Məktəb direktoruna özünə ad günü keçirdiyinə görə şiddətli töhmət verilibSosial şəbəkələrdə 187 saylı tam orta məktəbin direktoru Nailə Məmmədovanın karantin qaydalarını pozaraq özünə ad günü məclisi təşkil etməsi ilə bağlı görüntülər yayılıb.

Bakı Şəhər Təhsil İdarəsindən verilən məlumata görə, Bakı şəhəri 187 nömrəli tam orta məktəbin direktoru Nailə Məmmədova ölkə üzrə tətbiq olunan xüsusi karantin rejiminin tələblərini pozması səbəbilə intizam məsuliyyətinə cəlb edilib və ona təhsil nazirinin əmri ilə Azərbaycan Respublikası Əmək Məcəlləsinin müvafiq maddəsinə əsasən, sonuncu xəbərdarlıqla şiddətli töhmət verilib.
İran Azərbaycana təşəkkür etdiİran OPEK+ çərçivəsində aktiv iştirakı və mövqeyinə görə Azərbaycana təşəkkür edir.

Avrasiya.net xəbər verir ki, bunu İranın neft naziri Bijən Zəngənə Azərbaycanın energetika naziri Pərviz Şahbazovla görüşdə deyib.

B.Zəngənənin sözlərinə görə, Azərbaycanla İranın münasibətləri yüksək səviyyədədir və bu münasibətlər daha da inkişaf edəcək: "Dünyanın neft bazarında OPEK+ çərçivəsi və addımları effektivdir. Neftin qiymətini münasib səviyyədə saxlamağa nail olacağımıza ümid edirəm".

Görüşdə Azərbaycanın energetika naziri Pərviz Şahbazov deyib ki, hazırkı şəraitdə bazarın qiymətinin yaxşılaşdırılması üçün OPEK+ çərçivəsi münasib mexanizmdir. Bu mexanizmin daha effektiv olması üçün onu genişləndirmək lazımdır.

Şahbazov əlavə edib ki, aprel ayında neft bazarının qarşısında duran problem OPEK+ mexanizmi ilə həll edildi.
Ölkəmizdə daha 41 nəfər koronadan öldüAzərbaycan Respublikasında koronavirus (COVID-19) infeksiyasına 2284 yeni yoluxma faktı qeydə alınıb, 4392 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, COVID-19 üçün götürülən analiz nümunələri müsbət çıxmış 41 nəfər vəfat edib.

İndiyədək ölkədə ümumilikdə 205 877 nəfərin koronavirus infeksiyasına yoluxması faktı müəyyən edilib, onlardan 147 199 nəfər müalicə olunaraq sağalıb, 2 294 nəfər vəfat edib, aktiv xəstə sayı 56384 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 15 221, ötən müddət ərzində isə ümumilikdə 2 088 358 test aparılıb.

Paşinyana ULTİMATUM: Hakimiyyəti 18:00-a kimi təhvil ver!Ermənistan müxalifəti baş nazir Nikol Paşinyanın istefasını tələb edir.

Avrasiya.net Ermənistan KİV-nə istinadən xəbər verir ki, müxalifət saat 18:00-a qədər hakimiyyətin onlara təhvil verilməsi barədə iqtidardakı “Mənim addımım” parlament fraksuyasının üzvlərinə vaxt veriblər.

Həmin saatdan sonra hakimiyyətin konstitusion yolla “Vətənin Xilası Komitəsi”nə təhvil verilməsi barədə müzakirələr aparılmalıdır.
Naxçıvan-İran qatarı yenidən fəaliyyətə başlaya bilərNaxçıvan Muxtar Respublikası ilə İran arasında sərnişin qatarının tezliklə yenidən fəaliyyətə başlaması ilə bağlı müzakirə aparılır.

