İlham Əliyev şəhid ailələri ilə görüşdü - FotoAzərbaycan Respublikasının Prezidenti İlham Əliyev fevralın 25-də Bakının Ramana qəsəbəsindəki yaşayış kompleksində şəhid ailələri və müharibə əlillərinə mənzillərin təqdim olunması mərasimində iştirak edib.

Avrasiya.net xəbər verir ki, dövlət başçısı kompleksdə yaradılan şəraitlə tanış olub.

Məlumat verilib ki, bu kompleksdə doqquzmərtəbəli 30 bina tikilib. Ümumilikdə 1512 mənzildən ibarət kompleks bütün zəruri sosial infrastrukturla təchiz edilib. Ərazidə məktəb, uşaq bağçası, klub-icma mərkəzi inşa olunub. Dövlətimizin başçısının bu ilin yanvarında imzaladığı Sərəncamla təsdiq olunmuş proqramlara əsasən, 2021-2025-ci illərdə ev şəraitinin yaxşılaşdırılmasına ehtiyacı olan 11 mindən çox şəhid ailəsi və müharibə əlili mənzil, fərdi evlə təmin ediləcək.

Komplekslə tanışlıqdan sonra Prezident İlham Əliyev şəhid ailələrinin üzvləri və müharibə əlilləri ilə görüşüb.

Dövlətimizin başçısı görüşdə çıxış edib.

Sonda xatirə şəkli çəkdirilib.
Paşinyan meydana gəldi: Ordu mənə tabedirErmənistan Baş naziri Nikol Paşinyan Respublika meydanında tərəfdarlarının qarşısına çıxıb.

Axar.az xəbər verir ki, o, çıxışı zamanı ordunun xalq və baş nazirə tabe olduğunu bildirib.

Paşinyan çevriliş cəhdinin idarəolunan olduğunu bildirib:

“Hesab edirəm ki, bu, emosinonal reaksiyadır. Qardaşlarımıza sərt münasibət göstərməməliyik”.

Qeyd edək ki, mitinq 16:00-a təyin edilsə də, Paşinyan tərəfdarlarını indidən meydana gəlməyə çağırmışdı.
Xocalı soyqırımı bütün bəşəriyyətə tarixi bir cinayətdirAzərbaycanlılara qarşı xüsusi amansızlıqla hazırlanmış və törədilmiş Xocalı soyqırımı Azərbaycan tarixinə ən dəhşətli və faciəli səhifələrdən biri kimi daxil olmuşdur. 1992-ci il fevralın 25-dən 26-na keçən gecə terrorist erməni qüvvələri tərəfindən Rusiyanın 366-cı motoatıcı alayının iştirakı ilə Xocalı şəhəri işğal edilərək, sakinlərə qarşı amansızcasına soyqırım törədildi.

Xocalıya hücumdan əvvəl, fevralın 25-i axşamdan toplardan və ağır zirehli texnikadan şəhəri şiddətli atəşə tutulmağa başlamışdılar. Nəticədə şəhərdə güclü yanğınlar baş vermiş və fevralın 26-ı səhər saat 5 radələrində şəhər tam alova bürünmüşdür. Belə bir vəziyyətdə, erməni əhatəsində olan şəhərdə qalmış 2500 nəfərə qədər əhali yaxınlıqdakı Ağdam rayonunun mərkəzinə çatmaq ümidi ilə şəhəri tərk etməyə məcbur olmuşdular. Lakin, Xocalı sakinlərinin yaşamaq, düşmənin zülümündən qaçmaq üçün etdikləri bu cəhd baş tutmadı. Şəhəri yandırmış, yerlə yeksan etmiş azğınlaşmış erməni silahlı dəstələri və motoatıcı alayın hərbiçiləri dinc əhaliyə xüsusi amansızlıqla divan tutdular.

