Azərbaycan-Rusiya xalqlarının dostluq əlaqələri möhkəmlənirAzərbaycan-Rusiya veteran təşkilatları dövlət siyasətinə dəstək verərək, Azərbaycan- Rusiya xalqları arası döstluq əlaqələrinin inkişaf etdirirlər.

Belə əlaqələrdən biri də, Əfqanıstan müharibəsi əlilləri və veteranları Perov Klubu "DOLG" İctimai Təşkilatı, Moskvanın Şərqi İnzibati Dairəsi Əfqanıstan Veteranları Birliyinin Yerli İctimai Təşkilatının, Azərbaycan Respublikası Beynəlmiləlçi Döyüşçülər Fondunun və Azərbaycan Respublikası Müharibə, Əmək və Silahlı Qüvvələr Veteranları Təşkilatının Rusiya Federasiyası üzrə nümayəndiliyinin təşkilatçılığı ilə 17 iyun 2021 –ci il tarixlərdə, Moskva şəhərində, Moskva səhiyyə departamentinin 2 saylı müharibə veteranları üçün hospitalında, “Umumdunya tibb işçisi günü” münasibəti ilə hospitalın həkim kolektivi ilə təntənəli surütdə görüş keçirildi.

Ilk öncə Moskva səhiyyə departamentinin 2 saylı müharibə veteranları üçün hospitalın baş həkimi, tibb elmləri namizədi, ali ixtisas dərəcəli həkim Vera Rostislavovna Şastina tədbir iştirakçılarını salamladı və hospitalın əməkdaşlarını “Umumdunya tibb işçisi günü” münasibəti lə təbrik etdi.

Keçirilmiş tədbirlərdə, Azərbaycandan qonaq kimi dəvət olunmuş, Əfqanstanvə Qarabağ müharibəsinin veteranı, Azərbaycan Respublikası “Beynəlmiləlçi Əlil Döyüşçülər” Fondunun Prezidenti, “Azərbaycan Əfqanıstan Veteranları”İctimai Birliyinin üzvü, Azərbaycan Respublikası Müharibə, Əmək və Silahlı Qüvvələr Veteranları Təşkilatının Rusiya Federasiyası üzrə nümayəndəsi Sərrəf Orucov iştirak edərək Azərbaycan Respublikasi Veteranlar Təşkilatının və Azərbaycan Əfqanıstan Veteranlarının adından tədbir iştirakçılarını salamladı.

Sərraf Orucov qeyd edərək bildirdi ki, Azərbaycan-Rusiya xalqlarinin və veteran təşkilatlarının dostluq əlaqələri möhkəmləndirmək və müharibəsində yaralanaraq sağlamlıqlarını itirmiş müharibə əlillərinə və tibbi riabilitasiya səhəsində köməklik göstərmək məqsədi ilə, Azərbaycan Respublikası Müharibə, Əmək və Silahlı Qüvvələr Veteranları Təşkilatının, Azərbaycan Respublikası “Beynəlmiləlçi Əlil Döyüşçülər” Fondu, “Azərbaycan Əfqanıstan Veteranları”İctimai Birliyi, Əfqanıstan müharibəsinin əlilləri və veteranları Perov Klubu "DOLQ" İctimai Təşkilatı, Moskvanın Şərqi İnzibati Dairəsi Əfqanıstan Veteranları Birliyinin və MDB iştirakçısı olan dövlətlərin hökumət başçıları Şurasının nəzdində beynəlmiləl döyüşçülərin işləri üzrə Komitə ilə yaxından əməkdalıq edirik.

Birgə əməkdaşlıq etməkdə əsas məqsədimiz, Azərbaycan-Rusiya dövlətlərinin dpvlət siyasətinə dəstək verərək, Azərbaycan- Rusiya xalqları arası döstluq əlaqələrinin möhkəmləndirərək, xalqlarımızın döstluq əlaqələrini inkişaf etdirərək, xalqları arasında və veteran, diaspor təkilatları arasında təbliğat-təşviqat apararaq vətəndaşların sülh quruculuğu və konfliktlərin həlli istiqamətində fəaliyyətində onların əməkdaşlığını təmin edərək, Rusiya-Azərbaycan xalqlarinin və müharibə veteran təşkilatlarının dostluq əlaqələrini inkişaf etdirmək və möhkəmləndirməkdir.
Bundan əlavə İkinci Dünya Müharibəsində, Əfqanıstan və Qarabağ müharibələrində sağlamlığlarını itirmiş müharibə əlillərinin, veteranların tibbi-riabilitasiya və sosial problemlərinin həllinə köməklik göstəriləcəkdir.