Avrasiya.net xəbər verir ki, bunu İranın yol və şəhərsalma naziri Məhəmməd Eslami İranın şimal-qərbində Şərqi Azərbaycan vilayətində Təbriz-Səhənd avtomagistral yolunun istismara verilməsi ilə əlaqədar tədbirdə deyib.

M.Eslaminin sözlərinə görə, İran və Naxçıvan arasında dəmiryol xətti böyük əhəmiyyət kəsb edir.

O, əlavə edib ki, Təbriz dəmiryolu xətti Avropa və Şimali Qafqazla əlaqə qurmaq üçün çox münasib yoldur:

“Son vaxtlar bununla əlaqədar İran, Azərbaycan və Rusiya arasında üçtərəfli anlaşma əldə olunub”.

Qeyd edək ki, Naxçıvan-İran sərnişin qatarları koronavirusla əlaqədar fəaliyyətini dayandırıb.
Sabiq hakim ittiham edildi:100 min manatlıq dələduzluq...Vətəndaşlara qarşı külli miqdarda dələduzluqda təqsirli bilinən sabiq hakim barəsində cinayət işi başlanıb.

APA xəbər verir ki, uzun müddət Bakı Apelyasiya Məhkəməsinin və Suraxanı rayon Məhkəməsinin hakimi olmuş Lətif Ədil oğlu Nəbiyev külli miqdarda dələduzluqda ittiham edilir.

Cinayət işi üzrə iki nəfər zərərçəkən şəxs qismində tanınır. Belə ki, L. Nəbiyev iş düzəltmək adı ilə vətəndaşlara qarşı 100 min manatdan artıq dələduzluq etməkdə təqsirli bilinir.

L. Nəbiyev barəsində Cinayət Məcəlləsinin 178.3.2-ci (dələduzluq, külli miqdarda ziyan vurmaqda) maddəsi ilə ittiham verilib.

Cinayət işi üzrə ibtidai istintaq başa çatıb, cinayət işinin materialları baxılması üçün Gəncə Ağır Cinayətlər Məhkəməsinə göndərilib.

Cinayət işi hakim Elmin Rüstəmovun icraatına verilib.

Qeyd edək ki, 2008-ci ildə Məhkəmə-Hüquq Şurasının qərarı ilə L. Nəbiyev statusundan və vəzifə səlahiyyətlərindən istifadə etməklə korrupsiya hüquqpozmasına yol verdiyinə görə intizam məsuliyyətinə cəlb edilməklə səlahiyyətlərinə xitam verilib. Daha sonra Prezidentin sərəncamı ilə vaxtından əvvəl hakimlikdən azad olunub.

Komitə sədri növbəti onlayn görüşünü Siyəzən seçiciləri ilə keçiribMilli Məclisin Təbii ehtiyatlar, energetika və ekologiya komitəsinin sədri Sadiq Qurbanov seçiciləri ilə növbəti görüşünü Siyəzən rayonu Məşrif kəndi sakinləri ilə keçirib.

Avrasiya.net xəbər verir ki, öncə müzəffər orfumuzun işğalçı Ermənistan üzərində qazandığı qələbəmizdən söz açılıb, ölkəmizin ərazi bütövlüyü uğrunda şəhid olanların xatirəsi yad edilib, yaralılara Allahdan şəfa dilənib. Seçicilər qələbə münasibətilə Ali Baş Komandan İlham Əliyevə təşəkkürlərini bildiriblər.

Daha sonra S.Qurbanov ölkədə aparılan iqtisadi, sosial layihələrlə bağlı seçiciləri qısa məlumatlandırıb. Bildirib ki, bu layihələr çərçivəsində bölgələrimizdə də uğurlu işlər həyata keçirilir. Millət vəkili qeyd edib ki, təmsil etdiyi Şabran və Siyəzən rayonlarının ucqar kəndlərində mövcud olan sosial problemlər həll olunmaq üzrədir. Bir çox kəndlərə içməli su verilib, qazla təmin olunub, yollar asfaltlanıb.

