi,milli sərvətlərimiz təhrif olunmuşdur. 1999-cu ildə Azıx mağarasında özbaşına qazıntılar aparılmış, əldə edilən nümunələr ermənilərə məxsus kimi qələmə verilmiş, muzeylər talanmış, Ağdam çörək muzeyi məhv edilmiş, Şuşa xalça muzeyi talanmış, Ağdam ərazisində qazıntı işləri aparılmış, məscidlər dağıdılmış, alban kilsələri sonradan yalançı erməni tarixini əks etdirən saxta daşlarla təhrif olunmuş, bununla kifayətlənməyən ermənilər bizim tariximizi saxtalaşdırmağa dırnaqarası desək, erməniləşdirməyə cəhd ediblər. Onlar Şuşada tarixi abidəlrimizi məhv etmiş, Kəlbəcərdə alban kilsələrini erməniləşdirməyə cəhd etmişlər.

Bizim xalqımız məcburi şəkildə öz torpaqlarından qovularkən evlərini sadəcə bağlayıb bir gün yenə geri dönəcəkləri ümidi ilə oranı tərk etmişdilər. Ermənilər isə hər yeri məhv etmiş, dağıtmış, tərk edərkən isə minalamışdılar. İki xalq arasında əsas fərq budur. Biz quran, yaradan, sülhməramlı, onlar isə həmişə dünya qarşısında ağlayan, fürsət düşəndə isə vəhşiləşən, hər şeyi məhv edən bir xalq olduqlarını dəfələrlə nümayış etdirblər. Düşmən nə edirsə etsin, biz tezliklə təmizlənəcək, abadlaşacaq, ağıllı şəhərlər, ağıllı kəndlər salınacaq. Bütün bunlar üçün dövlətimiz durmadan çalışır, iqtisadi əməkdaşlığı günü gündən artırır. Artıq Şuşaya çəkilən zəfər yolu yekunlaşmaq üzrədir. Füzuli hava limanı başa çatmaq üzrədir. İlk uçuşlar sentyabr ayında həyata keçiriləcək. Ağdam rayonunda tikinti quruculuq işləri durmadan davam edir.

İşğaldan azad olunmuş torpaqlara xarici dövlətlərin diplomatları, medya nümayəndələri dəfələrlə səfər etmiş, gördükləri mənzərə qarşısında dəhşətə gəlmişdilər.

İsrail, Çin, İngiltərə, Hollandiya, İran ən əsası Türkiyə Cümhuriyyəti ilə Qarabağın bərpası sahəsində bir çox müqavilələr bağlanmış, iqtisadi əməkdaşlığın inkişafı yolunda bir çox razılıqlar əldə olunmuşdur.

15 iyun 2021-ci il Milli Qurtuluş günündə Türkiyə Cümhuriyyəti Prezidenti Rəcəb Tayyib Ərdoğan tarixi “Şuşa bəyannaməsi”ni imzalayan zaman bu məsələyə də vurğu etmiş, tezliklə bu torpaqların əsl sahiblərinin öz yerlərə qayıdacaqlarından söz açmışdır.

Azərbaycan Respublikasının Prezidenti İlham Əliyev və birinci xanım Mehriban Əliyeva iyunun 14-də Füzuli rayonunda olmuşdular. Əslində torpaqlarımız azad olduğu vaxtdan Prezidentimiz dəfələrlə Cəbrayıl, Füzuli, Zəngilan, Şuşa, Xocavənddə olub. Füzuli Beynəlxalq hava limanında tikinti işləri ilə tanış olub, Aşağı Köndələnçay su anbarında, Füzuli yarımstansiyasının açılışında iştirak ediblər.

Zəfər yolunun Xocavənd rayonundan keçən hissəsində körpü də görülən işlərlə tanış olub. Füzuli rayonunda Rəcəb Tayyib Ərdoğanla da görüşüb, daha sonra Şuşaya yola düşüblər. Təkbətək görüşdən sonra Cıdır düzündə konsert proqramını izləyib “Xan qızı” bulağında olublar. Rəcəb Tayyib Ərdoğan “Zəfər” adlı Qarabağ atı hədiyyə olunub. Musiqi irsi və Qarabğ atları Cıdır düzündə adlı kompozisiyasını Şuşada Heydər Əliyev fondunun təşkilatçılığı ilə həyata keçirilib.