Həmcinin 1941-1945-ci illərdə Böyük Vətən Müharibəsi zamanı, Moskva və Sant-Peterburq şəhərlərini alman-faşistlərdən azad edilməsi uğrunda vuruşmuş və öz həyatını qurban verərək həlak olmuş azərbaycanlıların, Rusiyanın və Azərbaycanın regionlarında aşkarlanmış məzarlarını, abidələrini ziyarət etmək və onlarların bərpa edilməsinə, qorunmasına maddi, mənəvi dəstək vermərək təbliqat-təşviqat işləri aparacağıq.

Sərraf Orucov qeyd edərək bildirdi ki, Sovetlər İttifaqı dağıldıqdan sonra 1990-2000 –ci ilə kimi Azərbaycanda müəalicə üçün lazəım olunan müəyyən tibbi avadanlığların olmadığı səbəbindən müharibə vetranları və əlilləri müxtəlif xarici ölkələrin hospitalarina göndərilərək oradakı müalicə olunudular. 2000-ci ildən sonra isə Azərbaycanda ən müasir texnikalarla təmin olunmuş xəstəxanlar tikilərək vətəndaşlara xidmət etdiyi üçün son illər müharibə əliləri və vetranları öz ölkəmizdə müalicə olunurlar. Amma bütun bunlara baxmayaraq gələcəkdə Rusiya-Azərbaycan xalqlarının dostluq əlaqələrini möhkəmləndirmək və mehribanlaşdırmaq məqsədi ilə cox istərdik ki, Azərbaycanlı müharibə əliləri və qaziləridə bu, Moskva səhiyyə departamentinin 2 saylı müharibə veteranları üçün hospitalında mualicə alaraq hospitalın müalicə imkanlarindan yararlansınlar.

İnanırıq ki, Azərbaycan, Rusiya, Belarsiya, Ukraniya və Moldaviya xalqları arası döstluq əlaqələrinin möhkəmləndirərək, veteran təşkilarları ilə qarşılıqlı əməkdaşlıq edərək, Veteran Həmrəyliyini, xalqlarımızın döstluq əlaqələrini inkişaf etdirməsi istiqamətində bundan da sonra müxtəlif proqram və layihələrlə davam etdirlməsi, xalqlar dostluğunun dahada mehribanlaşmasına müsbət dəstək verəcəkdir.

Keçirilmiş tədbirlərdə, Əfqanıstan müharibəsi əlilləri və veteranları Perov Klubu "DOLG" İctimai Təşkilatı, Moskvanın Şərqi İnzibati Dairəsi Əfqanıstan Veteranları Birliyinin Yerli İctimai Təşkilatının sədri və Moskvanın Şərqi Veshnyaki dairəsi Deputatlar Şurasının üzvü, deput Andrey Savidov, Azərbaycan Respublikası “Beynəlmiləlçi Əlil Döyüşçülər” Fondunun Prezidenti, Azərbaycan Respublikası Müharibə, Əmək və Silahlı Qüvvələr Veteranları Təşkilatının Rusiya Federasiyası üzrə nümayəndəsi Sərraf Orucov Azərbaycan-Rusiya dövlətlərin siyasətinə dəstək verərək, Azərbaycan-Rusiya xalqlarının veteran təşkilarları arası birlikdə əməktaşlıq edərək döstluq əlaqələrinin möhkəmləndirərəsində, müharibə əlillərinə tibbi-reabilitasiya sahəsində göstərdiyləri diqqət və qayğıya görə Moskva səhiyyə departamentinin 2 saylı müharibə veteranları üçün hospitalının baş həkimi Vera Rostislavovna Şastina və əməkdaşlarıni muxtəlif medallarla və Fəxri – Fərmanlarla təltif etdilər.