Diri-diri dərisi soyulmuş, orqanları çıxarılmış, hamilə qadınların bətnindən körpəsi çıxarılıb qətlə yetirilmiş, qız və gəlinlərin cəsədləri üzərində zorakılıq əlamətləri və digər tükürpədici vəşiliklərə məruz qalmış cəsədlərlə dolu olan Xocalı “o gün” tarixinin ən dəhşətli gününü yaşadı. Bu qırğının nəticəsində 613 nəfər həlak olmuşdur, onlardan: 63-ü uşaq, 106-sı qadın, 70-i qoca digərləri isə kişilər idi. Bu qətlam nəticəsində 8 ailə tamamilə məhv edilmişdir. 25 uşaq hər iki valideynini, 130 uşaq isə valideynlərindən birini itirmişdir. 487 nəfər yaralanmış, onlardan 76-sı uşaq olmuşdur. Qətliamda 1275 nəfər əsir götürülmüşdür, 150 nəfər isə itkin düşmüşdür. 1992-ci ilin pul vahidinə görə qətliamda dövlətin və əhalinin əmlakına 5 milyard rubl dəyərində ziyan vurulmuşdur.

Xocalı soyqırımı haqqında dünyaya səs salmaq, bu amansız qətliamı, erməni vəşiliyinı dünya xalqlarına çatdırmaq üçün dövlət xeyli işlər görmüşdür. Ulu öndər Heydər Əliyev dövlət başçısı olduğu dövürlərdə Xocalı soyqırmının dünyaya çatdırılması üçün bütün gücündən istifadə etmişdir. Ulu öndər faciə ilə əlaqədar dünya ictimaiyyətinə və Azərbaycan xalqına müraciətində qeyd etmişdir: "Bütövlükdə Azərbaycan xalqına qarşı yönəldilmiş Xocalı soyqırımı öz ağlasığmaz qəddarlığı və qeyri-insani cəza üsulları ilə bəşər tarixində bir vəhşilik aktıdır.

Bu soyqırım, eyni zamanda, bütün bəşəriyyətə qarşı tarixi bir cinayətdir. Bu amansız və qəddar soyqırım aktı insanlıq tarixinə ən qorxulu kütləvi terror aktlarından biri kimi daxil oldu". Artıq neçə ildir Heydər Əliyev Fondunun dəstəyi və təşəbbüsü ilə Xocalı soyqırımı qurbanlarının xatirəsini yad etmək və bu vəşiliyi dünyaya çatdırmaq üçün “Xocalıya ədalət!” kampaniyası çərçivəsində də xeyli işlər görülmüşdür. Ölkə Prezidenti Cənab İlham Əliyevin məqsədyönlü xarici siyasəti sayəsində Xocalı həqiqətləri Azərbaycan xalqının başına gətirilən soyqırım daima dünya ictimayyətinin diqqətinə çatdırılır.

Bu qətliam real qiymətin alacağı günə qədər biz əlimizdən gələni edəcəyik. Əsirlər boyu etnik təmizləmə və soyqırım cinayətləri baş vermişdir, lakin, onlardan ən dəhşətlisi məhz Xocalı soyqırımı oldu. Ona görədə bu vəhşilik, cinayət cəzasız qalmamalı, soyqırımının günahkarları, təşkilatçıları və icraçıları layiqli cəzalarına çatmalıdırlar.

ADBTİA-nın prorektoru,
prof. Yusif Babanlı
Günün mediası - sualdan cavaba doğruElçin Mirzəbəyli
Əməkdar jurnalist

Təxminən 12-14 illik bir zaman kəsiyində Azərbaycanda ən çox müzakirə olunan məsələlərdən biri “media necə olmalıdır” sualına cavab tapılması ilə bağlı olub. Bu mövzuda saysız-hesabsız müzakirələr aparılıb, toplantılar keçirilib, müsahibələr, açıqlamalar verilib, debatlar təşkil olunub, amma yenə də, ola bilsin ki, kimlərisə qane edən yekun cavab tapılmayıb. Çünki sualın qoyuluşu, ümumiyyətlə “media necə olmalıdır” sualına cavabın axtarılmasının özü belə yanlış olub. Və ya “media necə olmalıdır” sualına deyil, “Azərbaycanda media necə olmalıdır” sualına cavab axtarıldığı üçün nəticəyə varılmayıb. Bəlkə də məqsəd, sadəcə Azərbaycan mediasını bu sualın izi ilə yürütməkdən, dolanbaclardan keçirərək azdırmaqdan, başını özünə qatmaqdan ibarət olub. Məlum sualı atıblar “medianın ağzına” ki, işi-gücü elə sual çeynəmək olsun, başı özünə, öz daxilindəki problemlərin zərrəbinlə axtarılmasına yönəlsin və cəmiyyətin problemləri də qalsın bir kənarda…

