Ramiz Əzizbəyli dünyasını dəyişdiAzərbaycanın xalq artisti, kinorejissor Ramiz Əzizbəyli vəfat edib.

Avrasiya.net Report-a istinadən xəbər verir ki, o, bu gün 72 yaşında dünyasını dəyişib.

Qeyd edək ki, Ramiz Əzizbəyli bir müddətdir koronavirusa yoluxmuşdu. O, daha sonra infarkt keçirmişdi. Xalq artisti Zığ qəsəbəsində yerləşən koronavirus xəstələrinin müalicə aldığı modul tipli hospitalın reanimasiya şöbəsində müalicə olunurdu.

Xatırladaq ki, Ramiz Əzizbəyli 1948-ci il iyulun 20-də Bakı şəhərində anadan olub.

Allah rəhmət eləsin!
Ziya Məmmədovun adamı niyə medianı öz əlində cəmləyir… – Saytları satın alan Elnur Abdullayev kimdir?Bir müddət əvvəl, hələ Əli Məhəmmədəli oğlu Həsənov media sahəsini kurasiya edəndə cənab Prezidentin bir çıxışı oldu. Həmin çıxışda ölkə başçısı bəzi məmurların media vasitəsilə şantaj olunmasına açıq işarə etdi. Bir az sonra isə Prezident ölkədəki ideoloji işin bərbad olduğunu söylədi.

Əslində bu sözlərin kimə ünvanlandığı gözəl məlumuydu. Ancaq həmin vaxt vəzifə başında olan Əli Həsənov kurasiyasında olan media vasitəsilə diqqəti özündən yayındırmağa cəhd etdi. Belə təəssurat yaradıldı ki, sanki Prezident bu sözləri mediaya və ideoloji işə cavabdeh olan şəxsə deyil, başqa adamların ünvanına söyləyirmiş.

Qısa müddətdən sonra Əli Həsənov vəzifəsindən azad olundu. İşdən çıxarılma yalnız Əli Həsənovun şəxsinə şamil olunmadı. Onun özünə yaxın adamlar kimi ətrafına yığdığı və sözün əsl mənasında media bazarlığı ilə məşğul olan şəxslərin hamısı oyundankənar vəziyyətə salındı. Çünki Əli Həsənovun rəhbərlik etdiyi İctimai Siyasi Şöbə tamamilə ləğv edilib, tarixin arxivinə göndərildi.

Sonrakı dönəmdə yazılan materiallardan biz Əli Həsənovun zamanında media adı ilə hansı səviyyədə manipulyasiya olunduğu barədə özümüzdə aydın təsəvvür formalaşdıra bildik. Bunları təsadüfən xatırlatmıram. Demək istədiyim odur ki, Əli Həsənovun dönəmində viran qoyulan media mühitində indi də tamamilə başqa adamlar söz sahibi olmağa çalışır. Bu istiqamətdə apardığım araşdırmalar məni dərindən təəccübləndirdi.

Maraqlıdır ki, media kimi kəsərli bir silah hazırda bu sahəyə heç bir aidiyyəti olmayan Elnur Abdullayev adlı adamın əlində cəmləşdirilir. Əvvəl bu suala cavab tapaq: Elnur Abdullayev kimdir və onun aparıcı saytları satın almaqda hansı marağı ola bilər? Bu şəxsin Ziya Məmmədovun dönəmində ” Nəqliyyatın İtellektual İdarəetmə Sistemi” və “Dövlət Avtomobil Nəqliyyat Xidməti” kimi mühüm və gəlirli postla rəhbərlik edib.

Hətta Elnur Abdullayevin eks nazirlə yaxın qohumluq əlaqəsinin olduğu deyilir. Vəzifədən uzaqlaşandan sonra Elnur Abdullayevin səsi-sorağı Türkiyədən gəldi. Məlum oldu ki, Azərbaycanın sərmayəsi ilə orada “Haber Global” adlı bir televizya kanalı açılır və onun da başında məhz deyilən adam durur. Türkiyə böyük ölkədir, orada televiziya bazarına yeni yaradılan media qurumunu salmaq üçün 3-5 milyon yox, 100 milyonlarla vəsait lazımdır.

