Azərbaycan Ermənistana elə bir ağır zərbə vurub ki...44 günlük müharibənin Azərbaycanın qələbəsi bu gün Ermənistan hakimiyyətini hələ də qorxu, çaxnaşma, qarşıdurma içində saxlamaqla yanaşı, acı etiraflara səbəb olub. Erməni xalqı baş nazir Paşinyanı dalana dirəyib, istefasını tələb edir. Səbəb – acı məğlubiyyət, minlərlə erməni gəncin ölümü, itkilər, Paşinyanın xalqını aldatması, üstəgəl sosial-iqtisadi durumun gündən-günə ağırlaşmasıdır. 30 il özünü “qalib” kimi hiss edən işğalçı ölkə 44gün içində Azərbaycan qarşısında diz çökdü. Bu acı məğlubiyyət Ermənistanı parçalnmaya gətirib çıxarıb, ölkə yeni ili faciələrlə qarşılayır.

Başda Paşinyan olmaqla, hakimiyyət rəsmiləri Ermənistanda əsaslı sosial, iqtisadi böhranın, xalqın gərgin mənəvi-psixoloji duruma düşdüyünü, ölkədə daxili qarşıdurmanın pik həddə çatdığını etiraf edirlər.

Mövzuyla bağlı Azərbaycan Liberal Demokrat Partiyasının sədri (ALDP) Fuad Əliyev BayMedia-ya açıqlamasında bildirib ki, Azərbaycanın müzəffər ordusunun işğalçıya üzərində qələbəsi bu gün bütün dünya erməniləri və onların havadarlarını hələ də şokda saxlamaqdadır: “İnanmırdırlar, ağıllarına belə gətirə bilmirdilər ki, Azərbaycan 44 gün ərzində işğal edilən bütün ərazilərini terrorçulardan təmizləyəcək. Okeanın o tayında da, bu tayında da rəsmi Bakının münaqişənin hərb yolu ilə həll edə biləcəyinə və bu məqsədlə riskə gedəcəyinə inanmırdılar. Amma Azərbaycan bunu sübut etdi, gücünü, iradəsini ortaya qoydu. Xalq-hakimiyyət-ordu birliyinin, həmrəylinin nəticəsində 30 il işğal altında saxlanılan bütün ərazilərimizdə Azərbaycan bayrağı dalğalandı. Bu qələbə uzun illər Ermənistanı və onu himayə edən dövlətləri təşvişdə saxlayacaq”.

ALDP sədri qeyd edib ki, Sovet İttifaqı dağılandan bu yana işğalçı Ermənistanda həyat heç də öz axarıyla getməyib. Ölkə iqtisadi, sosial çətinliklərlə üzləşib, demoqrafik balans kəskin pisləşib. Ermənistanda gənclər arasında işsizlik yüksək səviyyədə olub, əhalinin artım tempi isə azalıb. Ermənistan əhalisinin sayı növbəti illərdə daha da azalacaq. Buna səbəb ölkədə yoxsulluğun səviyyəsinin artması, ölkə iqtisadiyyatının çökməsidir. Hazırda Ermənistanın xarici dövlət borcu ümumi daxili məhsulun 60 faizindən çoxdur. Bu isə ölkə iqtisadiyyatının tənəzzülü deməkdir. Bundan başqa, Azərbaycanla müharibədə Ermənistana bir neçə milyard ABŞ dolları civarında ziyan dəyib və bu da ölkə iqtisadiyyatını tamamilə dalana sürükləyib. Ölkə əhalisi vəziyyətdən çıxış yolunu yenə də ölkədən qaçmaqda, başqa dövlətlərdə iş axtarmaqda görür.

Müharibədəki məğlubiyyət və cəmiyyətdə yaranmış xaos, qorxu insanların xaricə axınını daha da artırıb: “Həmişə xalqına yalan vədlər verən hakimiyyət indi acı həqiqətləri etiraf etməyə başlayıb. Ermənistan prezidenti Armen Sarkisyan minlərlə gəncin ölümünün həm cəmiyyət, həm də onların ailələri üçün faciə olduğunu dilə gətirib. Bu faicə təkcə insan itkisi ilə deyil, bütün sahələrdə Ermənistanı cənginə alıb. Səhiyyə, maliyyə, iqtisadi, psixoloji, humanitar və s. - bütün sahələrdə böhrandır. Ağır məğlubiyyət yükünü təkcə Ermənistanın bugünkü nəsli deyil, gələcək nəsil də daşıyacaq. Ermənistana elə bir ağır zərbə vurulub ki, 15-20 ilə çətin özünə gələ bilsin. Ermənistanın bu duruma düşməsinin əsas səbəbi isə onun rəhbərlərinin apardığı işğalçılıq siyasəti, Azərbaycanın məqsədyönlü siyasi kursu və möhtəşəm qələbəsidir”.

