Azad Rəhimov Bakıya gətirilibBir müddətdir ABŞ-da müalicə alan Azərbaycanın gənclər və idman naziri Azad Rəhimov Bakıya gətirilib.

Avrasiya.net xəbər verir ki, “Qafqazinfo”nun məlumatına görə, 56 yaşlı nazir paytaxtda özəl xəstəxanalardan birinə yerləşdirilib. Koma vəziyyətində olan Azad Rəhimov süni nəfəs aparatına qoşulub.

Qeyd edək ki, ağciyər xərçəngi və qaraciyər serrozundan əziyyət çəkən nazir, yanvar ayında müalicə olunmaq üçün ABŞ-a yollanmışdı.
405 qaziyə əlillik təyinatı aparılıb - NazirArtıq 405 qaziyə əlillik təyinatı aparılıb, proses davam edir.

Avrasiya.net xəbər verir ki, bunu əmək və əhalinin sosial müdafiəsi naziri Sahil Babayev deyib.

“İndiyədək 17 qazi yüksək texnologiyalı protezlərlə təmin edilib. Nazirliyin reabilitasiya müəssisələrində 105 qazi stasionar müalicə alır, 1200-dən çox qaziyə psixoloji xidmət göstərilib", - nazir bildirib.
Tacikistan-Qırğızıstan toqquşması: 3 ölü, 31 yaralıQırğızıstan sərhədində baş verən silahlı toqquşmada Tacikistanın 3 vətəndaşı həlak olub, 31-i isə yaralanıb.

Axar.az xəbər verir ki, bu barədə Tacikistanın İsfərah şəhərinin meriyası məlumat yayıb.

Yaralılar arasında şəhərin meri də var.

Bundan əlavə, Qırğızıstanın Dövlət Sərhəd Xidməti atışmanın hələ də davam etdiyini bildirir.

Qeyd edək ki, bundan öncə qırğız qüvvələrin taciklərə məxsus sərhəd postunu ələ keçirdiyi deyilmişdi.

***

Qırğızıstan və Tacikistan silahlı atışmanın dayandırılması və qüvvələrin əvvəlki dislokasiya yerlərinə çəkilməsi barədə razılığa gəliblər.
Lavrov Azərbaycana gələcəkRusiyanın xarici işlər naziri Sergey Lavrov mayın 10-11-də Azərbaycanda işgüzar səfərdə olacaq.

Avrasiya.net xəbər verir ki, bunu həftəlik brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova deyib.

S.Lavrov səfər çərçivəsində Azərbaycan rəhbərliyi ilə danışıqlar aparacaq.

M.Zaxarova onu da bildirib ki, Rusiyanın XİN başçısı mayın 5-6-da Yerevanda səfərdə olacaq.
Prezident Hafiz Paşayevi təltif etdiPrezident İlham Əliyev H.M.Paşayevin 1-ci dərəcəli “Vətənə xidmətə görə” ordeni ilə təltif edilməsi haqqında Sərəncam verib.

Avrasiya.net xəbər verir ki, sərəncamla Azərbaycan Respublikasında təhsilin inkişafında uzunmüddətli səmərəli fəaliyyətinə görə Hafiz Mir Cəlal oğlu Paşayev 1-ci dərəcəli “Vətənə xidmətə görə” ordeni ilə təltif edilir.
Xudayarın anası danışdı: “Onu mən döydürmüşəm!“"Xudayar haqqında danışan oğlanın döyülməsindən xəbərim var, onu özüm elətdirmişəm".

Avrasiya.net xəbər verir ki, bu sözləri ölkə.az-a açıqlamasında şəhid Xudayar Yusifzadənin anası Radə Yusifzadə deyib. O bildirib ki, bu barədə efirlərdə də çıxıb danışmağa hazırdır:

"Hara lazımdır ora müraciət olunmuşdu. Mənə demişdilər ki, siz əyani surətdə gəlin ərizə yazın. Deyirəm ki, mən sosial şəbəkədən hara müraciət edə bilərəm? Uşağa özümüz yazmışıq ki, bunu dayandır. O etməyəndən sonra məcbur idim ki, erməninin üstünə göndərdiyim oğulun biri şəhid olub, ikisi burdadırsa, onlara da deyəm ki, bunu susdurun, içimizdəki ermənini susdurun.

Mənim oğlumun hələ qanı qurumayıb. O, mənimlə elə zarafat edə bilməz. Nəsimi ilə zarafat edib, İzzətlə zarafat edib. Onun mesajı var bizdə. Deyir ki, "zarafat edirəm, məni heç kim susdura bilməz". İndi də şəhidlə zarafat elədin ki, hamı gülsün?! Deməli, bizim şəhidimizə hamı gülməlidir?! İndi bu dəqiqə çıxıram, Bakıya, düz DTX-ya gedirəm.

Onu döyənlər bilirəm kimlərdir. Mən özüm demişəm ki, onun barmaqları qırılsın, o, bir də sosial şəbəkədə heç nə yaza bilməsin".