Təbiidir ki, belə vəsaiti Azərbaycanda heç kim uğur vəd etməyən boş layihəyə ödəməzdi. Bir il fəaliyyəti ərzində sözügedən televiziyanın Türkiyə kanallarının reytinq göstəricilərində autsayderlər sırasında olduğunu görürük. Deməli, bu nəticəyə gəlirik ki, “Haber Global” daha çox vəsait əldə edib mənimsəmək üçün üfürülmüş şardan başqa nəsə deyildi.

Həmin televiziyanın ən böyük “uğuru” Azərbaycana aid olan xəbərlərin məhz sosial şəbəkələrin Azərbaycana aid seqmentində paylaşaması olur. Elnur Abdullayev telekanal adı ilə özünə maliyyə axınını həll edəndən sonra, telekanalın başına ciddi media təcrübəsi olmayan və cəmi 3 illik media fəaliyyətinə görə Əli Həsənov tərəfindən mənzillə mükafatlandırılan Məmməd Gülməmmədov adlı şəxsi gətirdi.

Sonrakı dönəmə diqqət edək. Azərbaycanda nisbətən İP-si çox olan saytlara qarmaq atıldı. Onlarla aparılan danışıqların məzmunu beləydi ki, saytlar 51-49 faiz pay bölgüsü ilə satılır Elnur Abdullayevin özünün kurasiyasında olan şirkətə. Bu minvalla Azərbaycanda bir çox saytlar satın alınaraq Elnur Abdullayevin kurasiyasına keçib.

Yəni faktiki olaraq həmin saytların sahibi 51 faizlik payla Elnur Abdullayevdir. Sözügedən qəbildən olan saytlara hər ay 7-8 min civarında pul verilir. Yəni faktiki olaraq saytlarını satan adamlar Elnur Abdullayevlə Məmməd Gülməmmədovun işçisi rolundadırlar. Bu saytların dərin analizi göstərir ki, orada digər vacib dövləti maraqlardan daha çox İP və yaxın çevrə maraqları daha çox güdülür.

Məsələn, nurçu qalmaqalı ilə siyasi proseslərdən təcrid olunan şəxslərlə bağlı həmin saytlarda bir dənə də olsun tənqidi material getmir. Əksinə, həmin adamların yenidən reabilitasiyası üçün ciddi bir rəy formalaşdırmağa çalışılır. Müstəqilliyini itirərək zifləyən saytlara isə saxta trafik “pripiskaları” etməklə kimlərinsə qabağınbda hesabatın verildiyi açıq sezilir.

Həmin cameəyə aid olan bəzi saytların analizi həm də onu deməyə əsas verir ki, bu cür media nümunələrindən Elnur Abdullayev və komadası daha çox özülərinə yaxın olan məmurların mühavizəsi, əks-qütbdə olanların isə “vurulması” üçün də məharətlə yararlıanırlar. Demək istədiyim budur ki, Əli Həsənovun dönəmində viran qoyulan media siyasətini, indi naşı Elnur Abdullayevin ümidinə buraxmaq olmaz.

Dövlət babanın məhz bu prosesləri ciddi nəzarətə götürməsi lazımdır.
Yaxın günlərdə Elnur Abdullayevin kurasiyasında olan saytların hansı qiymətə satın alındığı ilə bağlı konkret rəqəmləri də yazacam. Həmçinin bu alverdə maliyyəni verən şirkətə hansı fırıldağın gəlindiyinə toxunacam və həmin şirkətin adını da bildirəcəm.