S.Qurbanov bu layihələrin davamlı olaraq həyata keçiriləcəyini qeyd edib və əhalinin sosial rifahının yaxşılaşdırılması istiqamətində hökumətin apardığı siyasətin bölgələrdə rəğbətlə qarşılandığı, dəstəklədiyini vurğulayıb.

Məşrif kənd sakinləri də Prezident İlham Əliyevin iqtisadi, sosial siyasətini dəstəklədiklərini bildiriblər. Kənd sakini Əlpaşa müəllim kəndlərinə qazın çəkilməsinə görə ölkə başçısına təşəkkür edib. Qeyd edib ki, hər gün 15-20 evə qaz çəkilir, həftənin sonuna kimi bütün evlər qazlaşdırılacaq.

Kəndin bir hissəsində su probleminin həll olunmasına görə kənd icra nümayəndəsi Kənan müəllim, bələdiyyənin sədri Qoşqar müəllim əziyyəti olan hər kəsə təşəkkürlərini bildiriblər.

Hərəkatın beynəlxalq konfransına 3 qitədən diaspor nümayəndələri qatıldıAzərbaycan Vətəndaş Hərəkatı (AVH) “Azərbaycan diasporunun bu günü və sabahı” mövzusunda zoom üzərindən beynəlxalq konfrans keçirib.

AVH İdarə Heyətinin üzvü Azər Həsənsoyun sədrliyi ilə keçirilən konfransda, AVH İdarə Heyətinin üzvü, siyasi şərhçi Mübariz Göyüşlü çıxış edib. M.Göyüşlü Hərəkatın yaradılma məqsəd və məramından, gördüyü işlərdən, keçirdiyi tədbirlərdən, ziyalıların fəaliyyətini koordinasiya etməsindən, verdiyi bəyanatlardan, etdiyi müraciətlərdən ətraflı bəhs edib. O, konfransın məqsədinin indiyə qədər görülən işlərə qısa nəzər salmaq, bundan sonrakı fəaliyyətlərdə bir-birinə yardım edə bilmək üçün koordinasiya qurmaq olduğunu bildirib.

Ukrayna Azərbaycanlıları Radasının Dnepr təşkilatının sədri Eldar Tağıyev təmsil etdiyi ölkədə koordinasiyanın Diasporla İş üzrə Dövlət Komitəsinin dəstəyilə həyata keçirildiyini söyləyib. O, Qarabağ məsələsindən söz açaraq, daim bu mövzuda təbliğat apardıqlarını, aktiv çalışmalar həyata keçirdiklərini qeyd edib.

QALA Yunanıstan-Azərbaycan Dostluq Cəmiyyətinin sədri Rəşid Məmmədov 44 günlük II Qarabağ müharibəsiylə bağlı apardıqları təbliğatdan, diaspor işinin görülməsi üçün maddi və mənəvi dəstəyin vacibliyindən söz açıb. R.Məmmədov ümumi diaspor birliyini saxlamaq, Azərbaycanın inkişafına dəstək olmaq üçün əllərindən gələni edəcəklərini söyləyib.

Türkiyədə Çağdaş Azərbaycan Dərnəyinin sədr müavini Mürtəza Karaçanta Qarabağ mövzusunda Azərbaycan diasporunun qardaş ölkədə aktiv fəaliyyət göstərdiyini qeyd edib. O, birlikdə həyata keçirilən çalışmaları gücləndirməyin, diaspor işini genişləndirməyin vacibliyindən söz açıb.

Antalya-Azərbaycan Mədəniyyət və Həmrəylik Mərkəzinin sədr müavini Ceyran Səttarova fəaliyyət göstərən qurumların bir-birinə rəqib deyil dəstəkçi olmasının vacibliyindən danışıb. O, səfirlik və konsulluqla, Azərbaycanın rəsmi qurumları ilə əlaqələri sıxlaşdırmağın önəmini vurğulayıb.

