“Topal Teymur”, “Salman bəy”, “Müşkünaz xanım”, “Mirzə Fətəli” bir filmdəAzərbaycanın Xalq artisti, tanınmış teatr, kino və televiziya rejissoru Ramiz Həsənoğlunun 75 illik yubileyi ilə bağlı film çəkilir.

AzTV-nin Sosial media və ictimaiyyətlə əlaqələr şöbəsinin məlumatına görə, bu, R.Həsənoğlunun yubileyinə Azərbaycan Televiziyasının hədiyyəsidir.
Şərti adı “Uzun yolun bələdçisi” olan filmin rejissoru Elnur Məmmədov, ssenari müəllifi isə Afaq Vasifqızıdır.
Filmdə Ramiz Həsənoğlunun bir zamanlar TV-də, teatrda, kinoda yaratdığı obrazlar – topal Teymur, Salman bəy, Zəhra xalaqızı, Müşkünaz xanım, Mirzə Fətəli bir araya gələcəklər. Lakin bu dəfə yeni ampluada.

Rejissorun ən yadda qalan qəhrəmanlarını elə onları yaradan aktyorlar – Cahangir Novruzov, Afaq Bəşirqızı, Məbud Məhərrəmov, Elman Rəfiyev, Hacı İsmayılov, Dilarə Əliyeva, Rasim Balayev, Məmməd Səfa, İlham Namiq Kamal və digərləri canlandıracaq.
Ramiz Həsənoğlunun həyatından da parçaların nümayiş olunacağı filmin çəkilişləri hazırda davam edir.
Məlumat üçün bildirək ki, R.Həsənoğlu 13 aprel 1946-cı ildə anadan olub.
Azərbaycanda daha 1129 nəfər yoluxdu - 22 nəfər öldüAzərbaycanda koronavirus (COVID-19) infeksiyasına 1 129 yeni yoluxma faktı qeydə alınıb, 349 nəfər müalicə olunaraq sağalıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, COVID-19 üçün götürülən analiz nümunələri müsbət çıxmış 22 nəfər vəfat edib.

Azərbaycanda indiyədək ümumilikdə 257 330 nəfər koronavirus infeksiyasına yoluxub, onlardan 236 500 nəfər müalicə olunaraq sağalıb, 3 513 nəfər vəfat edib, aktiv xəstə sayı 17 317 nəfərdir.

Son sutka ərzində 7 630, hazırkı dövrədək isə 2 844 674 test aparılıb.
Bakıda partiya sədri həbs edildi - FOTOTəhsil Nazirliyinin sabiq idarə rəisinə qarşı dələduzluqda ittiham olunan Azərbaycan Mübarizləri Partiyasının sədri növbəti dəfə məhkəmə önünə çıxarılıb.

Avrasiya.net musavat.com-a istinadən xəbər verir ki, Bakı Ağır Cinayətlər Məhkəməsində Ağadur Müslümovun cinayət işi üzrə məhkəmə iclası keçirilib.

Hakim Əhməd Quliyevin sədrliyi ilə keçirilən prosesdə hökm oxunub. Hökmə əsasən Cinayət Məcəlləsinin 178.3.2-ci (dələduzluq, külli miqdarda ziyan vurduqda) maddəsi ilə ittiham olunan Ağadur Müslümov 5 il 6 ay müddətinə azadlıqdan məhrum edilib.

Məhkəmənin hökmü ilə azadlıqda polis nəzarətində olan Ağadur Müslümov barəsində həbs qətimkan tədbiri seçilib və o, məhkəmə zalında qandallanıb.

Qeyd edək, Azərbaycan Mübarizləri Partiyasının sədri Ağadur Müslümov külli miqdarda dələduzluqda ittiham olunur.

İş üzrə iki nəfər zərərçəkən var. Onlar - İran vətəndaşı Khorazme Alireza Ghorban və Babayev İsaxan Teymur oğludur.

Zərərçəkmiş İsaxan Babayev Təhsil Nazirliyinin Tikinti İdarəsinin sabiq rəisi olub.