Təltif olunanların arasinda hospitalda çalışan 7 nəfər azərbaycanlı soydaşmımız həkim və tibb işciləri oldu.

Hospitalın baş həkimi Vera Rostislavovna Şastina belə bir əlamətdar gündə hospitalın həkimlərinin müharibə əlilərinə və vetranlaına göstərdiyi tibbi xidmətləri dəyərləndirib mükafatlandırdıları üçün Əfqanıstan müharibəsi əlilləri və veteranları Perov Klubu "DOLG" İctimai Təşkilatı, Moskvanın Şərqi İnzibati Dairəsi Əfqanıstan Veteranları Birliyinin Yerli İctimai Təşkilatının sədri və Moskvanın Şərqi Veshnyaki dairəsi Deputatlar Şurasının üzvü, deput Andrey Savidova, Azərbaycan Respublikası “Beynəlmiləlçi Əlil Döyüşçülər” Fondunun Prezidenti, Azərbaycan Respublikası Müharibə, Əmək və Silahlı Qüvvələr Veteranları Təşkilatının Rusiya Federasiyası üzrə nümayəndəsi Sərrəf Orucova və tədbirdə istirak edən digər vetranlara öz təşəkkürünü bildirdi.

Hospitalda keçirilmiş görusdə gələcəkdə, "COVİD 19 Koronavirus Pandemiya ilə əlaqədar tətbiq olunmuş karantin dövrü bitdikdən və Rusiya-Azərbaycan sərhədlərinin tam acıldıqdan sonra Turkiyədə, Ukraniyada, Belarusiyada və başqa xarici dövlətlərin hospitalarinda müalicə aldlqları kimi, Moskva səhiyyə departamentinin 2 saylı müharibə veteranları üçün hospitalinda da Azərbaycan müharibə əlillərinin və veteranlainin müalicə olunmasi haqqinda razılıqa əldə olundu.




Ayurveda-Həyat elmi
Bavitlunq Vanlalvavna
Hindistanın Azərbaycandakı səfiri


Hindistanın 5000 illik tarixə malik Ayurveda müalicə sistemi dünyanın bir çox bölgələrində aktuallıq qazanır. Ayurveda Sanskrit sözüdür və mənası "həyat elmi" deməkdir. Ayurveda sağlam həyat tərzi yaşamaq üçün istifadə olunan praktik üsulları və təbii vasitələrlə müalicəni elmlə birləşdirir və bu xüsusiyyətləri onu daha əhəmiyyətli və tanınmış edir.

Ayurveda sistemində müalicə tapmaqdan daha çox xəstəliklərin qarşısının alınmasına üstünlük verilir və buna görə də hazırda bütün dünyada müxtəlif fərdlər və cəmiyyətlər üçün son dərəcə aktualdır. Ayurveda sadə, lakin təsirli addımlar ataraq insan bədənində tarazlığı qorumağa çalışır. İnsan bədəninə ən uyğun pəhriz saxlamağa təşviq edən Ayurveda sistemində bu tarazlığı qorumaq üçün təbii-müalicəvi otlardan istifadə olunur. Ayurveda tamamilə bitki əsaslı elm olduğu üçün digər terapevtik dərmanlardan fərqli olaraq yan təsirləri yoxdur.

İnsan bədənində tarazlığa təsir edən amilləri öyrənmək Ayurveda elminin təməlini təşkil edir. Bədəndə tarazlığı dəyişdirə biləcək həm əqli, həm fiziki amillər, eləcə də daxili və xarici amillər ola bilər və bütün bunlar bədənimizdə xəstəlik kimi müşahidə etdiyimiz əlamətlərdə özünü göstərir. Buna görə tarazlığın bədəndə və zehində yenidən qurulması üçün tarazlığa təsir edə biləcək müxtəlif amilləri öyrənmək çox vacibdir.

