Rusiya Polşa diplomatlarını ölkədən qovurRusiya Varşavanın hərəkətlərinə cavab olaraq, 5 Polşa diplomatını ölkədən çıxarır.

Avrasiya.net xəbər verir ki, bu barədə Rusiya Xarici İşlər Nazirliyindən (XİN) bildirilib.

“Varşavanın 3 rusiyalı diplomatın ölkədən çıxarılmasını tələb edərək, ABŞ administrasiyasının havasına necə tez oynadığına diqqət yetirdik. Öz növbəsində Rusiyadan da 5 polşalı diplomat çıxarılacaq”, - deyə Rusiya XİN-in bəyanatında vurğulanıb.

Qeyd edək ki, Polşa 3 Rusiya diplomatını “persona non-qrata” elan edib. Rəsmi Varşava rusiyalı diplomatların diplomatik statusun şərtlərini pozduqlarını və Polşa Respublikasının əleyhinə tədbir keçirdiklərini əsas gətirib.
Göygöldə 56 yaşlı qadın intihar edibGöygöl rayonunda intihar hadisəsi baş verib.

Hadisə Balçılı kəndində qeydə alınıb.

Belə ki, həmin kəndin sakini, 1965-ci il təvəllüdlü Mahrə Ələsgərova yaşadığı evin həyətindəki qoz ağacından özünü asaraq intihar edib. İntiharın səbəbləri hələlik məlum deyil.

Faktla bağlı Göygöl Rayon Prokurorluğunda araşdırma aparılır.(report.az)
Azərbaycanda yoluxma azaldı, sağalanların sayı artdı - 32 nəfər öldüAzərbaycan Respublikasında koronavirus (COVID-19) infeksiyasına 2163 yeni yoluxma faktı qeydə alınıb, 2251 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, COVID-19 üçün götürülən analiz nümunələri müsbət çıxmış 32 nəfər vəfat edib.

Azərbaycanda indiyədək ümumilikdə 296374 nəfər koronavirus infeksiyasına yoluxub. Onlardan 260193 nəfər müalicə olunaraq sağalıb, 4077 nəfər vəfat edib, aktiv xəstə sayı 32104 nəfərdir.

Ölkədə son sutka ərzində 13478, hazırkı dövrədək isə 3082157 test aparılıb.
Mingəçevirdə xüsusi karantin rejimi qaydalarına riayət olunmaqla, Şəhər Ağsaqqallar Şurasının konfransı keçirilib.

Avrasiya.net xəbər verir ki, tədbirdə Azərbaycan Ağsaqqallar Şurasının sədr müavini, Milli Məclisin deputatı Eldar İbrahimov, Mingəçevir Şəhər İcra Hakimiyyətinin başçısı İlham İsmayılov, şəhər ağsaqqalları və ziyalıları iştirak ediblər. Toplantıda əvvəlcə Azərbaycanın suverenliyi və ərazi bütövlüyü uğrunda şəhid olanların və ötən dövr ərzində dünyasını dəyişən ağsaqqalların xatirəsi bir dəqiqəlik sükutla yad edilib.

Mingəçevir Şəhər İcra Hakimiyyətinin başçısı İlham İsmayılov tədbir iştirakçılarını salamlayaraq bildirib ki, şəhərin inkişafında, mədəni-ictimai həyatında, gənc nəslin formalaşmasında ağsaqqallarımızın böyük xidmətləri var.

Azərbaycanın milli-mənəvi dəyərləri sayılan ağsaqqallara sağlam ömür arzulayan İlham müəllim əmin olduğunu bildirib ki, müdrik və ziyalı insanlardan seçiləcək Şəhər Ağsaqqallar Şurasının tərkibi təşkilatın işini daha da aktivləşdirəcəkdir. 2020-ci ilin payız aylarında Ali Baş Komandan İlham Əliyevin başçılığı altında Azərbaycan Ordusunun 44 gün ərzində qazandığı möhtəşəm qələbədən fərəhlə danışan şəhər rəhbəri qeyd edib ki, işğal olunmuş torpaqlarımızın azad olunmasında Mingəçevirdən olan onlarla oğullarımız öz qəhrəmanlıqları ilə şanlı tarix yazıblar. Belə qəhrəman oğulların yetişdirilməsində ağsaqqallarımızın da az əməyi olmayıb.

