Tanınmış vəkil məhkəmə zalında həbs olunduTanınmış vəkil külli miqdarda mənimsəmədə ittiham edilərək hakim qarşısına çıxarılıb.

Avrasiya.net Musavat.com-a istinadla xəbər verir ki, Bakı Ağır Cinayətlər Məhkəməsində Vəkillər Kollegiyası Rəyasət Heyətinin keçmiş üzvü, uzun müddət 1 saylı hüquq məsləhətxanasına rəhbərlik etmiş Sümbülə Əliyevanın cinayət işi üzrə məhkəmə araşdırması başlayıb.

Hakim Eldar Mikayılovun sədrliyi ilə keçirikən məhkəmənin hazırlıq iclasında Sümbülə Əliyevanın anket məlumatları dəqiqləşdirilib.

Daha sonra onun barəsində seçilmiş polis nəzarətinə verilmə qətimkan tədbiri dəyişdirilib və məhkəmə zalında həbs edilib.

Cinayət Məcəlləsinin 179.3.2 (külli miqdarda mənimsəmə və ya israfetmə) maddəsilə ittiham olunan Sümbülə Əliyeva vəkillərin ödənişlərindən vergi kimi tutulan vəsaitlərin mənimsənməsində təqsirləndirilir.

İttihama görə, Sümbülə Əliyeva Dövlət Sosial Müdafiə Fonduna və Vergilər Nazirliyinə ödənilmək üçün üçün vəkillərdən tutulan vergi və sosial sığorta haqlarını mənimsəyib.

İş üzrə zərərçəkmiş kimi Vəkillər Kollegiyası, Dövlət Sosial Müdafiə Fondu və Dövlət Vergi Xidməti tanınıb.
Millət vəkili rayonda şəhid məzarını ziyarət edib - FotolarMilli Məclisin Təbii ehtiyatlar, energetika və ekologiya komitəsinin sədri Sadiq Qurbanov millət vəkili seçildiyi Şabran və Siyəzən rayonlarında Qarabağ şəhidlərini yad etməkdə davam edir.

Avrasiya.net xəbər verir ki, millət vəkili bu günlərdə Şabran şəhəri Surra kəndində Qaradağ müharabisəndə qəhrəmancasına döyüşərək şəhidlik zirvəsini fəth etmiş, "Vətən uğrunda", "Cəsur döyüşçü" və "Füzulinin azad olunmasına görə" medalı ilə təltif olunan Həsənov Xəyal Əliyulla oğlunun məzarını ziyarət edib. Şəhidin məzarı üstünə çiçək dəstələri qoyub, ruhuna dualar oxuyub.

Millət vəkili şəhidlərimizlə qürur duyduğunu və fəxr etdiyini deyib. O, söyləyib ki, şəhidin axıtdığı qan və dəfn olunduğu yer həmişə ziyarət yerimiz olmalıdır.

S.Qurbanov qeyd edib ki, Azərbaycan xalqı belə qəhraman oğullarımızla fəxr edir və onları heç vaxt yaddan çıxarmayacaq.

Şəhidin atası Əliyulla kişi və kənd sakinləri şəhidin qoçaqlığından bəhs ediblər. Onlar dövlət tərəfindən şəhid ailələrinə, müharibə veteranları və qazilərə dəstəkdən razılıqlarını bildiriblər.

Ermənilər Kəlbəcər istiqamətində bölmələrimizi atəşə tutduErmənistan Müdafiə nazirliyi Ermənistan-Azərbaycan dövlət sərhədinin Kəlbəcər rayonu istiqamətində yerləşən Azərbaycan silahlı qüvvələrinin bölmələrinə atəş açması barədə açıqlama yaymışdır.

Avrasiya.net xəbər verir ki, bu barədə Azərbaycan Müdafiə Nazirliyi məlumat yayıb.

Ermənistan silahlı qüvvələri tərəfindən silahlı qüvvələrimizin mövqelərinə atəş açılması faktı öz təsdiqini tapmışdır. Açılmış atəş nəticəsində Azərbaycan silahlı qüvvələrinin şəxsi heyəti sırasında həlak olan və ya yaralanan yoxdur.

Bu fakt bir daha onu sübut edir ki, Ermənistan tərəfi seçki öncəsi qəsdən iki ölkənin dövlət sərhədi istiqamətində vəziyyəti gərginləşdirmək və hərbi təxribatlar törətmək siyasətini davam etdirir.

Baş vermiş hadisəyə görə bütün məsuliyyət Ermənistan tərəfinin üzərinə düşür.
DTX erməni terrorçularla bağlı məlumat yaydıBaş Prokurorluq və Dövlət Təhlükəsizliyi Xidməti (DTX) Mətbuat xidmətləri birgə məlumat yayıb.

