Prezident Şuşaya getdiAzərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva martın 16-da Şuşa şəhərində olublar.

Avrasiya.net xəbər verir ki, səfərdən geniş reportaj martın 17-də təqdim ediləcək.
Qarabağda daha 3 erməni hərbçisinin meyiti tapılıb.

Axar.az xəbər verir ki, bu barədə erməni mətbuatı məlumat yayıb.

Bildirilib ki, meyitlər Xocavənd rayonu ərazisində tapılıb. Bu gün Füzuli istiqamətində aparılan axtarışlar isə heç bir nəticə verməyib.

Axtarışlar martın 17-də Hadrut istiqamətində aparılacaq.

Qeyd edək ki, bununla da 2020-ci il 14 noyabrdan bəri Qarabağdakı döyüş meydanlarında tapılan erməni əsgər meyitlərinin sayı 1502-yə çatıb.
Ağdamda 5 nəfər minaya düşdü: ölü və yaralılar varAğdam rayonunda 5 mülki şəxs piyada əleyhinə minaya düşüb.

Avrasiya.net Trend-ə istinadla xəbər verir ki, hadisə rayonun işğaldan azad edilən Yüsifcanlı kəndi ərazisində qeydə alınıb.

Hadisə zamanı bir nəfər ölüb, dörd nəfər isə xəsarət alıb. Yaralılar xəstəxanaya yerləşdirilib. Ölən və yaralı şəxslərin şəxsiyyəti hələlik müəyyənləşməyib. Onların Ağdamın Hacıqərvənd kənd sakinləri olduğu deyilir. Minaya düşənlər məcburi köçkünlərdir, həmin əraziyə icazəsiz səfər ediblər.

Faktla bağlı araşdırma aparılır.

***

Ağdamda minaya düşən şəxslərin kimliyi məlum olub.

Onlar Hüseynov Akif Muxtar oğlu, Hüseynov Razi Akif oğlu, Hüseynov Bayram Akif oğlu, Hüseynov Anar Nadir oğlu, Hüseynov Hüseyn Razi oğludur.

Hazırda ərazidə minatəmizləmə işləri aparılır. Bu səbəbdən yaralıları ərazidən götürmək mümkün deyil. Minatəmizləmə işləri bitdikdən sonra yaralılar oradan götürüləcək.

Qeyd edilir ki, minaya düşənlərdən Hüseynov Hüseyn Razi oğlu Hüseynov Akifin nəvəsidir və o, heç bir xəsarət almayıb.
Milli Məclisin bu gün keçirilən iclasında “Azərbaycan Respublikası Hesablama Palatasının sədr müavininin və auditorlarının təyin edilməsi haqqında” məsələ müzakirəyə çıxarılıb.

Avrasiya.net xəbər verir ki, Milli Məclis sədrinin təqdimatına əsasən, Nəsir İbrahim oğlu Sadıqov Hesablama Palatasının sədr müavini, Cavid Fazil oğlu Bayramov, Hilal Qorxmaz oğlu Hüseynov və Vəfa Allahverən qızı Mütəllimova Hesablama Palatasının auditorları təyin edilib.

Qeyd edək ki, Hesablama Palatasının sədrinin müavini Adil Məhərrəmov, auditorlar Mehriban Alışanova, Firsənd Qurbanov və Vaqif Həsənov işdən çıxmaqla bağlı ərizə yazıblar.
Hökumətin fəaliyyətini qənaətbəxş hesab edirəm və ona səs verəcəyəm.

Avrasiya.net xəbər verir ki, bunu Milli Məclisdə hökumətin hesabatının müzakirəsi zamanı çıxış edən deputat Qüdrət Həsənquliyev deyib.

Q.Həsənquliyev indiyə qədər dövlət əmlakından yaxşı istifadə edilmədiyi fikrində olduğunu qeyd edib:

“Dövlət əmlakının özəlləşdirilməsi üçün ciddi addım atılmayıb. Cəmi 3 milyon manatlıq özəlləşdirmə aparılıb. Hesab edirəm ki, özəlləşdirmə sürətlə aparılmalıdır”.

Millət vəkili qeyd edib ki, vaxtında Prezidentin tapşırıqları olub:

“Kənd təsərrüfatı təyinatlı torpaqlarda çoxlu evlər tikilib. Amma həmin evlərin sənədləri verilmir. Hər il bu məsələ geri atılır. Həmçinin hökumətimiz kənd təsərrüfatı torpaqlarının təyinatının dəyişməsinə müsbət yanaşmır”.

Sosial müadafiə haqqında fikrini açıqlayan Qüdrət Həsənquliyev bildirib ki, dünyanın hər yerində bu sahəyə cavabdeh olan nazirlik bu istiqamətə daha çox maliyyə ayrılmasına çalışır:

“Bizdə isə fəxarətlə deyirlər ki, az vəsait xərclənib”.