Fuad Əliyev bildirib ki, bu vaxtadək Ermənistana demokratik düşüncəli insan rəhbərlik etməyib. Onun sözlərinə görə, terror siyasəti yürüdən ölkənin rəhbərləri də heç vaxt azad fikirli, humanist, sülhpərvər ola bilməzlər: “Ermənistanın ilk prezidenti Levon Ter-Petrosyan1988–ci ildən Qarabağı Azərbaycandan qoparmaq üçün erməni millətçilərinin yaratdığı "Qarabağ komitəsi"nin üzvü və "Erməni İctimai Hərəkatı"nın rəhbərlərindən biri olub.

Robert Köçəryan da 1988-ci ildən Qarabağda erməni millətçilərinin başlatdığı “Miatsum” hərəkatına qoşulub və bir müddət sonra separatçıların liderlərindən birinə çevrilib.

Köçәryan azərbaycanlı əhaliyə qarşı qırğınlar törədən Qarabağ ermənilərinin və erməni diasporunun təşkil etdiyi silahlı dəstələrə başçılıq edib.
Köçəryandan sonra Ermənistanda hakimiyyətə gələn Serj Səkisyan da 1989-cu ildən 1993-cü ilə kimi separatçı "Dağlıq Qarabağ Respublikası"nın özünümüdafiə qüvvələri komitəsinə rəhbərlik edib. Bu gün isə işğalşı ölkənin başında Paşinyan durur. Həbsdə olan bu adam inqilab yolu ilə hakimiyyəti ələ keçirib. Paşinyan da Ermənistanda Qarabağ hərəkatı zamanı 1988-ci ildə tələbə etirazları, yürüşləri və nümayişlərini təşkil edib. Fikir verin, bu şəxslər nə ölkələrinə, nə də ermənilərə bir xeyir gətirməyiblər. İnsanların faciəsi üzərindən hakimiyyəti ələ keçiriblər, Azərbaycan torpaqlarının işğalında iştirak ediblər, azərbaycanlılara qarşı soyqırım həyata keçiriblər. Belələri heç vaxt dövləti demokratik yolla idarə edə bilməzdilər. Çünki təfəkkürlərinə terror, işğalçılıq siyasəti hopub. Bu gün Ermənistanın acınacaqlı duruma düşməsində onların rolu böyükdür”.

Fuad Əliyevin fikrincə, terrorçu, küçədən gətirilən “lider”lərin hakimiyyəti zəbt etməsi bu gün Ermənistanı fəlakətlə üz-üzə qoyub: “Çıxış yolu, məğlubiyyətdən nəticə çıxarmaqdır. Ölkədə demokratik seçkilər keçirilməlidir, Ermənistan qonşularla münasibətlərini normallaşdırmalıdır, işğalçılıq siyasətindən, torpaq iddialarından əl çəkməlidir, kölə olmamalıdır, başqa dövlətin əlinə baxmamalıdır. Amma fikrimcə, bu Ermənistan üçün ağır prinsiplərdir. Çünki, ermənilər başqa dövlətlərin qoltuğuna sığınmadan ayaq üstə dura bilməzlər”.
Ordumuz Hadrutda ermənilərə icazə vermədiBu gün Azərbaycan Ordusu erməni meyitlərini axtaran erməniləri və Qırmızı Xaç Komitəsinin nümayəndələrini Hadrut ərazisinə buraxmayıb.

Axar.az xəbər verir ki, bu barədə erməni mediasına açıqlamasında axtarışı aparan ermənilər bildiriblər.

Onlar qeyd ediblər ki, olay bu gün baş verib:

“Üç axtarış dəstəsi Hadruta getdi, ancaq Azərbaycan Ordusu icazə vermədi”.

Qeyd edək ki, 27 dekabrda 6 erməni terrorçusu Ordumuza qarşı təxribat həyata keçirib və bir əsgərimiz şəhid olub. Bunun ardınca Azərbaycan xüsusi təyinatlıları aktiterror əməliyyatına başlayıb və 6 terrorçunun 6-sı da məhv edilib.

