Səməd Vəkilovun yeni kitabı şəhidlərimizə itihaf edilibHüquqşünas Səməd Vəkilovun “Azərbaycan folkloru nümunələrinin hüquqi qorunması (milli və beynəlxalq qanunvericilik sistemində)” kitabı çapdan çıxıb.

Kitab Azərbaycan Respublikasının Mədəniyyət Nazirliyinin maliyyə dəstəyi ilə “Azərbaycan xalqının qeyri-maddi mədəni irsinə yönəlik təhdidlərin aradan qaldırlması” layihəsi çərçivəsində AMEA-nın Folklor İnstitunun 07.02.2020-ci il tarixli Elmi Şurasının Qərarı ilə (Prtokol №1) cap olunub.

Kitab Azərbaycan xalqının milli-mənəvi dəyərlərinin əsasını təşkil edən folklorunun (qeyri-maddi mədəni irsin) hüquqi qorunmasından bəhs edir. Kitabda folklor nümunələrinin mühafizəsi, tədqiqi və gələcək nəsillərə çatdırılması problemi milli və beynəlxalq qanunvericilik konteksində araşdırılıb.

Kitabın elmi redaktorları professor Seyfəddin Rzasoy, ədliyyə nazirinin keçmiş birinci müavini hüquqşünas Aydın Kərimov, məsləhətçisi İctimai Televiziyanın Yayım Şurasının üzvü, folklorşünas Sevil Yusifovadır.

Kitab Azərbaycanın ərazi bütövlüyü uğrunda şəhid olmuş milli iftixarımız olan Azərbaycan əsgərlərinə itihaf edilib.
Zərif Bakıya gəlirİranın xarici işlər naziri Məhəmməd Cavad Zərif Bakıya səfərə gələcək.

Avrasiya.net xəbər verir ki, bu barədə İranın Xarici İşlər Nazirliyinin sözçüsü Səid Xətibzadə Tvitter hesabında məlumat verib.

O qeyd edib ki, səfər noyabrın 23-24-də baş tutacaq və Zərif Azərbaycanla yanaşı, Rusiyanı da ziyarət edəcək.

İranlı diplomatın Qarabağla bağlı müzakirələr aparacağı bildirilib.

Sexdə partlayış olub - AbşerondaAbşeronda sexdə partlayış qeydə alınıb.

Bu barədə Avrasiya.net-ə Fövqəladə Hallar Nazirliyinin (FHN) Mətbuat Xidmətindən məlumat verilib.

Bildirilib ki, hadisə rayonun Novxanı yolu, “Lukoil” yanacaq doldurma məntəqəsinin yaxınlığında yerləşən dəmir beton konstruksiya emalı sexində baş verib.

Belə ki, sexdə yanğınla nəticələn partlayış olub.

Əraziyə FHN-nin əməkdaşları cəlb edilib və yanğın söndürülüb.

Hadisə nəticəsində xəsarət alanlar da var.
Təhsil şöbəsinin müdiri vəfat etdi Göyçay rayon Təhsil şöbəsinin müdiri dünyasını dəyişib.

Avrasiya.net-in məlumatına görə, şöbə müdiri, 1965-ci il təvəllüdlü İsmayılov Elnur Siracəddin oğlu iş otağında olarkən qəfil halı pisləşib. Şöbə əməkdaşları onu təcili Göyçay rayon Mərkəzi Xəstəxanasına çatdırsalar da, şöbə müdirinin həyatını xilas etmək mümkün olmayıb. Həkimlərin səyinə baxmayaraq E.İsmayılov dünyasını dəyişib.
Deputatlar şəhid ailəsinə ŞOK HƏDİYYƏ GÖNDƏRDİ: Duş geli, ətir və... - FOTO/VİDEO

Milli Məclisin deputatı Anatoliy Rafailov Xaimoviç Füzuli istiqamətində gedən döyüşlərdə şəhid olan Azərbaycan Silahlı Qüvvələrinin kapitanı Aqil Məlikovun ailəsinə göndərdiyi sovqat qəzəbə səbəb olub.

Bu barədə şəhidin yaxın qohumu Səma Aydəmir məlumat yayıb.

O bildirib ki, şəhidin dəfnində iştirak etməyən, 53 saylı Quba-Qusar dairəsindən olan millət vəkili Anatoliy Rafailov şəhid ailəsinə “üzrxahlıq sovqatı” olaraq duş geli, şampun, ətir, antibakterial gel, makaron və düyü göndərib.