İsaxan Babayev polisə ərizə ilə müraciət edərək, 2013-cü ildə Ağadur Müslümova 100 min manat verdiyini, həmin şəxsin bunun müqabilində ona Təhsil Nazirliyinin idarə rəisi vəzifəsində qalmağa köməklik göstərəcəyini vəd etdiyini bildirib.

Lakin A. Müslümov pulu alsa da, vədinə əməl etməyib. Misir Mərdanov təhsil naziri vəzifəsindən getdikdən sonra İ. Babayev də işdən çıxarılıb.


Daş karxanasında mişar fəhlənin başını kəsdiMartın 27-də saat 05 radələrində Qaradağ rayonu, Korgöz qəsəbəsi ərazisində yerləşən daş karxanasında mişar daşı idarə edən - kombanyor, 1964-cü il təvəllüdlü Balafər Əmirovun ölməsi barədə rayon prokurorluğuna məlumat daxil olub.

Bu barədə Avrasiya.net-ə Qaradağ Rayon Prokurorluğundan məlumat verilib.

Aparılan araşdırmalarla müəyyən edilib ki, kombayn mişarının Balafər Əmirovun baş nəhiyəsini kəsməsi nəticəsində o, hadisə yerində ölüb.

Faktla bağlı Qaradağ Rayon Prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanmıb.

Prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, məhkəmə-tibb və məhkəmə-texniki təhlükəsizlik ekspertizaları təyin olunmuş və digər zəruri tədbirlər yerinə yetirilib.

Hazırda iş üzrə istintaq hərəkətləri davam etdirilir.
Bakı sakini 3 nəfər tərəfindən döyüldüBakıda quldurluq hadisəsi olub.

Bu barədə Avrasiya.net-ə Daxili İşlər Nazirliyinin (DİN) Mətbuat xidmətindən məlumat verilib.

Bildirilib ki, Suraxanı Rayon Polis İdarəsi 30-cu Polis Şöbəsi əməkdaşlarının keçirdikləri əməliyyat-axtarış tədbirləri nəticəsində martın 27-də Hövsan qəsəbə sakini A.Quseyi döyüb mobil telefonunu quldurluq yolu ilə talamaqda şübhəli bilinən Bakı şəhər sakinləri R.Quliyev, İ.İzabayeva və A.Bağırov saxlanılıb.

Azərbaycanlıların soyqırımı Ukrayna mediasındaADİİM sədri, tanınmış jurnalist Cavid Şahverdiyevin Ukraynanın nüfuzlu Asmedia.kiev.ua saytında rus dilində 31 Mart Azərbaycanlıların Soyqırımı ilə bağlı geniş yazısı dərc olunub.

Yazıda qeyd olunub ki, XX əsrin ilk illərində “Böyük Ermənistan”xülyasını həyəta keçirmək məqsədilə Bakı, Naxçıvan, Zəngəzur , İrəvan mahalı və Azərbaycanın digər tarixi ərazilərində minlərlə azərbaycanlı qəddarlıqla öldürüldü. 1917-ci il dekabr 1918-ci il mart aylarında Andranikin rəhbərliyi ilə 197 kənddə, İrəvan şəhərində 32, Eçmiadzində 84, Nor-Bayazidin 7 şəhərində azərbaycanlılar tarixi torpaqlarından didərgin salındı, öldürüldü, evləri yandırıldı. Oktyabr inqilabından sonra isə deportasiya siyasətini Şaumyan həyata kieçirdi.

Onun başçılığı ilə daşnaklar 1918-ci ilin 30 mart və 3 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə Bakı Soveti və Daşnaksütundan olan erməni silahlı dəstələrinin azərbaycanlılara qarşı qırğınlar törətdilər. Digər Salyan, Nəvahi, Lənkəran, Kürdəmir kimi rayonlarda da qırğınlar törədilsə də, öldürülən insanların sayı dəqiq bilinmir.