Buna görə də ermənilərə Hadrut istiqamətində meyitlərini axtarmağa icazə verilməyib.

14 noyabrdan Azərbaycan Ordusu bütün döyüş meydanlarında rahat axtarış aparması üçün ermənilərə imkan yaratmışdılar. Məhz bunun sahəsində ermənilər bu vaxta qədər 1111 erməni meyitini meydanlardan toplaya biliblər.
Teymur Rəcəbov 1/4 finala vəsiqə qazandıOnlayn formada keçirilən blits şahmat üzrə “Airthings Masters” turnirində iştirak edən azərbaycanlı qrossmeyster Teymur Rəcəbov yarışın üçüncü günündə 3 qarşılaşma keçirib.

"Report" xəbər verir ki, Uesli So (ABŞ), Maksim Vaşye-Laqrav (Fransa) və Pentala Harikrişna (Hindistan) ilə üz-üzə gələn Rəcəbov bütün görüşləri heç-heçə ilə başa vurub.

Xal hesabını 6-ya çatdıran 33 yaşlı şahmatçı ilkin mərhələdə 5-ci pilləni tutaraq, 1/4 finala vəsiqə qazanıb. .

Qeyd edək ki, turnir 2021-ci il yanvarın 3-də başa çatacaq.

Bayram günlərində rayonlara getmək istəyənlərin - Diqqətinə!Koronavirus (COVID-19) infeksiyasının yayılmasının qarşısının alınması məqsədilə bəzi şəhər və rayonlarda tətbiq edilmiş sərtləşdirilmiş xüsusi karantin rejimi ilə əlaqədar həmin inzibati ərazilərə giriş-çıxış yalnız müvafiq ezamiyyə vərəqələri və ya “icaze.e-gov.az” portalına daxil edilmiş məlumatlar əsasında həyata keçirildiyindən son vaxtlar, xüsusilə Bakı, Sumqayıt şəhərlərinin və Abşeron rayonunun ərazisində yaşayan və işləyən şəxslərin kütləvi şəkildə ailə üzvləri ilə birgə məhz həftəsonu və ya bayram qabağı ezamiyyə adı ilə respublikanın ayrı-ayrı bölgələrindəki istirahət zonalarına getmələri müşahidə olunur.

Bu barədə Avrasiya.net-ə Baş Dövlət Yol Polisi İdarəsindən məlumat verilib.

Bildirilib ki, verilən icazədən sui-istifadə hallarının qarşısının alınması məqsədilə DİN Baş DYP İdarəsi bir daha hərəkət iştirakçılarının nəzərinə çatdırır ki, həftənin şənbə və bazar, habelə bayram günləri fəaliyyət göstərməyən xidmət sahələrində çalışan işçilərə müvafiq ezamiyyə vərəqələrinin verilməsinə və ya “icaze.e-gov.az” portalına bu barədə məlumatların daxil edilməsinə baxmayaraq, həmin şəxslər ezam olunduqları ərazilərə həftəsonu gedəcəkləri təqdirdə sərtləşdirilmiş xüsusi karantin rejimi tətbiq edilmiş inzibati ərazilərin sərhədlərində yerləşən xüsusi karantin postlarından buraxılmayacaqlar.

"Qeyd olunanları və azyaşlı övladları ilə digər regionlara getməyə cəhd göstərən şəxslərin karantin postlarından qaytarılmalarının uşaqlara mənfi təsir göstərə biləcəyini də nəzərə alaraq, infeksiyanın geniş yayılmaması üçün belə səfərlərə çıxmaq fikrindən daşınmaları tövsiyə olunur", - məlumatda deyilir.

Azərbaycanda yoluxma 772-yə düşdü - daha 39 nəfər öldüAzərbaycan Respublikasında koronavirus (COVID-19) infeksiyasına 772 yeni yoluxma faktı qeydə alınıb, 3048 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, COVID-19 üçün götürülən analiz nümunələri müsbət çıxmış 39 nəfər vəfat edib.

İndiyədək ölkədə ümumilikdə 215 483 nəfərin koronavirus infeksiyasına yoluxması faktı müəyyən edilib, onlardan 172 019 nəfər müalicə olunaraq sağalıb, 2 538 nəfər vəfat edib, aktiv xəstə sayı 40 926 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 9 502, ötən müddət ərzində isə ümumilikdə 2 163 064 test aparılıb.