Görüm, hansısa sayt bu yazını verə biləcəkmi? Mediada elə xof yaradıblar ki, sanki Elnur Abdullayev və onun media adı ilə çıxardığı biznes “tryuklarından” yazan adam məhvə məhkum ola bilər. Mən bilirəm ki, bunların hamısı boş “şirmadan” başqa nəzə deyil. Çox maraqlıdır həmin saytlar Ziya Məmmədovun talançılığından niyə bir cümlə də olsun yazmırlar? \\Amia.az
Səbinə Əliyeva İranın ombudsmanı ilə görüş keçiribAzərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva İranın Baş Təftiş Təşkilatının rəhbəri (Ombudsman) Həsən Dərvişyan ilə onlayn formatda görüş keçirib.

Avrasiya.net xəbər verir ki, onlayn görüşdə iki ölkə arasında iqtisadiyyat, mədəniyyət və digər sahələrdə əməkdaşlığın inkişaf etdiyi qeyd olunub.

Görüş zamanı Ombudsman Səbinə Əliyeva Ermənistan tərəfindən işğal dövründə Azərbaycan ərazilərində basdırılan minaların səbəb olduğu insan tələfatına diqqət çəkərək bildirib ki, məcburi köçkünlərin işğaldan azad olunmuş ərazilərə qayıtmasında çox ciddi maneələr yaranıb. Müharibənin başa çatmasından bu günə qədər 140-dan çox insanın minaya düşdüyünü, nəticədə 27 şəxsin həyatını itirdiyini qeyd edən Ombudsman bununla bağlı müxtəlif beynəlxalq qurumlara mütəmadi olaraq müraciətlər etməsinə baxmayaraq, Ermənistanın hələ də mina xəritələrini verməkdən imtina etdiyini bildirib.

Ermənistanın beynəlxalq humanitar hüququn prinsiplərini kobud şəkildə pozduğunu vurğulayan Ombudsman işğalçı dövlətin siyasi və hərbi rəhbərliyinin insanlıq eləyhinə törədilən bu cinayətlərə görə birbaşa məsuliyyət daşıdığını bildirib. Qeyd olunub ki, Ermənistan tərəfindən 30 ilə yaxın müddət ərzində işğal altında saxlanılan ərazilərdə yaşayış yerləri tamamilə viran qoyulub. Bu vəziyyət regional inkişafa mənfi təsir göstərməklə yanaşı, eyni zamanda sülhü və sabitliyi təhlükə altında qoyub. Ombudsman belə halların təkrarlanmaması üçün beynəlxalq insan hüquqları təşkilatlarının həmrəylik göstərərək mövcud vəziyyətə düzgün hüquqi qiymət verməsinin və cavabdeh şəxslərin ədalət mühakiməsinə cəlb olunması üçün lazımi səylər göstərməsinin vacibliyini vurğulayıb.

Görüşdə İran Ombudsmanı Həsən Dərvişyan qurumlar arasında ikitərəfli memorandum imzalanmasını təklif edib və Azərbaycan Ombudsmanı bu təklifi müsbət qarşılayıb. Görüş qarşılıqlı əməkdaşlığın inkişafı, habelə İslam Əməkdaşlığı Təşkilatı Ombudsmanlar Assosiasiyasının üzvləri arasında əlaqələrin genişləndirilməsi barədə müzakirə ilə davam edib.
Abel Məhərrəmov məhkəməni uduzdu - 800 min ödəyəcəkBakı Dövlət Universitetinin sabiq rektoru, AMEA üzvü Abel Məhərrəmovdan pul iddiasına qarşı məhkəmə işi üzrə qərar elan olunub. Qərara görə, BDU-nun sabiq rektoru 800 min manatdan artıq vəsaiti ödəməli olacaq.

Avrasiya.net Gununsesi.info-ya istinadən xəbər verir ki, Yasamal Rayon Məhkəməsində İsimxan Mirzəyev və bir neçə nəfərin iddiası üzrə keçirilən məhkəmədə Abel Məhərrəmovun işlətdiyi usta və fəhlələrin pullarını vermədiyi üzə çıxmışdı.