Konfransda çıxış edən Azərbaycan Ağsaqqallar Şurasının sədr müavini, millət vəkili Eldar İbrahimov ilk öncə Şuranın sədri, Milli Məclisin deputatı, professor Eldar Quliyevin salamlarını tədbir iştirakçılarına çatdırıb. Sonra o qeyd edib ki, Azərbaycan xalqı, o cümlədən ağsaqqallarımız 44 günlük Vətən müharibəsi zamanı möhtərəm Prezidentimiz İlham Əliyevin ətrafında sıx birləşərək, bütün dünyaya, ikili siyasət aparan beynəlxalq təşkilatlara millətimizin gücünü və iradəsini nümayiş etdirdi. Əldə etdiyimiz bu birlik, Ali Baş Komandanın sarsılmaz qətiyyəti, şanlı Ordumuzun gücü və qüdrəti sayəsində işğal olunmuş torpaqlarımızı işğaldan azad edərək tarixi Zəfər qazandıq. Eldar İbrahimov bildirib ki, hələ də davam edən koronovirus pandemiyasına və bundan irəli gələn bəzi çətinliklərə baxmayaraq, möhtərəm Prezidentimiz rəhbərliyi ilə bu gün Azərbaycanın yeni inkişaf mərhələsinə qədəm qoyub. Azərbaycan Respublikasının Birinci vitse-prezidenti Mehriban xanım Əliyevanın böyük töhfə verdiyi ölkəmizdə davam edən bu tərəqqi prosesi Azərbaycan Ağsaqqallar Şurasında da özünü göstərməkdədir. Hal-hazırda Şuranın sədri, millət vəkili Eldar Quliyevin başçılığı ilə təşkilatda ciddi şəkildə canlanma müşahidə olunur. Belə ki, bütün şəhər və rayon ağsaqqallar şuralarında təşkilati məsələlərə baxılır, seçkilər keçirilir. Artıq təşkilatın yeni Nizamnaməsi qəbul edilmişdir və hal-hazırda rayonlar üçün hazırlanmış Əsasnamələr qəbul olunur. Həmçinin Azərbaycan Ağsaqqallar Şurasının İdarə Heyətində 2021-2023-cü illər üçün Şuranın iş planı hazırlanmışdır və həyata keçirilir. Əsas hədəf ölkəmizdə ağsaqqalların fəaliyyətini və nüfuzunu daha da artırmaqdır və biz əminik ki, təşkilatda təmsil olunan elm, mədəniyyət və ictimai-siyasi xadimlərimizin, tanınmış ziyalılarımızın köməkliyi ilə bu məqsədimizi həyata keçirəcəyik. Çünki ağsaqqallar bizim dünənimiz, bu günümüz və sabahımızdır.

Sonra təşkilati məsələlər müzakirə olundu. Mingəçevir Şəhər Ağsaqqallar Şurasının yeni Əsasnaməsi açıq səsvermə yolu ilə qəbul edildi. Akif Hacıyev yenidən Şuranın sədri seçildi. Konfransda, həmçinin Ağsaqqallar Şurasının İdarə Heyətinin və Təftiş Komissiyasının yeni tərkibi formalaşdırıldı.

Sonda Azərbaycan Ağsaqqallar Şurasının sədr müavini, Milli Məclisin deputatı Eldar İbrahimov və digər natiqlər Mingəçevir Şəhər Ağsaqqallar Şurasının yeni seçilmiş sədrini və heyətini təbrik edərək, gələcək fəaliyyətlərində təşkilat üzvlərinə uğurlar arzuladılar.
Prezident və xanımı Pirşağıda təməlqoyma mərasimində - FotoAprelin 16-da Bakının Pirşağı qəsəbəsində yenidənqurma tədbirlərinə start verilib və təmir-bərpa işlərinin təməli qoyulub.

Avrasiya.net xəbər verir ki, Azərbaycan Respublikasının Prezidenti İlham Əliyev və birinci xanım Mehriban Əliyeva tədbirdə iştirak ediblər.

Qeyd edək ki, Prezident İlham Əliyevin göstərişinə əsasən, 2019-cu ildən Bakı şəhərinin və Abşeron rayonunun qəsəbələrində xüsusi abadlaşdırma işlərinə başlanılıb. Balaxanı qəsəbəsinin timsalında uğurlu təcrübənin şahidi olmuşuq. Bibiheybət, Novxanı, Əmircan, Ramana qəsəbələrində də bu proses davam edir.

Artıq Pirşağı da mahiyyətcə qədim, formaca yeni simasını qazanacaq. Həyata keçirilən tədbirlərin əsas məqsədi buradakı insanların daha yaxşı şəraitdə yaşaması, özlərini daha rahat hiss etmələridir. Pirşağı tarixən iqlim terapiyası üçün əlverişli zona hesab olunub. Yekunda ekoloji vəziyyətin də yaxşılaşdırılması hədəf kimi qarşıya qoyulub.