Prezidentimiz bundan əvvəl Ağdamda Zəfər muzeyi və açıq havada işğal muzeyinin yaradılması ilə bağlı layihə ilə yerindəcə tanış olmuşdu, Ağdamda inşa olunacaq ilk yaşayış binasının təməlqoyma mərasimində iştirak etmişdir. Bütün bunlar bir daha deməyə əsas verir ki, biz tezliklə doğma Qarabağımıza daha güclü, daha əzmli, məğrur və qururla qayıdacayıq!

Rəşad Rəhmanov
Siyəzən şəhər M.Müşfiq adına 2 saylı
tam orta məktəbin direktoru:
Nizami Rayon Ağsaqqallar Şurasının hesabat-seçki konfransı keçirilibXüsusi karantin rejimi qaydalarına riayət olunmaqla məhdud tərkibdə keçirilən konfransda Azərbaycan Ağsaqqallar Şurasının sədr müavini, Milli Məclisin deputatı Eldar İbrahimov, Nizami Rayon İcra Hakimiyyətinin başçısının birinici müavini Qərib Məmmədov, Yeni Azərbaycan Partiyası Nizami rayon təşkilatının sədri, millət vəkili Sədaqət Vəliyeva, Azərbaycan Ağsaqqallar Şurasının Aparat rəhbəri Ramin Həsənli və Böyük məsləhətçisi Kamal Əliyev, həmçinin rayon ağsaqqalları və ziyalıları iştirak ediblər.
Konfransdan əvvəl tədbir iştirakçıları ulu öndər Heydər Əliyevin büstü önünə gül dəstələri qoyaraq, dərin hörmət və ehtiramlarını bildiriblər.

Azərbaycanın ərazi bütövlüyü uğrunda şəhid olanların və ötən dövr ərzində dünyasını dəyişən ağsaqqalların xatirəsi bir dəqiqəlik sükutla yad edildikdən sonra Nizami Rayon İcra Hakimiyyətinin başçısının birinici müavini Qərib Məmmədov tədbir iştirakçılarını salamlayaraq bildirib ki, rayonumuzun inkişafında, mədəni-ictimai həyatında, gənc nəslin müsbət keyfiyyətləri özündə əxz edərək formalaşmasında ağsaqqallarımızın böyük xidmətləri vardır. Azərbaycan Respublikasının Prezidenti, Ali Baş Komandan İlham Əliyevin rəhbərliyi altında şanlı Ordumuzun II Qarabağ müharibəsində qazandığı möhtəşəm Qələbədən bəhs edən natiq qeyd edib ki, torpaqlarımızın işğaldan azad olunmasında Nizami rayonundan olan qəhrəman oğullarımız da öz şücaətləri ilə şanlı tarix yazıblar. Və belə qəhrəman oğulların yetişdirilməsində ağsaqqallarımızın əməyi az olmamışdır. Konfransın fəaliyyətinə uğurlar arzulayan Qərib Məmmədov əmin olduğunu bildirib ki, Nizami Rayon Ağsaqqallar Şurasında təmsil olunan ağsaqqalların, ziyalıların dəstəyi ilə təşkilatın nüfuzu və faəliyyəti bundan sonra daha da artacaqdır.

Konfransda çıxış edən Azərbaycan Ağsaqqallar Şurasının sədr müavini, Milli Məclisin deputatı Eldar İbrahimov ilk öncə Şuranın sədri, millət vəkili, professor Eldar Quliyevin salamlarını tədbir iştirakçılarına çatdırıb. Sonra o bildirib ki, Müzəffər Ali Baş Komandan İlham Əliyevin başçılığı ilə Vətən müharibəsində qazanılan Qələbə Azərbaycanın regiondakı siyasi gücünü daha da artıraraq bölgədə baş verən iqtisadi-siyasi proseslərdə ölkəmizi aparıcı qüvvəyə çevrib. Qeyd olunub ki, Azərbaycan Respublikasının Prezidenti cənab İlham Əliyevin dəmir yumruğu qarşısında darmadağın edilən Ermənistan ordusu və qazanılan şanlı Zəfər təkcə döyüş meydanı ilə məhdudlaşmayıb, dövlət başçısı beynəlxalq arenada da Azərbaycanı dünya ölkələrinin təsirindən məharətlə qoruyub. Eldar müəllim bildirib ki, hazırda ölkəmizdə davam edən bu tərəqqi prosesi Azərbaycan Ağsaqqallar Şurasında da özünü göstərməkdədir.