S.Aydəmir əlavə edib ki, şəhidin ailə üzvləri deputatın göndərdiyi bağlamanı bələdiyyəyə qaytarıb. Sonra isə Rafailovun köməkçisi yenidən xahiş-minnətlə bu paketi geri gətirib.
Deputatlar şəhid ailəsinə ŞOK HƏDİYYƏ GÖNDƏRDİ: Duş geli, ətir və... - FOTO/VİDEO
Deputatlar şəhid ailəsinə ŞOK HƏDİYYƏ GÖNDƏRDİ: Duş geli, ətir və... - FOTO/VİDEO
Məsələ ilə bağlı deputatın köməkçisi Məhsəti Əliyeva bildirib ki, şəhid ailəsinə göndərilən sovqata nələrin daxil olmasından Anatoliy Rafailovun xəbəri olmayıb: "Deputat, iş adamı Məşhur Məmmədov Anatoliy Rafailova da təklif etdi ki, sənin də dairəndən olan şəhid ailələrinə yardım edim. Məlum olduğu kimi, A.Rafailov iş adamı deyil, həkimdir, xalq arasından çıxmış insandı. Şəhərə giriş bağlı olduğundan Qubaya gedə bilmirik, həm də müharibə dövründə deputatlara kənara çıxmağa qadağa qoyulmuşdu. M.Məmmədov da dedi ki, mən sizinkilərə də yardım edib, sovqat göndərəcəyəm. A.Rafailov bu sovqatı ümumiyyətlə görməyib, təşkilatçılığı Məşhur müəllim edib. Düşünmürəm ki, bu hər hansı bir təxribat olsun. Amma bağlamaya ətir qoymaqla çox böyük səhv ediblər. Qubadakı köməkçi ilə əlaqə saxlamışam, deyir ki, bağlamada yağ, xurma, makaron, un, düyü və digər ərzaq məhsulları da var. 2 bağlama olub - məişət və ərzaq sovqatı. Bağlama Quba rayon İcra Hakimiyyətinə göndərilib. Orda da əlbəttə, icra nümayəndələri açıb, bağlamaya baxa bilməzlər. Hər iki sovqat Qarabağ uğrunda qələbədən sonra noyabrın 13-də göndərilib. Yəqin fikirləşiblər ki, sovqatın göndərilməyi qələbə ərəfəsinə düşdüyündən bu münasibətlə də şəhid ailəsini təbrik etsinlər. Çünki şəhid ailələri də qələbə xəbərinə çox sevinirdi. Tək bu ailəyə yox, bir neçə ailəyə eyni cür sovqat göndərilib. Yəni, bağlamalar yardım məqsədilə göndərilib”. (bakupost)
Müxalif seçkilərin ikinci turuna qatılmır"Milli Hərəkat 2020-ci il parlament seçkilərinin ikinci turunda iştirak etməyəcək. Partiya, tərəfdarlarını onları boykot etməyə və seçkilərin ikinci turunda səs verməməyə çağırır".

Aktual.ge-nin verdiyi xəbərə görə, bunu müxalif "Vahid Milli Hərəkat" partiyasının liderlərindən biri olan Xatia Dekanoidze deyib.

Onun sözlərinə görə, "Gürcü Arzusu-Demokratik Gürcüstan"ın sədri Bidzina İvanişvili, vətəndaşları konstitusiyaya əsasən səs vermək hüququndan məhrum etdi.

“Bütün tərəfdarlarımızı ikinci turu boykot etdiyimiz üçün səs verməyə getməməyə çağırırıq. Partiya, blokumuz və ikinci tura çıxan majoritaristlər adından danışırıq. Hər kəsi, partiyanın seçicilərini Bidzina İvanişvili Konstitusiyaya əsasən səs vermək hüququndan məhrum etdi. İkinci tura qatılmırıq və bu barədə hamımızın yazılı bəyanatlarımız var. Bu seçki deyil, bu oliqarxik hökumətin 31 oktyabrda törətdiyi cinayət əməlidir", - deyə X.Dekanoidze bildirib.

Müxalif lider etiraz aksiyalarının davam edəcəyinin altından xət çəkərək, genişmiqyaslı mitinqlərin və habelə 21 noyabrda zəncirvari aksiyaların olacağını deyib.

Qeyd edək ki, Gürcüstanın 17 birmandatlı dairələrində parlament seçkilərinin ikinci turu 21 noyabrda baş tutacaq.
Bu sahələrdə çalışan işçilərin sayı 30 faizədək azaldılır - QƏRARHəmçinin özəl sektorda və digər sahələrdə fəaliyyət göstərən qurum və təşkilatlara da işçilərin say həddinin 30 faizədək azaldılması və digər əməkdaşların məsafədən iş rejiminə keçirilməsi tövsiyə edilir.

Avrasiya.net xəbər verir ki, bu barədə Nazirlər Kabineti yanında Operativ Qərargahın məlumat yayıb.
Şok etiraf: Rusiya hər şey verdi, “İsgəndər”dən də atdıq...Dəfələrlə Ermənistan hərbi-siyasi rəhbərliyini Su-30CM almaqdan çəkindirməyə çalışmışam, amma onlar dinləməyiblər.