Bu illər ərzində dünyanın heç bir ölkəsində “media necə olmalıdır” sualına cavab axtarılmayıb. Bu sualın cavabı media ilə birlikdə yaranıb, media necə lazımdırsa eləcə də var və onun özü cəmiyyəti narahat edən problemlərin, çatışmazlıqların axtarışındadır. Daha “mən necə olmalıyam” kimi boş və mənasız suallarla cəmiyyəti yükləmir, necə olmaq lazımdırsa elə də olur. Vəssalam!

Bu mənasız suallardan ən çox yorulan da elə medianın özüdür. İnkişafa xidmət etməyən, hədəfi vaxt xərcləməklə qazanmaqdan və qazandırmaqdan ibarət olan suallarla nə qədər uğraşmaq olar? Təkər icad etməyə ehtiyac yoxdur. Milli Mətbuatının 145-ci ildönümünü geridə qoymuş bir ölkədə “media necə olmalıdır” sualına cavab axtarmaqdan gülünc heç nə ola bilməz. Azərbaycanda bu qəbildən olan bütün sualların cavabı, əslində145 il və daha öncə verilib...

Azərbaycan Xalq Cümhuriyyəti Parlamentinin 1919-cu ildə qəbul etdiyi “Mətbuat haqqında Nizamnamə”nin (qanun) daha sonralar qardaş Türkiyənin “Mətbuat haqqında” qanunun əsasını təşkil etməsi, bizim bu sahədə nə qədər öndə olduğumuzu sübuta yetirən amillərdən biridir. Amma indi biz Türkiyə mediasından öyrənməyə çalışırıq. Çünki obyektiv və subyektiv səbəblərdən qardaş ölkənin mediası bizdən xeyli irlidədir və biz mənasız adamlarla mənasız suallara cavab axtaranda, onlar medianın müstəqil inkişafı üçün reklam bazarı, azad rəqabət mühiti formalaşdırır, sektorda ixtisaslaşma problemini həll edir, peşəkarlıqlarını artırır, inkişaf edirdilər.