Ayurveda öz əsasını bizi əhatə edən beş ünsürdən, yəni hava, od, su, səma və yerdən götürür. Bu beş ünsür üç böyük enerji növünə qruplaşdırılıb və Sanskrit dilində Vata, Pitta və Kapha adlanır. Bədənimizdə yuxarıda göstərilən beş ünsürün birləşməsinin təzahürü olan bu enerjilərin düzgün tarazlığı sağlam yaşamağın açarıdır. İnsan bədənində enerji axını tarazlaşdıqda, daha az stres olur, bu da bədənin özünəməxsus müdafiə mexanizmini inkişaf etdirir və immuniteti gücləndirir. Buna görə də bədəni xarici xəstəliklərdən qorumaqda daha təsirli olur.

21 iyun 7-ci Beynəlxalq Yoqa Gününü qeyd edərkən, yoqa ilə Ayurveda arasındakı əlaqəni anlamaq bizim üçün vacibdir. Mütəxəssislərin fikrincə, Ayurvedanın fəlsəfəsi ağlımıza və bədənimizə şəfa verməkdir, yoqa isə içimizdə gizli qalmış üstün qabiliyyətləri ortalığa çıxarmağa çalışır. Bu səbəbdən, iki elmi təlimin bir çox oxşar prinsipləri var və nəticə etibarilə müntəzəm olaraq fərdlər üçün birgə tətbiq edilmişdir.

Sağlamlıq, sağlam bədən və sağlam düşüncənin təbliğ edilməsi üçün Ayurvedanın əsl mahiyyətinin dünyanın müxtəlif bölgələrində, o cümlədən Azərbaycanda daha yaxşı öyrənilməsinə ehtiyac var. Bu, fərdlərə və kütlələrə COVID-19 zamanı daha güclü özünə qulluq sistemini inkişaf etdirməyə köməklik göstərəcək.
Baş leytenanta sistem qoşulandan sonra vəfat edibDaxili Qoşunların xidmətdən tərxis olunmuş hərbçisi, baş leytenant Namiq Hümbətov ötən gün Bakıda xəstəxanada vəfat edib.

Avrasiya.net xəbər verir ki, bu barədə “Qafqazinfo” ya mərhumun dayısı məlumat verib.

O bildirib ki, 31 yaşlı N. Hümbətov müharibədən qabaq səhhətində yaranan problemlə bağlı Daxili Qoşunlardan tərxis edilib:

“Namiq qaraciyər serrozundan əziyyət çəkirdi. Müalicə olunmaq məqsədilə Türkiyəyə də göndərilmişdi. Bir müddət səhhətində irəliləyiş müşahidə edilib. İki gün əvvəl isə səhhəti pisləşib və Biləsuvar Rayon Mərkəzi Xəstəxanasında ona sistem köçürülüb. Sistemdən sonra vəziyyəti daha da pisləşdiyindən Bakıda Topçubaşov adına xəstəxanaya aparıldı. Ötən gün xəstəxanada dünyasını dəyişdi. Bu gün onu səhər saatlarında anadan doğulduğu Biləsuvar rayonu Çaylı kəndində torpağa tapşırdıq”.
Baş Assambleya Quterrişi yenidən BMT-nin Baş katibi TƏYİN ETDİBMT Baş Assambleyasının bu gün keçirilmiş iclası zamanı Antoniu Quterriş ikinci müddətə təşkilatın Baş katibi təyin edilib.

TASS xəbər verir ki, müvafiq qərarı BMT Baş Assmbleyasının 75-ci sessiyasının Prezidenti Volkan Bozkır açıqlayıb.

“Məmnunluq hissi ilə bəyan edirəm ki, Antoniu Quterriş 2022-ci il yanvarın 1-dən 2026-cı il dekabrın 31-dək ikinci müddətə BMT-nin Baş katibi təyin edilib”, - o bildirib.

Xatırladaq ki, Quterriş BMT-nin baş katibi vəzifəsinə yeganə namizəd idi. Daha əvvəl onun namizədliyini BMT-nin Təhlükəsizlik Şurası dəstəkləmişdi.
İlham Əliyev Bakıda otelin açılışında - Fotoİyunun 18-də Bakıda beşulduzlu “Intercontinental” otelinin açılışı olub.

Azərbaycan Respublikasının Prezidenti İlham Əliyev və birinci xanım Mehriban Əliyeva açılışda iştirak ediblər.