Qəsəbədə abadlıq işləri həm mövcud binalar üzərində, həm də açıq məkanlarda aparılacaq. Mərkəzi hissədə məscidin qarşısında Şərq bağçılıq ənənələrinə uyğun parkın salınması nəzərdə tutulur. Ənənəvi “Çar-bağ” (Cahar-bağ) prinsipi ilə salınacaq parkın mərkəzində su hövzəsi yerləşdirilib və ondan dörd istiqamətdə yollar ayrılır.

Pirşağıda abadlaşdırma işləri məşğulluğun təminatına da müsbət təsir göstərir. Prosesdə iştirak edənlərin böyük əksəriyyəti məhz yerli sakinlərdən ibarətdir. Yeni siması ilə post-pandemiya dövründə cəlbedici turizm məkanlarından birinə çevrilməyi hədəfləyən Pirşağıda tələbata uyğun məhsulların istehsalı da istisna edilmir.

Prezident İlham Əliyev: Burada həmişə yaxşı şanı üzümü var idi – ağ şanı, qara şanı.

“Bakı Abadlıq Xidməti” MMC-nin müdiri Bünyad Qasımov: 50 min ting əkmişik, davam etdiririk.

Prezident İlham Əliyev: Həmin sortdan?

Bünyad Qasımov: Hazırda dörd sort əkilib, ağ şanı da var, qara şanı da.

Prezident İlham Əliyev: Çox şirin idi, bal kimi.

Abadlaşdırma zamanı tarixi abidələrin bərpası və aşkarlanması əsas məqsədlərdəndir. Pirşağıda bu mənada bərpa-konservasiya olunacaq abidələrdən biri Hacı Şahverdi hamamıdır. Bu hamam XIX əsrdə Pirşağı qəsəbəsinin sakini Hacı Şahverdi tərəfindən inşa olunub. Yerli əhali arasında o, “Qum hamamı” kimi tanıyır.

Prezident İlham Əliyev və birinci xanım Mehriban Əliyeva Hacı Şahverdi hamamı ilə tanış oldular.

Dövlətimizin başçısı və birinci xanım qəsəbədə ağac əkdilər.

Prezident İlham Əliyev Pirşağı qəsəbəsində yenidənqurma və təmir-bərpa işlərinin təməlini qoydu.

Bu il Mərdəkan, Buzovna və Maştağa qəsəbələrinin də bu prosesə qoşulacağı gözlənilir.

Sonra dövlətimizin başçısı və xanımı qəsəbə ilə tanış oldular.

Bakı şəhərinin və Abşeron rayonunun qəsəbələrində həyata keçirilən bu layihələr həm tarixilik, həm də mövcud reallıqlar baxımından xüsusi əhəmiyyət kəsb edir. İlk növbədə, yerli memarlıq məktəbinin üslubları və özünəməxsus rəng çalarları yenidən canlandırılır və gələcək nəsillərə ötürülür. Post-müharibə və mövcud pandemiya reallığından baxdıqda isə iqtisadi gücümüzün böyük dərəcədə artdığı, hətta qlobal çağırışlara rəğmən, heç bir sosial layihənin ixtisar olunmadığı aydın görünür.

Pirşağı qəsəbəsində yenidənqurma işlərinin layihəsindən danışan Bünyad Qasımov bildirdi ki, Dövlət Şəhərsalma və Arxitektura Komitəsi ilə birgə müsabiqə elan etdik. Bu qəsəbədə yenidənqurma tədbirlərinin konseptual layihəsini hazırlamaq üçün 20-dən artıq iş topladıq. Sözsüz ki, qəsəbənin öz xüsusiyyətlərini, buranın ab-havasını, Abşeronun mədəniyyətini və digər amilləri nəzərə alacağıq.
Dilqəm: Şahbaz erməni agentidir, bu da sübutları... - VideoXəbər verdiyimiz kimi, bir neçə gündür erməni girovluğundan azad edilən Dilqəm Əsgərovla Şahbaz Quliyevin mübahisəsi davam edir. Onlarla birlikdə olan Həsən Həsənovun öldürülməsində Dilqəm Əsəgərovun Ş.Quliyevi suçlaması bu mübahisələri daha da qızışdırıb.

Avrasiya.net xəbər verir ki, Dilqəm Əsgərov Moderator.az-a açıqlamasında Şahbaz Quliyevin onları ermənilərə satdığını bildirib:

“Məndə bizim məhkəmələrin qərarı var. Şahbazın danışdıqları, tutulması, bizi satması, erməni agenti olması orda yazılıb. Mən indiyə qədər susurdum, istəmirdim bu məsələni açıqlayam. Mən indi bu dəfə istəyirəm ki, Şahbazı xalqın öhdəsinə verim. Qoy camaat görsün ki, Bakıda olan ermənilər bu ermənini öyrədib orda məni tutdurdular, Həsəni öldürtdürdülər. İndi də burdakı ermənilər Şahbazı müdafiə edib, onun işlərinin üstünü ört-basdır edir. Amma onlar bilmir ki, üç məhkəmə sənədinin qərarı məndədir. Burda bir məsələ var.