Belə ki, Bakı şəhəri, Süleyman Dadaşov küçəsindəki 4-mərtəbəli villa inşa etdirən Abel Məhərrəmov müqaviləyə əsasən 71 ədəd pilləkənin hazırlanması və quraşdırılmasına görə 21300 (iyirmi min üç yüz) manat (bir ədədi 300 manatdan), mansardın quraşdırılmasına görə 15000 (on beş min) manat, qapıların hazırlanması və quraşdırılmasına görə dəyəri 20000 (iyirmi min) manat, şəbəkənin (reşyotkanın) hazırlanması və quraşdırılmasına görə dəyəri 15000 (on beş min) manat; istilik sisteminin qarşısındakı alkovun (besedkanın) hazırlanması və quraşdırılmasına görə 10000 (on min) manat, sahəsi 30 kv.m olan barın quraşdırılmasına görə 9000 (doqquz min) manat (metri 300 manatdan), ümumi dəyəri 90300 (doxsan min üç yüz) manat olan işlərə görə ödəməli olduğu vəsaiti ödəməyib.

Bundan başqa rektor özünəməxsus “Mona Liza” şadlıq sarayında bar, mebel və digər işlər gördürüb. Buna görə də hesablanmış 70000 (yetmiş min) manatdan cəmi 25 min ödəyib.

Abel Məhərrəov, həmçinin Mərdəkan qəsəbəsindəki bağ evində sahəsi 44 kv. m olan kitab mebeli, mətbəx mebeli də indiyə kimi ödəniş etməyib.

Sabiq rektor daha sonra Bakı şəhəri, Şərifzadə küçəsindəki “Qlobus” bağçasında materialı ustalardan olmaqla ümumi dəyəri 80000 (səksən min) manat olan işlər gördürüb.

Burada qapıların, mebelin yığılması, çarpayıların və s. hazırlanmasına görə yalnız alınmış materialın pulu – 15000 manat ödənilib. Yerdə qalan 65000 (altmış beş min) manat ödənilməyib.

Abel Məhərrəmov ona etibar edən usta briqadasına Nabranda da “atıb”.

Belə ki, Xaçmaz rayonunun Nabran qəsəbəsinin Seyidli ərazisində “El Faro” Ailəvi İstirahət və Əyləncə Mərkəzində ümumi dəyəri 15000 (on beş min) manat olan (bir ədədi 50 manatdan) 300 ədəd qapının quraşdırılması, 4000 kv.m sahədə ümumi dəyəri 160000 (yüz altmış min) manat olan (kvadrat metri 40 manatdan) üzləmə işlərinin icrası, mebellərin yığılması üzrə ümumi dəyəri 20000 (iyirmi min) manat, barların yığılması üzrə ümumi dəyəri 15000 (on beş min) manat olan işlərin icrasına görə, ödəməli olduğu 210000 (iki yüz on min) manat əvəzinə 40 ayda cəmi 24000 manat (yemək pulu) verib.

Rektor bu günə kimi isə 186000 (bir yüz səksən altı min) manat ödəməyib.

Beləliklə, bir neçə epizod üzrə Abel Məhərrəmova qarşı 800 min manatdan artıq pul iddiası irəli sürülüb.

Dünən keçirilən məhkəmədə iddia təmin olunub.
Lavrov: Zəngəzur dəhlizi Türkiyəsiz mümkün deyil10 noyabr razılaşmasının bəndlərindən biri kommunikasiyaların açılmasıdır.

Axar.az xəbər verir ki, bunu Rusiya xarici işlər naziri Sergey Lavrov deyib.

Onun sözlərinə görə, kommunikasiyaların açılması məsələsi həmişə ATƏT-in Minsk Qrupunun gündəmində olub.

O, həmçinin bu razılaşma çərçivəsində Rusiya, Ermənistan və Azərbaycan liderlərinin görüşünün 2021-ci ilin yanvarında keçirildiyini, kommunikasiyaların açılması problemləri ilə birbaşa məşğul olacaq baş nazir müavinləri səviyyəsində İşçi Qrup yaradıldığını xatırladıb.