Türkiyədə medianın inkişafına iki kopseptual istiqamət üzrə yanaşma var. Bunlardan birincisi, daha öncədən qeyd etdiyim kimi, medianın xüsusi statusa sahib biznes subyekti kimi müstəqil inkişafına xidmət edən, ölkədə uzun illərdən bəri mövcud olan liberal iqtisadi dəyərlərdən qaynaqlanan bir yanaşmadır və bu yanaşmanın təməl qayəsini güclü parlament və ictimai nəzarət müşahidəsi altında olan antiinhisar mexanizmləri, azad bazar münasibətləri, ədalətli rəqabət mühiti və müstəqil məhkəmələr təşkil edir. Digər yanaşma isə, media ilə bağlı həyata keçirilən sosial proqramlar, Türkiyə türklərinin təbirincə desək, ictimai nəzarətin olmazsa olmazlarından olan medianın gücdən düşməməsi, ayaqda qalması, əzilməməsi, ayrı-ayrı xarici və daxili qrupların əlində yumşaq güc, təzyiq və təhdid vasitəsinə çevrilməməsi üçün formalaşdırılan ədalətli sosial dəstək mexanizmləridir. Bu mexanizmlərdən biri 1961-ci ildə yaradılan Basın (Mətbuat) Elan Qurumudur. Qurumun yaradılmasında məqsəd rəsmi elanların ədalətli və bərabər bir şəkildə qəzetlər arasında bölüşdürülməsindən ibarətdir. Qurumu bərabər sayda media, hökumət və bitərəflərdən ibarət Baş Heyət idarə edir. Qurumun Türkiyənin bütün bölgələrində şöbələri var və bu şöbələr vasitəsilə yerli qəzetlərə rəsmi elanlarla yanaşı, ciddi təşkilati, maddi-texniki dəstək verilir. Yerli biznes strukturlarının, bələdiyyələrin, dövlət qurumlarının reklam və elanlarının yerli qəzetlərdə yayımlanması üçün təbliğat və təşviqat işi aparılır. Rəsmi elanların Türkiyədə yayımlanan qəzetlər üçün nə qədər mühüm əhəmiyyət kəsb etdiyini müəyyənləşdirmək üçün rəqəmlərə müraciət edək: 2019-cu ildə Türkiyədəki qəzetlər arasında bölüşdürülən rəsmi elanların dəyəri 467 milyon Türk Lirəsi – 66714285 ABŞ dolları, yaxud 114 milyona yaxın AZN edib. Bu hansısa məchul ünvandan əldə edilmiş məlumat deyil, Türkiyə Basın Elan Qurumunun açıqladığı rəsmi rəqəmlərdir. Türkiyə mediasının nə üçün bu qədər güclü olduğunu və inkişaf etdiyini söyləmək üçün, bəzi xroniki “media ekspertləri” kimi ağıllı görkəm alıb uzun-uzadı danışmağa, yaxud yazmağa ehtiyac duymuram. Rəqəmlər hər şeyi deyir.

Azərbaycanda isə, az qala hər bir dövlət qurumun öz qəzeti, jurnalı, yaxud başqa bir informasiya resursu var. Bəziləri adlarını “təsərrüfat hesablı” qoyub, təsərrüf (qənaət) etmədən hesab silməklə məşğul olurlar. İşləyəndə də, əsasən onları yaxşıca “sıxışdırmağı” bacaran, peşəkar mediaya heç bir aidiyyatı olmayan, mahiyyət etibarilə kriminal ünsürlərlə “işləyirlər”. Sonra da palaz-palaz press-relizlərini, elanlarını göndərirlər KİV-ə ki, bəs sizin nəinki dədəmizə, bütün nəslimizə borcunuz var və “borcu” artıqlaması ilə ödəməlisiniz. Dünyanın hər yerində istər hökumət, istərsə də digər qurumların mətbuat xidmətləri mediaya minnətçi düşür, informasiyalarının yayımlanması, tədbirlərinin işıqlandırılması üçün dil-ağız tökür, Azərbaycanda isə əksinə mətbuat xidmətləri medianın boynuna minnət qoyur... Nə qədər ki, unutmamışam, qoy yazım: İndi ölkədə həyata keçirilməsi nəzərdə tutulan media islahatlarının ən mühüm istiqaməti bu rəzalətə son qoyulması, qürursuz, prinsipsiz, ələbəxan, dilənçi “jurnalist ordusu”nun formalaşdırılmasına xidmət edən bütün “tələ”lərun sökülüb atılması olmalıdır!

...Yeri gəlmişkən, Türkiyənin Basın Elan Qurumu ilə eyni funksiyanı yerinə yetirən təsisatı Medianın İnkişafı Agentliyinin nəzdində də yaratmaq olar. Təbii ki, kommunikasiya və informasiya texnologiyalarının inkişafından irəli gələn çağırışlar da nəzərə alınmaqla...