Şahbaz fermaya ermənilərin yanına gedib və orda Yutub səhifəsinə girərək mənim şəklimi çıxartdırıb, bütün Ermənistana yaydırıb. Yalandan deyir ki, mən Əsgərovu arxamca çəkib vurdum. Düzdü, o, məni bir neçə dəfə vurub və bu əmri də ermənilər verib.

Burda Həsənin ölüm məsələsi var. İndi hər şeyi sizə açıqlayacam. Həsən ayın 9-da tutulmayıb. Burda əlimdə məhkəmənin sənədləri var. Şahbaz ayın 8-də tutulub, Həsən ayın 11-də öldürülüb, mən isə ayın 14-də tutulmuşam. Bütün bu sənədlərin hamısı məndədir. Mənim haqqımda yazılan kitab da Şahbazın həyat yoldaşı Albinanın əliylə Qarabağa göndərilib. İndi Bakıdakı erməni agentləri ki var, həmin o adamlar istəyirlər ki, Şahbazın işlərinin üstü açılmasın. Mən indi bu məhkəmə sənədlərini gətirib Həsənin qardaşlarına verəcəm. Qoy, Həsənin ölümünə görə cavab versin.

Həsənin başına baxmışam, onun başına tapançayla atəş açıblar. Həsən öz-özünü vurmayıb. Həsənin qıçından iki güllə dəyib.

Şahbaz məni öldürmək istəyirdi. İki dəfə “dubinka”yla başımdan vurdu və mən paralic keçirdim. Bir tərəfim işləmədi. Qırmızı Xaç Komitəsinin həkimləri ayaqlarımı güclə bərpa etdi. Ondan soruşdum ki, sən məni niyə vurursan? Dedi ki, çünki günahını boynuna almırsan, günahını boynuna al. Amma indi mətbuata açıqlama verib deyir ki, mən Əsgərovu belimdə daşımışam. Sən məni haçan belində daşımısan? Mən onun haqqında Şuşa türməsində ayaqyolunun böyründəki boruya bütün bu məlumatları yazıb qoymuşam. Çünki Bakıdakı ermənilər Şahbaz Quliyev kimi ermənini müdafiə edir. Düşünürdüm ki, ola bilər başıma nəsə gəlsin, ona görə o məlumatları borunun içinə qoydum ki, nə vaxtsa torpaqlar işğaldan azad ediləndən sonra azərbaycanlılar bu məlumatı bilsinlər. Qırmızı Xaç Komitəsinə ərizə yazıb bildirdim ki, bu agent olduğuna görə onunla bir otaqda qalmıram. Bakıda bəzi erməni təşkilatlarının üzvləri var və Şahbaz da onların adamıdır. Çalışırlar ki, onu müdafiə etsinlər, amma bu da mümkün deyil. Utanmaz-utanmaz Azərbaycan bayrağını çiyninə taxıb, amma sən o bayrağı məhkəmədə təhqir elədin. İndi gəlib bayraq belində gəzirsən. İyirmi dəfə getmişdim Qarabağa. Bir dəfə Şahbazı apardım və onda da bizi satdı, Həsən də öldürüldü”.

Şahbaz Quliyev isə bu ittihamlarla razılaşmayıb:

“Sizin işiniz-gücünüz yoxdur? İki aydır ki, bu mübahisə gedir. O adam dəlidi, xəstəxanaya yerləşdirmək lazımdır. O, dəlidi və məni də əsəb xəstəliyinə salıb. Onu tutdururdumsa, elə orda tutdurardım da. Səkkiz gündən sonra həbs etdirdim?”


axar.az
"Rəsmi Bakı siyasi müdriklik və diplomatik çeviklik nümayiş etdirir"ATƏT-in Minsk Qrupu həmsədrlərinin yaydığı son bəyanat hər nə qədər mənasız və məzmunsuz olsa da, amma gözlənilən idi. Onlar Azərbaycan Prezidenti İlham Əliyevin son çıxışlarında həmsədrlərin ünvanına səsləndirdiyi haqlı tənqidlərdən sonra necə deyərlər, qış yuxusundan ayıldılar və hərəkətə keçdilər. Lakin hərəkətə keçməkləri isə özünü günün normal saatlarında yox, gecə vaxtı tələm-tələsik bəyanat yaymaqları ilə göstərdi.