Lavrovun sözlərinə görə, Türkiyə və İranın da maraqları nəzərə alınmadan bu məsələnin həlli mümkün deyil:

“Şimal-Cənub və Şərq-Qərb strateji marşrutlarının keçdiyi kritik rayonlardır. Kimi buraya cəlb edib, kimi cəlb etməməyi düşünmək lazım deyil. Uzunmüddətli perspektivdə münasibətlərin necə qurulması gərəkdiyi düşünülməlidir”.
Nikol qalib gəlməsə, İrəvanda qan su yerinə axacaqƏgər Nikol Paşinyan yenidən baş nazir vəzifəsinə seçilməsə, Ermənistanda dəhşətli vətəndaş müharibəsi başlanacaq.

Axar.az xəbər verir ki, bu barədə Vətəndaş Partiyasının həmtəsisçisi, tanınmış erməni ekspert Artur Ambartsumyan bildirib.

“Paşinyan növbədənkənar seçkilərin başqa nəticəsi ilə razılaşmayacaq və qəbul etməyəcək. Onu yalnız özünün seçiləcəyi nəticə qane edəcək. O, bu barədə bir neçə dəfə deyib. 2020-ci ildə xalq qarşısında çıxış edərkən o bəyan etdi ki, Ermənistanda vətəndaş müharibəsi olmayacaq, yalnız ona görə ki, insanlar düzgün hökumət seçəcəklər. Bir neçə gün bundan əvvəl isə Armavirdə bildirib ki, seçkilərdə öz qələbəsindən başqa hər hansı digər nəticəsini qəbul etməyəcək.

Bir sözlə, Paşinyan Ermənistan üzərində tam hakimiyyəti İlham Əliyevə belə verməyə hazır olar ki, taxt-tac onun opponentlərinə çatmasın", - deyə ekspert qeyd edib.

Ambarsumyan əminliklə bildirib ki, Nikol Paşinyan yenidən seçilməsə, o ən dəhşətli addımlara əl atacaq: “Ermənilər ermənilənin qanını İrəvan küçələrinə tökəcək”.
Ali məktəb və kolleclərə sənəd qəbulu başa çatdıAli təhsil müəssisələrinin bakalavr səviyyəsinə və orta ixtisas təhsili pilləsinə (tam orta təhsil bazasından) ərizə qəbulu başa çatıb.

Avrasiya.net Dövlət İmtahan Mərkəzinə istinadən xəbərinə görə, sənəd qəbulu bu gün saat 14:00-da yekunlaşıb.

İlkin məlumata görə, I ixtisas qrupu üzrə 28478 (Azərbaycan bölməsi 26087, rus bölməsi 2391), II ixtisas qrupu üzrə 16660 (Azərbaycan bölməsi 15044, rus bölməsi 1616), III ixtisas qrupu üzrə 20974 (Azərbaycan bölməsi 19353, rus bölməsi 1621), IV ixtisas qrupu üzrə 4995 olmaqla (Azərbaycan bölməsi 4373, rus bölməsi 622) ümumilikdə 71107 abituriyent (Azərbaycan bölməsi 64856, rus bölməsi 6250) qeydiyyatdan keçib.

V ixtisas qrupu üzrə 55762 abituriyent qeydiyyatdan keçib (Azərbaycan bölməsi 51839, rus bölməsi 3923).

11 illik təhsil bazasından kolleclərə qeydiyyatdan keçən abituriyentlərin sayı 60013 (Azərbaycan bölməsi 57028, rus bölməsi 2985) olub.