Medianın İnkişafı Agentliyinə gəldikdə isə, düşünürəm ki, belə bir qurumun yaradılması ölkənin media sektorunda hökm sürən qurama “reallıqların” yerlə bir edilməsi, medianın öz təməl prinsipləri, klassik ənənələri üzrənidən yeni çağırışlara cavab verməklə inkişafı baxımından alternativi olmayan bir addım idi. Bu başlanğıcdır, şübhəsiz. Nəinki islahatlar, hətta köhnə və saxta streotiplərin dağıdılması, medianın özünəqayıdışı belə vaxt aparacaq. Bu prosesdə yeganə doğru seçim islahatların hüquqi və çevik mexanizmlər vasitəsilə, ifratçılığa, radikalizmə yol vermədən, mövcud olanları bərpa və islah edərək, modernləşdirərək, yenilərini stimullaşdıraraq irəliyə doğru aparılmasıdır. Müşahidələrimə görə, Medianın İnkişaf Agentliyi də, qarşılarına qoyulan vəzifələrə uyğun olaraq, məhz bu istiqamətdə irəliləyir.

“Qətl planı”nda nələr göstəriləcəkAzərbaycan Televiziyasında yeni layihə start götürür.
“Azərbaycan Televiziya və Radio Verilişləri” Qapalı Səhmdar Cəmiyyətinin Sosial media və ictimaiyyətlə əlaqələr şöbəsindən verilən məlumata görə, “Qətl planı” adlı yeni televiziya layihəsi bədii-sənədli filmlər silsiləsindən ibarətdir.

Çəkiləcək bədii-sənədli filmlərin qəhrəmanları faciəvi ölümü ilə tarixə düşmüş ictimai-siyasi, mədəniyyət və elm xadimləri olacaq.

Filmlər sözügedən şəxsiyyətlərin ölüm səhnələri ilə başlayacaq və sanki onların həyatının sonundan əvvəlinə doğru ekskurs ediləcək.

Bəzi şəxsiyyətlərin müəmmalı ölümü tarixi detektiv üslubda araşdırılacaq və müxtəlif fərziyyələr irəli sürüləcək.

Filmlərdə həm orta əsrlərdə, həm də 19, 20-ci əsrlərdə yaşamış və bu kontekstə uyğun şəxsiyyətlərin obrazları canlandırılacaq.

Bundan başqa, “Qətl planı”nda tamaşaçılar qətlə yetirilmiş Cümhuriyyət xadimləri, repressiya qurbanları və müasir dövrdə faciəvi şəkildə dünyadan köçən ziyalılar, alimlər, ictimai-siyasi xadimlər barədə ətraflı məlumatlar əldə edəcəklər.

Ssenari müəllifi İlqar Fəhmi, quruluşçu rejissoru Ramil Ağasiyev olan yeni televiziya layihəsinin quruluşçu operatoru Fahir Səmədoğludur.

“Qətl Planı” fevralın 25-i 21:30-da AzTV-də yayımlanacaq.
ALDP dünya ölkələri və beynəlxalq təşkilatlara müraciət edibALDP beynəlxalq təşkilatları və dövlətləri Xocalı soyqırımını cinayət aktı kimi tanımağa çağırır

Azərbaycan Liberal Demokrat Partiyasının (ALDP) Xocalı soyqırımının 29-cu ildönümü ilə əlaqədar bəyanat qəbul edib.

Bəyanatda deyilir:

1992-ci il fevral ayının 25-dən 26-na keçən gecə Azərbaycanın Qarabağ bölgəsində yerləşən Xocalı şəhərində erməni faşist-terrorçu dəstələri və keçmiş sovet ordusunun 366-cı motoatıcı alayının şəxsi heyəti tərəfindən Xocalı soyqırımı törədilib. Xocalı soyqırımı zamanı şəhərin dinc əhali xüsusi qəddarlıqla qətlə yetirilib. İnsanlığa qarşı törədilmiş bu dəhşətli cinayət əməli nəticəsində 613 nəfər dinc azərbaycanlı qətlə yetirilib, onlardan 63-ü uşaq, 106-sı qadın, 70-i qoca olub. Eyni zamanda, 487 nəfər dinc sakin ağır yaralanıb, 1275 nəfər girov götürülüb. Bu soyqırım nəticəsində 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Xocalı faciəsi erməni faşistlərin və onların havadarlarının Azərbaycan xalqına qarşı yönələn işğal, etnik təmizləmə və soyqırımı siyasətinin növbəti dəhşətli nümunəsidir.