Belə ki, Azərbaycan Ordusunun 44 günlük müharibə nəticəsində torpaqlarımızı işğaldan azad etməklə Dağlıq Qarabağ münaqişəsini çözməsindən və 10 noyabr Bəyanatından irəli gələrək Rusiya-Türkiyə formatının ortaya çıxmasından sonra faktiki olaraq işsiz qalan, autsayder vəziyyətinə düşən həmsədrlərin bu bəyanatı əslində "mən də varam" (və yaxud, "biz də varıq") ismarıcından başqa bir şey deyil. Və bu ismarıc həm acizanə ismarıcdır, həm də eyni zamanda müəyyən hiyləgər planlardan xəbər verir.

Məlum məsələdir ki, ABŞ və Fransanın timsalında Qərb yenidən prosesə qayıtmaq istəyir. Qərb Cənubi Qafqazda cərəyan edən geopolitik proseslərdən kənarda buraxılması ilə heç cürə razılaşa bilmir. Ancaq bu da bir gerçəklikdir ki, hazırda Minsk Qrupunun indiki formatda regionda görə biləcəyi elə də mühüm bir iş qalmayıb. Düzdür, Türkiyə ilə birlikdə yeni formatda iştirak edən və 10 noyabr üçtərəfli razılaşmasının yerinə yetirilməsi prosesində vasitəçilik rolunu daşıyan Rusiya hansısa məqamda Azərbaycanı güzəştlərə məcbur etmək və ya Türkiyəni neytrallaşdırmaq üçün Minsk Qrupu həmsədrləri formatının yenidən tam gücüylə canlandırılmasına təşəbbüs göstərə bilər. Elə sözügedən sonuncu bəyanatı imzalayanların arasında rusiyalı həmsədr İqor Popovun da imzasının olması onu göstərir ki, 5 ay öncəki situasiyadan fərqli olaraq hazırda Rusiya Minsk Qrupu həmsədrlərinin "offsayd"da qalmasında yox, yenidən fəallaşmasında maraqlıdır. Lakin həmsədrlər fəallaşıb da nə edəcəklər, hansı işi görə biləcəklər, bax, bu suala hələlik onların özləri də düz-əməlli, qane edici bir cavab tapa bilmirlər.

Əlbəttə, həmsədrlərin postmünaqişə dönəmində hansısa humanitar missiyalarda iştirak etmələri mümkündür. Məsələn, tutaq ki, həmsədrlər məcburi köçkünlərin öz evlərinə qayıtması, işğalçı ölkənin Azərbaycana təzminat ödəməsi, müharibə canilərinin məhkəmə qarşısına çıxarılması kimi məsələlərdə aktivlik göstərə bilərlər. Amma bütün bu kimi təklif və ideyalar öncə rəsmi Bakıya təqdim edilməli, hər bir detal Azərbaycanın dövlət başçısı ilə razılaşdırılmalıdır.

Eyni zamanda Prezident İlham Əliyevin Belarus Respublikasının Prezidenti Aleksandr Lukaşenko ilə birlikdə mətbuata bəyanatla çıxış edərkən Minsk Qrupu ilə bağlı verdiyi tövsiyyəni həmsədrlər özləri üçün "yol xəritəsi" hesab edərək yeni və tutarlı təkliflərlə, ideyalarla çıxış etməlidirlər. Hesab edirəm ki, İlham Əliyevin həmin açıqlamasını həm həmsədrlərin özlərinə, həm də onların təmsil etdikləri ölkələrin liderlərinə xatırlatmaqda fayda var. Azərbaycan Prezidenti bildirib: "Bizim xarici işlər naziri mənə bu gün məruzə etdi ki, Minsk qrupunun fəaliyyəti ilə bağlı mənim dünənki şərhimdən sonra həmin qrup bəyanat verib. Təbii ki, mən o bəyanatla tanış olacağam. Lakin necə deyərlər, ümidvaram ki, Minsk şəhəri ilə bağlı bütün başqa formatlar sülh yolu ilə nizamlanacaq. Biz Ermənistanla münaqişəni demək olar 30 il müddətində sülh yolu ilə nizamlamaq istədik. Danışıqlar prosesinə sadiq olmağımız da bizim niyyətlərimizə dəlalət edir. Buna görə də münaqişənin hərbi-siyasi yolla nizamlanmasında təqsirkar, əlbəttə, işğalçı ölkədir. Əgər onlar müharibədən əvvəl və hətta müharibə dövründə də bizim ərazilərimizi tərk etmək barədə mənim çağırışlarıma, israrlı tələblərimə qulaq assaydılar, müharibənin nəticələri Ermənistan üçün bu dərəcədə ağrılı olmazdı. Bütün təqsirlər onlardadır... Mən Aleksandr Qriqoryeviçə onu da dedim ki, Minsk şəhəri ilə bağlı bir format artıq keçmişdə qalıb. Minsk qrupu mövcuddur, lakin münaqişə nizamlanıb. Minsk qrupunun nə ilə məşğul olacağı bizə hələ məlum deyil. Biz onlardan kreativ ideyalar gözləyirik".