Qeyd edək ki, ali təhsilin müəssisələrinə və orta ixtisas təhsili pilləsinə (tam orta təhsil bazasından) ərizə qəbulu mayın 26-dan başlayıb. Sənəd qəbulu iyunun 8-də başa çatmalı olsa da, iyunun 9-na qədər uzadılıb.
Bakıda kanalizasiya quyusunun qapaqları oğurlandı - FOTOBakı şəhəri Binəqədi şossesi Fövqəladə Hallar Nazirliyinin Xüsusi Riskli Xilasetmə Xidmətinin qarşısındakı küçədə “Azərsu” ASC-yə məxsus 4 ədəd kanalizasiya baxış quyusunun və siyirtmə kamerasının qapaqları ötən gecə naməlum şəxslər tərəfindən oğurlanıb.

Bu barədə Avrasiya.net-ə “Azərsu” ASC-yə verilən məlumatda deyilir.

Bildirilir ki, faktla bağlı Binəqədi Rayon Sukanal İdarəsi tərəfindən Binəqədi Rayon Polis İdarəsinə müraciət olunub.

Kanalizasiya baxış quyularının və siyirtmə kameralarının qapaqlarının oğurlanması ərazidə piyadaların və nəqliyyatın hərəkətinə təhlükə yaradır. Eyni zamanda quyuların kənardan bərk məişət tullantıları ilə dolmasına və istismarının çətinləşməsinə səbəb olur.
Hüquq müdafiəçiləri Niyaz Niftiyevlə bağlı Prezidentə müraciət ediblərAzərbaycan İnsan Hüquqları üzrə Birgə İşçi Qrupun üzvləri həbsdə olan tanınmış jurnalist, Binəqədi qəsəbə Bələdiyyəsinin sədri işləmiş Niyaz Niftiyevlə bağlı Prezident İlham Əliyevə və Baş Prokurorluğa müraciət ünvanlayıblar.

Avrasiya.net “Bakupost”a istinadən xəbər verir ki, müraciəti İşçi Qrupun üzvləri-hüquq müdafiəçiləri Novella Cəfəroğlu, Səidə Qocamanlı, Səadət Bənənyarlı, Dilarə Əfəndiyeva və Əvəz Həsənov imzalayıblar.

Müraciətdə Niyaz Niftiyevin fəaliyyəti barədə məlumat verilib, onun dövlət qarşısında xidmətlərindən nümunələr göstərilib. Eyni zamanda, Niyaz Niftiyevin həbsinə səbəb olan, mübahisəli görünən məqamların ədalətli araşdırılacağına inam ehtiva olunub.

Hüquq müdafiəçiləri Niyaz Niftiyevin barəsində seçilmiş həbs qətimkan tədbirinin ev dustaqlığı qətimkan tədbiri ilə əvəz edilməsinə, humanist qərarın qəbul edilməsinə dəstək göstərilməsini istəyiblər.

Redaksiya qeydi: Məlumat üçün bildiririk ki, Binəqədi qəsəbə Bələdiyyəsinin sədri işləmiş Niftiyev Niyaz Məmmədəli oğlu Binəqədi qəsəbə Bələdiyyəsinin digər təmsilçiləri - Nəsibova Mətanət Hüseyn qızı və Abışov Sahib Abdulla oğlu ilə birlikdə Azərbaycan Respublikası CM-nin 309.1, 311.3.1, 311.3.2 və 313-cü maddələri ilə təqsirləndirilirlər. Niyaz Niftiyevlə birlikdə ittham olunan şəxslərdən biri-Mətanət Nəsibova (06 aprel 2020-ci ilədək Bələdiyyə sədri işləyib) barəsində həbslə bağlı olmayan qətimkan tədbiri, Sahib Abışovla bağlı isə ev dustaqlığı qətimkan tədbiri seçilsə də, Niyaz Niftiyev barəsində ən ağır qətimkan tədbiri seçilib.