İnfomasiya təhlükəsizliyi ilə bağlı danışan deputat iki təkliflə çıxış edib:

“44 günlük müharibə zamanı Prezident dünyanın onlarla tanınmış televiziya kanalına müsahibə verdi. Bizim bu qədər televiziya kanalımız var. Eləcə də dövlət kanalında yaxşı komanda formalaşıb. Bizim ən azından MDB məkanında 24 saat yayımlanacaq rus dilində televiziyaya ehtiyacımız var. Çünki bu regionda yaşayırıq, hətta Orta Asiyadakı türk ölkələri ilə rus dilində danışırıq.

İkincisi, dünya miqyasında ingilisdilli kanala ehtiyacımız olduğunu düşünürəm. Fikrimcə, bu təkliflər nəzərə alınmalıdır”.

Sonda Qüdrət Həsənquliyev Rəqabət Məcəlləsinin qəbuluna ehtiyac olduğunu vurğulayıb.


Azərbaycan Respublikasında koronavirus (COVID-19) infeksiyasına 980 yeni yoluxma faktı qeydə alınıb, 309 nəfər müalicə olunaraq sağalıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, COVID-19 üçün götürülən analiz nümunələri müsbət çıxmış 12 nəfər vəfat edib.

İndiyədək ölkədə ümumilikdə 241 651 koronavirus infeksiyasına yoluxması faktı müəyyən edilib, onlardan 231 370 nəfər müalicə olunaraq sağalıb, 3 298 nəfər vəfat edib, aktiv xəstə sayı 6 983 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 10 453, ötən müddət ərzində isə ümumilikdə 2 726 470 test aparılıb.
Nazim İbrahimovun adı məşhur qətl işində... - DetallarGeneral Rövşən Əkbərovun həbsi Diasporla İş üzrə Dövlət Komitəsinin keçmiş sədri Nazim İbrahimov üçün ciddi başağrısına çevrilə bilər.

Generalın ittiham olunduğu qətl hadisəsində Nazim İbrahimovun da adı keçir.

Xatırladaq ki, iş adamı Elçin Əliyev 2001-ci ildə Ukraynanın paytaxtı Kiyevdə qətlə yetirilib. Mərhumun anası Səmayə Əliyeva oğlunu Rövşən Əkbərovun qətlə yetirdiyini deyir. O, hadisədə, həmçinin, Nazim İbrahimovu da ittiham edir.

Səmayə Əliyeva Hit.az-a bildirib ki, artıq onu prokurorluğa çağıraraq dindiriblər:

“İki gündür bu işlə bağlı çağırırlar. Deyəsən, ədalətin zəfər çalmasına az qalıb. Mən də hadisə barədə bildiklərimi dedim. 20 ildir bu barədə danışmadığım mətbuat orqanı qalmayıb. Jurnalistlərə təşəkkür edirəm. Dediklərimi həmişə işıqlandırıblar. Ümid edirəm ki, iş obyektiv araşdırılacaq və günahkarlar, nəhayət, cəzasına çatacaq”.

O, prokurorluqda Nazim İbrahimovun da bu məsələdə təqsirkar olduğunu deyib:

“İşin başında Rövşən Əkbərov dayanır. Ancaq onunla yanaşı, Nazim İbrahimov da bu işdə günahkardır”.

Səmayə Əliyevanın prokurorluğa çağırılaraq ifadəsinin alınması Rövşən Əkbərovun qətl hadisəsinə görə həbs olunması barədə iddaların əsassız olmadığına şübhələri artırır. Bu halda həmin vaxt Ukraynda Azərbaycanın səfiri olan Nazim İbrahimovun da məsuliyyətə cəlb olunacağı istisna edilmir.
Əgər bu, erməni kilsəsi olsaydı, bunu yazardı – “İqor”, “Aşa”?Bura qədim Alban məbədidir, Alban kilsəsidir, Hünərli kəndində yerləşir. Ermənilər bu kilsəni də erməniləşdirmək istəmişlər və burada erməni dilində yazılar yazmışlar, ancaq buna nail ola bilməmişlər. İndi əgər bu, erməni kilsəsi olsaydı, bunu belə vəziyyətdə qoyardılarmı? Tövləyə oxşayır, elə bil ki, tövlədir, zibilxanadır. Bu, bizim qədim tarixi abidəmizdir, udi qardaşlarımızın məbədidir. Onlar buraya da gələcəklər. Ermənilər necə ki, bizim məscidlərimizi təhqir ediblər, qədim Alban məbədini də təhqir etmişlər. Amma biz bərpa edəcəyik. Bütün bu yazılar saxta yazılardır, sonradan yazılmış yazılardır. Onlar bizim qədim torpaqlarımızda özləri üçün saxta tarix yaradıblar. Amma buna nail ola bilməyiblər, biz onları ifşa etmişik. Bu kilsənin – alban məbədinin bu vəziyyətdə olması bir daha erməni saxtakarlığını göstərir. Erməni kilsəsi olsaydı, bunu təmir etdirərdilər. Sonra da bəziləri bizə irad tuturlar ki, biz xristian abidələrinə yaxşı baxmırıq. Bunu ermənilər bu günə salıblar.