Əvvəllər bu ərazidə “Cənub” mehmanxanası yerləşirdi. İndi onun yerində gözoxşayan memarlıq üslubunda yeddimərtəbəli “İntercontinental” oteli inşa olunub. Bu gün dünyada pandemiyanın davam etməsinə, iqtisadi və maliyyə çətinliklərinə baxmayaraq, Azərbaycanda Prezident İlham Əliyevin rəhbərliyi ilə mühüm sosial-iqtisadi infrastuktur layihələrinin icrası uğurla davam edir. Müasir səviyyədə inşa olunan “İntercontinental” otelinin istifadəyə verilməsi bunun daha bir təzahürüdür.

Ölkəmizdə turizmin böyük gələcəyinin olduğunu daim vurğulayan dövlətimizin başçısı hələ neçə illər bundan əvvəl Azərbaycanda ən müasir otellərin, o cümlədən məşhur dünya brendlərinə aid mehmanxanaların inşasının vacibliyini qeyd edirdi. Həyat Prezident İlham Əliyevin uzaqgörənliyini bir daha təsdiqlədi. Pandemiyadan əvvəlki son illərdə Azərbaycanda turizmin inkişafı böyük vüsət aldı. Lakin bütün dünyada olduğu kimi, COVID-19 virusunun sürətlə yayılması ölkəmizdə də turizmin inkişafına ciddi maneə yaratdı. İndiki şəraitdə yeni otellərin istifadəyə verilməsi Azərbaycanda uzaqgörən siyasətin həyata keçirilməsinin bariz göstəricisidir.

Yaradılan müasir otel idarəçiliyi ölkəmizə beynəlxalq səviyyəli bir çox mehmanxana brendlərinin gəlməsi ilə nəticələnib. Bu isə bütün sahələrdə olduğu kimi, turizm, o cümlədən bu sektorun əsasını təşkil edən müasir otel sisteminin yaradılması istiqamətində dövlət səviyyəsində görülən işlər hesabına mümkün olub. Ümumilikdə, müasir otellərin istifadəyə verilməsi bir neçə mühüm amili özündə ehtiva edir. Onlar turizm sektorunun inkişafına dəstək, otel biznesinin genişləndirilməsi, turistlərin rahatlığının təmin olunması, yeni iş yerlərinin yaradılması və Bakının ümumi inkişafına verilən töhfədir.

“İntercontinental” otelində ümumilikdə, müxtəlif kateqoriyalara aid 126 otaq var. Otaqların hər birində qonaqların özlərini maksimum rahat hiss etməsi üçün bütün zəruri şərait yaradılıb. Oteldə turistlərin və paytaxt sakinlərinin xidmətində olacaq restoranlar, konfrans zalları və digər infrastuktur mövcuddur.

Burada “Lamborghini Bakı Mərkəzi”nin satış salonu da yaradılıb. Salonda müştərilərə yüksək xidmət göstərmək üçün geniş imkanlar var.

İyunun 18-də Bakıda “Intercontinental” otelinin açılışı olub.

"Report" xəbər verir ki, Azərbaycan Respublikasının Prezidenti İlham Əliyev və birinci xanım Mehriban Əliyeva açılışda iştirak ediblər.
QHT sədri iki illik fəaliyyətlə bağlı hesabat verib18 iyun 2021-ci il tarixində Ekoloji Təmiz Məhsul İstehsalçıları və İxracatçıları İctimai Birliyinin Ümumi Yığıncağı keçirilib.

Ümumi Yığıncaqda sədr Emin Əliyevin iki illik fəaliyyət hesabatının qiymətləndirilməsi, yeni idarə heyəti və Nəzarət Təftiş Komissiyasının tərkibinin seçilməsi, cari mövzuların müzakirə edilməsi planlaşdırılıb. Ümumi Yığıncağın yekununda ölkə başçısı cənab İlham Əliyevə müraciətin ünvanlanması da nəzərdə tutulub.