"Mən Bakıya müraciət eləmişəm. Dedilər, gəlib ərizə yazmalısınız. Baxdım ki, mənasız yerdədir. Onu çağıracaqlar, deyəcəklər ki, belə etmisən, bir də eləmə. Hələ mən uşaqlarımdan narazıyam ki, onun o barmaqlarını qırmayıblar. Onun barmaqları kəsilməli idi ki, bir də hansısa şəhid haqqında bu cür söz yaza bilməsin", - şəhid anası bildirib.
Hüseynbala Mirələmovun əl atdığı xanıma təzminat VERİLƏCƏKSabiq deputat Hüseynbala Mirələmovun öz işçisinə qarşı qeyri-etik davranışının əks olunduğu videonu amerikalı şoumen Cimmi Kimmel öz verilişində efirə vermişdi. Kadrlarda isə qızın üzünü bağlamamışdılar.

Avrasiya.net xəbər verur ki, day-az-ın məlumatına görə, bununla bağlı azərbaycanlı gənclər Cimmi Kimmelin komandası ilə əlaqə quraraq, belə davranışın səhv olduğunu izah ediblər.

Verilişin işçiləri səhv etdiklərini boyunlarına alıblar, həmin videonu kanallarından siliblər və ən əsası videoda qadının üzünü gizlətmədikləri üçün ona vurduqları mənəvi ziyana görə təzminat ödəmək istədiklərini bildiriblər.
Bu şəxslərə birdəfəlik maddi yardım veriləcək - SərəncamPrezident İlham Əliyev 1941–1945-ci illərdə İkinci Dünya müharibəsində iştirak etmiş şəxslərə, həlak olmuş və ya sonralar vəfat etmiş döyüşçülərin dul arvadlarına, arxa cəbhədə fədakar əməyinə görə orden və medallarla təltif edilmiş şəxslərə birdəfəlik maddi yardım verilməsi haqqında sərəncam imzalayıb.

Avrasiya.net sərəncamın mətnini təqdim edir:

1. 1941–1945-ci illərdə İkinci Dünya müharibəsində iştirak etmiş şəxslərə 1500,0 (bir min beş yüz) manat məbləğində, İkinci Dünya müharibəsində həlak olmuş və ya sonralar vəfat etmiş döyüşçülərin dul arvadlarına, həmin dövrdə arxa cəbhədə fədakar əməyinə görə orden və medallarla təltif edilmiş şəxslərə, İkinci Dünya müharibəsi illərində döyüş cəbhələrinin arxa hüdudları, yaxud döyüşən donanmaların əməliyyat zonaları daxilində ordunun və donanmanın mənafeyi üçün tapşırıqları yerinə yetirmiş xüsusi birləşmələrin işçilərinə, İkinci Dünya müharibəsi dövründə Leninqrad şəhərinin müdafiəsinə görə müvafiq medal və döş nişanı ilə təltif edilmiş şəxslərə, habelə Leninqrad şəhərinin mühasirəsi iştirakçılarına 750,0 (yeddi yüz əlli) manat məbləğində birdəfəlik maddi yardım verilsin.

2. Bu Sərəncamın 1-ci hissəsinin icrası məqsədilə:

2.1. Azərbaycan Respublikasının 2021-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan 4,8 milyon (dörd milyon səkkiz yüz min) manat vəsait ayrılsın;

2.2. Azərbaycan Respublikasının Maliyyə Nazirliyi bu Sərəncamın 2.1-ci bəndində nəzərdə tutulmuş vəsaitin Azərbaycan Respublikası Əmək və Əhalinin Sosial Müdafiəsi Nazirliyinin xüsusi hesabına köçürülməsini təmin etsin;

2.3. Azərbaycan Respublikasının Əmək və Əhalinin Sosial Müdafiəsi Nazirliyi birdəfəlik maddi yardımın bu Sərəncamın 1-ci hissəsində nəzərdə tutulmuş şəxslərə ödənilməsini təmin etsin.

3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
Alimpaşa Məmmədovun oğlu da həbs oluna bilərDTX tərəfindən keçirilmiş əməliyyat nəticəsində saxlanılmış və məhkəmənin qərarı ilə barəsində həbs qətiimkan tədbiri seçilmiş Şəmkir rayon İcra Hakimiyyətinin keçmiş başçısı Alimpaşa Məmmədovun oğlu Adil Adilzadə də məsuliyyətə cəlb oluna bilər.

Avrasiya.net xəbər verir ki, bunu Trend-ə açıqlamasında vəkil-hüquqşünas Xəyal Bəşirov deyib.

Vəkil bildirib ki, sabiq icra başçısı A.Məmmədov külli miqdarda dövlət əmlakını mənimsəməkdə, korrupsiyada, vəzifə səlahiyyətlərini aşaraq digər qanunsuz əməllər törətməkdə təqsirli bilinir:

“Alimpaşa Məmmədov dəyəri milyonlarla manat olan əmlakları çox cüzi – belə desək simvolik qiymətlərə öz oğlunun adına olan şirkətlərə satıb. Əgər Adil Adilzadənin hüquqazidd əməllərin törədilməsində şəxsən iştirak etməsi, hər hansı sənədləşmədə imza atması və digər qanunsuz hərəkətlər aşkarlanaraq sübuta yetirilsə, əlbəttə ki, o da məsuliyyətə cəlb olunacaq. Bütün bu məsələlər istintaqın gedişində məlum olacaq”