Erməni deputat aksiyaçılarla əlbəyaxa oldu - VideoErmənistan Milli Məclisinin binasının qarşısında etirazçılarla Mənim Addımım blokunun deputatı Sisak Qabrielyan arasında dava düşüb.

Bu barədə “Nyus.am” məlumat yayıb.

Vətəndaşlardan biri millət vəkilinin avtomobilinə yaxınlaşaraq, “Mükafat üçün gəldiniz” deyə soruşub.

Qabrielyan maşından enib. Vətəndaş ona eyni hərəkətlə cavab verən millət vəkilini itələyib. Daha sonra tərəflər arasında dava başlayıb. Sisak Qabrielyan vətəndaşları təhqir edib və onlardan birinin üzünə zərbə endirib.

Bir müddət sonra millət vəkili maşına minərək uzaqlaşıb. Vətəndaşlar deputatın avtomobilini və özünü yumurta atəşinə də tutub.

İnsidentlə əlaqədar xuliqanlıq maddə ilə cinayət işi başlanıb.
Misirdə Həmrəylik Günü münasibətilə tədbir keçirilib“Vətənpərvər” Misirdəki Diaspor Təşkilatları Birliyinin təşkilatçılığı ilə 31 dekabr - Dünya Azərbaycanlılarının Həmrəylik Günü münasibətilə tədbir keçirilib.

Tədbir Azərbaycan Respublikasının Dövlət Himni səsləndirilərək və Vətən müharibəsi şəhidlərinin əziz xatirəsi bir dəqiqəlik sükutla yad edilərək başlanılıb.
Çıxış edən “Vətənpərvər” Misirdəki Diaspor Təşkilatları Birliyinin sədri, tədqiqatçı-alim Seymur Nəsirov diaspor üzvlərini Azərbaycan Ordusunun Vətən müharibəsində şanlı Qələbəsi və Dünya Azərbaycanlılarının Həmrəylik Günü münasibətilə təbrik edib.

S.Nəsirov qeyd edib ki, 30 ilə yaxın işğal altında qalan torpaqlarımız Azərbaycan Prezidenti, Silahlı Qüvvələrin Müzəffər Ali Baş Komandanı İlham Əliyevin müdrik siyasəti və böyük sərkərdəlik məharəti sayəsində azadlığa qovuşub. O deyib: “İndi xarici ölkələrdə, o cümlədən Misirdə yaşayan hər bir azərbaycanlı qüdrətli və qalib xalqın nümayəndəsinə xas böyük qürur hissi keçirir. Artıq burada keçirilən tədbirlərdə heç kim bizə torpaqlarımızın niyə hələ işğal altında olduğu sualını verə bilməyəcək. Biz Müzəffər Ali Baş Komandanın rəhbərlik etdiyi Azərbaycanın vətəndaşlarıyıq və bununla fəxr edirik. Prezident İlham Əliyev yeni əsrdə torpaqları düşmən işğalından azad edən sərkərdə kimi adını tarixə qızıl hərflərlə yazdırıb”.

2020- ci ildə diaspora fəaliyyətindən danışan S.Nəsirov diqqətə çatdırıb ki, xalqımızın zəngin mədəniyyətinin və tarixinin Misirdə və qonşu ölkələrdə təbliği istiqamətində xeyli iş görülüb. Vətən müharibəsi günlərində isə yerli mətbuatda məqalələr dərc etdirilib, habelə Misir parlamentinin üzvləri, dini və ictimai təşkilatların nümayəndələrinə mütəmadi olaraq məlumatlar çatdırılıb.

Dost ölkənin dini qurumlarının rəhbərləri və ictimai-siyasi xadimləri şanlı Qələbə münasibətilə Prezident İlham Əliyevə təbrik məktubu ünvanlayıblar. Diaspor üzvləri də sosial şəbəkələrin ərəb dilindəki seqmentində xalqımızın ədalətli mövqeyi haqqında statuslar, foto və videomateriallar paylaşıblar. Diaspor fəaliyyətinin daha bir mühüm istiqaməti Azərbaycanın Qahirədə təhsil alan əcnəbi və yerli tələbələr arasında təbliğidir.

S. Nəsirov Azərbaycanın təbliğində xüsusi fəallıq göstərən diaspora nümayəndələrinin adlarını qeyd edərkən, Azərbaycan dilini könüllü şəkildə tədris edən diaspora fəalı İnərə Osmanovanın adını xüsusilə qeyd etmişdir.