Qazaxıstanın Nursultan şəhərindən tələbələr Raya Salahlı və Nihal Kərəmova gördükləri işlərdən danışaraq, təbliğat üçün hazırladıqları videoroliki göstəriblər.

ABŞ-da fəaliyyət göstərən Azərbaycan Birliyi təşkilatının prezidenti Fərhad Ələkbərzadə diasporun Azərbaycan dövlətindən maliyyə almasına qarşı çıxaraq öz daxili imkanları ilə bunu etməli olduğunu qeyd edib. O, Amerikada Azərbaycana dəstək istiqamətində tvitterdə, mediada apardıqları aktiv təbliğatdan və gördükləri işlərdən danışıb.

ABŞ-da San-Fransisko şəhərində yaşayan Saleh Kazımov Azərbaycandakı 44 günlük Vətən müharibəsindən, ABŞ-da azərbaycanlıların aktivləşməsi istiqamətində məsələlərdən söz açıb.

Hollandiya Azərbaycan Evinin rəhbəri Elxan Mirhəşimlidən sonra Türkiyədə yaşayan jurnalist Oktay Hacımusalı çıxış edib. O.Hacımusalı media qurumlarının aktiv təbliğat aparmasından, qarşılıqlı koordinasiyanın vacibliyindən, ictimai rəyə daha çox təsir etmək imkanlarından danışıb.

Diaspor Fəaliyyətinə Jurnalistlərin Dəstəyi ictimai birliyinin sədri Fuad Hüseynzadə ermənilərin II Qarabağ müharibəsini uduzduqdan sonra da aktiv şəkildə çalışmalar apardıqlarını deyib. F.Hüseynzadə bu səbəbdən təbliğat üçün yeni strategiya müəyyən olunmasının vacibliyindən, media imkanlarının gücləndirilməsindən, siyasi və akademik elita ilə aktiv işləməyin vacibliyindən söz açıb.

Rusiyada, Moskva vilayətində fəaliyyət göstərən Nicat İlyas burada diaspor işinin çətinliyindən, daha çox iş görülməli olmasının vacibliyindən bəhs edib.

Azərbaycan-İtaliya Gənclər Assosiasiyasının sədri Emin Rüstəmov İtaliyanın ölkəmizə dəstəyinin artdığını qeyd edib. O, təmsil etdiyi qurum və oradakı diasporumuz tərəfindən İtaliyada aparılan təbliğatdan danışıb.

Polşadakı Azərbaycan diasporunun rəhbərlərindən olan Saleh Sabili gördükləri işlərdən, xüsusilə tələbələrlə həyata keçirilən fəaliyyətlərdən bəhs edib. O, görülən işlərə əcnəbilərin cəlb edilməsinin vacib olduğunu söyləyib.

Ukraynanın Krivoy-Roq şəhərindəki Azərbaycan diaspor rəhbəri Kəmaləddin Ağayev gördükləri işlərdən, Türkiyənin Sakarya Universitetinin müəllimi Ahmet Yeşil diaspor və lobbi fəaliyyətlərinin qarışıq salınmasının yanlışlığından bəhs ediblər.

AMEA-nın əməkdaşı Pərviz Qasımov 11 il əvvəl müzakirə edilən məsələlərin hələ də gündəmdə olmasını yanlış addım kimi qiymətləndirib. Alim təklif edib ki, fərqli strategiya seçilsin, fərqli taktika ilə fəaliyyət həyata keçirilsin.

AVH-nin Məclis üzvü, tarixçi alim Taleh Cəfərov diaspor təşkilatı üzvlərinin olduqları ölkələrin cəmiyyətinə inteqrasiya olunmalarından, Diasporla İş üzrə Dövlət Komitəsinin əməkdaşı İlqar Məcidli səslənən önəmli təklif və fikirləri qeyd etdiyini, AVH-nin İdarə Heyətinin üzvü, tarixçi alim Hacı Həsənov dəyərli təkliflərin qeyd edildiyini bildiriblər. H.Həsənov təklif edib ki, Vətəndaş Hərəkatının təşkilatçılığı ilə diaspor fəallarının iştirak etdiyi Koordinasiya Mərkəzi yaradılsın.