Bu gün Azərbaycan Ağsaqqallar Şurasının sədri, Milli Məclisin deputatı Eldar Quliyevin rəhbərliyi altında təşkilatda kifayət qədər mühüm işlər görülür. Belə ki, Azərbaycanın demək olar ki, bütün şəhər və rayon ağsaqqallar şuralarında təşkilati məsələlərə baxılıb, seçkilər keçirilib, yeni tərkiblər formalaşdırılıb. Artıq Şuranın yeni Nizamnaməsi və rayonlar üçün hazırlanmış Əsasnamələr qəbul edilib. Həmçinin Azərbaycan Ağsaqqallar Şurasının 2021-2023-cü illər üçün hazırlanmış iş planı üzrə bir sıra işlər həyata keçirilir. Sonda o vurğulayıb ki, ağsaqqallarımız bundan sonra da ölkəmizin inkişafı, xalqımızın rifahı naminə yorulmadan fəaliyyət göstərəcəklər.

Sonra şıxış edən Yeni Azərbaycan Partiyası Nizami rayon təşkilatının sədri, millət vəkili Sədaqət Vəliyeva və digər natiqlər Azərbaycan Respublikasının Prezidenti cənab İlham Əliyevin yüksək səviyyədə həyata keçirdiyi uğurlu daxili və xarici siyasətdən, mükəmməl ordu quruculuğundan, ölkəmizdəki davamlı inkişaf prosesindən və bir sıra aktual məsələlərdən bəhs ediblər. Qeyd olunub ki, müasir dövrdə milli-mənəvi dəyərlərimizin qorunub saxlanılması, gənclərə vətənpərvərlik hissinin aşılanması, onların hərtərli inkişaf etdirilməsi çox aktualdır və bu işdə ağsaqqallrımızın rolu əvəzedilməzdir.

Daha sonra təşkilati məsələlər müzakirə olunub. Nizami Rayon Ağsaqqallar Şurasının yeni Əsasnaməsi açıq səsvermə yolu ilə qəbul edilib.

Mayıl Əliyev yenidən Şuranın sədri seçilib. Konfransda, həmçinin Rayon Ağsaqqallar Şurasının İdarə Heyətinin və Təftiş Komissiyasının yeni tərkibi formalaşdırılıb.
Sonda Azərbaycan Ağsaqqallar Şurasının sədr müavini, Milli Məclisin deputatı Eldar İbrahimov və digər natiqlər Nizami Rayon Ağsaqqallar Şurasının yeni seçilmiş sədrini və heyətini təbrik edərək, gələcək fəaliyyətlərində təşkilat üzvlərinə uğurlar arzulayıblar
DİM: 9 və 11-ci sinif şagirdləri arasında oxuyub-yazmağı bacarmayanlar varÖtən tədris ilində keçirilən buraxılış imtahanlarında həmin ilin 195 870 məzunu iştirak edib.

Dövlət İmtahan Mərkəzindən Avrasiya.net-ə verilən məlumata görə, onların 116 827-si (10 nəfər yalnız Azərbaycan dili (dövlət dili kimi) imtahanında iştirak edib) 9-cu, 79043-ü (20 nəfər yalnız Azərbaycan dili (dövlət dili kimi) imtahanında iştirak edib) isə 11-ci sinif şagirdləri olub.

"2020-ci ildə respublika üzrə 9-cu və 11-ci sinif şagirdlərinin ümumi sayı, müvafiq olaraq, 119 000 və 79 842 nəfər idi. Buraxılış imtahanlarında bu və ya digər səbəblərdən 2972 nəfər (9-cu və 11-ci siniflər üzrə, müvafiq olaraq, 2173 və 799 nəfər) iştirak etməyib.

Bundan başqa, 9-cu və 11-ci siniflərin şagirdləri arasında nəinki tədris proqramını minimum mənimsəməyənlər, hətta oxuyub-yazmaqda çətinlik çəkənlər və ya ümumiyyətlə, oxuyub-yazmağı bacarmayanlar da aşkar olunub. Belələri 11-ci sinif şagirdləri arasında 2 nəfər, 9-cu sinif şagirdləri arasında isə 34 nəfərdir. Bu cür halların imtahan rəhbərlərinin əksəriyyətinin protokollarında qeyd olunmamasını nəzərə alsaq, yuxarıda göstərilən faktların, əslində, daha çox olduğunu ehtimal etmək olar.