İ. Osmanova dörd ildir ki, dünyanın ən qədim universitetlərindən sayılan əl-Əzhər Universitetində Azərbaycan dilini könüllü şəkildə tədris edir. Bu müddət ərzində 500 dən çox misirli tələbəyə dilimizi tədris etmişdir. O, eyni zamanda Qahirədəki diaspora mərkəzimizdə Azərbaycan dili müəlliməsidir.
Prezident yeni yolun açılışında iştirak etdiAzərbaycan Respublikasının Prezidenti İlham Əliyev Bakı-Quba-Rusiya Federasiyası ilə dövlət sərhədi avtomobil yolunun 7,5 kilometrliyindən Masazır dairəsinədək olan hissəsinin yenidən qurulması çərçivəsində görülən işlərlə tanış olub.

Avrasiya.net xəbər verir ki, dövlət başçısı “Şimal-Cənub” beynəlxalq nəqliyyat dəhlizinin tərkib hissəsi olan Bakı-Quba-Rusiya Federasiyası ilə dövlət sərhədi yeni avtomobil yolunun 30 kilometrlik birinci hissəsinin açılışında da iştirak edib.

Qeyd edək ki, Prezident İlham Əliyevin rəhbərliyi ilə Azərbaycanda son illərdə mühüm sosial və iqtisadi əhəmiyyəti ilə seçilən infrastruktur layihələri həyata keçirilir. Bunlar ümumilikdə ölkəmizin iqtisadi potensialını möhkəmləndirir, əhalinin sosial vəziyyətinin daha da yaxşılaşdırılması istiqamətində aparılan işlərə böyük töhfə verir. Dövlətimizin başçısının sərəncam və tapşırıqlarına uyğun inşa olunan Bakı-Quba-Rusiya Federasiyası ilə dövlət sərhədi avtomobil magistralı yol infrastrukturu layihələrinin genişlənməsi, onların daha da müasirləşdirilməsi istiqamətində atılan növbəti mühüm addımdır. Bu layihə çərçivəsində yolun 7,5 kilometrliyindən Masazır dairəsinədək olan hissəsinin yenidən qurulması başa çatıb.

Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov işlərin icrası ilə bağlı dövlətimizin başçısına məlumat verdi. Layihə çərçivəsində Xırdalan dairəsinin altından keçən avtomobil tuneli genişləndirilib. Hər bir istiqamət üzrə əlavə tunellər inşa edilib. Bundan başqa, yenidənqurma işləri zamanı Xırdalan dairəsinə qalxan və düşən hissələrdə iki hərəkət zolaqlı yol inşa olunub. Görülən işlər bu istiqamətdə yaranan tıxacların qarşısının alınmasında, avtomobillərin hərəkətinin intensivliyinin, sürücülərin və sərnişinlərin təhlükəsizliyinin təmin edilməsində mühüm rol oynayır.

Layihəyə uyğun olaraq Bakı-Quba-Rusiya Federasiyası ilə dövlət sərhədi avtomobil yolunun Xırdalan dairəsi yaxınlığında yeni dəmir yolu körpüsü də tikilib.

Qeyd edək ki, bundan əvvəlki körpünün texniki göstəriciləri avtomobillərin normal və təhlükəsiz hərəkətinə mane olurdu. Ona görə də həmin körpünün sökülərək əvəzində yeni, müasir standartlara cavab verən körpünün inşası ilə bağlı qərar qəbul edilmişdi. Layihənin icrası şəhərin bu hissəsində tıxacların qarşısının alınmasında, qatarların hərəkətinin təhlükəsizliyində böyük rol oynayacaq.

Prezident İlham Əliyev “Şimal-Cənub” beynəlxalq nəqliyyat dəhlizinin tərkib hissəsi olan Bakı-Quba-Rusiya Federasiyası ilə dövlət sərhədi yeni avtomobil yolunun Xızı rayonunun Yaşma və Giləzi qəsəbələri arasında yerləşən 30 kilometrlik birinci hissəsinin açılışında da iştirak edib.