Rəsmi sənədlərə əsasən təkcə Şamaxıda 8 min dinc əhali öldürüldü. Cavanşirdə 28 kənd yerlə-yeksan edildi, Gümrü yaxınlığında ermənilərin qurduğu tələyə 3 min miqrant düşdü, Naxçıvanda bir neçə kənd yandırıldı, Zəngəzurun azərbaycanlıların yaşadığı 115 kəndi dağıdıldı, 3257 kişi, 2276 qadın, 2196 uşaq öldürüldü. Təkcə Zəngəzurda 10068 azərbaycanlı öldürüldü, şikəst edildi, 50000-i qaçqın düşdü. İrəvan quberniyasında isə 135 min azərbaycanlı qətl edildi. 1918-1920-ci illərdə Qarabağda 150 kənd dağıdıldı, yüzlərlə azərbaycanlı qətlə yetirildi.

Yazıda ermənilərin Qubada yəhudilərə qarşı törətdikləri soyqırımdan da bəhs edilib.
Daha sonra erməni daşnaklarının Qarabağda dinc azərbaycanlıları qətliamında toxunulub.

Həmçinin beynəlxlaq ekspert və araşdırmaçıların ermənilərin azərbaycanlılara qarşı törətdikləri soyqırım sıyasəti ilə bağlı dəlilləri də yer alıb.

Müəllif onu da qeyd edib ki, Azərbaycanın Ümumilli lideri Heydər Əliyevin 26 mart 1998-ci il tarixli Sərəncamı ilə 31 mart Azərbaycanlıların Soyqırımı Günü kimi qeyd olunur.

Sənəddə 1905-1907, 1918, 1948-1953-cü və 1988-ci illərdə ermənilərin azərbaycanlılara qarşı planlaşdırdığı və həyata keçirdiyi soyqırım, deportasiya hadisələrindən bəhs edilib.

Yazının tam mətni aşağıdakı linkdə:
https://asmedia.kiev.ua/kriminal/31-marta-den-genoczida-azerbajdzhanczev
Sabiq başçı rüşvəti onlardan alırmış - VideoDövlət Təhlükəsizliyi Xidməti tərəfindən saxlanılan Neftçalanın sabiq icra başçısı İsmayıl Vəliyevin bəzi cinayət əməlləri üzrə detallar məlum olub.

Avrasiya.net Bakı TV-yə istinadən xəbər verir ki, hazırda həbsdə olan İ.Vəliyev icra hakimiyyətinin şöbə müdiri olmuş Anar Cəfərov vasitəsilə vəzifələri ilə əlaqədar himayədarlıq etmək və əməllərinə laqeydlik göstərmək müqabilində rayondakı digər vəzifəli şəxslərdən külli miqdarda rüşvət almaqda ittiham edilir.

Belə ki, Cəfərov İsmayıl Vəliyevin tapşırığı ilə rayonun Xıllı qəsəbə bələdiyyəsinin sədri Muxtar Rəsulovdan 2015-ci ildə maneəsiz fəaliyyət göstərməsinə görə 2 min manat rüşvət alaraq icra başçısına verib. Adıçəkilən şəxs eyni məbləğdə pulu həmin adamdan oxşar məqsəd üçün 2020-ci ildə də tələb edərək alıb.

Bundan başqa, A.Cəfərov rayonun Tatarməhlə kənd bələdiyyəsinin sədri Qabil Mehdiyevin xidməti fəaliyyətində edəcəyi hərəkətlərə laqeydlik göstərmək və himayədarlıq etmək üçün ondan 6 min manat rüşvət alaraq İsmayıl Vəliyevə verib. Bu hal 2020-ci ildə də təkralanıb.

Həmin kəndin inzibati ərazi dairəsi üzrə nümayəndəsi Fəxrəddin Nəzirov da oxşar məqsədlər üçün icra başçısına Anar Cəfərov vasitəsilə 6 min manat rüşvət verib.

Qeyd edək ki, DTX-nin keçirdiyi əməliyyat nəticəsində İsmayıl Vəliyevlə birgə onun birinci müavini Vurğun Əkbərov, şöbə müdiri Vüqar Nağıyev, Rayon Təhsil şöbəsinin müdiri Əjdər Kərimov, Ərazi idarəetmə və yerli özünüidarəetmə orqanları ilə iş şöbəsinin müdiri Anar Cəfərov, rayon Mərkəzi Xəstəxanasının baş həkimi Telman Zahidov da saxlanılıb.