Baş Prokurorluqdan Avrasiya.net-ə daxil olan birgə məlumatda deyilir:

"Dövlət Təhlükəsizliyi Xidməti tərəfindən 13 dekabr 2020-ci il tarixdə keçirilmiş antiterror əməliyyatı nəticəsində tərksilah edilmiş Ermənistan Respublikasının vətəndaşları olan silahlı dəstələrin üzvləri barəsində DTX-nin İstintaq Baş idarəsində başlanmış cinayət işi üzrə ibtidai istintaq yekunlaşıb.

İstintaq nəticəsində müəyyən edilib ki, cinayətkar silahlı birləşmələrin üzvləri 2020-ci ilin 26-27 noyabr tarixlərində Azərbaycan Respublikasının dövlət sərhədini qanunsuz olaraq mütəşəkkil dəstə halında keçməklə Xocavənd rayonunun Hadrut qəsəbəsinin şimal-qərb hissəsində meşəlik və digər ərazilərində döyüş mövqeləri tutaraq 13 dekabr 2020-ci il tarixədək olan müddət ərzində ölkə ərazisində yerləşən müəssisə, idarə, təşkilatlara, habelə ayrı-ayrı şəxslərə silahlı basqınlar edib, ictimai təhlükəsizliyi pozmaq, əhali arasında vahimə yaratmaq, Azərbaycan Respublikasının dövlət hakimiyyət orqanları və beynəlxalq təşkilatlar tərəfindən qərar qəbul edilməsinə təsir göstərmək məqsədilə insanların həlak olması, onların sağlamlığına zərər vurulması, əhəmiyyətli əmlak ziyanının vurulması və başqa ictimai təhlükəli nəticələrin baş verməsi təhlükəsi yaradan partlayış, yanğın və digər terror əməlləri törədiblər.

Məlumat verildiyi kimi, silahlı dəstənin əvvəlcə 14, sonra isə daha 13 nəfər üzvü barəsində cinayət işinin istintaqı yekunlaşdırılaraq təsdiq edilmiş ittiham aktı ilə birlikdə baxılması üçün məhkəməyə göndərilib.

Sadalanan faktlarla bağlı qanunsuz silahlı birləşmənin digər üzvlərinin – Mikaelyan Andranik Vazgenoviç, Soğomonyan Setrak Samveloviç, Karapetyan Rafik Robertoviç və qeyriləri də daxil olmaqla, ümumilikdə daha 26 təqsirləndirilən şəxsin Azərbaycan Respublikası Cinayət Məcəlləsinin 214.2.1, 214.2.3-cü (terrorçuluq, qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən odlu silahdan və silah qismində istifadə olunan predmetlərdən istifadə etməklə törədildikdə), 228.3-cü (mütəşəkkil dəstə tərəfindən qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, saxlama, daşıma və gəzdirmə), 279.2-ci (qanunvericiliklə nəzərdə tutulmayan silahlı birləşmələrin və ya qrupların tərkibində müəssisələrə, idarələrə, təşkilatlara və ya ayrı-ayrı şəxslərə basqın etmə) və 318.2-ci (qabaqcadan əlbir olan bir qrup şəxs və ya mütəşəkkil dəstə tərəfindən Azərbaycan Respublikasının dövlət sərhədini qanunsuz olaraq keçmə) maddələri ilə ittiham olunmalarına dair cinayət işinin istintaqı yekunlaşdırılaraq Azərbaycan Respublikasının Baş prokurorunun müavini tərəfindən təsdiq edilmiş ittiham aktı ilə birlikdə baxılması üçün məhkəməyə göndərilib".
AVRO-2020 Bakıya gəlir: oyunların qalibi Azərbaycandır – TƏHLİLFormula 1 yarışını keçirən Bakı futbol üzrə Avropa çempionatının 4 oyununa ev sahibliyi etməyə hazırlaşır. Bir neçə gün sonra dünyanın futbol cameəsinin diqqəti Azərbaycanda olacaq.

Beynəlxalq idman oyunlarının paytaxtımızda keçirilməsinin üç mühüm səbəbi var.

Təcrübə: Azərbaycan indiyə qədər I Avropa oyunlarına, Formula 1 yarışlarına, İslam Həmrəylik Oyunlarına, Avroliqanın final matçına və müxtəlif idman növləri üzrə dünya çempionatlarına ev sahibliyi edib.

