Olimpiya çempionu intihar etdiABŞ-ın Leyk-Plesid şəhərciyində keçirilmiş 1980-ci il Qış Olimpiya Oyunlarının qalibi Mark Paveliç 63 yaşında vəfaat edib.

Avrasiya.net xəbər verir ki, ABŞ-ın buzüstü xokkey millisinin keçmiş üzvü intihar edib. Yerli polis apardığı araşdırma nəticəsində belə qənaətə gəlib. Paveliçin özünü boğaraq öldürdüyü müəyyən olunub.

Qeyd edək ki, Mark Paveliç 1980-ci il olimpiadasında ABŞ yığmasının heyətində 7 oyuna 7 xal (1 qol + 6 ötürmə) toplayıb. O, final mərhələsində SSRİ ilə görüşdə 2 məhsuldar ötürmə verərək, 4:3 hesablı qələbədə pay sahibi olub.
Sülhməramlılar erməniləri yenə Kəlbəcərə APARDI"Rusiya sülhməramlı kontingenti Dağlıq Qarabağ ərazisində tapşırıqları yerinə yetirməyə davam edir".

Avrasiya.net xəbər verir ki, bu barədə Rusiya Müdafiə Nazirliyinin (MN) Dağlıq Qarabağ münaqişəsi zonasındakı Rusiya sülhməramlı kontingentinin aprelin 5-nə olan fəaliyyəti ilə bağlı məlumatında bildirilir.

"İyirmi yeddi müşahidə məntəqəsində Rusiya sülhməramlıları gecə-gündüz vəziyyəti izləyir və atəşkəs rejiminə əməl olunmasına nəzarət edirlər.

Atəşkəs bütün təmas xəttində müşahidə olunur.

Rus sülhməramlıları vətəndaşların təhlükəsiz hərəkətini və mülki infrastrukturun bərpasını təmin edirlər", - açıqlamada deyilir.

Bildirilib ki, Humanitar Minalardan Təmizləmə Mərkəzinin minalardan təmizlənməsi qrupları Dağlıq Qarabağ ərazilərinin minalardan təmizlənməsi üzrə işlərini davam etdirirlər. Ümumilikdə, 23 noyabr 2020-ci ildən bəri 1900 hektar ərazi, 583 km yol, 30 sosial əhəmiyyətli obyekt daxil olmaqla 1658 yaşayış binası partlamamış hərbi sursatlardan təmizlənib, 25 404 partlayıcı maddə aşkar edilərək zərərsizləşdirilib.

Məlumata görə, bu gün sülhməramlılar tərəfindən erməni zəvvarların Xankəndidən Xudavəng (Kəlbəcər rayonunun Vəng kəndi) və Amaras (Yuxarı Veysəlli) monastırlarına səfəri müşayiət olunub.

"Rusiya sülhməramlı kontingentinin məsuliyyət zonasında baş verə biləcək hadisələrin qarşısını almaq üçün səyləri koordinasiya etmək üçün Azərbaycan və Ermənistan silahlı qüvvələrinin baş qərargahları ilə davamlı qarşılıqlı əlaqə saxlanılır", - deyə Rusiya MN-dən bildirilib.