Uzunluğu 150 kilometr olan yeni yol 4 hərəkət zolaqlıdır. Hazırda yeni magistralın Şabran rayonunun Gəndob kəndi və Qusar rayonunun Samur qəsəbəsi arasında yerləşən hissəsində tikinti yekunlaşmaq üzrədir. Yeni istiqamət üzrə inşa edilən bu magistral avtomobil yolu əvvəlkindən 13 kilometr qısadır. Yolun qalan hissələrinin gələn ilin ikinci yarısında yekunlaşdırılması planlaşdırılır. Yeni avtomagistrala Giləzi yaşayış məntəqəsi, Siyəzən və Şabran rayonları, həmçinin Quba-Xaçmaz avtomobil yolu ilə kəsişən ərazidən yol qovşaqları vasitəsilə daxil olmaq mümkündür. Yeni magistral avtomobil yolundan istifadə üçün ödənişin hər kilometr üçün yük və minik avtomobillərinə görə fərqli məbləğdə olması nəzərdə tutulub. Bu yolun inşası beynəlxalq nəqliyyat əməkdaşlığı baxımından strateji önəm daşıyan “Şimal-Cənub” beynəlxalq nəqliyyat dəhlizinin səmərəliliyini daha da artıracaq. Yolun inşası Azərbaycanın layihədə iştirak edən ölkələrlə iqtisadi əməkdaşlığının daha da genişləndirilməsinə xidmət edəcək. Bundan başqa, yeni avtomobil yolunun tikilməsi nəqliyyat xidmətlərini daha da yaxşılaşdırmaqla yanaşı, bölgədə turizmin inkişafına əlavə təkan verəcək, dəhlizlə yük və sərnişin daşımalarında əsas rol oynayacaq.
Azərbaycanda koronanın yeni əlamətləri aşkarlandıİstər əcnəbi, istərsə də yerli mütəxəssislər COVİD 19-un qarşıdakı zamanlarda daha da kəskin şəkildə yayılacağı, ümumi vəziyyətin daha da pisləşəcəyi barədə müxtəlif açıqlamalar verirlər.

Yeni koronavirusun bəzi əlamətləri artıq Azərbaycanda da aşkar olunmağa başlayıb. Bunlardan biri dəri tutulumudur.

Məsələ ilə bağlı Milli.az-a danışan həkim Ramin Cavadov 55 yaşlı kişinin xəstəxanaya müraciət etdiyini deyib.

“55 yaşlı kişinin bilinən xəstəliyi yoxdur. 10 gün öncə 38.3 dərəcə qızdırma, halsızlıq, iştahasızlıq və ardından bədəndə döş qəfəsi, qarın boşluğunun ön yan tərəfində, qollarda və ayaqlarda çox olmaqla ağrısız və qaşıntısız qabarıq ləkələr görülüb. Qastroenteroloqa müraciət edilib, testlər istənilib və sonra Herpes Zoster (HZ) (kərmərvari dəmrov) düşünülərək valtrex başlanılaraq dermatoloqa yönləndirilib. Dermatoloq HZ deyil, vaskulit düşünərək konsultasiya istədi.

Xəstənin anamnezini dərinləşdirdiyimiz zaman COVİD-19 şübhəsi oyandı, müayinədə təzyiq 130/80, ağciyər səslərində kobudlaşma görüldü. Xəstə qan analizi və KT nəticəsi ilə gəldiyində (3 gün sonra) ləkələr iz buraxmadan solmuşdu. KT-də 8% buzlu şüşə görüldü, COVİD +, crp 45, AST 335, ALT 45, GGT 1250, ALP 1300, HGB 16, kreatinin 0.6, sidiyin ümumi analizi normal, ANCA, COVİD-19 dəri tutulumu düşünüldü, uyğun müalicə yazılaraq 10 gün sonra kontrol məsləhət görüldü.

COVİD-də hər şey ola bilər. İnsanın bütün orqanizmində bu xəstəliyin əlamətini müşahidə etmək mümkündür”, - həkim bildirib.

TƏBİB-in İnfeksion xəstəliklər üzrə İşçi qrupunun üzvü Natiq Əliyev isə COVİD-in başqa bir əlamətindən danışıb.

"COVİD-19 xəstəsi var ki, onda 2 gündü konyuktivit, şikayәt başlayıb. Sadәcә gözdә qızartı, sulanma ilә hәrarәt 37.0-37.5 olur. 5 gün öncә testi pozitiv gәlib, yanaşı xәstәliyi yoxdur, COVİD 19-la bağlı ağciyәrlәrdә bir problem görülmәdi. Sadәcә xәstәnin bu şikayәtlәri var", - N.Əliyev bildirib.