İnfrastruktur: Ölkəmizdə dünya səviyyəli idman yarışlarının keçirilməsi üçün unikal infrastruktur mövcuddur. Xüsusilə I Avropa Oyunlarından öncə inşa edilən müasir infrastruktur sonrakı dövrdə yarışların keçirilməsi üçün geniş imkanlar yaratdı.

Təhlükəsizlik: Adətən beynəlxalq tədbirlər, yaxud idman yarışlarının keçirildiyi məkanın təhlükəsiz olması ən vacib şərtlərdən biridir. Azərbaycan bu baxımdan, ən unikal ölkələrdəndir.

Burada diqqətçəkən vacib məqam 6 ay öncə 44 günlük müharibənin baş verməsi, müharibəyə baxmayaraq, beynəlxalq idman oyunların Azərbaycanda keçirilməsi qərarının dəyişməməsidir.

Bu, bir neçə aspektdən əhəmiyyətlidir.

1. Azərbaycanın müharibədən cəmi 6 ay sonra dünya əhəmiyyətli yarışa ev sahibliyi edə bilməsi ölkəmizin gücünü, qüdrətini, çevik toparlanma qabiliyyətini göstərir;

2. Müharibədən 6 ay sonra Formula 1 yarışlarının ardınca futbol üzrə Avropa çempionatının keçirilməsi ilə Azərbaycanın təhlükəsiz ölkə olduğunu dünyaya nümayiş etdirilir;

3. Xarici investorların cəlb edilməsi üçün bu vacib amillərdəndir;

4. Bu yarışlardan sonra turistlərin ölkəmizə axını daha da sürətlənəcək.

Azərbaycanın qeyri-neft sektorunda əsas sahələrindən olan turizm koronavirus pandemiyası və müharibə dövründə gerilədi. Beynəlxalq idman yarışlarının keçirilməsi turizm sektorunun yenidən canlanması üçün həlledici rol oynayacaq.

Birincisi, oyunlar vaxtı Bakıya gələcək azarkeşlər ölkəmizə xarici valyuta gətirəcək.

İkincisi, beynəlxalq tədbirlər zamanı ölkəyə minlərlə turist gəlir. Bu, taksi sürücüsündən tutmuş, iaşə obyekti işlədənə, otel sahibindən tutmuş mağaza sahibinə qədər hər kəsin, bütün vətəndaşların qazanması deməkdir. Vətəndaş qazanırsa, dövlət qazanır.

Üçüncüsü, oyunlardan sonra xarici turistlərin gəlişi potensialı çoxalacaq. Çünki dünya təcrübəsinə görə, turistlər müharibədən yeni çıxmış ölkələrə getməkdən çəkinirlər. Azərbaycanın müharibədən cəmi 6 ay sonra beynəlxalq idman yarışlarına ev sahibliyi etməsi turistlərdə təhlükəsizlik rəyinin güclənməsinə şərait yaradacaq.

Göründüyü kimi, beynəlxalq tədbirlərin, idman yarışlarının keçirilməsinin onlarla müsbət tərəfi var və adətən nəticələr oyunlardan sonra daha aydın bəlli olur.

Dünya səviyyəli tədbirlərin keçirilməsi həm də Azərbaycanın imicinə və gələcəyinə qoyulmuş kapital hesab oluna bilər.

a) Azərbaycanın təbliği güclənir: müxtəlif ölkələr öz təbliğatını aparmaq üçün milyonlarla, hətta daha çox pul xərcləyir, reklam şirkətləri ilə anlaşır, Azərbaycan isə beynəlxalq tədbirlərlə təbliğat işini həyata keçirir. Bu iki aspektdən sərfəlidir:

- birincisi, beynəlxalq tədbirlərin, idman yarışlarının keçirilməsi üçün infrastruktur inşa olunur, yəni bu ölkənin sərvəti bu ölkəyə xərclənir;
- ikincisi, inşa olunan infrastrukturlarda beynəlxalq tədbirlərin keçirilməsi təşkil olunmaqla daha az pulla daha çox təbliğat işi qurulur. I Avropa Oyunlarnda Azərbaycan dünyaya müasir, mədəni, sülh ölkəsi olduğunu nümayiş etdirdi, Formula 1 yarışlarında 500 milyon izləyici Bakı küçələrinə tamaşa edirdi, Avroliqanın finalında 1 milyarddan çox tamaşaçının ürəyi Azərbaycanla döyünürdü. İndi bir milyarda yaxın tamaşaçı Avropa üzrə futbol çemoionatında Azərbaycana tamaşa edəcək.

b) Siyasi qazanc: Azərbaycanın təbliğinin güclənməsi, daha çox tanınması siyasi platformalarda ölkəmizin əlinin güclənməsi, milli və dövlət maraqlarımızın təmin olunması deməkdir. Müasir siyasətdə təsiredici güc “Yumşaq güc”dür və bunun əsasını məhz bir ölkənin cəlbedicliyi təşkil edir. Cəlbedici ölkə olmaq üçün mədəni, idman, humanitar aksiyalarda aparıcı rol oynamaq lazımdır. Azərbaycanın apardığı siyasət məhz buna hesablanıb. Futbol üzrə Avropa çempionatının oyunlarının Bakıda keçirilməsi bu uğurlu siyasətin davamdır.

