Beş il sonra neft defisiti yarana bilər – ƏləkbərovDünya yaxın beş ildə neft təklifi defisiti ilə üz-üzə qala bilər.

Avrasiya.net xəbər verir ki, bunu “Lukoyl”un prezidenti Vahid Ələkbərov deyib.

Onun sözlərinə görə, təklifdə defisitin yaranmasına yeni neft layihələri üçün yetərli investisiyalarına tapılmayacağı səbəb olacaq. O bunun qiymət volatilliyinə gətirib çıxarıb biləcəyini və dünya iqtisadiyyatının inkişaf templərinə neqativ təsir edəcəyini bildirib.

Ələkbərov neftin hələ uzun müddət dünya enerji balansında vacib rol oynayacağını söyləyib.
Avrasiya.net Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyevlə müsahibəni təqdim edir:

- Qüdrət bəy, Milli Şura Birinci vitse-prezident Mehriban xanım Əliyevanın YAP-da birinci müavin təyin olunmasını “top-tüfənglə” qarşıladı. Sizin bu məsələyə münasibətiniz necədir?

- Bu, Yeni Azərbaycan Partiyasının daxili işi olsa da, qeyd etməliyəm ki, hər kəs bu təyinata münasibət bildirə bilər. Mehriban xanımın 2017-ci ildə Birinci vitse-prezident təyin olunması hökumət daxilində sabitliyin daimiliyını təmin edən ciddi faktora çevrildi, o cümlədən xalqın gözlədiyi dəyişikliklərə yol açdı. Ümid edirəm hakim partiyada da onun təyinatı partiyadaxili sabitliyə, canlanmaya və ümumən ölkəmizdə siyasi sistemin inkişafına töhfə verəcəkdir.

- Son vaxtlar bəlli düşərgənin bəzi təmsilçiləri xalqımızı, onların çağırışlarına cavab verib küçələrə tökülmədiyi üçün təhqir edib aşağılamaqdan belə çəkinmirlər. Bu barədə nə deyə bilərsiniz?

- Xalqı heç vaxt nəyə görəsə qınamaq və ya təhqir etmək olmaz. Bunu edənlər ədəbsiz və savadsız insanlardır. Siyasətçilər öz fəaliyyətlərini xalqın sosial inkişaf səviyyəsinə görə qurmalıdırlar. Kimsə bunu başa düşmürsə, bu, onun problemidir. Hələ 20 il öncə mən deyəndə ki, cəmiyyətimizdəki bütün nöqsanlara görə iqtidarı günahlandırmaq olmaz və biz Qərb standartlarına uyğun cəmiyyət qurmaq istəyiriksə əvvəlcə həmin cəmiyyəti quracaq insanları hazırlamalıyıq, buna görə radikallıqdan imtina edib azsaylı tərəfdarlarımızı mərhumiyyətlərlə üz-üzə qoymamalı, iqtidarla əməkdaşlıq edib, təlatümlərsiz cəmiyyətin inkişafına nail olmalıyıq, o zaman mənə hücum edirdilər ki, yox, xalqımız demokratik cəmiyyət qurmağa hazırdır, amma iqtidar imkan vermir. Baxmayaraq ki, Milli Azadlıq Hərəkatının lideri Elçibəy də deyirdi ki, elə məsələlər var, onun həlli zamana bağlıdır. 20 ildən sonra mən deyəni, deyəsən, başa düşüblər. Amma onları cəmiyyətin inkişafı yox, hakimiyyətə gəlmək düşündürür. Ona görə də hikkələrindən onları müdafiə etməyən xalqı təhqir edirlər. İstəyirəm, xalqımız bilsin ki, biz hamımız yüksək standartlara cavab verən cəmiyyət qurmağa hazır olmayana qədər hakimiyyət dəyişikliyi yaxşı mənada mövcud problemlərin qalmasına, pis variantda isə ölkəmizdə sabitliyin pozulub, əldə olunanların itirilməsinə səbəb olacaq. Həm keçmişdə yaşadıqlarımız, həm dünya təcrübəsi bunu təsdiq edir. Əvvəllər söylədiklərimi bir daha təkrar edirəm, hazırda ölkəmizin xoşbəxt gələcəyi hakimiyyət dəyişikliyində yox, yuxarıdan islahatlar yolu ilə cəmiyyətin inkişafına nail olmaqdadır. Mövcud daxili və xarici siyasi konyukturanı, beynəlxalq və regional vəziyyəti təhlil edərək əminliklə deyirəm ki, hal-hazırda qansız-qadasız bu islahatları yalnız İlham Əliyev həyat keçirə bilər. Kimsə İlham Əliyevi sevməyə bilər, amma ölkəmizin və xalqımızın mənafeləri üçün islahatların genişləndirilməsi naminə onu müdafiə etməlidir.