Ermənistan tərəfindən insanlıq əleyhinə törədilmiş bu dəhşətli cinayətlər nəticəsində insan hüquq və azadlıqlarının müdafiəsi sahəsində mövcud olan beynəlxalq sənədlərin, o cümlədən 1949-cu il Cenevrə Konvensiyalarının, Soyqırımı cinayətinin qarşısının alınması və cəzalandırılması haqqında Konvensiyanın, İşgəncələrə və digər qəddar, qeyri-insani, yaxud ləyaqəti alçaldan rəftar və cəza növlərinə qarşı Konvensiyanın, İrqi ayrı-seçkiliyin bütün formalarının ləğv edilməsi haqqında Konvensiyanın, Uşaq hüquqları haqqında Konvensiyanın və İnsan hüquqlarının və əsas azadlıqlarının müdafiəsi haqqında Avropa Konvensiyasının tələbləri kobud şəkildə pozulub.

Dünya dövlətlərinin gözü qarşısında baş verən Xocalı soyqırımı təkcə Azərbaycan xalqına qarşı deyil, eyni zamanda bəşəriyyətə qarşı törədilmiş cinayətdir.
Soyqırımın törədilməsindən 29 il keçməsinə baxmayaraq, beynəlxalq ictimaiyyət tərəfindən lazımi siyasi və hüquqi qiymət verilməyib və bu cinayəti törətmiş şəxslər hələ də məsuliyyətə cəlb edilməyib.

ALDP bir daha beynəlxalq təşkilatları və dövlətləri Xocalı qətliamını törətmiş cinayətkarların ədalət mühakiməsi qarşısında cəzalandırılması üçün onu soyqırımı və bəşəriyyətə qarşı törədilmiş cinayət aktı kimi tanımağa çağırır.

Qeyd: Bəyanat BMT-nin Baş Katibinə, BMT-nin Təhlükəsizlik Şurasına, BMT-nin İnsan Hüquqları üzrə Ali Komissarına, BMT-nin Qaçqınlar üzrə Ali Komissarına, BMT-nin İnsan Hüquqları Şurasına, Human Rights Watch, Amnesty İnternational, CARE International, Danish Refugee Council, Norwegian Refugee Council, International Alert, International Bridges to Justice, Save the Children International, Transparency International, World Vision, NDI, Avropa Parlamentinin bir sıra üzvlərinə və ALDP-nın əməkdaşlıq etdiyi xarici ölkəlırin partiyalarına göndərilib.
Ermənistanda hərbi qiyam? Ordu Nikolun istefasını tələb etdiErmənistan ordusunun Baş Qərargahı Baş nazir Nikol Paşinyanın istefasını tələb edib.

Axar.az xəbər verir ki, bu barədə “Sрutnik Ermənistan” məlumat yayıb.

Bəyanatı Baş Qərargahın rəisi Onik Qasparyan, onun bütün müavinləri, idarə rəisləri, o cümlədən iri hərbi birliklərin komandirləri imzalayıb.

Bəyanatda qeyd edilir ki, Baş Qərargah əsassız və hədəfi olmayan qərarlara, o cümlədən Baş Qərargah rəisinin müavininin işdən azad edilməsinə etiraz edir.

Hərbçilər bildirib ki, Tiran Xaçatryanın vəzifədən azad edilməsi milli və dövlət maraqlarına görə deyil, sırf şəxsi ambisiyalarla əlaqədardır.

“Bu qərar antidövlət və məsuliyyətsiz addımdır”, - bəyanatda bildirilib.

Bəyanat müəllifləri baş nazirin və hökumətin mövcud krizis vəziyyətində adekvat qərarlar qəbul etmək iqtidarında olmadığını elan edib:

“Silahlı Qüvvələr uzun müddət hazırkı hakimiyyətin orduya qarşı fəaliyyətinə dözümlü yanaşdı, ancaq hər şeyin həddi var. SQ öz borcunu ləyaqətlə yerinə yetirib, xalqla birgə düşmənlə üzbəüz vuruşub. Hazırkı hakimiyyətin effektsiz idarəetməsi və xarici siyasətdə uğursuzluğu ölkəni məhvə aparır”.