Bakıda keçiriləcək futbol oyunlarında kimin qazanacağı final fitindən sonra bəlli olacaq, lakin artıq bu oyunların bir qalibi var, o da Azərbaycandır.

Asif Nərimanlı
Bakıda içməli sudan qanunsuz istifadə halları aşkarlandıAzərsu ASC su itkilərinin və israfçılığın qarşısının alınması məqsədilə Bakının Binəqədi rayonunda fərdi yaşayış evləri və obyektlərin su təchizatı sistemlərinə baxış keçirib.

Qurumdan Avrasiya.net-ə verilən məlumata görə, sudan qanunsuz istifadə hallarının araşdırılması məqsədilə yaradılmış xüsusi qrupların araşdırmaları nəticəsində içməli sudan uçotsuz və sayğacdankənar xətlərdən istifadə halları aşkarlanıb.

Binəqədi qəsəbəsi, Gülməmməd Ramazanov küçəsində yerləşən 3 çoxmənzilli yaşayış binasında sudan uçotsuz istifadə faktları üzə çıxıb. Məlum olub ki, yeni tikilmiş yaşayış binalarının heç birinin su təchizatı xidmətindən istifadəyə görə texniki şərti mövcud deyil. Binaların su təchizatı yaxınlıqdakı şəbəkəyə edilmiş qanunsuz qoşulma ilə aparılıb. Belə ki şəbəkədən götürülən su binaların qarşısında quraşdırılmış çənlərə doldurularaq məzillərə vurulur.

Cavadxan küçəsi, Pitomnik bağı kimi tanınan ərazidə isə bağın sayğacdankənar çəkilmiş su xətti vasitəsi ilə suvarıldığı aşkarlanıb.

Binəqədi rayonunda ən çox su itkisi Dərnəgül qəsəbəsindəki məcburi köçkünlərin məskunlaşdığı yataqxanalarda yaranır. Burada vətəndaşlar tərəfindən tikinti normalarına uyğun olmayan fərdi su xətlər çəkilib. Sayğac quraşdırılmadığından su sərfiyyatı ailə üzvlərinin sayına görə hesablanır. Su itkilərini ölçmək üçün bu yataqxanaların hər birinə balans sayğacları quraşdırılıb.

Biləcəri qəsəbəsi, yeni yaşayış massivi adlanan ərazidə fərdi evlərin bir qismində sayğaclarının olmasına baxmayaraq, sakinlər yaxınlıqdan keçən magistral xətdən qanunsuz əlavə su xətti çəkiblər. O da məlum olub ki, bu işi təşkil edən bir qrup şəxs magistral xətt üzərində qanunsuz su kollektoru quraşdıraraq buradan qonşulara əlavə çıxışlar verirmiş.

Aşkarlanan faktlarla bağlı zəruri tədbirlər görülüb, özbaşına çəkilmiş xətlər və qoşulmalar ləğv edilib, qanunsuz istifadəyə görə dəymiş ziyan hesablanaraq ödənişə yönləndirilib. Bununla yanaşı, vətəndaşlar və sahibkarlar içməli su şəbəkələrinə qoşulmaq üçün texniki şərtin alınması və qoşulma qaydaları barədə məlumatlandırılıb.

Vətəndaşları və sahibkarkları bir daha bu cür əməllərdən çəkinməyə çağırır və bildiririk ki, belə qanunazidd halların qarşısını almaq üçün tədbirlər davam etdiriləcək, sudan qanunsuz istifadəyə görə dəymiş ziyan hesablanacaq və hüquq-mühafizə orqanlarına müraciət olunacaq.

2021-ci ilin yanvar-may aylarında sudan qanunsuz istifadə ilə bağlı “Azərsu” üzrə 7 682, Binəqədi rayonu üzrə isə 781 fakt aşkarlanıb. Bu hallar üzrə müvafiq olaraq, 2 055 min kubmetr, Binəqədi rayonu üzrə isə 225 min kubmetr həcmində sərfiyyat bərpa olunub.
Azərbaycanda icra məmuru döyüldü - VideoAzərbaycanda icra məmuru döyülüb.