Gördüyümüz kimi İlham Əliyev Minsk Qrupunun bu günkü durumu və gələcək taleyi ilə bağlı mövqeyini tam açıq şəkildə ifadə edib. Yəni ki, rəsmi Bakı istəsə bu mövzunu qapada bilər, həmsədrlərin vasitəçilik missiyasından ümumiyyətlə, tamamilə imtina da edə bilər. Lakin rəsmi Bakı siyasi müdriklik və diplomatik çeviklik nümayiş etdirir. Prezident İlham Əliyev həmsədrləri münaqişədən sonra yaranmış yeni vəziyyətdə, yeni reallıqlarda nə kimi işlər görə biləcəkləri barədə düşünməyə və müzakirələrə dəvət edir. Yəni ki, bununla Azərbaycan olaraq bir daha müzakirələrə açıq olduğumuzu, sülhün bərqərar olmasına xidmət edə biləcək hər bir faydalı təklifi dəyərləndirməyə hazır olduğumuzu hər kəsə nümayiş etdirdik.

İndi baxaq görək bizim bu xoşgörülü davranışımızın qarşılığında həmsədrlər qərəzsiz davranmağı, "ikili standart"lardan əl çəkməyi və az da olsa hansısa faydalı, rasional təkliflərlə çıxış etməyi bacaracaqlarmı? Hərçənd ki, Minsk Qrupunun 30 illik fəaliyyətsizliyi ümid üçün zərrə qədər yer qoymasa da belə, lakin biz onlara son dəfə şans verməklə gələcək geosiyasi və diplomatik proseslərdə özümüz üçün əlavə manevr imkanları yaratmış olacayıq.

Əlisahib Hüseynov
Milli Həmrəylik Partiyasının sədri
Gürcüstanda banka hücum edildi: girovlar varTiflisin Avlabari rayonunda Gürcüstan Bankının filialına naməlum şəxs hücum edib.

Məlumatı “Rustavi 2” televiziyası yayıb. Məlumata görə, hücum edən şəxs filialdakı şəxsləri girov götürüb.

Onun təkbaşına hərəkət etdiyinin ehtimal olduğunu bildirib.

Polis insidentin baş verdiyi ərazini mühasirəyə alıb.

Qeyd edək ki, bir müddət öncə də qonşu ölkədə bənzər insident yaşanmışdı.
Medianın İnkişafı Agentliyinə mətbuat katibi təyin olunubAzərbaycan Respublikasının Medianın İnkişafı Agentliyində (MEDİA) yeni təyinat olub.

"Report"un əldə etdiyi məlumata görə, Səidə Şəfiyeva Medianın İnkişafı Agentliyinin Kommunikasiya və informasiya texnologiyaları departamentinin Kommunikasiya şöbəsinin müdiri (mətbuat katibi) təyin olunub.

Qeyd edək ki, Azərbaycan Dillər Universitetinin məzunu olan Səidə Şəfiyeva daha əvvəl “Azərbaycan Televiziya və Radio Verilişləri” QSC-nin İnformasiya proqramları baş studiyasında müxbir, aparıcı və baş redaktor vəzifələrində çalışıb.
Arvadını öldürdü, 17 yaşlı gəlinini döyə-döyə zorladı - Azərbaycanda AĞLASIĞMAZ OLAYÖtən ilin iyun ayında Balakən rayonunda həbs edilmiş rayonun Şumbul kənd sakini 1961-ci il təvəllüdlü Teymur Əhmədov barəsində Azərbaycan Respublikasının Cinayət Məcəlləsinin müxtəlif maddələri ilə iş açılıb.