- Qüdrət bəy, bəzilərinin dediyi kimi, ölkədə sabitliyin pozulması təhlükəsi varmı?

- Bizim kimi ölkələrdə sabitliyin pozulması üçün iki mühüm faktor birlikdə olmalıdır. Birincisi, xalq hakimiyyət dəyişikliyində maraqlı olmalıdır. Xalq deyəndə bitərəfli, iqtidarlı, müxalifətli çoxluğu nəzərdə tuturam. İkincisi, ölkəmizə təsir imkanları olan böyük güclər də bunu istəməli və xalq bunu açıq-aydın hiss etməlidir. Söhbət çevriliş etmək istəyən qüvvələrə maliyyə və beynəlxalq siyasi dəstək verilməsindən gedir.

Hazırda bu iki faktorun heç biri yoxdur. Xalqımız bütün mövcud problemlərə baxmayaraq, Prezident İlham Əliyevi dəstəkləyir, ona Qarabağı işğaldan azad edən Ali Baş Komandan kimi rəğbət bəsləyir və onların həyatını yaxşılaşdıracaq islahatları həyata keçirəcəyinə inanır. Bundan başqa ictimai təhlükəsizlik və dövlət təhlükəsizliyi DİN və DTX tərəfindən ciddi şəkildə qorunur, təxribatlar üçün hər hansı imkan və şərait yoxdur. Eyni zamanda, bölgəyə təsir imkanları olan heç bir ölkə Azərbaycanda sabitliyin pozulmasında maraqlı deyil. Ona görə sabitliyi pozacaq heç bir real şərait yoxdur və sabitliyi xalqımız göz bəbəyi kimi qorumalıdır. Yeri gəlmişkən onu da deyim ki, bu vəziyyət islahatlar davam etməyəcəyi təqdirdə əbədi qalmayacaq, ona görə iqtidar arxayınlaşmamalı, islahatların həyata keçirilməsini sürətləndirilməlidir.

- Türkiyədə Rusiyanın inşa etdiyi “Akkuyu” AES-in 3-cü blokunun təməlqoyma mərasimində hər iki ölkə prezidentinin çıxışını necə qarşıladınız?

- Türkiyə-Rusiya münasibətləri inkişaf edir və bu bizi sevindirir. Bölgədə inkişaf və təhlükəsizlik əhəmiyyətli dərəcədə bu iki ölkənin münasibətlərinə bağlıdır. Hər iki ölkə bir-biri üçün keçilməz tərəfdaşa çevrilməkdədir. Belə bir vəziyyət həmin ölkələrlə strateji münasibətləri olan Azərbaycanın da mövqelərini gücləndirir, ölkəmizin nəqliyyat habına çevrilməsinə, iqtisadi inkişafına və ərazisi üzərində suveren hüquqlarını bərpa etməyə geniş imkanlar yaradır. Türkiyənin Rusiya ilə əlaqələrinin inkişafı Qərbə qarşı yönəlməsə də, bəzi dairələr bunu qıcıqla qarşılayır, Türkəyini sanksiyalarla hədələyirlər. Türkiyə isə NATO üzrə öhdəliklərinə sadiq olduğunu və Qərbə inteqrasiya siyasətindən imtina etmədiyini bəyan etməklə öz dövlət maraqlarından çıxış edir, onunla hədə dili ilə danışmağın heç bir perspektivinin olmadığını bəyan edir. Qərb qapılarını Türkiyənin üzünə açmağa hazır olmadığından Türkiyə haqlı olaraq Rusiya daxil, Şərq ölkələri ilə əməkdaşlığın daha perspektivli olduğu qənaətinə gəlib. Hazırda Türkiyə iqtidarı çox çevik siyasət yürüdə bilir və əminəm ki, yaxın gələcəkdə dünyanın siyasi xəritəsini cızan lider ölkələrdən birinə çevriləcəkdir.
Sibel Canın eks-sevgilisi vəfat etdiTürkiyədə məşhur model olan Karahan Çantay Taylandda avtomobil qəzası zamanı həyatını itirib.
Sfera.az Türkiyə mətbuatına istinadən xəbər verir ki, kimsəsiz qalan Çantayın cəsədi iki gün morqda saxlanılıb.

"Mister Turkey 95" seçilən keçmiş model türkiyəli müğənni Sibel Canın eks-sevgilisi olub. O zaman Hakan Uralla evli olan Sibel Canın Karahan Çantayla hoteldən birgə çıxması onların gizli eşq yaşamaları iddialarını daha da gücləndirib. Əlində bu gizli münasibətlə bağlı videonun olmasını iddia edən başqa bir model Cem Kuzunun Sibel Candan şantajla külli miqdarda pul qopardığı dedi-qoduları yayılıb.