Bəyanatı ordunun 40-dan çox yüksək çinli zabiti imzalayıb.

Qeyd edək ki, Nikol Paşinyanın müharibə vaxtı "İsgəndər"lərdən atılan raketlərin 90 faizinin partlamadığını bildirməsi rezonansa səbəb olub. Baş Qərargah rəisinin müavini Xaçatryan isə Paşinyanın bu sözlərini qeyri-ciddi adlandırmışdı.

Xaçatryanın bu cür cavabından qəzəblənən N.Paşinyan ötən gün onu vəzifəsindən azad etmişdi.
Erməni xalqı küçələri bağladı - Paşinyan gedənə qədər...Ermənistanda müxalifətin hökumət əleyhinə kütləvi etirazları yenidən başlayıb.

Publika.az xəbər verir ki, nümayişçilər küçələri bağlayaraq nəqliyyatın hərəkətinə mane olub.

Fəallar "Nikolsuz Ermənistan" şüarları səsləndirir.

Daşnaksütyun Partiyasının üzvü Gerasim Vardanyanın sözlərinə görə, etiraz aksiyaları Nikol Paşinyan və komandası hakimiyyətdə olduğu müddətcə davam edəcək.

Xatırladaq ki, Qarabağla bağlı üçtərəfli bəyanat imzalandıqdan sonra Ermənistanda baş nazir Nikol Paşinyanın rəhbərlik etdiyi hökumətin istefası tələbi ilə etiraz aksiyaları başlayıb. Bir sıra müxalifət qüvvələri hökumət başçısı vəzifəsinə Vətənin Xilası Hərəkatının lideri Vazgen Manukyanın namizədliyini irəli sürüb. Müxalifət hökuməti istefaya göndərməyi, müvəqqəti hökumət qurmağı və sonra erkən seçki keçirməyi təklif edir.

Öz növbəsində, hökumət ilin sonunda Nazirlər Kabinetinin istefasını gözləmədən bu il növbədənkənar parlament seçkilərinin təşkili təklifi ilə çıxış edib. Müxalifət qüvvələri onların nəticələri saxtalaşdıracağına inanaraq bu seçimlə razılaşmayıb. Nəticədə Paşinyanın komandası erkən seçki fikrindən imtina edib.

Texniki Peşə Liseyinin direktoru saxlanıldıBərdə rayonunda təhsil müəssisəsinin direktoru həbs edilib.

Avrasiya.net Trend-ə istinadən xəbər verir ki, hüquq-mühafizə orqanları əməkdaşları 105 saylı Bərdə Texniki Peşə Liseyində əməliyyat keçirib.

Əməliyyat zamanı liseyin direktoru Şamil Şükürov korrupsiya faktı ilə bağlı saxlanılıb.

Əməliyyat zamanı liseyin mühasibinin də saxlanıldığı bildirilir.
Bakıda xüsusi çörəklərin qiyməti qalxdıAzərbaycanda soyuq hava şəraiti çörəyin qiymətinə də təsirsiz ötüşməyib.

Avrasiya.net Yenisabah.az-a istinadən xəbər verir ki, yolların buz bağlaması səbəbilə təkcə bir günlük - ötən gün yaşanan çörək qıtlığı bu gün çörəyin qiymətinin qalxmasına səbəb olub.

Belə ki, dünənə kimi 1,30 manata satılan “doyumluq təndir lavaş”ının qiyməti bu gün 1,54 manat olub.

İçərisində 10 ədəd olan “dönər lavaş”ının qiyməti isə 1,20-dən 1,44-ə yüksəlib.

Qiymət artımı baton çörəklərində də müşahidə edilib. Belə ki, 400 qram olan doğranmış baton çörəyi ötən gün 55 qəpik idisə, bu gün 70 qəpiyə satılır.