İlk olaraq sədr Emin Əliyev üzvləri salamlayaraq, vaxt ayırıb toplantıda iştirak etməyə gəldikləri üçün təşəkkür etdi. Daha sonra o, iki illik sədr fəaliyyəti barədə iştirakçılara ətraflı məlumat verdi. Bu müddət ərzində görülmüş işlər, həyata keçirilmiş layihələr barədə ətraflı məlumat verildi. Emin Əliyevin fəaliyyəti Ümumi Yığıncaq iştirakçıları tərəfindən səsə qoyuldu və yekdilliklə müsbət qiymətləndirildi.

Daha sonra yeni İdarə heyətinin üzvlərinin seçilməsi üçün namizədlərin siyahısı üzvlərin diqqətinə çatdırıldı. Beş nəfərdən ibarət yeni İdarə Heyəti siyahı üzrə səsverməyə çıxarıldı və seçildi. Bundan sonra isə yeni sədrin seçilməsi üçün də səsvermə keçirilərək vahid namizəd olaraq Emin Əliyevin namizədliyi irəli sürüldü və o səsvermə nəticəsində yekdilliklə yenidən sədr seçildi. Eyni zamanda Nəzarət Təftiş Komissiyasının da üzvləri də vahid siyahı əsasında seçilərək təsdiq edildi.

Bundan sonra cari məsələlər müzakirə edilərək orqanik məhsul istehsalı və ixracı sahəsində qarşıya çıxan problemlər müzakirə edildi və aidiyyəti üzrə dövlət orqanları rəhbərləri ilə silsilə görüşlərin keçirilməsi ilə bağlı müraciət edilməsi üçün qərar verildi və ölkə başçısı cənab İlham Əliyevə müraciət qəbul olundu.

Qeyd edək ki, Ekoloji Təmiz Məhsul İstehsalçıları və İxracatçıları İctimai Birliyi 19 iyun 2019-cu il tarixdə təsis edilib və 02 avqust 2019-cu ildə dövlət qeydiyyatına alınıb. Fəaliyyət göstərdiyi dövr ərzində 50-dən çox irili-xırdalı layihənin icrası təmin edilib.

Bu müddət ərzində beynəlxalq əlaqələrin qurulması istiqamətində aktiv çalışan İctimai Birlik Türkiyə, Qazaxıstan, Özbəkistan, İsrail kimi qabaqcıl dövlətlərin müvafiq qurumları ilə əməkdaşlıq memorandumları imzalamış və ya birgə fəaliyyət ilə bağlı razılığa gəlinib.

Hazırda İctimai Birliyin hüquqi şəxs olan 17 üzvü vardır. İqtisadiyyat Nazirliyi ilə danışıqlar nəticəsində 2022-ci ildə Almaniyada keçirilməsi planlaşdırılan BioFach 2022 sərgisində Azərbaycan stendinin olması ilə bağlı ilkin razılıq alınmışdır. Hazırda müvafiq araşdırmalar aparılır. Bundan başqa İctimai Birliyin sədri Emin Əliyevin azad olunmuş torpaqlarla bağlı irəli sürdüyü “Organic Karabakh” layihəsinin də üzərində müvafiq müzakirələr aparılır.
60 yeni yoluxma, 2 ölümAzərbaycanda koronavirus (COVID-19) infeksiyasına 60 yeni yoluxma faktı qeydə alınıb, 148 nəfər müalicə olunaraq sağalıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, analiz nümunələri müsbət çıxan 2 nəfər vəfat edib.

İndiyədək ölkədə ümumilikdə 335 399 nəfərin koronavirus infeksiyasına yoluxması faktı müəyyən edilib, onlardan 329 339 nəfər müalicə olunaraq sağalıb, 4 961 nəfər vəfat edib. 1 099 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 7 953, bu günə qədər isə ümumilikdə 3 661 027 test icra olunub.
Daha bir hərbçimiz göldə boğularaq həlak olduBu gün Laçın istiqamətində daha bir hərbi qulluqçumuz göldə boğularaq hələk olub.

Avrasiya.net xəbər verir ki, bu barədə sosial şəbəkələrdə məlumat yayılıb.

Bildirilir ki, həlak olan 2001-ci il doğumlu İsmayıllı rayonu, Quşencə kənd sakini əsgər Nicat Eynulla oğlu Əkbərovdur.