16 aprel 2020-ci il tarixdə Azərbaycan Respublikası DİN-nin Baş Mütəşəkkil Cinayətkarlıqla Mübarizə İdarəsinin İstintaq və Təhqiqat İdarəsində fakta görə, CM-nin 139-1.1 və 320.1-ci maddələri ilə cinayət işi başlanıb. 17 aprel 2020-ci il tarixdə Niyaz Niftiyev CM-nin 139-1.1 və 320.1-ci maddələri ilə təqsirləndirilən şəxs qismində cəlb edilib və müstəntiq tərəfindən onun barəsində polisin nəzarəti altına vermə qətimkan tədbiri seçilib.

Niyaz Niftiyev itthamla razılaşmayaraq ifadəsində bildirib ki, təkcə sədr seçildiyi 7 aprel 2020-ci ildən, 14 aprel 2020-ci il tarixədək, şəxsən borclanmaya gedərək, Binəqədi qəsəbə Bələdiyyəsi adından qəsəbə sakinlərinin tibbi ləvazimatlarla təminat, məişət tullantıları ilə bağlı problemlərin həlli məqsədilə 1783 manat vəsait xərcləyib. Bu faktı təstiq edən 7 ədəd “pulun Bələdiyyədən və şəxsən Niyaz Niftiyevdən alınması haqqında” qəbz, həmçinin vəsaitin hansı sahələrə xərclədiyibarədə fotolar və videolar istintaq orqanına təqdim edilib. Yəni Niyaz Niftiyev öz hesabına 1783 manat vəsait xərclədiyi halda 214 manata tamah salması barədə ittiham edilir.

İbtidai istintaq dövründə Niyaz Niftiyev barəsində seçilmiş həbs qətimkan tədbirinin müddətinin uzadılmasından imtina edilməsi və həbs qətimkan tədbirinin ev dustaqlığı növündə qətimkan tədbiriylə əvəz edilməsinə dair vəsatətlə 18 aprel 2020-ci il tarixdə Bakı şəhəri Nərimanov Rayon Məhkəməsinə, 11 iyul 2020-ci il tarixdə isə Bakı şəhəri Binəqədi Rayon Məhkəməsinə müraciət edilib, qərarlardan apellyasiya şikayətləri verilib. Bütün hallarda vəsatətlər və şikayətlər təmin edilməyib.

Bundan başqa, 19 fevral 2021-ci il tarixdə Bakı Ağır Cinayətlər Məhkəməsində hakim Əli Məmmədovun sədrliyi ilə keçirilən məhkəmə iclasında Niyaz Niftiyev barəsində seçilmiş həbs qətimkan tədbirinin ev dustaqlığı növündə qətimkan tədbiri ilə əvəz olunması barədə vəsatət təmin edilməyib.

19 fevral 2021-ci il tarixdən bu günə kimi dəfələrlə məhkəmə iclasları təyin olunsa da, müxtəlif səbəblərdən məhkəmə iclaslarının keçirilməsi baş tutmayıb.

Xatırladaq ki, daha öncə bir qrup ziyalı, jurnalist tərəfindən Niyaz Niftiyevlə bağlı ölkə başçısına müraciət olunub.

Bundan başqa, millət vəkili, Xalq şairi Sabir Rüstəmxanlı Milli Məclisin iclasında Niyaz Niftiyevin 1 ildən artıq müddətdə istintaq təcridxanasında saxlanılmasına etiraz edib. Bildirib ki, Niyaz Niftiyev tanınmış jurnalist, müsbət imicli şəxsdi, məhkəmə onun indiyə kimi olan fəaliyyətini, xidmətlərini nəzərə almalıdır.
Rusiyada ermənilər arasında atışma: 2 ölüRusiyanın Soçi şəhərində silahlı insident baş verib.

Modern.az Rusiya KİV-nə istinadən xəbər verir ki, şəhərin Adler rayonunda 2 məhkəmə pristavı vətəndaşa evinin sökülməsi barədə sənədi təqdim edən zaman güllələnib.

Ev sahibi Vartan Koçiyan əməkdaşlara atəş açıb. Hadisə nəticəsində məhkəmə pristavları Andranik Matevosyan və Albert Aqozyan ölüb.

Hadisəni törədən şəxs polisə təslim olub.