Avrasiya.net Report-a istinadən xəbər verir ki, bu barədə sosial şəbəkədə vəkil Adəm Məmmədov videogörüntü paylaşıb.

O bildirib ki, Binəqədi rayon İcra və probasiya şöbəsinin əməkdaşı Faiq Əkbərov icra məmurunun səlahiyyətləri çərçivəsində qanuni tələblər irəli sürərkən döyülüb.

Hadisənin nə vaxt baş verdiyi barədə məlumat yoxdur.

Hadisə ilə bağlı rəsmi qurumlar münasibət bildirməyib.
Yoluxma sayı azaldıAzərbaycanda koronavirus (COVID-19) infeksiyasına 75 yeni yoluxma faktı qeydə alınıb, 281 nəfər müalicə olunaraq sağalıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, analiz nümunələri müsbət çıxan 3 nəfər vəfat edib.

İndiyədək ölkədə ümumilikdə 334 992 nəfərin koronavirus infeksiyasına yoluxması faktı müəyyən edilib, onlardan 327 907 nəfər müalicə olunaraq sağalıb, 4 951 nəfər vəfat edib. 2 134 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 8618, bu günə qədər isə ümumilikdə 3 597 849 test icra olunub.
Tibb işçilərinin adına maaş yazıb mənimsəyən baş həkimin əməlləri işfa olundu1 nömrəli uşaq Somatik sanatoriyasının vəzifəli şəxslərinin əmək haqqı kartları ilə bağlı maxinasiyaları ifşa edilib.

Bu barədə Baş Prokurorluğun Mətbuat xidmətindən məlumat verilib.

Bildirilib ki, adı çəkilən sanatoriyasının baş həkimi Dilay İslamova və həmin müəssisənin baş mühasibi Burhan Cəfərovun qanunsuz əməlləri ilə əlaqədar keçirilən əməliyyat-axtarış tədbirləri nəticəsində Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin 179.2.3 (şəxs tərəfindən öz qulluq mövqeyindən istifadə etməklə mənimsəmə), 179.2.4 (xeyli miqdarda ziyan vurmaqla mənimsəmə) və 308.1-ci (vəzifə səlahiyyətlərindən sui-istifadə) maddələri ilə cinayət işi başlanaraq hazırda istintaqı aparılır.

Aparılan istintaq-əməliyyat tədbirləri ilə Dilay İslamova və Burhan Cəfərovun sanatoriyada işçi kimi rəsmiləşdirilən, lakin faktiki olaraq işə gəlməyən ayrı-ayrı tibb işçilərinin əmək haqqı kartlarını özlərində saxlamaqla həmin kart hesablarında olan ümumilikdə 32 min 700 manat məbləğində pul vəsaitlərini nağdlaşdıraraq mənimsəmələrinə əsaslı şübhələr müəyyən edilib.

İstintaq zamanı qeyd edilən vəzifəli şəxslər tərəfindən vurulmuş maddi ziyanın tam həcmdə dövlət büdcəsinə ödənilməsi təmin olunub.

Hazırda cinayət işi üzrə əhəmiyyət kəsb edən halların müəyyənləşdirilməsi istiqamətində istintaq tədbirlərinin həyata keçirilməsi davam etdirilir.
Fransa Xankəndidə mərkəz açacaqXankəndidə Pol Elüar adına Frankofoniya Mərkəzi (Paul Eluard Francophone Center) açılacaq.

Avrasiya.net Milli.az-a istinadən xəbər verir ki, bu barədə Ermənistan mediası məlumat yayıb.

"Hayastan" Ümumerməni Fondunun verdiyi məlumata görə, "mərkəz fransızdilli qarabağlı erməniləri birləşdirərək şəhərin inkişafı üçün təhsil, kommersiya və innovasiya platforması olacaq".

Ermənilər bu mərkəzi "Qarabağlı ermənilərin yaşamına dövlət səviyyəsində ilk xarici sərmayə" kimi qələmə verirlər.

810 kvadrat metrlik sahəyə malik mərkəzin inşasını Fransadakı Pol Elüar Fondu və "Hayastan" birgə maliyyələşdiriblər.

İnşa işləriini Ermənistandakı "Portal" memarlıq studiyası gerçəkləşdirb.

Pol Elüar Fondunun Azərbaycan ərazisində, Azərbaycanın müvafiq rəsmi qurumların icazəsi olmadan, Bakı ilə heç bir razılaşdırma aparmadan belə davranışı separatizmi aşkar dəstəkləmək, Azərbaycanın qanunvericiliyi ilə beynəlxalq qanunları kobud şəkildə pozmaqdır.