Publika.az xəbər verir ki, T.Əhmədov barəsində Məcəllənin 150.2.3-cü (Seksual xarakterli zorakılıq hərəkətləri - təqsirkar üçün aşkar surətdə yetkinlik yaşına çatmayan şəxs barəsində törədildikdə), 150.2.5-ci (həmin əməllər təkrar törədildikdə), 134-cü (Öldürməklə və ya sağlamlığa ağır zərər vurmaqla hədələmə), 229.4-cü ( Qanunsuz olaraq qaz silahını, soyuq silahı, o cümlədən soyuq atıcı silahı hazırlama), 228.4-cü(Qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə, milli geyim ləvazimatı hesab olunan ərazilərdə və ya ovçuluq peşəsi ilə bağlı olaraq soyuq silahı gəzdirmə halları istisna olmaqla), 127.2.2-ci (Qəsdən sağlamlığa az ağır zərər vurma - xüsusi amansızlıqla, o cümlədən zərərçəkənə ağır iztirablar verməklə və ya sifarişlə, habelə təqsirkar üçün aşkar surətdə köməksiz vəziyyətdə olan şəxs barəsində törədildikdə), 149.2.3-cü (Zorlama - təqsirkar şəxs üçün aşkar surətdə yetkinlik yaşına çatmayan şəxsə qarşı törədildikdə) və 149.2.4-cü (Zorlama - zərərçəkmiş şəxsi və ya başqa şəxsləri öldürmə və ya sağlamlığa ağır zərər vurma hədəsi ilə, habelə xüsusi amansızlıqla törədildikdə) açılmış iş üzrə Şəki Ağır Cinayətlər Məhkəməsində keçirilmiş proses yekunlaşıb. T.Əhmədovun gəlini, 2003-cü il təvəllüdlü Aliyə Əhmədovanın (ad şərtidir) və oğlunun zərəçəkmiş şəxs kimi tanındığı iş üzrə təqsirləndirilən şəxsin əməlləri sübuta yetirilib və o, 9 il 6 ay müddətinə azadlıqdan məhrum edilib.

Həbsxanadan kəndə qayıdış

Məhkəmə prosesində bildirilib ki, Teymur Əhmədov 1993-cü ildə həmkəndlisi Məhəmməd Burtiyevə vintaçanla hücum edərək ona xəsarət yetirib və buna görə 4 il 6 ay həbsxana həyatı yaşayıb. Azadlığa çıxdıqdan sonra isə o, 2008-ci ildə o, həyat yoldaşı Ayzənət Əhmədovanın boğazını kəsərək qadını qətlə yetirib. 10 il həbsxanada saxlanılan Teymur 2018-ci ildə azadlığa çıxıb və Şumbul kəndinə qayıdıb. Bundan sonra o, əvvəlcə qardaşının, daha sonra isə oğlu Amir Əhmədov (ad şərtidir) və gəlini Aliyənin yanında yaşamağa başlayıb. Kənddə problemli adam kimi tanınan, heç kimlə münasibəti olmayan Teymur tədricən evdə problemlər yaratmağa, dava-dalaş salmağa başlayıb.

2020-ci ilin fevral ayından etibarən T.Əhmədov oğlunun evdə olmadığı vaxtlarda bir neçə dəfə gəlinə qarşı seksual xarakterli hərəkətlər edib. O, gəlini ilə cinsi əlaqədə olmağa cəhd edib. Bu səbəbdən də dava-dalaş olub. Daha sonra üzr istədiyinə və ibadətlə məşğul olacağına söz verdiyi üçün oğlu onu bağışlayıb. Lakin gəlini Aliyə isə qayınatasını bağışlamayacağını deyib. Çirkin niyyətinə nail ola bilməyən Teymur daha sonra gəlininin qonşuluqda yaşayan və təxminnə 50 yaşında olan R.Q ilə münasibətinin olduğunu deyib. O, gəlinindən qonşunun evinə gedib-gəlməməsini tələb edib, yoxsa onu da Ayzənət kimi öldürəcəyini deyib. Eyni zamanda gəlini ilə cinsi əlaqədə olmağa çalışan şəxs bıçaqla ona bir neçə dəfə hədə-qorxu gələrək niyyətinin real olmasını göstərməyə çalışıb. Bu müddət ərzində T.Əhmədov armaturdan soyuq silah hazırlayaraq onun bir hissəsini parça ilə örtüb və ağır xəsarət yetirə biləcəyi alətlə gəzməyə başlayıb.