Axar.az xəbər verir ki, bunu Ermənistan Baş Qərargahının sabiq rəisi Movses Akopyan deyib. O, 2016-cı ildə bu məsələ müzakirə olunan zaman Serj Sərkisyanı buna inandıra bildiyini deyib.

Akopyan bunun yerinə bir neçə “Tor” kompleksinin alınmasının planlaşdırıldığını söyləyib. Bununla belə, Akopyan “Tor” sistemlərini aldıqdan sonra yerdə qalan vəsaitə Su-30CM-lərin alınmasıyla bağlı qərarın verildiyini qeyd edib:

“Onlar Rusiyanın qanunvericiliyini belə oxumayıblar. Orada deyilir ki, Su-30CM üçün olan silahlar, xüsusilə “hava-hava” raketləri digər dövlətlərə satılmır”.

Akopyan, həmçinin II Qarabağ savaşında Azərbaycana qarşı “İsgəndər” raketlərindən də istifadə edildiyini etiraf edib. Bununla belə raketlərin nə zaman və hansı nöqtəyə atıldığını açıqlamayıb.

Rusiyanın yardımına gəlincə isə Akopyan Moskvanın edə biləcəyi hər şeyi etdiyini bildirib.

O, Moskvanın Ermənistana İrəvanın arzuladığı hər şeyi verdiyini deyib.
Erməni generaldan ETİRAFLAR: “Döyüşlərin 5-ci günü artıq 1500 fərarimiz var idi”Ermənistan ordusunun general-polkovniki, sabiq Baş Qərargah rəisi Movses Akopyan geniş açıqlamalar verib.

Ermənistan KİV xəbər verir ki, o, Qarabağ döyüşləri sırasında ordudakı dəhşətli faktlardan danışıb.

“Döyüşlərin 5-ci günü artıq 1500 fərarimiz var idi. Onlar müəyyən ərazidə saxlanılır, onlara yemək payları ayrılırdı. Həmin fərarilər məqsədli şəkildə Ermənistana buraxılmırdı ki, insanlarda çaşqınlıq yaranmasın. Həmin fərarilər kim idi? Nəinki könüllülər, həmçinin, əsgər və zabitlər də bu siyahıda idi”.

Akopyan 2018-ci ilin mayında Paşinyan hakimiyyətə gələn zaman Baş Qərargah rəisi postuna ən hazırlıqsız generalı – Artak Davtyanı təyin etməsini pisləyib.

General-polkovnikin fikrincə, Paşinyan hökuməti Müdafiə Nazirliyi və Baş Qərargahda işçilərin sayı 3 dəfə artırılsa da, döyüş generallarının sayının azaldıldığını əlavə edib.

“Müdafiə Nazirliyinin Vahid İnformasiya Mərkəzi ictimaiyyəti cəbhədə baş verənlərlə bağlı məlumatlandırmalı idi. Qaydaya görə, belə Mərkəzlər 30% yalan və 70% doğru məıumat yaymalı idi. Amma bizim mərkəzin yalanlıarı 1005-i ötüb keçmişdi. Məhz buna görə, insanlar üçtərəfli razılaşma barədə eşidəndə belə çaşqınlıq yaranmışdı”.

Modern
Paşinyan arvadı ilə mübahisə edən generaldan necə qisas aldı? - TƏFƏRRÜATLARErmənistan ordusunun general-polkovniki Movses Akopyan baş nazir Nikol Paşinyanla bağlı insidenti xatırlayıb.

Movses Akopyan Xankəndinə gələn Anna Akopyanın ordunun əsas komanda idarəetmə mərkəzində qalmasına etiraz etdiyinə görə, təzyiqlərlə üzləşdiyini söyləyib.

“Paşinyanın yoldaşı Anna Akopyan general Samvel Babayanla birlikdə ordunun mərkəzi komanda idarəetmə məntəqəsində qalırdı. Mən hərbçilərin bu gərgin şəraitdə söyüş söyə bildiklərini anladığım üçün Anna Akopyandan bunkerdən çıxmağı xahiş etdim”.

General bundan sonra Yerevana - Müdafiə Nazirliyinə çağırılaraq komanda idarəetmə məntəqəsində bir daha görünməməsi barədə təlimat aldığını əlavə edib. Müdafiə naziri David Tonoyan bu göstərişi birbaşa Paşinyandan aldığını əlavə edib.

Movses Akopyan 2018-ci ildə “Tor” zenit raket kompleksi almağı planlaşdırdıqlarını deyib. Amma Paşinyan hakimiyyətə gələn kimi “Osa” sistemlərini almağöa üstünlük verdiyin əlavə edib.

“İndi desinlər, “Osa” sistemləri ilə neçə pilotsuz təyyarə vurublar? Heç bir dənə də vurmayıblar”-deyə general əlavə edib.

Xatırladaq ki, Movses Akopyan Ermənistan Müdafiə Nazirliyinin Nəzarət Xidmətinin rəisi olub.