Onlar barəsində rüşvət, mənimsəmə, vəzifə səlahiyyətlərindən sui-istifadə və s. əməllərlə bağlı Cinayət Məcəlləsinin müvafiq maddələri ilə ittiham verilib.
Myanmada ölənlərin sayı 459-a çatdıMyanmada hərbi çevriliş və həbslərə qarşı keçirilən etiraz aksiyaları zamanı ölənlərin sayı 459 nəfərə çatıb.

Avrasiya.net xəbər verir ki, bu barədə ölkədə fəaliyyət göstərən siyasi təşkilatlar məlumat yayıb.

Bildirilir ki, aksiyalar zamanı 2559 nəfər də saxlanılıb.

Qeyd edək ki, hərbi çevrilişdən sonra ölkədə ictimai-siyasi vəziyyət kritik olaraq qalır.
Ramazan ayı nə vaxt başlayır? - TarixAzərbaycanda Ramazan ayının başlama tarixi məlum olub.

Avrasiya.net Report-a istinadən xəbər verir ki, bu il ölkə ərazisində Ramazan ayının 1-i miladi təqvimlə aprelin 14-nə təsadüf edəcək.

"Ramazan ayının hilalı Azərbaycan üfiqində 13 aprel 2021-ci ildə görünəcək", - Qafqaz Müsəlmanları İdarəsindən bildirilib.

Beləliklə, niyyət gecəsi aprelin 13-dən 14-nə keçən gecəyə düşür, Ramazan ayının ilk günü aprelin 14-dür.

Nazirlər Kabinetinin müvafiq qərarına əsasən mayın 13-14-ü Ramazan bayramı ilə əlaqədar ölkədə qeyri-iş günləridir.

Məlumat üçün bildirək ki, Ramazan ayında insanlar oruc tutmalı, xəstə və ya səfərdə olanlar isə tutmadığı günlərin sayı qədər başqa günlərdə tutmalıdırlar. Xəstə olan, habelə zəifləyərək xəstəliyə düçar olma ehtimalı olan insanların oruclarını başqa vaxtda tutmaları məqsədəuyğundur. Bu şəxslər sağaldıqdan sonra, sağlam halda gələn Ramazana kimi öz orucluq ibadətlərini tamamlaya bilərlər.

Bu ay ərzində xeyriyyə əməlləri, ehtiyacı olanlara, kimsəsiz insanlara, uşaq evlərinə, ahıl və qocalara imkan daxilində kömək etmək Allah nəzərində bəyənilən əməllərdəndir. Bu ayda ən böyük savab – daha çox ibadət etmək, Quran tilavəti, valideynlərin qayğısına qalmaq, dünyasını dəyişənlərin ruhlarını yad etmək, elm, irfanla məşğul olmaqdır.

Orucun mühüm əməllərindən biri olan fitrə zəkatının vaxtı Ramazan ayının son günüdür. Adambaşına 5-10 manat arası fitrə zəkatının verilməsi məsləhət görülür. Fitrə canın sədəqəsidir və hər bir imkanı olan müsəlmanın ailəsinin hər bir üzvü üçün fitrə zəkatı çıxarması, imkansızlara, ehtiyacı olan ailələrə verilməsi vacibdir.
Rusiya: Bütün dünyanı “Sputnik V” ilə təmin edə bilərikRusiya alimləri bütün dünyanı “Sрutnik V” peyvəndi ilə təmin etmək gücündədir.

Axar.az xəbər verir ki, bunu Qamaley adın Mikrobiologiya və Epidemiologiya Tədqiqatlar Mərkəzinin rəhbəri akademik Aleksandr Ginsburq deyib.

O, peyvəndin keyfiyyəti və təhlükəsizliyinə şübhə etmədiyini bildirib.

Ginsburq hazırda 50 ölkəyə “Sрutnik V” peyvəndinin tədarükü ilə bağlı danışıqlar apardığını söyləyib.