O,Vətən müharibəsi iştirakçısı kimi Azərbaycan Respublikasının Prezidenti İlham Əliyevin sərəncamı ilə “Laçının azad olunmasına görə” medalı ilə təltif edilmişdi.

Qeyd edək ki, ötən gün Azərbaycan Ordusunun daha bir hərbi qulluqçusu, kapitan İlham Allahverdi oğlu Fərzəliyev göldə çimərkən boğularaq həlak olub.
Çağırışçılara SMS göndəriləcək2021-ci ilin iyul ayında müddətli həqiqi hərbi xidmətə göndəriləcək çağırışçılar iyunun 25-30 tarixlərində Silahlı Qüvvələr üzrə xidmət yerlərinə təyinatla bağlı Səfərbərlik və Hərbi Xidmətə Çağırış üzrə Dövlət Xidməti (SHXÇDX) tərəfindən SMS vasitəsilə məlumatlandırılacaqlar.

Dövlət Xidmətindən Avrasiya.net-ə verilən məlumata görə, göstərilən tarixdən etibarən vətəndaşlar xidmət edəcəkləri hərbi hissə və qoşun növünü SHXÇDX-nin rəsmi internet saytının “Elektron xidmət” bölməsinin “Həqiqi hərbi xidmətə çağırılan çağırışçıların hərbi xidmət keçmə yeri haqqında məlumatlar” alt bölməsində özləri haqqında tələb olunan məlumatları müvafiq qaydada daxil etməklə dəqiqləşdirə bilərlər.

Bununla yanaşı müddətli həqiqi hərbi xidmətə göndərilənlər mobil telefonlardan şəxsiyyət vəsiqələrinin nömrələrini (yeni nəsil şəxsiyyət vəsiqələrində isə seriya və nömrəni probelsiz daxil edərək) 9100 nömrəsinə qısa mesaj şəklində göndərməklə də müddətli həqiqi hərbi xidmətə çağırış barədə məlumat əldə edə biləcəklər. Bu xidmətdən bütün mobil operatorlara məxsus nömrələri olan şəxslərin istifadəsi mümkündür. Çağırışçılara SHXÇDX-nin yerli baş idarə, idarə, şöbə və bölmələrində qeydiyyat zamanı təqdim etdikləri mobil nömrələrini aktiv saxlamaları tövsiyə olunur.

Qeyd edək ki, SHXÇDX-nin internet saytında çağırışçıların məlumatlandırılması xidməti hər il çağırış başlamazdan öncə - dekabr, mart, iyun, sentyabr aylarının sonunda aktivləşir.
Dolları çölə səpən idmançımız millidən qovuldu - VideoRio Olimpiadasının cüdo üzrə gümüş mükafatçısı Elmar Qasımov yığmadan kənarlaşdırılıb.

Avrasiya.net Oxu.az-a istinadən xəbər verir ki, idmançı həm son yarışlarda uğursuzluğa, həm də nizam-intizami pozduğuna görə millidən uzaqlaşdırılıb.

Macarıstanın paytaxtı Budapeştdə keçirilən dünya çempionatında ilk görüşdəcə uduzan idmançı bu səbəbdən millinin Şahdağdakı təlim-məşq toplanışına aparılmayıb.

Həmçinin idmançı Instaqramda paylaşdığı videoları ilə də son günlər gündəmdə idi. Onun bir gün əvvəl eyvandan dollar əskinaslarını havaya atması və buna dair çəkdiyi videonu “Pulu haramçılıqla qazananda” başlığı ilə paylaşması son hədd olub. Üstəlik, idmançı dünən paylaşdığı videoda iyunun 15-i tarixini əks etdirən gündə qırmızı balıq kürüsü ilə dolu qutunu açdığını nümayiş etdirib. Artıq bu idmançının millidə olmayacağını indidən demək olar.

Qeyd edək ki, 30 yaşlı Elmar Qasımov Olimpiadadan başqa, dünya, Avropa çempionatlarının, Avropa Oyunları və İslam Həmrəyliyi Oyunlarının mükafatçısıdır. Budəfəki Olimpiadada 100 kq çəki dərəcəsində Azərbaycanı osetin əsilli Zelim Kotsoyev təmsil edəcək.