Avrasiya.net xəbər verir ki, bunu martın 15-də Füzuli və Xocavənd rayonlarında səfərdə olan Prezident İlham Əliyev Hünərli kəndindəki Alban məbədi ilə tanış olan zaman deyib.

"İndi gəlsinlər, baxsınlar Azərbaycanın müxtəlif yerlərində xristian abidələri necə qorunur. Bu qədim Alban kilsəsini görərlər bir müddətdən sonra biz necə təmir etdirəcəyik. Azərbaycan ərazisində bütün dinlərin məbədləri dövlət tərəfindən qorunur, dövlət tərəfindən tikilir və bütün dünya bunu bilir. Ermənilərin vəhşiliyini dünya bilməlidir, görməlidir bizim məscidlərimiz nə gündədir. Azad edilmiş torpaqlarda 67 məscid var idi, cəmi ikisi qalıb, yarıdağılmış. Özü də onlardan müxtəlif məqsədlər üçün istifadə ediblər. Alban kilsəsini də bu günə qoyublar. Bəlkə burada da heyvan saxlayıblar, burada da dəmir-dümür saxlayıblar, orada o dəmir-dümürlərin bir hissəsi qalıb. Ona görə hər kəs bunu görməlidir, bilməlidir. Əgər kimsə bundan sonra bizə qarşı hansısa əsassız ittiham irəli sürmək istəsə, o, cavabını alacaq, necə ki, bu günə qədər alıb.

Baxın, buraya baxın, erməni kilsəsi olsaydı, bunları yazardılar? Yazardılar bunları? “Kamo”, “Artur”, nə bilim, “Marta”. Öz kilsələrini belə təhqir edərdilər? Bax, bu daşların hamısı saxtadır. Bu, erməni saxtakarlığıdır. İçəridə də, gəlin buraya, əgər bu, erməni kilsəsi olsaydı, bunu yazardı – “İqor”, “Aşa”? Uçub dağılıb, qapını da yandırıblar", - dövlət başçısı bildirib.
Ağalarovlar Azərbaycanda 7 restoran açacaq“Crocus Group” 2021-2022-ci illərdə Azərbaycanın restoran bazarında mövcudluğunu gücləndirəcək.

Kult.az xəbər verir ki, bu barədə holdinqin ortağı Emin Ağalarov “Kommersant”a açıqlamasında deyib.

O qeyd edib ki, şirkət 2021-2022-ci illərdə restoran layihələrinə təxminən 1 milyard rubl sərmayə qoymağı planlaşdırır:

“Təkcə 2021–2022-ci illərdə Bakıda və “Sea Breeze Resort”da yeddi yeni restoran açmağı planlaşdırırıq. Bəzi layihələrimiz artıq tanınmış markalardır: “Zafferano”, “Edoko”, “Forte Bello”, “Fish Box”, “Cafe Milano”.

Hazırda “Crocus Group” şirkətinin idarə etdiyi restoranların ümumi sayı 52-dir. 2020-ci ildə qrupun biznesinin restoran hissəsinin dövriyyəsi üç dəfə azalıb, iki il ərzində isə şirkət bu göstəricinin 70% artacağını gözləyir.
Rusiya İrəvanın mərkəzinə ordu yeridə bilər – KöçəryanNikol Paşinyan hökumətinin Ermənistanda hakimiyyəti saxlamaq üçün son şansı qalır. İrəvan rəsmi səviyyədə Kremlin onlara Rusiya sülhməramlıları şəklində yardım göstərməsini tələb edə bilər.

Axar.az xəbər verir ki, bu sensason fikirlə Ermənistanın ictimai xadimi Tiqran Köçəryan çıxış edib.

Onun sözlərinə görə, bu, tamamilə real ssenaridir və Ermənistan hökumətində dəfələrlə müzakirə olunub.

“Nikol hakimiyyətdə qalmaq naminə dəstək üçün Rusiyaya rəsmi səviyyədə müraciət edə bilər. Ölkə suverenliyinin qorunmasını təmin etmək üçün İrəvanın mərkəzinə Rusiya ordusu yerləşdirilə bilər”, - deyə Köçəryan “Review” verilişinin efirində bildirib.