Gəlininə gözü düşdü

T.Əhmədovun əməlləri, eləcə də onun gəlinini şərləməsi, seksual xarakterli zorakılıq hərəkətləri etməsi və soyuq silahla hədələməsi barəsində oğlu və gəlini onun barəsində hüquq-mühafizə orqanlarına məlumat verib. Bundan sonra, yəni ötən ilin iyun ayının əvvəlində T.Əhmədov qisas məqsədilə oğlu və gəlininin yaşadığı fermaya yollanıb. O, özü ilə armaturdan hazırladığı soyuq silahı da götürüb. Fermadakı evin qarşısına çatdıqda o, gəlini Aliyənin tək olduğunu və qab-qacaq yuduğunu görüb. T.Əhmədov gəlinindən onunla birgə getməsini tələb edib. Aliyə bundan imtina etdikdə o, özü ilə gətirdiyi armaturla qadının başına zərbə endirib. Başının kəllə sümüyü çartlayan qadının başqa bədən nahiyələrinə də zərbələr endirən kişi gənc qızın müqavimətini qırıb və ondan yapışaraq özü ilə gəlməyə vadar edib. T.Əhmədov gəlinini fermadan bir qədər aralıdakı çöllüyə doğru aparıb və yol boyu onu bir neçə dəfə itələyərək içərisi quru kolla dolu olan kanala itələyib və hər dəfə oradan çıxmasını tələb edib. Başı, üzü və əlləri qan içində olan Aliyəni 300 metrə qədər aparandan sonra o, qızı yenidən kanala itələyib və paltarlarını soyunmasını tələb edərək armaturla zərbələr endirib.

"Məni zorladıqdan sonra öldürəcəyini düşündüm"

İstintaqa ifadə verən Aliyə Əhmədova qeyd edib ki, qayınatası onu həmin əraziyə apararkən əvvəlcə qətlə yetiriləcəyini düşünüb. Sonrakı tələblərini eşidəndən sonra isə Teymurun onu əvvəlcə zorlayıb sonra öldürəcəyini yəqin edib və ağlayaraq yalvarmağa, qışqırmağa başlayıb. Lakin ətrafda heç kim olmadığından onun səsini eşidən olmayıb.

Xəndəyin içində olarkən Aliyəni tam soyunduran kişi onun donunu yerə sərib uzanmasını tələb edib. Bir küncə qısılaraq oturan qadın Teymurun gizlətdiyi iri bıçağı da görərək daha da qorxub və yalvarmağa başlayıb. O, T.Əhmədovun tələbini yerinə yetirirək yerdə uzanıb. Bundan sonra T.Əhmədov gəlininin müqavimətinə baxmayaraq onun köməksiz və halsız vəziyyətdə olmasından istifadə edərək 10 dəqiqə müddətində zorlayıb. Daha sonra o, Aliyənin paltarlarını geyinib onunla gəlməsini tələb edib xəndəkdən çıxararaq daha uzağa aparıb. O, qızdan həmin ərazidəki su arxında paltarlarını yumasını və hadisə barədə heç kimə deməməsini, bundan sonra normal gəlin-qayınata münasibətində olacaqlarını deyərək onu buraxıb.

Qaça-qaça evə gələn Aliyə baş verənlər barədə həyat yoldaşına danışsa da, zorlanması barədə deməyib, yalnız Teymurun onu döydüyünü bildirib. Onlar bu barədə polisə məlumat veriblər və xəstəxanaya gediblər. Polis əməkdaşları gecə saatlarında fermaya gələrək T.Əhmədovu çöllük ərazidə yaxalayıb.

İstintaqa zərərçəkmiş şəxs qismində ifadə verən T.Əhmədovun oğlu da həyat yoldaşı ilə eyni fikirləri səsləndirib.

Ailəmizin namusunu təmizlədim

Teymur Əhmədov isə ona böhtan atıldığını, gəlininə qarşı seksual xarakterli hərəkətlər etmədiyini, onu zorlamadığını, oğlunun ondan 2008-ci ildə anasını qətlə yetirdiyinə görə qisas aldığını bildirib. O, gəlini Aliyənin qonşuluqda yaşayan R.Q ilə gizli görüşdüyünü iddia edib və buna görə acıqlandığını bildirib. Təqsirləndirilən şəxs hadisə baş verən gün, yəni 2020-ci il iyunun 4-də fermaya gedərək əslində münasibətləri aydınlaşdırmaq istədiyini, hadisədən 1 neçə gün əvvəl oğlu Amir Əhmədovun onu niyə vurduğunu soruşmaq istədiyini, bu zaman isə gəlininin armaturla onu vurduğunu bildirib. Təqsirləndirilən şəxs oğluna əslində yaxşılıq etdiyini, anasını öldürərək namusunu təmizlədiyin, Amirin isə biqeyrət olduğunu deyib.

Məhkəmə tərəflərin və şahidlərin çıxışlarını dinlədikdən sonra, eləcə də sübut və dəlillər dəyərləndirilərək T.Əhmədovun 9 il 6 ay müddətinə azadlıqdan məhrum edilməsinə qərar verib.

Qeyd edək ki, zərərkəçmiş şəxslər Dağıstanda evlənərkən Aliyə yetkinlik yaşına çatmayıb. Buna görə də Amir Əhmədov Rusiya qanunvericiliyinə uyğun cəza çəkib və cəzasını bitirdikdən sonra Balakənə qayıdıb.