Hakan Uralla Sibel Can bu iddiaları rədd etsələr də, uzun sürən söz-söhbətlər onların evliliyinə son qoydu. Bir müddət seriallarda, kliplərdə, reklamlarda çəkilən model bu hadisələrdən sonra Türkiyədən ABŞ-a köçərək taksi sürücüsü, oradan da Taylanda köçərək riyaziyyat müəllimi işləyib.
Qarabağda aşkarlanan itkin erməni hərbçilərin meyitlərinin sayı 1 500-ə çatırXocavənd rayonunda və digər ərazilərdə aparılan axtarışlar zamanı ikinci Qarabağ müharibəsində itkin düşmüş daha 6 erməni hərbçinin meyiti aşkarlanıb.

Bu barədə “Report” Ermənistan mətbuatına istinadən xəbər verir.

Qeyd edilir ki, ölənlərin hamısı hərbi qulluqçulardır. Meyitlərin ekspertizasından sonra onların şəxsiyyəti müəyyənləşdiriləcək.

Bununla da Qarabağ və digər ərazilərdə aşkarlanmış itkin erməni hərbçilərin meyitlərinin sayı 1 496-ya çatıb.

Qeyd edək ki, bu göstərici yalnız müharibə zamanı itkin erməni düşmüş hərbçilərin saynı əks etdirir. Müharibənin başa çatmasından 4 ay keçməsinə baxmayaraq, Ermənistanın Müdafiə Nazirliyi ikinci Qarabağ müharibəsində həlak olan hərbçilərin sayını bu günə qədər açıqlamayıb.

Türkiyədə 70 milyon yaşı olan ilbiz qalığı tapıldı - FOTOTürkiyənin Adıyaman rayonunun Sincik qəsəbəsində təxminən 70 milyon illik yaşı olduğu bildirilən qastropod (ilbiz) qalığı tapılıb.

Publika.az xəbər verir ki, qəsəbəyə bağlı Şahkolu kəndində bir çoban qaya üzərində qabartma rəsim görüb və aidiyyatı qurumlara məlumat verib. Rəsmi araşdıran Adıyaman Muzeyinin rəhbərliyi qabartmanın fotoşəkilini çəkərək İstanbul Texniki Universiteti Geologiya Mühəndisliyi bölümünün professoru Ercan Özcana göndərib.

Araşdırmalar nəticəsində bu qabartmanın çoxunun dənizlərdə, bir qisimi şirin və acı sularda, bir qismi isə quruda yaşayan qastropod - ilbiz nəsilinə aid bir heyvan qalığı olduğu müəyyən edilib.

Adıyaman Muzeyinin müdiri Mehmet Alkan qalığın təxminən 20 santimetr uzunluğunda, 7 santimetr enində olduğunu bildirərək deyib:

"Bu qalığın təxminən 70 milyon illik bir yaşı olduğu təxmin edilir."
Bu gün UEFA Çempionlar Liqasında 1/8 final mərhələsinin daha 2 oyunu keçirilib.

Avrasiya.net xəbər verir ki, “Liverpul” və “Leypsiq” arasındakı qarşılaşma pandemiya səbəbindən yenə Macarıstanda baş tutub. Cavab matçında da 2:0 hesabı ilə qalib gələn ingilislər adını 1/4 finala yazdırıb.

Gecənin daha bir qarşılaşması Fransada keçirilib. İlk oyunda “Barselona”nı 4:1 hesabı ilə darmadağın edən PSJ bu dəfə rəqibi ilə 1:1 hesablı heç-heçə edib. İki oyunun nəticəsinə görə ispanları üstələyən PSJ də 1/4 finala yüksəlib.

UEFA Çempionlar Liqası

1/8 final mərhələsinin cavab görüşləri
10 mart

00:00. “Liverpul” (İngiltərə) – “Leyptsiq” (Almaniya) - 2:0

Qollar: Salah, 71, Mane, 74

Budapeşt, “Puşkaş Arena”. Baş hakim Kleman Tyurpen (Fransa)
İlk oyun - 2:0

00:00. PSJ (Fransa) – “Barselona” (İspaniya) - 1:1

Qollar: K.Mbappe, 31 - Messi, 37
Paris, “Park-de-Prens”. Baş hakim Entoni Teylor (İngiltərə)
İlk oyun - 4:1

Qeyd edək ki, səkkizdəbir final mərhələsinin cavab görüşlərinə martın 10-da start verilib. Həmin görüşlərdə iki oyunun nəticəsinə görə “Porto” (Portuqaliya) “Yuventus” (İtaliya) klubundan (4:4), Almaniyanın “Borussiya Dortmund” klubu isə İspaniyanın “Sevilya” klubundan üstün olub (5:4).