9-cu siniflər üzrə oxumağı və yazmağı bacarmayan şagirdlərin sayı belədir: Bərdə rayonunda 4 nəfər, Bakı şəhərində 3 nəfər, Goranboy rayonunda 3 nəfər, Gədəbəy, Göygöl, Lənkəran, Lerik, Sabirabad, Şəki və Yardımlı rayonlarının hərəsində 2 nəfər, Ağdaş, Ağsu, Astara, İsmayıllı, Kəlbəcər, Masallı, Oğuz, Qazax, Salyan və Şəmkir rayonlarının hərəsində 1 nəfər. 11-ci siniflər üzrə belə hallara yalnız Gəncə şəhərində və Kəlbəcər rayonunda (hərəsində 1 nəfər) rast gəlinib", - mərkəzdən bildirilib.

İşdən çıxarılan mətbuat katibi həbs edildi - FOTOƏvvəllər Naxçıvan Muxtar Respublikasının rəsmi qəzeti olan "Şərq qapısı"nda baş redaktor, daha sonra "Azərxalça"da mətbuat xidmətinin rəhbəri vəzifələrində işləmiş Tural Səfərovun Naxçıvanda həbs edildiyi barədə xəbər yayılıb.

Avrasiya.net modern.az-a istinadən xəbər verir ki, T.Səfərovun həbsinin səbəbləri ilə bağlı rəsmi açıqlama verilmir. Ancaq onun həyat yoldaşı Tural Səfərovun Naxçıvanda həbs edildiyinə dair faktı təsdiqləyib.

Tural Səfərov bu ilin aprelində üç ildir çalışdığı "Azərxalça” Açıq Səhmdar Cəmiyyətinin mətbuat katibi vəsifəsindən ayrılıb.

Sonra o, "Moderator.az” saytının Baş redaktoru vəzifəsində çalışırdı.
ABŞ Çini mühasirəyə alır - Rusiya hərbi kəşfiyyatıABŞ-ın qarşıdurma meyli dünya iqtisadiyyatının lokomotivi olan Asiya-Sakit okean bölgəsində özünü göstərir.

Bunu Rusiya Silahlı Qüvvələri Baş Qərargahının Baş Kəşfiyyat İdarəsinin rəisi İqor Kostyukov deyib.

“ABŞ qlobal ticarətin 45 faizinə cavabdehdir və bu bölgəni idarə etməyi hədəfləyir.

ABŞ Hindistanı da daxil edərək Çinə qarşı koalisiya qurmağa çalışır”, - deyə o bildirib.
Azərbaycandan İrana 20 məhbus ekstradisiya edildiBu gün Azərbaycanda həbsdə olan 20 iranlı məhbus Astara sərhəd-buraxılış məntəqəsi vasitəsi ilə İrana ekstradisiya olunub.

Avrasiya.net xəbər verir ki, bunu İranın Azərbaycandakı səfiri Seyid Abbas Musəvi deyib.

S.A.Musəvinin sözlərinə görə, ekstradisiya olunan iranlı məhbusların 9-u qadındır.

S.A.Musəvi əlavə edib ki, ekstradisiya Azərbaycan və İran arasında məhbusların mübadiləsi üzrə dövlətlərarası razılaşma çərçivəsində həyata keçirilib. Ekstradisiya olunan şəxslər məhbusluq həyatının qalan hissəsini İran həbsxanalarında keçirəcəklər:

“Azərbaycanda təxminən daha 200 iranlı məhbus var ki, əsasən narkotik vasitələr, Azərbaycana qeyri-qanuni giriş və qanunsuz yaşama ilə əlaqədar cinayətlərə görə həbs olunublar".

NATO ilə Rusiya arasında silahlı İNSİDENT: Atəş açıldı, təyyarələr bombaladıQara dənizdə insident yaşanıb.

Rusiya KİV xəbər verir ki, Böyük Britaniyaya məxsus Defender esminetsinin Rusiyanın su sərhədlərini pozmasının qarşısı alınıb. Hadisə Fiolent burnunda baş verib.

Belə ki, Rusiyanın su sərhədlərinə 3 kilometr dərinliyə qədər daxil olan gəmiyə Qara dəniz donanmasının keşikçi gəmiləri tərəfindən xəbərdarlıq atəşi açılıb. Bundan nəticə hasil olmadıqda isə Su-24M təyyarələri tərəfindən 4 xəbərdarlıq xarakterli bomba atılıb.

Yalnız bundan sonra Defender gəmisi ərazini tərk edib.