Qeyd edək ki, tədbirdə eyni zamanda Antalya-Azərbaycan Mədəniyyət və Həmrəylik Mərkəzinin üzvü, Kanal B-nin “Sizə salam gətirmişəm” proqramının rejissoru və aparıcısı Sevil Çakar, Mərkəzin baş katibi Yusif Sadıqov, Mərkəzin üzvü, sənətçi Vüsalə Alıçı, Türkiyədən tələbələr Sürəyya Qasimi, Əli Həmzəzadə, Gürcüstan Gənclərinə Yardım və Maarifləndirmə Dərnəyinin sədri Musa Hacıyev, AVH-nin İdarə Heyətinin üzvü Aydın Allahverdiyev, Məclis üzvləri Fərman Salmanlı, Elçin Xalidbəyli, Ceyhun Bayramlı, Azər Sərxanoğlu, Asim Kazımlı, Türkiyənin Sakarya Universitetinin doktorantı Allahverdi Mehdiyev, İstanbuldan Adil Hüseynov, Polşanın Varşava şəhərindən Kamal Babayev də iştrak və çıxış ediblər.

Yekunda bu cür tədbirlərin davamlı olaraq keçirilməsi, müxtəlif problemlərin və məsələlərin müntəzəm şəkildə müzakirəyə çıxarılması, gələcəkdə fəaliyyətlərin koordinasiyasının həyata keçirilməsi qərarlaşdırılıb.
Şəhid ailələri və qazilər üçün təsərrüfatlar yaradıldıƏmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən Göyçay və İsmayıllı rayonlarında da Vətən müharibəsi şəhidlərinin ailələri və bu müharibənin iştirakçıları üçün kiçik təsərrüfatlar yaradılıb.

Nazirlikdən Avrasiya.net-ə verilən məlumata görə, İsmayıllı rayonunda şəhid Əşrəf Məmmədovun atası Elman Məmmədov, şəhid Fuad Nəcəfovun həyat yoldaşı Rəmziyə Nəcəfova, şəhid Taleh Qənbərovun atası Abil Qənbərov, Vətən müharibəsində yaralanmış Baloğlan Bəşirov, Kamil Salmanov və Elnur Qasımov növbədənkənar özünüməşğulluq proqramına cəlb olunaraq mal və materiallar formasında aktivlərlə təmin edildilər.

Göyçay rayonunda isə şəhid Rüfət Mayılovun atası Bəhram Mayilov, şəhid Qüdrət Əzizovun atası Bəhruz Əzizov, şəhid Pərvin Məmmədovun həyat yoldaşı Urfanə Məmmədova, şəhid Ülvi Ağayevin atası Valeh Ağayev, şəhid Kənan Qafarovun atası Siyaqif Qafarov, Vətən müharibəsində yaralanan Rüstəm Məmmədovun anası Səxavət Məmmədova da aktivlərlə təmin olunublar.

Verilmiş aktivlər hesabına onların kiçik təsərrüfatları qurulub.
Daha bir jurnalistə vəzifə verildiAilə, Qadın və Uşaq Problemləri üzrə Dövlət Komitəsinə yeni mətbuat katibi təyin edilib.

Avrasiya.net xəbər verir ki, bu barədə ASAN Xidmətin mətbuat katibi Elnur Niftəliyev qeyd edib. O bildirib ki, komitənin yeni mətbuat katibi jurnalist Teymur Mərdanoğludur.

Qeyd edək ki, T.Mərdanoğlu "Lider” televiziyasında çalışıb.